龍城冰室

营业中

休息中

今日行經銅鑼灣，中午時間很隨心的選擇了這家茶記試試質素🤭平日1️⃣2️⃣點半左右到店，客人非常多，全場爆滿店內是新派茶記的裝修風格，座位較擠迫，但有沙發位坐得尚算舒服🆗店員們的服務態度卻是不錯，哥哥在很忙的情況下還很有幽默感的跟客人說笑，很親切😆==========🔹銀芽肉絲炒麵 $59 (熱飲+$6)上檯時有點驚喜，份量是超豐富的炒麵上鋪滿大量銀芽，韮王和肉絲炒麵底大小就跟碟的大小接近銀芽爽口，韮王新鮮，肉絲雖不是非常鮮味但也不是雪藏至沒味道的豬肉麵底四周是脆身香口的，吃得出蛋味來中間具芡汁部份的麵吸了汁變得腍身，能同時吃到兩種口感的炒麵芡汁略嫌較重味道，但吃後油膩感不重也不口渴加$6️⃣的🍋水有4️⃣片檸檬，檸檬沒有苦澀味👍🏻推介指數：8.5/10==========🔹瑞士雞翼3️⃣隻 $303️⃣隻連雞翼尖的瑞士雞翼，隻隻飽滿可能浸的時間較長加上調味時較重手，令雞翼偏鹹，但瑞士汁的味道是出色的由於雞翼大隻，所以雞翼肉質不算太滑但掛汁能力相當高以這個價錢有3️⃣大隻其實不算貴推介指數：7/10

今日心血來潮好想食焗豬扒飯，所以就去咗附近龍城冰室買外賣。餐牌明明寫下午茶係去到六點，應該係55蚊包嘢飲，不過最後埋單57蚊，唔知係咪因為外賣加錢呢。今日店內客人唔多，不過收銀都比較忙，因為佢哋好多外賣，所以有啲客人等得唔耐煩🙈但收銀姐姐都真係已經好努力了！個焗豬扒飯不過不失，啲豬扒幾冧下，所以好容易切。不過最深刻印象係真係好夠熱，因為我都係做住嘢食飯，做咗好一陣野之後再食都仲係熱，所以都幾滿意☺️

有次經過，想搵下早餐食，見到佢有炸菜米，所以先入去幫襯一下，因為我鍾意食炸菜，食完之後真心覺得炸菜唔錯，仲覺得同一般餐廳既炸菜好唔同，之後都有一直幫襯，好鍾意食佢既炸菜米，不過有一日食…突然發覺同平時食開既炸菜有唔同，冇平時咁好食，仲要燶燶地，我作為客人應該要有需要反映一下質素，然後埋單嘅時候，同收銀反映，收銀四眼個女人一D反應都冇，完全無視我，一個人既態度影響曬成間餐廳。野好食都冇用，態度差就唔得。

一於趁🌕介紹返間黃店💛比大家😝雖然喺荔枝角返工不過放工會黎呢頭同喺食嘢真係比較少難得今日出嚟呢邊最出名嘅就係蕃茄湯底對於我呢個我好鍾意蕃茄濃湯嘅人真係唔可以錯過！😍濃味道一流呀蕃茄湯底再配烏冬真食正正子因為好掛汁就算飲晒成個湯都唔過份🤤滑一滑 犇犇有禮 犇犇有禮入面有牛坑，腩崩沙腩同面頰肉因為食材用料比較多所以價錢都偏貴不過真係幾好食😋👍🏻滑一滑就係滑牛肉同滑蛋滑蛋份量都幾多同蕃茄湯底真係完美配搭💛

今次喺銅鑼灣做完運動，想補充下蛋白質，諗起之前食過龍城冰室早餐覺得唔錯，就試下佢下午茶啦！呢度下午茶好多選擇，因為今晚要食晚餐，就唔食粉麵飯，嗌左份瑞士汁雞脾配薯條。🍗🍟本來想試下香辣脆炸雞脾，不過侍應就提一提我要等20分鐘，而瑞士雞脾就5分鐘有得食！今次太肚餓，唯有下次再試炸脾啦！瑞士雞脾夠哂入味，好食！😋 薯條跟左兩包茄汁，係茶記薯條嘅味道，夠脆口不過就要自己落鹽。奶茶就澀左喲，勉強飲左半杯就頂唔順。呢餐一個人黎食，食左$42，雞脾係好食嘅，下次再黎銅鑼灣搵食，再黎試下其他野食啦！😉

夜晚九點想搵地方食嘢，經過呢間冰室諗住入去捧下場。本身揀咗個位因為太大冷氣所以未坐低之前就轉一轉另一邊嘅卡位，禮貌地同職員講一聲，然後有一位職員就”提醒”我哋:坐低咗就冇得轉位㗎啦！我哋就話明白嘅明白嘅，3個人坐低咗叫餐，叫咗咕嚕肉、酸菜魚、薯仔牛柳粒。叫湯嘅時候，怕佢落錯單所以重複咗講多一次:要羅宋湯啊唔該。於是有一個唔知係老闆定係職員嘅人態度不友善地：係呀頭先咪講咗囉你•食物方面，酸菜魚佢嘅魚幾滑，但係湯底偏鹹。咕嚕肉都還可以，味道幾好味。薯仔牛柳粒，牛柳就唔係咁靚，味道一般。•整體而言唔會再去食，其實我哋都係想餐飯姐，唔該前唔該後，冇諗住好似受氣咁，態度真係差到一個點。

我來到通常係買佢架包，大個抵食，好過好多連鎖麵包店，真係有麵包師傅係度搓麵團焗麵包，新鮮呢！今日買左菠蘿紅豆包，大大個比一般麵包店大50% ，以$10 來講真係無得輸啦好多紅豆餡，但紅豆餡我個人認為偏甜，食到一半好快覺得滯啦！行開都喜歡買來做breakfast and afternoon tea !菠蘿皮又香甜，好食呀，港式麵包係正架！佢架菠蘿包同雞尾包都好食，有餡架包料多實在，食過真係唔會再去d 連鎖店買空氣吧

叫咗外賣，入去講埋單號，冇人理掛住吹水，自己對單號準備取餐，拎起袋外賣，有個樓面衝出黎話要對單號先可以拎，大聲凶我，喝狗一樣嘅態度，平時收銀會叫自己對返岩單號就可以取，尼位大嬸幫龍倒米，絕對沒有下次

喺外賣平台叫咗兩盒飯外賣 但係外賣平台系統問題以致地區出錯 由九龍分店自動跳咗去銅鑼灣分店 喺落咗order一分鐘後見到有錯立刻致電銅鑼灣分店表示系統有誤並要求取消訂單重新叫過份外賣或轉為九龍分店自取 店員話兩間分店唔同冇得轉九龍店拎外賣 仲立即表示已煮好並可領取 完全唔make sense 一分鐘前先落order俾錢 一分鐘後就話煮好可以拎 店員態度好差 淨係係咁話冇得改冇得改 唔轉得 已經煮好哂要掉咗去 冇得取消 前後一分鐘就煮完兩盒飯

有個女職員勁冇禮貌我叫左外賣我未到仲要鬧我好食…但我唔會再係佢地到買野食…價錢又唔好又平又抵食咁既禮貌我去第二間食好過！個女職員仲要同我講佢呢d唔係冇禮貌真係好想退錢唔要d外賣😡😡😡😡😡😡

銅鑼湾分店收銀阿姨，態度極之惡劣，去过2次外卖自取，阿姨根本沒有禮貌，不重要，重点惡死騰騰，好似杀左佢老豆一样，对待客人，此分店永世不会去。其实这家店食物質素对得住價格，味道也可以，可惜收銀阿姨真係难顶。

同朋友做完運動，黎到銅鑼灣嘅龍城冰室醫肚。下晝4點幾，當然係揾揾下午茶餐牌有咩食啦。下午茶有成36款選擇，有多士、三文治、粉麵、港式茶餐，望左一輪決定嗌個平平地嘅自選雙拼粉麵。1. 沙嗲牛肉拼炒滑蛋配米粉睇賣相，比我預期中要頹好多，純粹係一個米粉底，再pak個炒滑蛋同沙嗲牛喺面，冇其他配菜。感受到香港嘅物價有幾高，下午茶畀39蚊食個頹到爆嘅麵。食落口就係咁，唔抱咩期望，正正常常，蛋有蛋味、沙嗲牛有牛味，同埋沙嗲牛真係份量少左d。2. 熱咖啡熱咖啡比較難飲，好苦澀，已經唔係多唔多奶、重唔重咖啡味嘅問題，而係成個味道都唔太啱，真心唔推介大家黎呢間茶記飲咖啡。埋單每人48蚊，對我黎講，已經唔係抵唔抵食嘅問題，用料頹到根本唔值餐牌上嘅價錢，所以唔推介大家黎食。

隨便入一間冰室，意料之外！牛仔骨豬扒配薯菜2塊大牛仔骨勁有牛味！！！大豬扒外脆內嫩👍🏻👍🏻👏🏻但兩者相比之下都係牛仔骨更勝一籌！～配薯菜本來以為係薯條之類，原來係薯蓉薯蓉入邊係配左沙律醬…..食唔慣，味道有啲怪，酸酸地反而同薯蓉唔夾。酸菜魚酸菜湯底非常之入味，酸酸辣辣，五味花椒帶點香！美中不足反而係魚肉，魚肉份量非常少。魚肉應該係普通魚柳，但呢個價錢都唔會預佢係新鮮貨。個酸菜湯底撈飯都好正～～～*推介熱飲都大杯金銀菜湯，有誠意，成碗飲晒

服務態度超級差，宵夜時段入去，想叫2人餐，明明個餐牌寫明17點半至23點包例湯或羅宋湯，但點餐時店員竟然話：「先 到 先 得」餐牌真係無寫明「先到先得」，員工又態度超級差。本身諗住餐湯賣曬，可能太夜，我地轉食宵夜都無所謂啦，點知……就黎料……好嬲叫左2個宵夜餐，其中一個意粉𥚃面竟然有蟲 (唔記得影相)，個店員竟然同我地講隻有腳嘅蟲係黑椒(重點係個意粉係蒜蓉汁)，然後講「 咁你係咪唔要喇？」……我地當然唔要啦有蟲喎😣 (佢問還問，態度仲差過譚x姐姐）放工想食個宵夜開心下，點解要咁對我😭😭個意粉收走左之後，收據被收走去改，改完又好冇禮貌感隊返張收據我地，睇一睇，杯OT當單點收費……收成22蚊，感點解唔問下我地想改食咩？😢係茶餐廳，唔可以要求太高，但係咁嘅服務，入去之前請三思……😫

坐收銀嘅女人 對咩人都黑晒口面。言語難形容，有撞過佢嘅師兄應該知我講邊個。純粹食完飯拎張單去俾錢，乜都冇對佢做過，但佢啲語氣都差到，仲要啤住你(唔係我only，留意到佢對個個都係咁)最慘鋪面又唔係打晒仗咁忙，你話如果忙到痴線搞到你好嘈，咁我都體諒吖。。講真，咁嘅格唔好做服務業，返後台執貨啦