龍島 (朗豪坊)

营业中

休息中

一直知道有龍島美食店的存在，自己倒是沒有來過這類朱古力專門店買野，硬是覺得很貴很貴的。幸得開飯送來的50元現金劵，令我有機會吃到朱古力專門店的朱古力了。換購前幾日，已在龍島的網站做了功課，網站資料詳盡，除列出所有產品外，連每樣貨物的價錢都列得清清楚楚的，好讓客人預先盤算好所買的，值得一讚。去到龍島，門口的小姐笑容滿臉的歡迎我們外，還立即問我們要不要試吃新產品，相當’識做’。最後我買了sugar free系列中的燕麥牛奶朱古力，要了兩排，附上現金劵補多2元便可以了。包裝盒都相當精美，朱古力一排分成12小粒，味道方面，牛奶味較重，相信sugar free是有做到的因為真的不太甜膩，加上滿滿的燕麥片，除增加咬口，亦對健康帶點幫忙吧，而質地尚算滑但當然可以做得更幼滑了。食用日期只有一個月，是沒有加防腐劑的証明吧﹖

上星期收到Openrice寄o黎o既$50.00龍島禮券,到13-7-2009 Mon男友o黎開呢o度,就去睇睇.佢睇中呢款果仁朱古力,佢話要加$2X.00,真係好貴啊.咁我o地打開先,個環保袋內裡有一層錫紙,袋中又一個軟膠當乾冰用(但佢可以循環再用),開埋個罐,罐頂特厚加強蜜封,裡面o既朱古力亦被兩個膠袋包著兼有乾燥劑.終於拎到出o黎食喇,咬落去,包住粒囷仁o既朱古力好軟滑,味道適中,唔太甜o岩o岩好.而粒果仁係極脆,好味.多謝Openrice o既禮物.

收到OR 信封，喜見有一張$50龍島禮券！咁啱去開langham place，一於去換點正野食。要了一罐hazelnut truffle~個罐好靚，圓筒形，金色的！一罐內有2小包。一小包太約有18粒。細細粒，一口一粒。外層的truffle 厚度適中，非常軟滑，入口即溶；朱味香濃，又不會太甜。中間的hazelnut 超新鮮！ 喺朱古力內，好少可以食到咁新鮮ge hazelnut！咬落超香脆，pok pok 聲！hazelnut 味道濃。

母親大人生日我奉命要去買蛋糕, 諗到我頭都痛埋~~我即刻衝落去朗豪坊, 睇下有咩蛋糕款擇好? 先行左Pappagallo, 太多芝士款啦, 母親大人唔喜歡食. 再行Strawberry Forever, 又好似無咩款好選擇. 最後行埋龍島, 竟然比我發現有楊枝金露蛋糕 – 是我母親大人最喜歡既甜品。個Sales 都話呢款蛋糕係新出款式, 而且仲做緊優惠,買磅裝蛋糕送1罐朱古力零食, 有兩款可以揀:　１款係杏仁朱古力爆谷，另一款係朱古力脆片。仲有得試左先揀。聽埋呢個優惠我便係要買啦~最後我就擇左杏仁爆谷朱古力(價值HK$78), 買完之後返去酒樓食飯啦楊枝金露 – 個個都話好味呀. 好香芒果味道, 蛋糕裡面有芒果粒及粒粒金柚. 母親大人好歡喜呀, 仲話可以encore添。杏仁爆谷朱古力 – 超好味呀~ 外層用左牛奶朱古力包圍著1粒已舖上焦糖既杏仁+爆谷, 好香脆呀。包裝都ok 呀, 個黃色罐仲可以留住比自己用添。值得推介。

因為個罐好型黑色加黃蓋, 加上張相吸引我買呢罐朱古力。Sales 話係新野, 好薄好脆ga wor ~仲比我試左一塊. 真係脆 wor..好suprise!番去開黎睇真D真係好薄lor , 我買ge 係薄荷味, 一開個鍚紙袋已經有少少薄荷味飄出黎.個樣勁似薯片, 可能因為薄同埋佢加左d 好幼ge 脆米,所以食落係脆ge. 好得意!

之前我係《OpenRice優秀開飯熱店大賞2009》拎左特別獎...送: 龍島美食店 $100現金券尋日見出開去...咪去買埋囉...$100/100g..1蚊1g真係幾貴下...我買左$105..好彩都係補5蚊ja但係$105..得果9粒..好貴牙我簡左cheese chocolate...同埋好多...不過唔知咩名....cheese choco 幾好食..不過其他有果仁係入面..我唔食得.....而牙妹就覺得ok佢有d係Easter既choco...要成$13蚊1粒...但係就好得意...不過唔俾用現金券買...所以最後我都冇買到

昨天經過朗豪坊..原本想去買蛋糕食, 但太多間舖頭啦. 都唔知去邊間買至好。行下行下去到龍島, 睇緊佢d蛋糕之餘, 店務員好nice咁比一粒朱古力給我試食。佢話係新產品。我當然唔會錯過可以食朱古力啦~ 食落去口感好特別, 佢外層係一層"酸"粉<--都ok酸, 但食食下又feel到好濃郁黑朱古力...食到最後原來係荔枝味的啫喱糖, 估唔到又幾好味wor。除左荔枝味, 仲有青蘋果, 士多啤梨及檸檬。HK$39 盒 價錢OK la... 最後我買左青蘋果味。 Yummy

是篇pending很久的食評，講開曲奇也寫一寫吧。Rocky road-非鬆脆又非濕潤軟身，質感略偏實，似餅乾多於曲奇；棉花糖與杏仁碎帶來的只是雜亂口感，而非美味化學效應。Double chocolate-朱古力碎不太多，餅身苦味偏重但朱古力味又不是很突出，想點呀?牛油果仁-牛油味不夠重，加上本身質感的缺失，不用說也不吸引。 感覺店方並未掌握到味道的甜濃度，以及質感的脆實感的平衡，是家不太推介的曲奇店。

藍梅芝士蛋糕的藍梅粒和其醬味道十分清新、芝士味亦夠重。現狀的我。吃它最好不過了；濃朱古力蛋糕重重的黑朱古力味，蛋糕質地很結實，不會出現散的情況，好！甜在心~手術後的外賣。窩心極了。許文俊謝謝你！

1.Rocky road $100/100g ~ 食畢整塊也不覺饇,真係很喜歡它內裡的果仁及棉花糖,又多又大粒.2.棒子拿破崙$26 ~ 見到它是全新配方便買來試試,但沒什特別呀

早幾天病了，男友不讓吃甜，今天終於可以吃啦。因為沒有試過這裡的cake，見賣相又不錯，就買一件試試。New york cheese cake($20)︰芝士味不算很濃，不過都可以接受。其實都算滑了，加上sour cream都不錯。只是略嫌size小了一點。店員服務態度很一般，有點趕客。

1.紐約芝士餅$16 ~ 質地不算實,芝士味亦不算濃,餅底亦不脆2.Truffle蛋糕$16 ~ 愛好朱古力者定會很滿足,那一層朱古力蛋糕,一層軟心朱古力,總共有七層,正!3.焦糖朱古力曲奇$8.5 ~ 這是軟曲奇,焦糖味蓋過朱古力味4.果仁朱古力$95/100g ~ 超正,每款nuts都很大粒

去旺角分店買朱古力食, 女店員好似乜都唔識, 唔知朱古力裡面o既餡, 要左兩粒gianduja truffles, 點知俾左dark truffles我, 都落左肚, 無辦法啦!