龍川上海料理

营业中

休息中

4點多， 係6點禁堂食前， 可以食返個下午茶☕️與友人一行2人， 各點了一個下午茶餐， 一個餐前小食同一甜點 首先上配餐的2 杯豆漿， 一凍一熱， 不會太甜， 也有豆味👌🏾然後是：口水牛𦟌-$40共有8片， 口水汁夠辣， 也帶有少少咸味， 牛𦟌也不會切得太薄，肉質不會煮得過龍而嚡熠熠。 主餐部分酸辣湯配水餃-$36酸辣湯用料也足， 有豆腐，菇及荀等。酸味十分突出， 只有少少辣味， 湯質是稠的那種。至於水餃，餃皮較接近上海口味， 比較厚實，而水餃餡料味道不會太鹹，肉質也吃得出新鮮有肉味👍🏽另一主餐擔擔麵（花生醬）配雲吞-$36湯底厚實，花生醬味很濃， 麵質正常， 但不太掛湯雲吞皮較水餃皮薄中間餡料跟水餃餡料差不多不會太重味， 肉質新鮮有肉味最後豆沙窩餅肉眼看起來不太差但佢只有餘温，也不是外脆內軟糯， 咬下去是韌韌的，有點咬不開，應該是一早做好， 放在保温櫃才得此效果雖然中間的紅豆餡不會太甜而感到膩， 但外皮的狀態令整體大打折扣

我平時無辣不歡今日下午同事抽起條筋要食上海麵。老實我真係好麻麻地，一直覺得啲花生醬湯好鬼怪。我老闆大力推薦，勉為其難叫一次，好彩有得揀大辣我叫咗雞翼花生湯大辣麵，雞翼，即炸，正，麵滑，湯底。。。搞錯！ 唔辣喎，但竟然好味，唔 “漏“ ，香，恰到好處。我竟然飲哂碗湯，好得人驚如果有彈牙粗麵就好其他同事：嫩雞麵，佢地話真係好嫩。（心邪嗰個請面壁）麻辣湯好辣（我有保留呀）老闆塊排骨可惜凍咗少少，唔凍會好好食豆漿：未夠香濃，但都好味。48蚊碗，有豆漿，仲想點？

點咗一個簡單嘅排骨上海粗炒；啲油本身已經唔靚，個麵好粉，加排骨用得太多鬆肉粉，根本食唔入口… 唔算太多人，但係一個炒麵，炒足25分鐘；同店員講聲等得有啲耐…佢話，炒麵要等㗎！差！

葵涌辦完事超肚餓臨急臨忙喺黃藍地圖搵到呢間上海菜，去到嘅時候有下午茶勁平即刻嗌返幾味醫醫個肚！首先要大讚係佢哋小籠包，即叫即蒸，除咗個摺位厚少少之外都皮薄餡靚，比啲技巧夾就唔會爛。一咬落去真係爆哂汁唔小心淥親個嘴，個人覺得就算唔點太多醋都好夠肉嘅鮮味，真心唔錯！而上海排骨炸粉唔太厚但都炸得好香脆，肉質鬆軟；花雕雞肉質好夠嫩，但可能因為係單骨關係更易入味導致酒味太濃，不過確係方便食用嘅！而上海麵軟硬度剛好，正正常常！臨尾仲有食多個上湯津白不過無影相，湯頭鮮甜，津白煮得再淋啲就更正啦！龍川食物款式夠哂多，價錢同味道都好唔錯，如果我係街坊一定會成日去食！

▪️上海排骨擔擔麵 ($44)我點左花生湯底小辣🌶 我係食得辣嘅人 所以覺得小辣好似唔辣🙊 個🥜湯底好香麻醬味麵質彈牙 但就唔係好掛到汁個排骨炸得酥脆 肉質唔會嚡我食左大半就覺得好飽同埋有少膩▪️👑龍川小籠包 (4隻) ($32)即叫即蒸！食嘅時候要小心湯汁 唔好淥親個小龍包有好多湯汁🤩 略嫌個皮有少少少少厚 但又正正因為塊皮厚少少 所以可以鎖住d湯汁😋 點埋d醋食更好味👍🏻▪️蒜泥白肉 ($40)佢用生蒜 所以會有少少微辣 好惹味 配埋青瓜絲食會減少油膩感▪️跟餐會送紙包飲品/凍白豆漿一杯我每次食擔擔麵都會飲豆漿🥛😚～-總括而言：係抵食嘅 值得一試😋但因為位置有d唔就腳 所以我未必會再去了-💰: $40-80/person

平時好少去葵興光輝圍嗰頭，淨係知呢度有間嘉寶🤪 機緣巧合下嚟到搵食，搵到呢間細細間嘅上海菜小店，夜晚食個飯都係50幾蚊，經濟實惠又好食～😋 上海排骨菜飯 配糖醋汁 $47上海菜嘅排骨即係豬扒，呢度嘅排骨炸得好香！個皮好脆，最正係皮同肉係黐埋一齊，豬扒唔可以話超鬆化但都有啲脂肪，所以食落唔嚡同唔乾，即叫即炸熱辣辣😝 個菜飯有好多菜，除咗菜之外仲有冬菇粒，不過唔知係咪因為冷氣吹住所以凍咗同啲飯都乾咗啲，扣咗少少分。😋 凍豆漿 跟餐+$7已經唔只一次去其他黃店叫豆漿會嚟咗支寫住中國製造嘅產品，呢支凍豆漿係香港製造，見到已經好開心🥳 呢支豆漿豆味重，仲要唔太甜😗聽講呢度嘅豆沙鍋餅、擔擔麵同埋酸辣湯都好正，一定會再去試😁

星期五晚上堂食大概6點幾，半滿叫左以下幾款：小籠包 ～ 皮薄多湯汁，滿足可以睇圖數下幾多摺，我掛住食冇數 紅油抄手 ～ 可能因太多野食，隔左陣先輪到食佢，浸到有啲咸，後尾食唔落 炸饅頭 ～ 睇圖可見佢係上炸下仍然白色，覺得可減低油膩感，不錯，很香很熱。我地二人為左衛生，麻煩店員比多碟煉奶我地，方便各自翻點，佢地都肯，冇額外收費 炸素春卷 ～ 欣賞！一向覺得春卷冇肉更清更好食 花雕醉雞翼 ～ 正常拍青瓜 ～ 清香雞絲粉皮 ～ 正常黑糖棗皇糕 ～ 即叫即蒸需等10分鐘，夠熱夠棗味，口感煙韌，欣賞小店佈置有良心仲有到會服務有機會都會支持下不過唔知香港人幾時可以開party？

疫情期間想食上海菜，於是外賣啲小食買返屋企食！紅油抄手大推！唔算好辣，唔嗜辣人士都可叫！佢個辣好香，唔算太油！啲汁勁入味！生煎包即叫即煎，新鮮出爐，熱辣辣！鍋貼煎得好香口，夾埋啲醋一齊食，正！素春卷份量比預期多，素春卷入面啲料好爽口，春卷炸到好脆，好香口！豆沙窩餅 唔會過甜，好味！整體黎講，啲上海菜都幾好食，而且店員態度都良好，價錢都唔算貴，值得encore！落完柯打預要等10分鐘左右，人多時可能會等更耐～但食物新鮮出爐，要等下都合理！

光輝圍呢間上海菜真心要俾Like小籠包、擔擔麵、排骨、年糕、粗炒、醉雞、酸辣湯等都有上枱熱辣辣，用料充足又入味龍川小籠包 $33/4隻 即叫即蒸，每隻都夠大粒，表皮唔會太乾，略有濕潤感皮薄煙韌，只係最頂偏厚，夾落去唔容易穿，可以鎮住肉汁小籠包配香醋好爽，一咬落去即有湯汁嗌出肉質嫩滑，湯汁同醋融合，鮮甜肉汁同香醋酸甜味足夠另湯汁較熱，要小心燙口麵底可配唔同湯底同小食上海排骨麵配酸辣湯底都係$50酸辣湯極惹味，質感較黏稠，令麵底更容易掛湯入口酸辣味豐富，調校得適中，唔會太淡又唔會太酸或太辣到嗆鼻癢喉，反而好開胃醒神，有地道感覺麵底滰乾水先放入酸辣湯底內，開頭乾到似糊，但原來係心思之一咁做先令麵底唔會出水，避免食到底時湯底愈食愈稀上海排骨亦炸得有特色，炸粉唔多輕脆，內裏嫩滑有肉汁龍川上海粗炒 $53 份量好充足，味道相對較淡炒得夠乾身，但醬汁唔太足夠，餡料都係偏淡，若加返多啲鹹香味會更好加適量辣椒醬就一流，辣椒醬同粗炒拌勻後，味道辣中帶甜，又唔會太辣，需要配搭醬汁先惹味飲品有黑豆漿同白豆漿黑豆漿係支裝似攞貨，來自正遠荳品，香港製造豆味足而鮮甜，但白豆漿比黑豆漿明顯幼滑，豆味濃郁唔會太甜，味道

晏晝過嚟呢間餐廳食，第一次是，叫咗佢個椒鹽豬扒，配上海擔擔麵多花生醬，另外叫咗個蒜泥肉飯，轉菜飯，再叫咗生煎包。最有驚喜係擔擔麵，因為擔擔麵啲花生醬有好多，而呢一隻面嘅味道係我食過咁多上海舖頭最好食嘅。值得推介

一早已經聽過光輝圍好多好嘢食不過第一次黎都要搵下黃色小店嘅友人原本就鐘情上海菜咁啱龍川又係黃色💛ok就試呢間🤟🏻.我地都算早到入面唔多人入去坐低就睇餐牌講真好多嘢想食又有醉雞，又有口水雞，再有紅油抄手。。。搞唔掂喎😕😕😕.由於天氣太熱我地都叫左冷麵我就叫牛展麻醬冷麵友人就叫雞絲麻醬冷麵我地都要辣嘅！配埋餐飲凍豆漿而小食最終只係揀左一樣蒜泥白肉💛.冷麵好快到牛展完全唔孤寒有6塊咁多😵😵😵麻醬味好重！加埋辣，又幾夾喎🤤.之後黎個蒜泥白肉唔似米線店果d咁油浸係d汁淋上面之後先再加蒜泥好正❤️🧡💛💚💙.豆漿就正常不過本人唔鍾意甜嘢架嘛初頭都驚個豆漿會太甜好彩佢係少甜版本啱晒我胃口.另外一提當日聽到店主話果日得佢一個睇舖因為d屋企人企出黎好感動💕💕

最近兄弟家中請了工人姐姐，聽聞好多菲律賓男人都住大屋養番狗，日日泳池開P，我因而冒死進諫兄弟，強烈要求佢比我做佢工人老公，其激動程度，簡直堪比唐朝魏徵冒死進諫唐太宗，要求生產活絡油一樣（仲有唐太宗膏一樣咁有效 ）。自古以黎，香港男人最想做兩種人，一係就係做皇帝，後宮佳麗三千；一係就係做菲律賓工人老公，留低老婆係香港工作，自己返菲律賓。前者係發夢，後者只是一件希望在明天的事，雖然外表......但是，正如麥玲師傅咁，佢係Sell樣，唔係Sell身材架嘛，淨係睇身材唔睇樣咪蝕晒大本羅。兄弟仲考慮緊，所以，都係搞掂今晚餐飯先：1. 龍川小籠包(4隻)-$33：即叫即蒸，熱辣辣夠濕潤，外形頗大隻，但包皮厚薄不一，口感比一般Q彈，頂部摺位過厚略嫌煙韌。好處更鎖住肉汁不易漏走，肉質尚算香濃嫩滑。2. 上湯津白菜-$24：份量算多，津白菜煮得剛好，清淡爽口，配熱燙上湯更顯鮮甜。3. 花雕酒醉雞菜飯-$60：雞件斬得頗碎，皮與肉飛散，還好皮薄嫩滑，不太肥膩，酒味香濃，醇和帶甜，增加胃口。4. 蒜泥白肉菜飯-$52：肉質偏瘦，皮厚肉韌，雖然蒜香撲鼻，但蒜粒太生入口很辣，夾雜脆口青瓜絲，算可中和一下辛口感

💛 龍川上海料理 💛..............................成個環境令黃嘅人好舒服藍嘅應該會食唔落嘢😏張單都有幫香港人打氣字句💛靚女收銀姐姐見我地睇文宣知道我地係同路人仲祝我地身體健康完全感受到香港人嘅溫暖🤤So warm~.🔅 店面有貼文宣 仲有唔同嘅裝飾..............................~龍川口水雞飯 $52（午市）+紙包飲品/豆漿.我諗呢度都有1/4隻雞 都算幾多😋口水雞好惹味 有少少麻 少少嘅香辣味但唔會好辣 辣度大約係10小辣對我嚟講完全唔辣 如果辣啲會開心啲味道係唔錯 但係隻雞可以滑啲🤤皮都夠爽 算係遮到肉有啲嚡嘅缺點同埋食得多會有啲膩 如果有啲青瓜就好我諗叫菜飯可能會冇咁膩 會清爽啲🥒.👏🏻：6.5/10..............................🎈 龍川上海料理 (葵涌)葵涌光輝圍21號昌發樓地下..............................#CREATINGHK黃店 #creatinghk葵興 #龍川上海料理

經過附近，小菜鋪就多，不過上海店就少見，即管試下有冇咩特別先！🐔花雕酒醉雞都幾重酒味，雞亦非常嫩滑，不過略為偏鹹～ 花雕酒好香呀🤤岩哂我喜歡花雕酒既口味👍🏻👍🏻👍🏻🥖炸饅頭（配練奶）好耐冇食喇！新鮮炸出黎，熱辣辣，外皮仲有脆脆地👍🏻 外脆內軟，點多多練奶。嘩！甜甜地正！🥟酸辣湯水餃較杰身，味道足夠，酸酸辣辣好開胃👍🏻 但水餃皮略厚身🤔後記：葵涌有許多街坊小店，不過講到上海鋪就唔多覺～ 呢間性價比不錯的上海小店值得一試！

好耐無食過上海野，朋友今日帶左我黎依間上海餐館食野，雖然佢鋪仔細細，不過佢菜式都幾多，而且仲係有營食肆，要拎到依項殊榮，都唔容易，要係上海菜館拎到就更加難。佢既menu有晒大路上海菜既野食，上面佢有啲label標註左係有營菜式。我地叫左個上海排骨湯麵、排骨菜飯同小籠包。上海排骨湯麵：排骨食落去幾辣口，個皮同肉勉強可以黏埋一齊，無雪味符合番上海排骨特色。想讚一讚佢湯麵既湯底充滿肉味，麵質粗而有咬口，配上蔥花，簡簡單單不錯。排骨菜飯：排骨同以上一樣，菜飯都幾多菜，不過口感有少少亁，可能因為佢係有營食肆，個飯無落到油，都係好事黎。小籠包：小籠包皮幾薄，蒸完出黎果下個shape唔會好似雪藏果啲fix住，有啲搖晃。一咬開之後，入面既湯就流出黎，好辣口，大家要小心！而且食果陣仲好易彈到對面個人。但整體上口感同味道上無得輸。埋單都係百幾蚊鬆啲，幾經濟實惠。不過我略嫌佢份量偏小，可能鍾意食飯既飯桶會唔飽，要叫多啲side dishes。