龍泉私房菜

营业中

休息中

朋友聚舊， 呢間私房菜食過幾次， 由尖沙咀舊舖食到觀塘 ，價錢合理 ，環境唔錯， 今次我哋一行六人選了E餐 龍蝦燕窩海鮮餐 $418 +10% 服務費, 💥💥記得☎️預約訂坐， 另設有whatsapp訂座💥💥， walk in 去無得食架! 疫情之後都係第一次去 ，安排坐房，讚👍跟餐牌上菜次序, 先上生拆蟹肉扒金山勾翅感想💝 每人分到一碗翅，好足料，好多 魚翅，最後6人食完仲有三碗份量! 金銀蒜粉絲蒸元貝感想💝 元貝有部分唔太熟 經反映後 ，重新蒸過唔熟嘅元貝，有服務💯天下 第一雞感想💝 雞定得脆口 芝麻味好香🐔芝士龍蝦伊麵底🦞感想💝 賣相一流 ，打卡一流，好味😋原隻鮑魚扣山珍海味感想💝 個碟 有火熱住，包你食到 熱辣辣 嘅食物，呢個係王牌👑招牌三色蝦🦐 ( 多士,豉油蝦, 黃金蝦)感想💝 多士用芋泥做餡料，出色， 啲蝦整到好脆 連殼都可以食埋🦐清蒸游水東星斑🐟感想💝 條魚蒸得啱啱好， 好滑瑤柱扒時蔬飄香炒飯牛奶燕窩感想💝 甜品唔太甜我鍾意仲令送咗布甸畀我哋總結💢: 今時今日嘅物價 ，佢收費好合理 水準依舊 ，會再去支持! 👍

地方比想像中大，真係幾似一間酒樓格局，有幾間房，裝修似中價酒樓。一家人黎食冬至飯，叫左個每位$328的套餐。上菜次序天馬行空，好隨心，一黎就整隻雞比你。*天下第一雞*上面布滿芝麻，皮香脆肉質ok，算係中上之作，唔錯。*原隻鮑魚扣山珍海味*鮑魚絕對考牙力，老人家完全食唔到，海參洗得唔乾淨，臭臭地，處理得比較好的係冬菇。*清蒸游水海斑*正常發揮，同一般酒樓一樣。*招牌三式蝦*以為中間係蝦多士，錯了，佢係油泡方包，裡面夾住甜甜地類似年糕的物體，講唔上好食，一口油。*椒鹽豆腐*皮比較厚，但內裡滑溜，唔錯。

龍泉私房菜 @ 觀塘推介⭐️⭐️⭐️⭐️/5星滿分幫襯過好多次 水準都穩定今次叫D餐 $328 未計加一勾翅蒜蓉蒸扇貝天下第一雞花雕蒸醉雞鮑魚山珍海味三式蝦海斑瑤柱菜心炒飯芒果布甸 (懷舊塑膠味😂) 除左佢送既甜品好難食之外其他都OK 幾好味另外覺得佢要改善既係佢個餐牌好多年都未改過菜單 淨係加過價風雨不改既餐牌 食到有d嫌😪😪

疫情期間好耐冇出去食飯了，舊年簡單在家食了生日飯，今年疫情有好轉一家四口在私房菜食用丰盛的海鮮餐，不出所料份量大而且海鮮非常新鮮，招呼周到，有機會一定會再幫襯，感謝同事的推介魚翅花膠海參燉螺頭料足濃湯象拔蚌刺身新鮮賴尿蝦好大隻，特意加多了一隻原隻鮑魚扣山珍海味芝士龍蝦肉質爽口，好味花雕蛋白蒸蟹酒香味濃本來是炆斑，何太推介了金湯檸檬魚，湯汁酸甜中有小小辣，魚肉嫩滑，好好味瑤柱菜心炒飯木瓜燉官燕好滋潤的甜品

慶祝XX週年同學與中五班主任聚會（當然唔話比你知幾多年啦😂），今次好特別，班主任今年榮休呀！我哋幫佢搞左個surprise party🎉。其中一位同學介紹我哋去呢間私房菜，佢一向又去開尖沙咀嗰邊嘅分店，但係嗰邊冇獨立房，所以選擇咗觀塘這間分店。觀塘分店位置都分便，駱駝漆大廈應該好多人都識去😜因為要佈置🎊，我哋提早左去，一去到老闆娘已經知道我哋係邊個，即刻安排房間俾我哋，佢知道我哋要佈置，仲問我哋要唔要膠紙、剪刀✂️等工具，十分細心💕我們今次選了招牌套餐《鮑參翅肚海鮮餐》🥢花膠海參燉螺頭🥢金銀蒜粉絲蒸元貝🥢天下第一雞🥢花雕蛋白蒸蟹🥢原隻鮑魚扣山珍海味🥢招牌三色蝦🥢清蒸游水海斑🥢瑤柱扒時蔬🥢飄香炒飯附送精美甜品給每位一罐飲品（掛住食有啲都冇影相😅）淨係睇個餐單都好吸引，最欣賞係個花雕蛋白蒸蟹，一上菜已經有陣陣花雕酒香，蟹肉一梳梳，好新鮮，就連小小蛋白都比我哋清埋🤪我哋個個都食到捧住個肚，我仲打包左啲返屋企，第二天做午餐添😋下次可能會帶屋企人嚟試下先🤩😍

好一段時間沒出來聚會了，今次為了配合限聚令約了7人相聚私房菜，真心講句環境干淨利落，好舒適有多間獨立廂房，今次我哋也獨享一間廂房，這間私房菜賣點全部係海鮮套餐，有二百零蚊至六百幾的，今次我哋食招牌套餐，價格中位，但食物性比價高侍應推介了個餐前小食，皮脆肉滑所謂脆皮軟心豆腐，好大一碟套餐中有以上的雞湯和蟹肉翅選，我哋環保吾食翅，所以選咗湯，好足料，湯料都一大碟，湯清甜濃香，好正金銀蒜粉絲蒸元貝～好大一隻，肉厚肥美花雕蛋白蒸花蟹～多膏，散發咗濃濃的花雕，蛋白好象豆腐花芝麻雞～又叫天下第一雞皮脆脆的～好香，肉質鮮嫩，不失為叫天下第一雞，賣相勢人原隻鮑魚扣山珍海味～鮑魚也好太隻夠淋招牌三式蝦～一蝦三味香脆，肉質爽口，吾同口味，所謂招牌絕頂清蒸海斑～新鮮兩眼唐凸，時間蒸得啱好瑤柱扒菜心～菜心好甜好嫩飄香炒飯～飯粒分明，少油夠鍋氣。 套餐中還有芒果布甸和每人一罐飲品，7人以上的份量已經好足料，而令我吔捧肚如歸好滿足

難食到一個點! 母親節家姐訂枱食飯, 話呢間好出名好好食, 咁大家一齊去試試啦, 點知……能夠做到幾乎每一味都唔好食其實都好高難度! 生拆蟹肉扒金山勾翅 ~ 先講蟹肉, 成煲加埋都唔知有冇一隻蟹鉗份量! 翅好大梳, 不過超硬! 湯頭又淡! 蒸元貝 ~ 元貝係新鮮既, 不過好靭! 粉絲入味! 天下第一雞 ~ 4人份得半隻, 雞肉又嚡又靭, 好明顯係雪雞, 仲要係雪咗好耐! 花彫蛋白蒸蟹 ~ 重酒味, 蛋白都滑不過太水, 蟹有膏! 原隻鮑魚扣山珍海味 ~ 不。知。所。謂。鮑魚係酸既, 又硬! 花膠仔又硬又有砂又腥! 冬菇雖然厚, 不過都係有陣霉味, 成件事只能以 “不。知。所。謂。” 去形容! 招牌三式蝦 ~ 蝦新鮮, 蝦丸好實, 唔爽唔彈牙! 游水海斑 ~ 蒸得剛剛好! 魚新鮮, 魚肉好滑, 成餐飯最好味係呢碟! 瑤柱扒時蔬 ~ 瑤柱呢? 菜芯又生! 4人份, 大約每人一兩啦! 飄香炒飯 ~ 叉燒炒飯, 有點少油, 但味道不錯! 送甜品, 芒果布甸 ~ 應該唔記得落糖, 淡到幾乎無味道只有色! 能夠連芒果布甸都整得唔好食, 其實真係好難! 如果因為疫情無開舖做生意, 到開番的時候, 係咪

雖然這年頭疫情嚴重，但也抵擋不住我哋的食慾，農曆新年前已訂好位，所以一意全行，食私房菜肯定有私房特色，獨立包了個房位盡情享受美食，今晚的特色鮑參翅肚：蟹肉扒勾翅每人一碗，翅的份量好足，芝麻雞雖然雞不是太大隻，但重點係皮脆肉滑，花雕蛋白蒸蟹蛋白好滑酒味好濃香，蒸元貝吸收了蒜的香味好新鮮，原隻鮑魚扣山珍好味，按人頭份量每人一隻鮑魚還有冬菇海參花膠，招牌三式蝦也同樣出色，蒸斑好大條，時間剛剛好，甜品鯉魚芒果大菜糕，年年有餘，套餐中每人包一罐飲品，滿足感之余圖片分享

尋晚老媽生日兼做冬，因之前看食評尚可所以訂位光顧點知就出事！訂6點45分8位準時入座，除左嗰湯同碟蝦正常時間上菜外，其他餸一律等半個鐘頭以上，我由七點鐘套大陸劇睇到多功能老婆完結啲菜都未上哂，全間餐廳6間房加大廳6張枱全部一切起閧大吵，可想而知情況有幾恐怖，食一餐飯用左超過3個鐘我諗食法國菜都唔駛，期間個賤格大廚因為被催出餸關係重要大聲講粗口發惡鬧客人而被全餐廳顧客聽哂！我都忍唔住去廚房門口鬧爆個廚師然後佢先收聲道歉！我哋本來想息事寧人但佢哋有問題還要鬧翻客人呢個先係重點，如果大家係有被虐狂可以一試....食物方面，廚房連人手都唔夠點會煮得好食，全部餿水級質素兼難食，喺咁既不知所謂服務重要收埋加一我諗全香港只有佢哋敢做得出！香港飲食業因為外在因素步入嚴冬，在加埋呢啲害群之馬只會令飲食業死得更快！！！

岳父大人75歲牛一，下晝愛生事家庭一行八人第一次玩VR，難得岳父仲跳得唱得玩得，真係好開心，晚餐搵返喺觀塘嘅私房菜賀吓佢，呢度有多款套餐以供選擇，我地今晚揀咗E餐，位於駱駝漆大廈真係好方便，入到去裝修光猛，地方整潔，仲俾咗間房我地，夠哂舒適，等緊岳父個契女嚟就起菜，呢個時間侍應推介幾款小食，岳父叫咗鴨舌，我就點咗豆腐，一嚟到就嘩咗一聲，成碟餸咁大碟仲叫小食，但又好好味，飽咗小小添，好彩先上翅，絕對係水準之作，連比卡豬都飲咗半碗，勾翅足料夠份量；天下第一雞，睇個名覺得有冇咁勁呀?食落又真係與別不同，有雞味而肉質嫩滑，配上芝麻夠哂香口；原隻鮑魚扣山珍海味，鮑魚夠腍入味，老人家唔夠牙都食到，仲有海參、花膠、冬菇，骨膠原萬歲；芝士龍蝦伊麵底，用最好味嘅澳洲龍蝦，仲要連頭尾上碟，真係唔影相都唔得；金銀蒜粉絲蒸元貝，呢個就有點失敗，應該為蒸得過火，有點硬了，可惜；招牌三色蝦，睇個名會有期望，話得叫招牌嘛，食豉油王蝦真係好出色，仲可以連殼食埋，蝦丸有芝心，亦都夠哂香口，反而個鹹蛋味就差D喇，只得面有鹹蛋味，蝦肉完全冇味，有得剩就知唔得；因為岳父鍾意食牛腩，特意加咗個牛腩煲，牛腩入味夠腍超水準，但蘿蔔

因為屋企人生日所以揀咗一間私房菜試吓，見到網上推介依間私房菜就book咗。地方好易搵，一上到去好大，總共有兩間房，大廳都有幾張枱。咁啱食飯嗰日係平日，所以冇乜人，可以好安靜咁食飯。佢有幾款套餐選擇，我哋就揀咗佢個招牌套餐試吓。特別推介佢哋嘅天下第一雞，非常入味，肉質好滑👍🏻👍🏻最後佢會送一個芒果嘅布甸，個人來講覺得味道稍為淡，麻麻地。

我地9個人想搵個地方食媽咪生日飯，天氣咁熱食火煱又唔得。最後揀左位於觀塘工業大廈既龍泉私房菜。個芝麻炸子雞最好味，皮脆肉嫩，鮑魚，冬孤，海參無得輸啦，海鮮類元貝大大粒，條魚都正常。不過美中不足係最尾道精美甜品，有點失手喎，貌似芒果布甸，但全無芒果味，其實係咪我地誤會左呀整體都OK既，下次都會再嚟幫襯

昨晚一行八人訂了龍泉八位招牌餐。蟹肉魚翅普通料，蟹肉唔多見，魚翅都叫足份量，但有少少腥，湯係偏杰身但套餐來講算合格。芝麻雞好食新鮮炸夠熱蒸魚新鮮肉質彈牙生熟程度啱啱好三色蝦尚算合格蝦丸唔似蝦丸黃金蝦同埋煎蝦唔夠熱冬菇海參鮑魚西蘭花份量足，味道OK炒飯夠乾身好食最大鑊係個免費甜品聲稱係芒果布甸但其實人造假芒果味又淡又吾知道想點嘅大菜糕 完全嚇死人 總括嚟講 以套餐來説質素絕對合格有尚 係地點麻麻 服務員都有禮貌嘅 環境都尚算乾淨

太熱天食火鍋，主要冷氣夠涼，都不是問題，今餐聚點在官塘私房菜，都是為了方便官塘返工的幾個朋友，之前同事食過介紹的，感覺非常良好，所以今次在此寫下我人生中的第一篇食評開餐前侍應推薦了兩款餐前小食，椒鹽雞軟骨和脆皮豆腐，非常好味開始用餐來了個包魚麻辣雞煲，我吔以為來錯了，原來套餐之外送的，老板真是太令我吔開心了，麻辣適中，好味👍看圖可知，丰盛的海鮮材料，新鮮得來大大件，原來老板加多了海鮮的材料俾我吔，睇餐單根本冇咁多樣數的，多謝老板和多謝介紹的同事，太好味太抵了值得推薦還有幾款中式海鮮套餐，下次必試，地方場位也非常舒適，侍應服務好好

舊同事相聚約食飯，今次聚會點觀塘工廈龍泉私房菜，近地鐵不足兩分鐘的距離到达駱駝漆工廈，可謂臥虎藏龍，食物質素不輸外面的大牌訪酒樓，室內干淨豪裝，設有大廳和幾間廂房，聽說有12人可以包廂房，今次我吔一行只有半席，所以安排廳位，感覺都幾好，隔離臺的斯文過我吔，吾覺太嘈由2百多至6百多的海鮮套餐，按自己心中的價格訂位時選好套餐，今次我吔預訂咗龍蝦燕窩餐坐落一陣，貼心的侍應熱情問我吔須吾須飲品，套餐每人包一罐，我吔留住肚來食美食，選擇尾聲上飲品，上餸速度不足2分鐘上來一盆蟹肉扒翅，大大梳翅，湯底好鮮芝士龍蝦伊麵，芝士味好香濃，龍蝦新鮮爽口，伊麵拌芝士無得彈粉絲蒸元貝，大大隻，粉絲吸收了金蒜的香味，食落好滿足招牌三式蝦，做出三款口味的蝦，芝士蝦丸好好味原隻鮑魚扣山珍海味，份量好足，鮑魚夠淋，口感好，還有大大隻的花菇，海參，花膠蒸魚時間控制得非常好👍食得太開心了中間漏了三個餸沒影，芝麻雞，瑤柱扒菜心和炒飯也是水准之作，甜品杏仁燕窩熱的食完收尾再來凍的芒果布丁，滿足滿意又一餐，聚餐好選擇