龍記飯店

营业中

休息中

又係中環早餐系列今次繼續燒味檔食早餐，由於中環勁多間燒味檔，所以兢爭都幾激烈。朝早返工人流都好誇張人多到密密麻麻，所以係度食早餐想舒服啲又唔想俾人趕呢，就最好早啲去，0830前就比較安全啦。 話說呢間龍記其實都有三間分店：中環、上環、灣仔；今次去就係中環。早餐款式都係最基本嗰啲～咁揀得燒味店，梗係要叫佢個叉燒啦，我就叫咗G餐叉燒即煲出前一丁 + 煎雙蛋 + 牛油方包～出餐夠快，煎雙蛋牛油方包賣相就好一般，亦其實唔會有咩要求。叉燒煲出前一丁就靚仔好多～叉燒被蜜汁封住，甜蜜加燒烤嘅滋味填滿每一個味蕾，食完一碗都唔夠喉～臨走買多半斤叉燒外賣～要讚讚員工都有禮貌，又夠快手～

如果本人在中環街市附近，下午茶時間，一定會去呢間食半肥瘦义燒湯瀨加杯奶茶。其他燒味都好靚，不過我鐘情义燒多D😍$39在中環出名貴租的地段、可以有一碗美味的义燒湯瀨，還有一杯凍飲，極端抵食，湯瀨還有一條菜心，相當窩心，只可惜沒有葱花。今日杯奶茶比平時淡左少少，我已經叫左少甜少冰，都仲係覺得有D淡。可能今早十時許先落左八號風球，可能師傅吾多夠時間做預備功夫🤨不過整體上已經滿足本人的食欲，希望下次黎杯奶茶會香濃D👍

難得中午跑到中環，經過這間餐廳，因為趕時間便入內點選「叉燒併燒肉河粉」，結果兩個燒味肉硬到不得了；叉燒因為切得薄，所以「咬」得入口；那燒肉肉質十分硬，只選了一塊細細的肉入口，肉質硬到差點吞不下去，其他的燒肉已不想吃落去。湯河粉則中規中矩。總體來講，入口就知原材料是什麼肉，難道生意差嗎？看現場又很多打工人在用餐喎！難道這種食材已是香港人的常規嗎？中伏一次，以後路過就好。

其實只怪自己衰，前幾年以經買過一次外賣，當時都覺得幾難食，今次再一次外賣希望有好轉，不過可惜又一次中伏。燒鵝份量不但少(只得下脾，上脾唔知失左邊）、而且冇肉、乾、硬。燒肉一様，又乾又硬，肉簡直似紙皮，皮似橡筋！雖然外賣冇乜服務可言，但係收銀阿哥同包盒阿姐都唔多友善。超難食但收足中環價錢。燒鵝下莊加一份燒肉一共$195。應該可以話我近年來我去過香港最難食餐廳之一。今時今日呢D餐廳香港地重生存到都算奇蹟。

天氣熱，唔想煮飯，本想快快手手搞掂一餐，就去office附近龍記飯店買叉燒準備炒滑蛋。行到櫃面，見到滿滿蜜汁叉燒，肥瘦分明，令人食欲大振。於是問價買半斤叉燒，向落單個女人講明要半肥瘦，女人只落order一句:「半斤叉燒」，我怕師傅聽唔到，再重複講一次。結果手起刀落，最後盒面的都係超瘦肉，一望就知係湯渣式鞋皮肉，下層只有數片是帶少許肥膏的，師傅還說:「呢d係半肥瘦啦！」呢間野個名聽左好耐，卻名大於實，唔會再幫襯啦!

食物一般！見佢老字號幫襯咗好耐至專登去幫襯，周圍都開咗10間八間燒臘舖，佢又唔係好食過人，點知啲態度直頭係劣，俾錢過嚟幫襯啫，唔使睇你面色，樓面夥計嗰兩個女人嗰個打開個櫃桶放手機入邊睇，老細請到呢啲夥計想吾執笠都幾難，已經唔係平過人，可能俾個招牌覺得自己好巴閉，下場咪同九記一樣🥲香港人北上消費已經成為大風氣，香港嘅餐廳食肆仲係沿用以前要求佢等位嗰啲咁嘅服務態度，俾錢受氣嘅年代已經過咗，服務態度直接影響生意🤮

難得有金錢雞, 之前買乳豬亦不錯但今次買叉燒, 去邊度買都會要求半肥瘦買外賣落單講要半肥瘦, 個女人完全唔回應等果陣同執外賣個女人講都係0回應自問正常語氣有禮咁冇禮貌都唔會再去食了,又唔係特別出色。服務係0星星！

中環抵食餐廳，就近中環街市附近，方便上班一族食飯，食物質素平靚正晚餐點了外賣豬扒飯，重量級豬扒飯如圖所見，足足三塊大豬扒，勁抵食跟中式餐湯，足料，唔係只係水熱奶茶好味😋

今日我去咗間洋溢著人氣嘅飯店，鐘意食中環三寶嘅朋友一定要留意咗！嗌咗份「金牌四寶飯」，叉燒啊，香甜得黎唔膩，肉嘅質感又夠腍，卜卜脆的燒肉皮得我完全停唔到口🤤，每啖都食到啲肉汁湧出嚟，真係過癮！飯量又啱啱好，夠晒飽肚。雞肉又幼滑得黎有啖啖肉嘅實在感，仲有嘅咸蛋，啱晒愛呷鹹嘅朋友。👍🏻配嘅凍飲啲冰塊清脆，飲落去清新解渴，真係食得開心又舒服。值得一讚嘅係，呢度環境幾乾淨，衛生又打得好分。我食嘅每一口都嘆為觀止，呢間餐廳確係有佢既獨特之處，可以話係心滿意足咁走人😌，下次仲會拖埋朋友再黎試其它菜式添！

難得晚上在中環，一定要到訪「龍記飯店」，去吃他們很快售完的乳豬。幸好今晚可點「乳豬三寶飯」$81包例湯，除乳豬外，要看當天師傅想配什麼燒味，好像廚師發板，哈哈哈。今次師傅幫我配上叉燒及白切雞，份量剛好，乳豬皮脆可口，肥肉部份都很甘香，不會油膩。叉燒鬆化嫩腍，白切雞肉質滑溜，點上薑蓉，更添滋美，飯底有香米味，例湯也不過不失。現在已經入冬了，下次來訪不一定要吃燒味，可試下蛇羹及臘腸潤腸糯米飯，套餐價錢都合理，可來進補，要吃潤腸，我見很多人在吃。

因為工作在附近，所以吃了好多次，中午有點忙不過來，店員態度也很不耐煩，但是燒臘整體很優秀，還有一隻可愛的橘貓一直在店裡。經常點的有切雞腿四寶飯80+，還有鵝腿四寶飯120+，配湯棒棒！

之前疫情 路過都會買外賣肥叉回家食 都幾好食今日和朋友去大館花展行吓之前 就去咗龍記食燒味飯 第一次堂食 上咗一樓坐底 點左3個燒味雙拼飯 都不錯 分蹄幾好味 乳豬飯好得好靚 肥叉燒有燶邊好香口都好對板 2杯凍奶茶都可以 個例湯呢竟然足料 好好味 再後 參觀完之後臨時再買半斤肥叉 回家和家人食

女服務員們服務態度，說話方式，行為舉止都係女漢子咁，粗枝大葉，即係雖然冇講過一句粗口，但感覺每句說話語氣似講咗咁但又唔代表冇禮貌🤣反而男服務員們就温文些。我一路食一路觀察，覺得很攪笑。一心只想食燒味飯，但竟然有燉湯，而且價錢亦唔貴，好過自己買料，攪一輪先煲得嗰一兩碗--單/雙拚燒味飯--$59(例湯/咖啡或茶/凍飲+3/紅荳冰,可樂+$6)**天麻燉魚頭湯**$55**叉燒/燒肉飯****紅荳冰****叉燒燒肉雙拼飯**燒味份量十足，叉燒肥瘦適中，大大片，好好味。而大大嚿燒肉口感就麻麻，脆皮和肉分開，皮很薄但微脆，而肉質比較乾身，一點肥肉也沒有**天麻燉魚頭湯**味道香濃稠厚，目測中藥材料勁多，天麻，紅棗，圓肉，天芎，白芷....反而找不到魚頭嘅痕跡😅感覺就係養生，而且不用自己煲，乾手淨腳**紅荳冰**淡花奶佔咗整杯嘅三份二，紅荳淋甜，只加$6有咁嘅質素，勁想飲多杯，但能力有限，眼濶肚窄。

突然想食燒味，行去中環見到一間寫住「由前蛇王二師傅主理」，諗住入去飲碗湯食吓燒味飯，點知中伏。燒肉又柴又凍，燒鵝啲油都凝固左，唔講以為食淨拎出嚟.. 嗱嗱聲食完就走啦😅

首先講食物質素，其實就十分之抵食，叉燒最ok，燒得夠香又多汁，排到成個飯盒咁長，雞都唔差，仲要普通單/雙拼飯只係50蚊左右，同隔離華豐賣6、70蚊仲要得幾舊又乾又鞋嘅叉燒差好遠，我就諗點解華豐仍然係排到車水馬龍，龍記就得小貓幾隻，啲人係唔係唔識食我食過幾次龍記之後，終於明白，啲人係頂唔順食個飯都要餐餐畀人鬧。聽電話接外賣單嘅電髮呀姐，態度係極度冇禮貌同極度不耐煩，每句都係拖長+升高尾音，冇一句唔係鬧人/怪責人嘅語氣頭一次叫外賣，我話要叫外賣，佢即刻就着咗，「食咩叫啦」，態度極不和善，我講完個飯之後佢就極不耐煩哋呼喝我飲咩，我答完之後又畀佢呼喝外賣定自取，話我唔講嘢。畀佢呼喝完，落到去拎餐畀錢又少不免一輪呼喝。好啦，我以為呢度係好似澳牛光速落單同取餐嘅做法，咁我下一次一call就直接講晒食咩飲咩，點知佢又唔係聽得切，又畀佢逐個逐個item呼喝式問話。冇澳牛伙計咁好本事，就唔好扮到秒秒幾百萬上落咁更好笑嘅係落到鋪面拎餐，我話叫咗個四寶飯，佢即刻以譏諷態度窒我話「我哋呢到冇四寶飯㗎，個三寶飯先係你㗎？」呢個時候張單慢慢印緊出嚟，從來都冇頂撞佢同埋畀說話佢聽嘅我，即刻掹佢面前張單出嚟，隊畀佢睇