龍門冰室 (已結業)

龍門冰室既食品樣化，價錢相宜好抵食。早餐午餐下午茶晚飯質素不錯。我最愛吃早餐及下午茶。麵餐又全日供應，最喜歡早餐的我滿足曬。自家製雪菜肉絲美味可口，炒蛋多層次多汁是用北海道牛奶炒過，多士又大件很誘惑，有不同味道選擇花生醬果醬等。 每天也幫襯。

很喜欢到龍门冰室吃下午茶，价钱相当便宜，而且款式多样化，有很多的配搭。他们的土匪雞翼，美味可口，外皮鬆脆，又不会炸到乾爭爭。再配一個T大卡邦尼意粉，更是大快朵頤。除此之外，还有很多配搭，总有一款适合你。

屋企附近新開茶餐廳，平時一到lunch time 好多學生都會黎幫襯，不過姐姐們都好快手好快安排好坐位環境：同一般茶餐廳冇咩分別，但係作為Marvel嘅粉絲，見到店舖入面放咗一啲IronMan嘅公仔😍😍，望住都覺得好開心！！！而坐位方面亦冇一般茶餐廳咁迫，都算坐得幾舒適。食物：今日同媽媽嚟咗食，我叫咗個常餐A餐，媽媽叫咗個芝士粟米汁龍利柳飯。先講常餐，呢一個價錢包左三隻瑞士汁雞翼再加一碗米線，仲有一份炒滑蛋，另外加錢將厚多士換咗做脆豬，咁多嘢食都只係40幾蚊，真係好抵食！轉做蕃茄湯底另加$3，呢度嘅蕃茄湯底好濃番茄味，唔會好似一般茶餐廳咁淡而無味，而且食落亦見到有好多蕃茄雞翼都比一般大隻，瑞士汁味好重，食得出雞翼係好新鮮！媽媽叫嘅龍利柳飯，最值得一讚嘅一定係佢嘅芝士粟米汁，呢個汁絕對同普通茶餐廳唔一樣，芝士味同粟米味取得完美嘅平衡。媽媽見到我想餐嘅滑蛋就好想試吓佢呢度嘅蛋治，蛋治比一般茶餐廳嘅麵包厚，而且麵包好軟身，如果雞蛋嘅份量多啲會更好飲品：黎都冰室一定要試吓香港地道嘅紅豆冰，呢度嘅紅豆冰好重椰汁味，因為我真係好鍾意食紅豆，如果紅豆多啲就好啦佢嘅奶茶紅豆冰亦都好好飲，奶茶同紅豆配合

星期六去左屯門睇戲，睇完戲當然要食飯啦！大商場啲餐廳，太多人排隊，唯有行遠啲食啦！星期六晚餐時間，都差唔多坐滿晒人，好彩啱啱好有一枱卡位吉咗，我哋就唔洗等位啦！睇咗一陣餐牌，發現都幾多菜式揀呀！中西式都有，又有小食，飲品都有啲特式啲嘅，而且價錢都合理。我同朋友叫左幾樣野。綜合水果茶，應該用左新鮮橙汁加Lipton紅茶，茶味唔算濃，味道偏酸，都幾開胃解渴，個人唔鍾意太甜嘅飲品，所以都幾岩我！仲有啲水果粒食下，有橙，火龍果，蘋果！！仲有兩片檸檬添！！牛肝菌帶子意粉真係好有驚喜呀！本身望落帶子同菇嘅份量都算多，帶子有成4-5粒已經覺得好唔錯，食落原來個醬汁調得好香濃惹味又唔會太鹹，而且每條麵都掛滿醬汁，超好食呀！黑松露蝦仁炒蛋松露香相當配合炒蛋，而且蛋好滑，一啲都唔會過老，煮得剛剛好，蝦仁夠大粒又爽口，份量好足夠，送飯一流。小菜配有中湯及飯，都好抵食。埋單每人1百蚊有找，抵丫!

同朋友黎龍門冰室食晚餐，叫左個芝士撈丁，配豬頸肉。可能因為我個人太鐘意芝士，所以覺得芝士汁唔夠濃，但個豬頸肉上面都有特有既汁，甜甜地酸酸地，都幾好食。鐵板餐叫左牛，配黑椒汁，個餐好多肉，送飯一流！

如果外國友人來到香港，你會介紹甚麼給他？魚蛋？燒賣？還是牛雜呢？我想我會帶他們去香港的茶餐廳或冰室。在這裡，他們能夠感受到香港的當地餐飲文化和美食。今天，我來到了屯門的龍門冰室！餐廳環境午飯時間，這裡車水馬龍，幸好食客都是打工仔，他們享用先之後都急著離開，所以我也不是等候了太久。餐廳就像傳統茶餐廳的布置。有趣的是，牆上掛滿了Marvel的鋼鐵人，我猜，店主應該是超級英雄的粉絲吧食物方面我點了一個焗雞扒意粉-茄汁。非常有誠意，鮮茄和大大塊雞扒，配上一罐可樂只是港元40整體而言，味道是可以的，只是衛生可以改善一下。

今日下晝叫左兩個茶餐外賣自取，一個肉醬意加魚柳，另一個薯條魚柳。一打開，真係好無奈！點解塊魚柳會咁大分別？廚師係咪覺得加埋除二就無問題？即時打去講要求換過份，講左一輪佢先叫我再落去拎過，又要白行一趟其實話就話茶餐，但係都成$34一個，點解質素可以咁參差？！好啦，又行番去換，又要等，不過最後都換番，希望唔好有下次啦！ 提醒外賣自取既最好都打開睇一睇先，如果唔係就會好似我咁。除非你接受到啦，如果唔係都幾麻煩架！

今晚自己一個頹食，黎左龍門冰室食個飯7點左右黎到門口，見到都有人排緊隊，可能係星期日既關係特別多人因為我得一個人，所以等左幾分鐘就入得。呢度既選擇都幾多，今晚想食辣辣地既野，就叫左個黑椒雞扒飯等左10分鐘左右個飯就到啦，聞落黑椒味勁多，睇落都貨真價實，食落唔知點呢？因為果陣真係好肚餓，影完張相就唔客氣啦。食落果然冇令我失望，啖啖濃郁黑椒味，個汁唔會太咸，唔會太杰都唔會太水，好味！塊雞扒又係煎得好好，入面仲係好多肉汁，juicy！另外冇估到既係竟然有塊午餐肉同花蘭花，加分！！

呢度嘅常餐配搭都幾多元化我最鍾意食叉燒通粉加奄列 仲有厚多士 多士可以揀好多醬料然後看完出嚟都係有少少脆口 如果唔揀咁辣嘅話可以揀兩個 送 例如係煎腸仔同埋煙肉 不過呢度嘅嘢食冇一開始咁好食 可能因為擴大咗嚟做食物質素保持唔到以前嘅水準

去到龍門居，以為淨係宵夜好食。但原來有間冰室食嘢都好好食。因為有朋友住龍門居。所以就推介我食呢間冰室。去冰室梗係要試吓公仔麵。佢啲公仔麵煮得好好食，啲湯汁都好正。

一直以黎都覺得呢間冰室唔差，但而家食物和服務都越黎越差，今日叫左幾個餐，但個湯飯唔係湯飯，超杰，都算，d米線碎到不得了，叫個常餐，多士佢另外用紙袋上放埋d野飲一齊濕曬，打電話去叫既時候，以經同佢講左話5百蚊找，點知送到上黎又話冇又話聽唔到得2百蚊找，頌要話佢都係照單執藥，呢d係咩服務態度，之前叫過幾次外賣分湯又冇分，搞到d麵好似麵糊咁都算，但今次真係好難接受，唔好話叫外賣，就算落去買或者堂食都唔會想在去

大概六、七年冇黎過建生了，勾起左好多昔日放學食午飯嘅回憶。呢次黎到，發現人面全非了。剛好要食午飯，就入了這間龍門冰室，餐廳環境以黑白色為主調，格局跟一般冰室無異。而且這間冰室有為附近嘅學生提供學生優惠餐，都幾抵食。______________________________🔸黑松露炒蛋多士 $35先講炒蛋，厚度好夠。師傅將蛋炒得好嫩滑，而且黑松露都冇偷工減料。多士較一般，但上面搽左濃濃嘅牛油，配合炒蛋黎食就perfect match喇。而且份量不少，對一個女仔黎講絕對夠飽。🔸瑞士汁雞翼湯公仔麵配炒蛋 $42 (+3轉茄湯)(+5轉奶油豬)雞翼無諗到會有三隻咁多，一般都得兩隻😂茄湯夠味，有一舊蕃茄同一舊薯仔。招牌3.6牛乳炒蛋做法有啲似玉子燒咁整，長條形，份量多。配半個大掌咁大既奶油豬，烤得好脆，熱辣辣。🔸鹵水雞脾撈丁 $43雞脾釀得幾入味，煮得好嫩，啖啖肉，但不算是大雞脾。撈丁則比較普通，但勝在不是煮到好淋，因為個人口味比較鍾意食冇咁淋嘅丁麵。．by VIN環境分數: 7/10食物分數: 7/10

嬲到我呢 本身都知呢間野d外賣耐！算 我等得 但係今次真係要寫一寫劣評叫左個餐 當時係11:17都預左耐咁咪做住其他野先點知12:25都未到唉 你做唔黎咪鬼學人接外賣做啦你話你唔夠人手 同我講囉 咪落黎買 打電話吹過兩次都話黎緊黎緊 想點 hea我？呢間野本身一開頭其實係幾好食慢慢發覺越做越差 野又唔好飲 唔知想點d外賣仔仲好笑 上親黎都聽住歌咁 你係咪做緊野呢其實？d面永永遠遠少兩啖湯 證明時間係耐！以後真係唔會再幫襯 寒完全全冇誠意 淨係為賺錢？

我去他們店吃不論是早餐、午餐、下午茶都是叫炒蛋白（選用加入北海道牛奶炒的）、奶醬多（是厚吐司）、炸菜肉絲米同茶走小甜，就是美好一天既開始。晚餐的話則不推廌，餐牌都一樣，選擇不多。想吃一個滿足的常餐可以來這。

難得黎到龍門唔係想掃街。見呢間野都幾出名，所以今次決定同friend去呢間野試下！估唔到佢既黑松露意粉可以咁好味！作為黑松露既fans一定要試下呢個呀！有機會會再黎呢度食。