龍門冰室 (已結業)

今次第一次嚟龍門冰室食野，見過都有幾間分店，但係都冇入去試，相信應該都唔差。 一入門口，見到環境光鮮，侍應都有整齊既紫色制服，白色牆磚，咁佢地好有禮貌咁安排我同我朋友埋位，每張枱都有盞吊燈照住，好有特色同幾舒服。之後望一望個餐牌，好多款野食揀，我同朋友都睇左好耐，跟住有位侍應主動行過嚟推薦下，咁呢個行為係比顧客好好既印象。 最後都落左香蒜牛油帶子意粉、香蒜硯肉意粉、黑松露薯條、一杯奶茶同紅豆冰。兩個意粉餐跟埋一碗粟米忌廉湯同沙律。先講果湯先，足料好香既，飲落去甜甜地唔錯，幾好飲，美中不足既不夠熱，如果再熱返少少相信味道會更好。到沙律，一樣係有好多材料：蛋、生果、栗米、椰果，食落口係好開胃、生果都夠甜，唔錯。之後嚟薯條啦，一開頭諗住小食，可能都係細細碟，點知嚟到成個鐵板餐咁大，一座薯條山有沙律菜做底，另外有兩款醬點，一隻係黑松露醬，另一款梗係最基本既茄汁，茄汁薯條食得多，黑松露醬未食過，食落口係好好食，唔會特別油，醬係一流，不過薯條稍為炸得過左，濃邊既薯條比較多，但係出到嚟都唔會太林同凍左，整體評分都有80，值得大家去試下。之後講下兩杯野飲啦，咁奶茶就正正常常不過不失，我朋友就冇

送完大女返學係時候約朋友仔食早餐. 朋友推介呢個地方話有自家雪菜。咁特別梗係要一試。餐牌好多好多選擇選擇困難症嘅我揀咗好耐好耐。炒蛋有啲似日式壽司蛋。我選左奶醬多 （花生醬加連奶） 平時出邊食厚多士只有1塊，估唔到呢度有兩塊，不過醬就唔係好多。如果多少少將就perfect了。雪菜肉絲米線， 好大碗雪菜唔咸同好博博趣， 唔似出邊啲梅味, 真係值得一讚。去茶餐廳必點奶茶， 茶味唔夠重，奶比較多。今次冇帶bb去食就ok, 我諗bb車入唔到同帶bb我唔係好方便。 不過下次同老公拍拖會帶佢去一試。

入得屯門，當然要去到龍門居搵下美食喇！！我同朋友係龍門居行左一陣想睇下有咩好食果時，咁岩比我地睇到「龍門冰室」，又肚餓又熱既我地二話不說就入左去。一坐低當然要睇下個餐牌有咩好食，雖然叫「龍門冰室」，但係佢竟然有All day breakfast比你簡，仲有好多唔同小食。最後我就簡左傳統英式早餐、蜜糖雞翼加埋一杯雪糕紅豆冰！係大熱天時飲番一杯紅豆冰真係消暑又解渴（可以簡雲尼拿同朱古力味雪糕）一上左個英式早餐黎，心諗嘩，真係大件夾抵食，而且個味道真係同其他café shop有得比，絕對值得推介！！！個小食，蜜糖雞翼真係好入味，個雞翼炸得岩岩好，中意食蜜糖雞翼既你地就唔好放過！最後不得不提既就係，果杯雪糕紅豆冰！！！我叫左依一杯野飲絕對冇叫錯到，因為依加唔係到到都叫到雪糕紅豆冰飲，真係童年回憶番哂黎，一啖雲尼拿雪糕，一啖紅豆，真係冇得輸呀！中意飲紅豆冰既你地就唔好放過，黎到點到要試試佢！最後，係睇餐牌果時睇到有韓式芝士鐵板餐又可以配辛辣麵，真係好想叫黎試下。好可惜，我地係lunch時間去，食唔到。期望下次再黎食果時，可以試下佢喇TT！

今朝杯咖啡完全垃圾，叫人試一試處理下，在處理中，有個最年長的姐姐走來話有乜事，告知後她說不會有問題，因為部機係新。乜態度呀！我成個餐冇食，比個$28佢改善質素與態度。利申：由一間舖食到兩間..食物變化一試就知啦

我在觀塘上班，最近最愛呢間新潮冰室食飯，原因係呢間有我最愛的鐵板餐。之前食左好多次呢間鐵板，次次都保持到水準，因為未試過配辛辣麵，試下啦！佢D扒永遠都係大大塊，真係夠豪，今次點呢個吉列豬扒伴肥牛辛辣麵，都係好大塊，個麵包糠夠簿身，炸到出面好脆，但係入面D肉好鬆，仍有肉汁，好好食的炸吉到豬扒，香口到震，肥牛也出奇地有牛味，不錯的。至於辛辣麵，好彈牙，但千祈要撈D芝士汁食，否則會好乾，夾埋D芝士汁一齊食，神奇作用來了，D麵好吸汁，整體充斥辛辣和芝士的溶香，味道豐富有層次，簡宜食完想再食，單食個麵已經好飽好滿足。口痕想食埋呢度馳名黑松路薯條，法式薯條大大條，好正，炸到香脆內軟，薯味十足，最好吃加埋個又香又帶酸的黑松露醬，吊到薯味，有點膩，但好好味！呢間新潮冰室，美食實在叫人讚口不絶。

住屯門都知龍門居多野食，宵夜食得多，其他餐廳就未試過。去到龍門居，見到呢間龍門冰室幾事正，就試佢！一睇餐牌已經知道佢唔係平時既冰室，all day breakfast 都有呀😍叫左個韓式鐵板餐，揀左豬頸肉、炸帶子、配烏冬、咖哩汁。 真係驚喜，估唔到食落真係唔差！炸帶子好出色同朋友仲嗌左蜜糖雞翼，正雪糕紅豆冰，如果係碎冰會好d la凍檸茶，最鐘意呢d杯，可以keep住凍最後食左$174，2個人，冰室黎講可能貴左d，但真心出色，可以一試

今日去龍門居搵friend食飯，諗住求其搵一間餐廳食就算，咁岩見到有間龍門冰室，見個外觀唔錯，就入去試下。一入到去見到裹面既裝修好靚，同其他冰室，茶餐廳完全唔同，真係估唔到。裹面既菜式好多款可以揀，鐵板餐，流心奄列餐，韓式芝士鐵板餐，而３個都好吸引，都諗左好耐。最後我揀左流心奄列餐，配雞扒加芝士汁飯加杯咸檸七。出餐時間好快，我地等左５分鐘左右就有得食個餐黎到既時候，我切開裹面個奄列既時候裹面既時候，因為佢熱辣辣咁送黎，Ｄ芝士香就出曬黎，加上佢Ｄ蛋加芝士汁盲係咁流曬出黎，作為芝士控既我黎講真係好吸引。食落去每一啖都係蛋加芝士，Ｄ蛋真係好滑，真係好滿足。見個飯咁好食，我地追加左個黑松露薯條。個薯條又係一個意外驚喜，薯條熱辣辣唔再講，佢個黑松露汁真係有黑松露味，無花無假，真係好好食總括黎講係意想不到既一次冰室體驗。

放假入屯門打完波，一於成班朋友係附近食飯，見到裝修環境不錯，而且地方又舒服，所以就揀左「龍門冰室」了！先黎一碗羅宋湯，顏色鮮豔，配料豐富，而且味道十分濃郁，算得一試👍🏻👍🏻👍🏻👍🏻由於打完波好肚餓，所以點左一個餐廳推薦的什扒餐，一黎到已經嚇了一跳，份量相當之多，有雞扒、豬扒、牛扒、炸帶子、德國肉腸、煙三文魚、炸薯條，非常豐富，個人而言非常抵食不過啦😂😂😂😂而且食物溫度夠曬熱辣辣，肉汁肉質剛剛好，唔會煮得太乾身❤️食過咁豐富的扒餐，一定要飲番杯野 - 雪糕紅豆冰，首先雪糕夠大球，飲品溫度夠冰鎮，而且味道剛剛好，不會太甜！這餐十分滿足😘😘😘

同朋友一同去了屯門區的龍門冰室餐廳食晚餐 由於餐牌圖片及文字吸引 好快已經想到食什麼 即刻叫了咖哩牛肉飯 秘製咖喱汁令牛肉更滑及美味真是絕配, 食物熱辣辣好像充滿馬來亞咖喱風味, 加埋有些蕃茄, 真叫人忍不住食多碗飯,留心奄列餐是魚柳白汁配意粉 魚柳香噴噴因魚柳炸得幾好又香口又不油膩令人覺得食得健康 留心奄列的蛋仲好香又滑 白汁配意粉令人食多兩口 加上食物買相很好看 好想時常食 下次再來時要選配不同食材品嚐 例如:留心奄列餐是雞扒芝士汁配意粉

今晚食 龍門冰室的留心奄列餐是魚柳百汁配意粉 ，第一眼買相好看，食落口炸魚柳好香口，魚柳熱騰騰令人胃口大開，奄列的蛋很滑溜，白汁配意粉令人好開胃，好想吃多兩口意粉，差不多食完食物時，已期望下次又再來食

秘制咖哩牛肉撈丁咖哩好香濃，少少辣，食到有唔同香料既味道，而且較稠身，撈麵一流。用牛肉片代替牛腩冇咁油膩，牛肉片份量好多，食完個麵仲有唔少牛肉可以慢慢歎。濃濃既咖哩，口感仲有點彈牙既出前一丁撈埋一齊真係好好食，再加上一片片好入味既牛肉，仲有煮到軟林既薯仔，好正。Q版煙三文魚沙律沙律以蛋黃醬爲主，有蛋白、水果、蕃茄同蔬菜，再加埋幾片煙三文魚，真係好滿足！檸檬利賓立用鋼杯上可以令飲品保持冷凍更耐，味道都唔錯，好適合消暑飲！

去完朋友喺屯門嘅屋企後，去左附近嘅龍門居搵下有咩食，見到呢間餐廳有超多選擇，而且價錢唔貴，所以就入去試下。其實menu真係有好多選擇，焗飯、鐵板餐、撈丁、湯粉麵、韓式食物、小食，甚至甜品都有得揀。我同朋友都掙札左好耐先諗到食乜，因為大部分都幾吸引。最後我地揀左卡夫芝士雞扒黑椒撈丁、忌廉粟米龍脷柳撈丁、流心奄列芝士魚柳飯同埋鹽酥雞。當食物未黎之前我地仍然充滿期待，點知。。。卡夫芝士雞扒黑椒撈丁 - 呢個嘅味道係普通到唔普通，而且塊雞扒一啲都唔嫩口。忌廉粟米龍脷柳撈丁 - 叫之前有問過侍應呢個撈丁有冇芝士，佢話有我先叫。但食落口係完全冇芝士味，而且連粟米味都冇乜。但塊龍脷柳好大，仲要有兩塊，如果只為填飽個肚，都可以接受。流心奄列芝士魚柳飯 - 奄列冇流心，同一般屋企嘅炒蛋冇乜分別，魚柳有啲燶，芝士都係冇芝士味。鹽酥雞 - 伏中之伏！一黎到我同朋友們都嚇一嚇，點解會黑色賣相特別，食落口重特別，點解會有糭味嘅可能係特別既煮法，但我都係接受唔到原本諗住叫甜品，最後都放棄了，唔想再中伏。

原來呢間野都幾抵食。叫左個焗豆西冷牛扒飯。份量算多。午餐可以食到46蚊既西冷扒，開心！西冷大大塊，啱啱煎好，好熱。焗豆淋係飯度，撈埋一齊食，正。西冷煎得唔錯，唔會太老，有水份，加埋燒汁，好冰室feel！再叫埋蜜糖雞翼小食。六隻雞翼，煎得勁香。雞翼皮好脆，但入邊保留住水份。蜜糖既香味痴實係雞皮，又甜又脆。好快就食曬，因為好好味。好食！落雨天食呢啲熱辣辣野真係好享受。飲杯熱菜蜜，好暖。間野抵食既，典型平靚正。

TM打完波，波友帶路去左龍門居一間龍門冰室吃美食。一坐下，二話不說就話要點杯紅豆冰解暑。大家睇餐牌睇左好耐，因為太多好選擇了！因為連續打左四個鐘，沒有吃午餐關係，所以我就點了英式早餐set。波友一點了常餐鮮茄濃湯米線，餸可選兩樣，他點了鮮牛肉同豬潤。波友二想食甜品，所以點了一個Pancake set我們再點了一個芝士肉醬焗薯條一齊開心Share.紅豆冰， 我等著你送到我的口裏。他們的紅豆冰加了椰奶，用金屬杯盛載，冰凍的感覺由手指尖傳入心裏。我豐富的英式早餐來了！ 他比我在英國食的英式早餐，多了煙三文魚同埋牛油抄什菇，不同香脆肉腸的款式。好欣賞他卷起煙肉，一淡一口。他的炒蛋好厚身但是不會老，好像食海綿蛋糕。好鐘意他的德國香腸，味道挺特別。粟米什果沙律，份量很多，像家裏自己做的一般，有罐頭什果，蛋白同粟米。天時暑熱，最好係食沙律。朋友所點的鮮茄濃湯米線，試左一啖蕃茄湯，好重蕃茄味。另外試了一片豬潤，厚身，味道配蕃茄湯中和了他本身內臟的味道, 原來可以這麼美妙的。Pancake tea set 份量俾我想像中多。有四件2cm 厚的pancake 及整條香蕉切片，再加埋朱古力同雲呢拿雪糕。香蕉

九點幾先放工，好肚餓，同朋友一齊點左牛扒及什扒餐，碟上，因為唔想俾個鐵板整到d扒太熟，所以食親鐵板都會轉碟上。塊牛扒煎得好靚！肉質香，口感足，仲配4條炸蝦好香口，是即炸的！D飯都幾彈牙，有d似珍珠飯。朋友的什扒飯都好大碟呀！有牛扒，size同我個餐差唔多大件，又有雞扒，肉質嫩滑，仲有炸帶子及香草腸，我都試左d香草腸，真係好有香草味，名乎其實！原本想食埋小食，但食完份扒餐已經好飽，哈哈！下次試其他野食！