龍門冰室 (已結業)

樓面倆位阿姐掛住傾計 完全ng 係做野gum 餐牌已經ng 係多野 早餐得六款 都記錯 我話A3 又問我係未鮑片 每一句都要重複先聽到 後來我要大嗌先得野食又ng 係特別 不會再來觀塘大把茶餐廳

今日去牛頭角見客.....個客係做飲食嘅.....諗住同佢傾下入五餐肉事宜.....因為最近消委會check我哋公司嘅產品我哋公司竟然排名頭四位......原來牛頭角呢邊都幾多嘢食.....同個friend傾傾吓計.....佢話推薦呢一間所以入嚟試吓環境都幾特別....有別於一般茶餐廳....地方尚算乾淨行西式路線其實個咖喱豬扒撈丁......你可以話好食又可以話唔好食.....好食在於塊豬扒好香好好味好有質感....唔好食就係個撈丁吾太乾身.....而且仲要好濕

四點鐘又未食晏晝、條街都有幾多選擇，呢間感覺外貌新潮啲，入去試吓，基本一個下午茶餐＄30，可以有不同配搭，我就揀咗滷水雞髀加朱古力紅豆西多士，港式奶茶，隻滷水雞髀都幾好味，滷水入味，雞髀嫩滑又夠大隻，至於個朱古力紅豆西多士就一般，西多士入邊用紅豆蓉、外面再配上朱古力醬，首先紅豆蓉配西多士已經有啲鬼鬼地、再加個極少及不突出的朱古力醬，呢個應該啱一啲唔鍾意食好甜胃口嘅人，不過叫得西多士當然唔怕佢甜，所以呢個我就麻麻哋啦。奶茶OK。

野食非常一般 ， 塊牛扒十成熟， 切都切唔開，真係唔知咩玩法，英式早餐餐牌寫係大磨菇， 黎到點知係冬菇同秀真菇 ！？ 又係唔知想點， 同埋服務態度非常差 ！！ 問佢拎把刀， 個待應阿姐拉開個櫃筒 眼尾都唔望你一眼就走！？ 跟住 ！！咁岩有4個客入黎，個阿姐見我地差唔多食完， 就叫我地坐埋一邊（我地坐4人卡位）讓一邊俾4個男仔坐！！ 我同待應講 我未食完喎！佢就同我講 '呢d時候係要坐埋一邊架喎' 我真係唔明 一邊得2個位點樣坐4個人 ， 同埋其實我都就食完 ， 最多都係等多10分鐘 。真係唔明 點解要咁做 ， 你可以係我入黎時候就同我講繁忙時間要坐埋一邊囉， 而唔係你食緊個時叫你轉位囉 ， 轉係人情 唔轉係道理囉！！ 大家想受氣又對食野零要求既就去啦！

服務態度超差order我地飲埋最後嗰幾啖仲同我地講食完其就可以走架啦咩態度先我明白人多 你想做多幾轉但你可以禮貌啲同我地講 我一定會幫你更何況我地只係坐低左半個鐘點解想好好食個飯都咁難

放工最頭痛就係搵嘢食，特別係一個人嘅時候，最方便就去茶餐廳醫肚路經龍門冰室，見到佢哋嘅裝修幾靚，唔似港式茶餐廳，有啲似coffee shop入到去見到餐廳好多人，但門口兩個侍應就喺度自己講嘢，我企係佢前邊2分鐘佢哋都冇反應跟住我自己入去坐低，見到其他侍應落單好似打仗咁樣～講返食物， 佢哋選擇都幾多， 有中式嘅小菜，茶餐廳晚飯套餐，連西式意粉都有因為之前試過西式意粉，味道好一般， 所以今次想試吓中式小菜，叫了西蘭花炒帶子～果然佢哋嘅中式小菜係比意粉好食，西蘭花好爽唔會硬，帶子份量都好多而且冇乜雪味之前朋友話試過佢哋嘅黑松露炒蛋都唔錯，中西結合都幾特別，下次可以試吓

話說今日去食晚餐.....叫左個龍蝦汁魚柳奄列飯同熱檸水.....首先黎左個檸水...啲檸檬上面痴住左隻蚊...都幾明顯....同佢講...佢話係檸檬皮黎....不過之後無奈地話換過杯俾我......之後個奄列飯黎到...同幅畫差好遠...幅圖係好似蛋包飯咁...事情係白飯上面鋪隻蛋...呢樣野都算....唔算係啲咩既....圖片只供參考嘛...但係食食下...個飯裡面竟然有隻曱甴.......其實呢間野味道就唔算好差既...但衛生就

是咁的，這是我第一次光顧這間冰室，光顧前後感覺也不錯，因此作出推介。由於鋪面裝修給人休閒簡單的感覺，剛好肚子餓的我帶有很大期望走進鋪頭。但下午茶時間，幾乎滿座，幸好尚有兩個座位，要不都錯過了這次試食機會。下午茶餐牌食物選擇多，可自由組合，光看已食慾大振。我想了很久，叫了麻醬冷烏冬配“魯”水雞脾，加熱飲，才$30！上菜的時候，麻醬冷烏冬的賣相令我有點失望，但當我吃完整份下午茶，我沒有後悔點了這個餐！因為雞脾故然之好味，冷烏冬也很“醒胃”，好味之餘，沒有很熱氣很肥膩的感覺！不熱氣、不肥膩的下午茶不是一般茶餐廳能有的特色！另外，同行友人點了碎蛋沙律配奶油朱，我也忍不住分了一口碎蛋沙律，好美味，好滿足！只可以說，這是不是一間十分有特色的餐廳，我暫不評論，但作為第一次光顧的食客，我認為這是一間用心體貼顧客口味的餐廳！值得再來！p.s.第一篇食評，望下次文筆有所進步。

今日去開呢頭諗住11點前去呢到食個早餐, 但原來呢到係冇早餐食, 常餐已經係早餐既餐單, 仲要全日供應添, 所以叫咗個牛油多士炒蛋配火腿通粉, 呢到既多士多可以自由配搭, 奶油, 花生醬, 果占, 奶醬, 奶占等等仲唔駛另外加錢, 當然可以要原味牛油多士, 炒蛋切開裡面仲有少少流心, 火腿通粉都好大碗, 凍檸茶茶底比較濃, 有啲苦澀今日出餐時間都比較慢, 平時中午見到好多人排隊而且內裡環境都好逼, 所以如果4人以上都要等好耐位, 除非係非繁忙時間

在觀塘上班經常都會四處覓食。今次來到富港式味道的龍門冰室，坐在二人卡座，吃一塊西冷，喝一杯熱朱，感覺多自在。牆上的LM CAFE字樣用lego砌成，吊燈既時尚又有格調，年輕化得來又不失傳統風味。來到冰室當然要吃鐵板，點了黑椒汁西冷扒配薯菜 $80，跟餐送上沙律及羅宋湯，羅宋湯份量不少，比一般餐廳的份量多一倍。吃鐵板西冷扒特別有味道，黑椒汁遇上熱辣辣鐵扒，發出滋滋聲，煙霧瀰漫，大大份扒充滿黑椒汁，香噴噴。薯條和大大條的香草腸放在扒的底部，好讓鐵扒不會因為過熱令西冷全熟，滿有心思的考慮。這裡的招牌熱朱更是老字號，濃濃的朱古力，配上可可粉，落足料的甜度，喝下去，暖暖的，很舒服。

話說行經觀塘有點肚仔餓，但又未餓到可以食晚市套戲既程度，心諗不如揾門茶餐廳試下啦！見到龍門冰室最近開左好幾間分店，門面又乾淨企理，一於入去試下啦！入到去仲有一兩張吉枱，店面姐姐都係強調我一個人要坐去已經有人既卡位填滿左先，都冇乜所謂既，都算闊落。不過坐耐左發覺冷氣好細，焗到標汗。常餐鮮茄濃湯通粉感覺好吸引，一睇個名口水都分泌出黎，冇理由唔叫既！早餐同下午茶時段只係收28蚊，晚市都只係36，仲有兩樣配料揀，勁抵食！我就嗌左鮮茄濃湯通粉，配北海道牛乳炒蛋同腸仔，加兩蚊凍檸茶，最基本配搭，一定穩陣啦！點知，原來兩個配料放埋落碗通粉一齊上，唔係分開上，啲湯浸滿哂就溢出黎。好似執埋一碗咁，賣相真係一般味道方面，好淡，係完全冇鮮茄濃湯味既😅 就咁呷一啖湯真係冇味道，而且好稀，本身仲期待會有酸酸甜甜既感覺～不過配料算用心，炒蛋大大片，對摺完都仲可以填滿個碗咁大塊，腸仔都有兩條，味道都不錯。就係個湯底實在係扣分之作～～～期待可以有更加鮮甜既鮮茄濃湯～～咁抵食如果湯底有改善一定會更受歡迎！

今日相約朋友黎牛頭角做project, 工作之前當然要食飽先有力做野啦 之前曾經係龍門食過焗飯午餐，覺得都唔錯，所以今日就打算去龍門試下佢個常餐先。我點左豬頸肉米線加牛奶炒滑蛋。見到待應姐姐拎上黎就知道唔對路啦，份量勁細，咁樣已經賣$36蚊。豬頸肉肉質爽口，但唔入味，感覺有啲似𡁻香口膠。炒蛋亦沒有油香同滑溜口感。

星期一放工屋企冇飯食就同Fd一齊食個快飯，好耐之前係到食過都唔錯所以再黎食，不過今次就發現佢餐牌多左唔少選擇。 蔥油雞脾飯 $42係好香既鼓油雞脾，而且都幾入味，同埋雞脾肉都唔霉，不過冇咩蔥油味喇，同佢個名唔太相符。 照燒雞扒滑蛋飯 $46呢到既滑蛋真心幾正，份量大而且質感真係好彈滑，不過雞扒本身冇咩味，可能有咩醃，所以要沾到面頭既照燒汁先好味。 蜜糖雞翼 $38忍唔住叫多左份蜜糖雞翼 , 全晚最好食亦係好，雞翼烤都表面好香脆，內裹好嫩滑，而且仲有少少辣椒，沾埋蜜糖甜得黎少少辣，味道更有層次。 

從來都未試過咁難食嘅餐廳。 我喺嗰度嗌咗一個流心奄列飯， 奄列飯隻蛋係全熟。。。。 其實我未叫之前已經覺得伏伏地。 估唔到中伏中到我應一應。 我諗呢間算係我食過最烈溝嘅飯堂。 順帶一提服務質素極差， 係咁多。 唔怕中伏嘅朋友可以一試。

It is quite close to my office and today my colleague want to take some noodles. We have not tried it before. After looking at the menu, we chose the All day breakfast. The toast is good with the peanut butter and condensed milk. To my surprise, there are 2 eggs and exceed my daily quota! Well, the macaroni is as expected, just the beef is not that tasty. With just $36, including drinks, it is alright.