龍門冰室 (已結業)

一向以來都好少出去食早餐，不過今朝7點幾鐘就醒左，又唔想訓返，不如就落街搵間茶餐廳食下。就係公司附近，平時lunch 都見佢出面排晒長龍，咁多人又唔會排，難得早餐時間唔洗排，一於又試下你乜料。落單order 左個常餐，包括左蜜汁叉燒湯意粉、3.6北海道牛乳炒蛋配多士蜜汁叉燒湯意粉叉燒味唔算特別甜，但因為放湯ge原因，無左呃口叉燒ge風味。意粉方面算正常，無乜挑剔。3.6北海道牛乳炒蛋配多士一咬開，你會食到佢有幾層，應該係炒ge 時候以薄薄地咁鋪開，然後再卷埋一條長條形，再切開幾份，味道都算OK, 不過份量就真係細左d (你睇格黎件包就知)多士唔係重點，不過佢地搽牛油都唔算吝嗇，唔會好似出面有d 茶記連俾多少少牛油你都唔捨得，呢點加返少少分俾佢。熱檸水餐廳唔算大，左右兩邊客有4-5張卡位，中間大約開多4-6 台，其實有少少迫。到我差唔多食完果陣就開始多人，一兩個人食個快餐就OK，想傾多兩句坐耐d就可能會有少少壓力喇。 

話說昨晚與友人在觀塘搵緊野食,見到呢間龍門冰室,雖然都幾細間不過裝修都唔錯就決定入去試試,望向餐牌選擇唔多,主要都係湯粉面,飯就得幾款朋友就叫左個沙爹牛通,我就叫左個焗雞扒飯,過左一陣個樓面放低左杯冰同罐7喜比我,但我叫既係凍檸蜜,我諗佢落單時應該係聽錯左,咁好正常地我就同個樓面講我要既係凍檸蜜,點知個樓面既態度令我同友人都嚇左一跳,佢用極度嗨氣及不耐煩既態度同我講:下!我明明聽到你要凍檸7,唉好喇換比你,要凍檸蜜呀?今次肯定啦麻?我問清楚先廢事轉頭你又話唔係!我當堂呆左,你落錯單換過比客好正常下話,佢竟然咁既態度,咁呢樣其實都係好少事,個焗飯先係重點,我足足等左成3x~40分鐘個飯都未焗好,我仲有d擔心係咪入面個廚房發生左咩意外,朋友個通粉一早就食完,佢同我講d少爹牛好咸,咁我自己無試過不作評論,不過友人食左半碗已經飲哂杯野,相信真係幾咸,好了等左40分鐘個焗飯終於送到,結果眼前既係一個完全焦黑,發出陣陣燶味既所謂焗飯,我都明白即使係專業廚師都會有整得唔好既時候,但我相信40分鐘係絕對有足夠時間比佢地重新整過一個好既比我,而當時除左我地只有1,2台客,我相信佢地應該完全唔忙,係有時間

要一個人食晚餐，凍凍地既天氣會想食熱湯或者粥之類既東西。經過呢間冰室就諗起熱湯通粉，於是入咗去。入倒去，比佢既裝修吸引了：舊式卡位、細格地磚 但新潮黑白裝修。加上本身間舖唔算大，感覺好精緻。我叫個蕃茄濃湯通粉+兩個餸：果然濃湯！有蕃茄既香同微酸，但是冇平時朋友怕食蕃茄湯時所講既草青味。一啲都唔似係罐頭湯開水。我今晚想大食啲，於是又叫多例厚多士: 大份！第二間多士可能係一塊方包；佢呢度係兩塊夾埋，有一隻手指咁粗。而且搽牛油果位哥哥一啲都唔吝嗇，多同均勻。個多士重要係熱上的，好正！(可能我食開果啲都係包凍，所以覺得呢個好正😅)

十一点多都準備回家瞓,途中又見到此新冰室有少少肚餓,忍唔住入去醫一醫肚咁夜嘞，當然先查問有無得食先好在店姐姐話有得食,仲安排坐張四人雅座看到餐牌,選擇甚多,貪新鮮試左個芝士焗豬扒飯豬扒脆中有軟,並且很香口,炒飯我幾鐘意ge,但係唔夠鹹同埋隻芝士味都唔夠濃,因為我一向係鍾意好濃味芝士飲品凍檸檬茶重量型成公升大杯裝,甜度剛好,檸檬的清新香味清之餘涼層層的冰粒,在炎炎夏日的確一杯超透心涼的飲品店員算是熱情好客！見到我少少等得耐表情，即時反應去跟進店面都很乾淨,裝修是玩6,70年代,感覺很懷舊！之前因為新店無人手收好早我唸第日浦得晚路过都可以食宵夜咯!

開業成個月路過幾次，今晚嚟試試一入去店長醒目即問多少人，事關得自己一個隨囗回答已經到齊之後吾理咁多自動波，店舖入面大約50個位求其找個位研究一下餐牌, 都好有彈性食物佩搭叫左常餐A5，揀牛肉及叉燒濃番茄通粉落單冇耐，5分鐘左右野食好快送到，通粉酸酸的，味道不錯湯充滿濃濃既番茄味， 牛肉軟腍，叉燒味道也算不錯通粉質感幼滑，感覺每一啖都好豐富奶茶好香又濃郁又有茶味環境裝潢得非常摩登,地下偕磚感覺特別埋單$33 幾抵 店員也很好很nice很有效率,應該會再黎

十一点多都準備回家瞓,途中又見到此新冰室有少少肚餓,忍唔住入去醫一醫肚咁夜嘞，當然先查問有無得食先好在店姐姐話有得食,仲安排坐張四人雅座看到餐牌,選擇甚多,貪新鮮試左個芝士焗豬扒飯豬扒脆中有軟,並且很香口,炒飯我幾鐘意ge,但係唔夠鹹同埋隻芝士味都唔夠濃,因為我一向係鍾意好濃味芝士飲品凍檸檬茶重量型成公升大杯裝,甜度剛好,檸檬的清新香味清之餘涼層層的冰粒,在炎炎夏日的確一杯超透心涼的飲品店員算是熱情好客！見到我少少等得耐表情，即時反應去跟進店面都很乾淨,裝修是玩6,70年代,感覺很懷舊！之前因為新店無人手收好早我唸第日浦得晚路过都可以食宵夜咯!

在觀塘附近搵食，真係唔容易，因為選擇不多。最近發現一間新鋪，原來係主打常餐既冰室，當然要試一試。午餐時間果然多人，等左約四個字就有位。餐牌選擇幾多，有飯有麵，一班同事食都有得揀。近來天氣炎熱，所以選擇蕃茄濃湯通粉，配滑蛋及豬肝。蕃茄湯色澤唔錯，不過味道就唔夠香濃，並沒有蕃茄味，而且清淡無咸味。滑蛋唔滑，有的似日式玉子，應該係煮過火。當然豬肝一樣老左的。最後試左同事既厚多士，口感唔錯只係醬汁太少。熱奶茶夠香滑，有茶味，是個亮點。

入到去被安排坐狂收銀隔離的卡位，當時好多人同時比錢同叫外賣，已經好多人迫係我地個位附近．之後想叫野, 叫左一次個伙記話好, 之後走去收錢, 再落外賣單...我地再叫,同一個伙記都係話好, 如事者, 我地等左5分鐘, 我再叫一次唔該可唔可以寫野呀....佢至話, 好, 係wo 唔記得左tim......超無奈, 好啦...終於可以落單....想叫個流心奄列飯, 佢話唔好意思呢個而家無呀,要夜晚至有, 因為師夫而家唔得閒整呀....當場呆左...最後我地揀左雞扒意同焗豬扒飯, d 雞扒好咸...個豬扒就正常...食過呢次, 都應該唔會再黎了.

今日收工,同幾個同事去食dinner, 開頭唔知食乜，不過聽同事講觀塘開左間冰室幾抵食，就不防試下，入去見到啲裝修都幾懷舊，簡單，都有啲冰室既味道。坐低之後，仕應極力推介流心，話夜晚七點先有，據說老闆三十年黎由心出發。聽落有啲搞笑，不過講到甘就試下，於是點左四個，等左廿分鐘。一放低，係奄例加雞扒，份量都幾大。開頭覺得係一個普通奄列，當食左幾啖先明個仕應推介，因為感到老闆真係有心出發！咖哩汁好香芝士汁好濃，不過有啲飽仲有餐牌無寫又有既茄汁，開胃啲！

想試呢間野好耐，今日終於有機會，由於我係宵夜時間唔想食太飽，就点左佢地推介嘅流心奄列餐，点知。。。有驚喜喎，我要芝士汁，一切開，唔係講笑，嗰D芝真係湧出黎架，好creamy，又唔會太漏。。總之就真係正啦，加上嗰度環境都唔差。。都坐得舒服，下次去試下其他野先！！

自從開左呢間新茶記，見佢裝修都潮潮地，今日番工前終於有機會試一試。同呀Q兩人坐卡位，間格舒服，黑白鏡裝修簡單舒躺，加上卡位多大家唔洗大大聲講野，桌面放既係一MUJI既用餐小品，感覺似入左間CAFE。點完野食好快上野飲，茶走上時已幫我搞雲左d練奶，而用黎夾住單既夾仔亦十分可愛。西多比出面貴少少，但物有所值，大舊之餘係流心架！雞包亦十分美味，不過舊牛油搽得hea左d，要自己打開再搽一次。兩個下午茶餐都係＠＄24，值得回頭再食。

用感嘆號開題，事因我回顧這個開飯經歷，真的有些感嘆。正確點說，是心中仍然有氣。 不久前，同伴的同事告訴她，有一家冰室仿傚北海道牧場（而後者本身也是模仿的）。聽了不禁問：學到的是外表還是品質？在西營盤碰過有人以傳統茶記的招牌混飯吃 （姑隱其名，但search我的食評就會知道是哪家）後，對這種舉動已有了戒心，不過既然今天路過，也試試看吧。整個餐牌，以常餐最有同業的影子，但價錢比對手便宜三塊（比華星）至七塊（比牧場）不等。而套餐內容，比他店顯然更具彈性：多士基本上味道任配，而粉麵選擇也較多。 是「龍」是「蛇」，試常餐便最清楚。一照抵萬言，大家一看便知。一打開多士「驗貨」，我瞪了眼。 未溶的孖芝蓮（多士若熱，便不會有這種賣相），花生醬與牛油一樣料搽一塊多士，像貼錯門神。 水準低下的茶餐廳出品。至於「炒蛋」，一層lukewarm的蛋皮，夾雜一層蛋汁，顯然是為了讓人覺得「嫩滑」的烹調處理，不像是炒的。入口，差點起雞皮疙瘩：你能想像溫的蛋汁，送到咀裡的口感是怎樣的嗎？ 多士和蛋的另一個處理。這回，我簡直傻了眼！ 看見牛油上的刀痕嗎？與旁邊的煎蛋一比，你便能看出塊多士有幾「奀豬」。說到蛋

第二次光顧，第一次感覺已經很差，但因為本人比較喜歡食茶餐所以再次試食。唉！服務強差人意，炒蛋不是炒出來的，而是煎蛋餅再捲起，質感很實。一杯凍奶茶追完再追，等左15分鐘，成個餐食完先出現。某小男生服務員經常發夢，今次追奶茶無奶茶，第一次要紙巾或布（把衣服弄髒）無任何表示，奶油多變牛油多依然無俾反應，完全唔解決問題。客人付款，錯單。餐具只俾一套（客人2個）唉！這間店沒有第三次機會。

值得推介的一間餐廳，食物方面，今早食左個沙嗲牛面，湯底濃郁，面質剛剛好，好彈牙，牛肉好滑，平時我係吾會食D牛肉，但今日就食左三塊，炒蛋有好清香牛奶味，好滑，厚多更加一個字~正，咖啡普通即磨。環境，是我喜愛的簡約黑與白，雖然地方狹窄左少少，但可以接受，始終香港寸金尺土，維獨是我坐的位置對住個廚房門，如果有野阻隔，相信會令顧客食得更享受，仲有一樣要贊的，就係個碗，好似一個杯形，有手柄位，老細好細心，員工拿野不會熱，顧客都會覺得衛生D，不過食食下有時會聽到廚房傳出粗口聲，這點希望老板可改進!

值得推介的一間餐廳，食物方面，今早食左個沙嗲牛面，湯底濃郁，面質剛剛好，好彈牙，牛肉也好滑，我平時係吾會食呢D牛肉，但今曰就食左三塊，炒蛋有好清香牛奶味，好滑，厚多更加一個字 ~正!咖啡普通即磨。環境，是我喜愛的簡約黑與白，雖然地方狹窄左少少，但可以接受，始終香港寸金尺土，維獨我坐的位置是對住個廚房門，如果有野阻隔，相信會令顧客食得更享受。仲有一樣要贊的，就係個碗，好似一個好大嘅杯形，有手柄位，老細好細心，員工拿野不會熱，顧客都覺得衛生D。不過食食下有時會聽到厨房傅出粗口聲，這點希望老板可改進!