龍門冰室 (已結業)

平時喺度食下午茶OK嘅 ， 但係今日食晚飯好難食一開頭嗰餐湯完全吾熱，個沙律難食。個意粉不知所謂，我阿媽整咗好味過佢，啲帶子有雪藏味，咬落似擦子膠，咬完要吐返出嚟。個鋸扒大家樂仲好味過佢，仲要收到咁貴，真係好嬲！d飯用珍珠米，完全唔夾。

是日不知道吃什麼，lunch time 隨隨便便走進去這間所謂的冰室。一進店裡，服務人員態度一般，連水紙巾都沒有，都算了！ 點了番茄通加牛乳雞蛋都可以這麼難吃！真的太失望！ 自己屋企煮仲好味啊。非常失望！不會再光顧了！

今晚因事到牛頭角，看到龍門冰室的裝修新潮雅緻，決定一試。我們三人坐卡座，空間感和清潔度ok。打開餐牌發現選擇很雜，由粉麵常餐到意粉到鐵板都有齊，儼然是港式茶記格局。最後本人要了瑞士雞翼撈丁(不吃撈丁可以揀飯/意粉）上枱後第一感覺是＂好細碟喎！＂丁麵的份量真的很少，約五至六＂著＂便吃完了，而瑞士雞翼則有四隻。可能餐廳＂貴精不貴多＂，麵質頗彈牙，雞翼十分入味亦嫩滑，而且瑞士汁很多，足夠撈麵有餘。兩位朋友不約而同要了北海道3·6牛乳炒蛋蕃茄湯通粉。蕃茄湯味道不算假，湯裏有鮮茄肉，牛乳炒蛋非常香滑，咬開還有蛋汁！總括而言，這是一間以新潮格局包裝的不折不扣的港式茶記－選擇多，價格合理和不錯的地道口味

食芝士汁魚枊飯，外觀普通，芝士汁覆蓋飯面，但不夠多，芝士汁是忌廉味沒芝士味，有所失望，認該叫忌廉汁才正確。魚枊只有兩小片，約3cm x 5cm 大，炸得夠脆，檸水的檸檬夠新鮮。但服務差，特別是櫃臺收錢果位，真的態度很差，我不會再去食囉！

今日早餐叫咗個蛋牛治凍朱古力小冰,凍朱古力嚟到飲咗兩啱,無味😞即刻同職員講可否加濃味啲或都甜啲杯嘢無味架喎,等咗陣再嚟一杯味到無變都係無味😭無朱古力味,無甜味,無奶味,感覺就好似奶水一樣稀😣😞最後都係試完味就成杯無飲過😞😞😞

搬黎九頭角辦公室的第二回午飯食評。上次中完伏, 今次唔自己周圍搵食喇, 叫左個同樣係呢區番工既美女朋友仔帶我去威, 經佢既介紹下, 黎左呢間龍門冰室。午飯時間雖然預左要等位, 但我地到達時門外只有寥寥數人, 所以約等五分鐘就入得。我觀察過, 呢到同其他冰室一樣, 九成既客人都係會點常餐既。 睇睇餐牌, 常餐黎講竟然有五種麵食選擇, 另外蛋可以揀選煮法甚或更換至其他肉類都得。最貼心既係連多士都可以挑選醬料, 果占、奶醬、油占、占醬...一共有十款甘多, 你講得出既都有!甘樣計一計: 5x8x10= 400 呢到既常餐組合總共有成400組甘多!!! 好驚訝!我既選擇係沙嗲鮮牛肉湯麵 + 炒蛋 + 奶醬多  完美!沙嗲鮮牛肉湯麵標明係鮮牛肉既沙嗲牛麵, 睇落無咩沙嗲醬, 但入口都有濃郁既沙嗲味, 牛肉食得出係鮮牛肉, 口感都好嫩,比起出面茶餐廳過份醃製既罐頭沙嗲牛, 呢到既牛肉味道比較有層次, 先香後辣再食到牛肉味。公仔麵都煮到恰到好處, 剛剛好, 很彈牙, 與滲有沙嗲醬的湯底同吃, 滿分。3.6北海道牛乳炒蛋呢到既炒蛋犯規哦! 因為點樣睇佢都係一個蛋卷唔係炒蛋, 不過見佢份量十充, 就算數

龍門冰室裝修雅緻， 食物選擇夠多亦特別，當中一定要試其芝士流心蛋飯。 今日揀了雞扒配芝士流心蛋飯， 大大塊有芝士流心的蛋包鋪滿白飯上，飯粒乾身粒粒分明，連流心芝士蛋入口香味濃郁，芝士配炒蛋的組合原來很配！ 雞扒分三件上，每件煎得香透， 咬落沒有雪味， 套餐連飲品不收服務費只需$46元。綜合餐廳環境、服務態度、價錢和食物品質，推介指數有8分（ 10分為滿分)。

今晚去完銅鑼灣見客，坐地鐵返黎牛頭角之後就想間餐醫下肚，所以就去左龍門冰室，呢個名有D似以前部電影“龍門客棧”。店面唔大但幾舒適，我就叫左碟餐肉沙茶牛肉燴意粉，冰鲜牛但都好有牛味，唔靱，但辣左D，而意粉都幾腍，爽口，整體都ok,可以一試

龍門冰室觀𡐓Lunch、high-tea、dinner 甚至早餐（對絕大部份打工仔而言圴為mission impossible ）又有新選擇！這間龍門冰室位置比較隠閉，真是全靠雜誌介紹，加上Google大師的「指點」，才令食客們不至於摸錯門釘！餐廳裝潢很特別，有點fusion 復古及pop art的風格。食物方面，同區而言會格很相宜！令我與一眾同時即場忍不住要問他們拎「外賣紙」 ！自己order的是all-day-breakfast，價錢經濟之餘最重要是可以「大包圍」，試試多款食材的味道！這份all-day-breakfast包括有燒菇、煙肉、茄油豆、炒蛋、德國腸、多士及少量沙律菜，賣相雖不算很精緻，但份量倒是十分足！多士可以自選奶醬／奶油／果醬等多款不同組合。菇燒得很香，而德國腸、煙肉及炒蛋一樣大fit，好可想像厨子對火候控制掌握得好好！整體而言有質亦有量！回頭率高逹70%！

在官塘要諗落街食咩係一件幾困難的事，幸好開了這間龍門冰室，是我覺得區內一間水準穩定的餐廳，本人是大食仔，如果單單是一個常餐未必夠飽，通常我也會加多一隻雞脾(只是10蚊)，試問而家邊度食到10蚊隻雞脾，加上哩度的凍奶茶水準不錯，又大杯!!!下午茶成個餐連雞脾凍飲都係42蚊，絕對飽到不得了!!!值得推介

同一班教友完咗聚會之後，揀咗呢間食；見到餐牌有常餐；例必叫五香肉丁餐肉麵，可能常餐關係份量唔係好多，湯比較多之外，味道唔及以前食開間康祥，突然好掛住康祥以前鮮奶餐既味道；至於奄列不過不失，檸檬水；檸檬唔係話好靚所以一般。

放工唔知食咩好，路經龍門冰室，見個價錢唔係太貴，咪入去試下, 我同男朋友一人嗌左一個餐。。我男朋友嗌左蔥油雞扒撈丁，加$5要埋牛奶炒蛋。。佢俾左少少我試，我覺得d汁同蔥油都唔太夠並且個麵比較乾，至於果雞扒冇咩特別仲要咸左少少。。個炒蛋油左少少不過都ok滑。。我就嗌左芝士汁雞脾撈丁，個芝士汁冇咩芝士味，雞脾炸得ok, 果皮唔太厚不過就細隻左ｄ...整體來說，呢個價錢都預左係咁嘅質數。。不過唔係好鐘意d姐姐又掃地又拖地，搞到個地好跣好滑。。我男朋友起身走果時，跣左一下，好彩冇事，如果跌傷，一定追究。。

其實哩間野水準係ok, 裝修幾有特色,不過服務真係好差.先講下服務, 經常漏單, 落單冇錯但出餐錯哂;繁忙時間搭枱我都理解, 但食左一半叫你轉位真係好難接受到! 安排坐位有待改善!每次叫焗飯一係黎錯一係漏單, 豬變雞, 雞變豬, 你可以唔要, 但唔要又要等一段時間.講番食物質素, 雖然唔係炒蛋而係蛋卷, 但味道都ok, 不過叉通好油, 偏偏多士唔夠牛油...間中黎哩間野一次就中伏, badly...

呢間係冰室係我樓下，非常方便，基本上星期六或日都食佢個all day breakfast，先講環境，因為地方較狹窄，所以d位都好細，坐得唔太舒服，講到餐牌，選擇唔多，但質素唔錯，我例點360牛乳炒蛋加雪菜肉絲米，個蛋好厚，所以食落好口感，有香濃牛油味，咸咸地，好值得試，而雪菜唔係傳統深綠色軟身，係淺綠硬身，咬落爽同脆口，仲有塊超厚多士，基本上就算當午餐晚餐都夠飽

做完運動好熱想瘋狂飲紅豆冰…見到呢間冰室又睇過張menu 有紅豆冰，個呀姐又話入面有位，就入左去入到去係要搭枱，兩個人坐一邊卡位好迫，同埋我同朋友係拎住一袋二袋，因為落雨又有遮…本身喺門外見佢裝修得靚靚仔仔，諗住係坐得比較舒服嘅茶餐廳，點知係我諗多左…到落order, 我要雙拼嘅蕃茄湯通粉，想加錢要魚柳，呀姐話無得加，但餐牌明明話可以加12 蚊要魚柳架嘛，咁算啦，我就求其點左兩個唔洗加錢嘅頹餸跟住就點紅豆冰啦，入黎就係想飲紅豆冰，點知呀姐話佢地已經無做紅豆冰，即刻覺得俾人欺騙左，好傷心…無紅豆冰嘅冰室已經好值得俾負評不過事情未完嘅，就係呀姐上飲品嘅時候chok左一嘢，chok到杯嘢飲瀉左，同時濺到我朋友個身度，仲有我個袋度…講返個食物質素，其實係正常嘅，價錢都合理，四十零五十蚊到，不過無下次了