龍順軒海鮮酒家

营业中

休息中

去朋友屋企樓下屋村飲茶朋友已經講過呢間酒樓啲員工態度極之差去到試吓真係差到唔知點講😖食物質素都可以嘅叫牛肉球叫佢加多啲汁都好似黑晒面咁😑好彩唔係我自己屋企樓下😂

每次回娘家探老爸老媽，都會帶他們落樓下間屋邨酒樓～龍順軒飲個茶或吃晚飯! 雖然這間酒樓位置處於一條有四十幾年歷史的老屋邨街市内，但這間酒樓的食物質素與味道，絕對不會遜色於其他旺區或集團式經營嘅酒樓!平時在這裡飲茶的即叫即蒸點心，真心覺得很不錯，而且價錢又合理! 特別是這裡的燒賣、叉燒包、 流沙奶黃包、山竹牛肉球、灌湯餃、雞絲粉卷、 腐皮卷、酥炸雲吞等，都好新鮮好有水準! 如果大家有興趣搜尋一盅兩件嘆茶好地方，不妨來葵盛西邨龍順軒試試! 下午茶時間由下午兩點鐘開始。（P.S. 但備註一句， 由於龍順軒地方不大，而且是舊式酒樓間格， 所以來得龍順軒飲茶嘅茶客就要有心理準備，要自己搵位，但可以搭枱， 侍應好local，有晒香港老酒樓風味!)另外，今次想同大家分享在龍順軒的晚肆體驗! 今晚我們一行四人大概晚上六時半到龍順軒吃晚飯。 由於今日是星期日晚， 又有很多香港人北上消費 ，所以今晚在龍順軒吃晚飯的客人不算多! 入座後，開始细看各餐牌價錢，平均都是七八十元一碟，很經濟! 由於老爸老媽一定要有飯到肚， 所以我們就點了一個「籠仔斑頭腩蒸飯(炒底）」， 一個「花菇海鮮玉掌煲」， 「玫瑰

今日去樓上老人院探人，第一次去呢間酒樓。見到有位扎馬尾個樣都幾後生的侍應正招呼緊一位客人坐低，我就問佢：靚女，我哋兩位，請問有冇位。佢望都冇望到我就答：我唔知啊唔知啊。我幾乎呆咗兩秒先再問佢：我係咪要搵經理先得。佢答：你去搵啦。跟住我去收銀度搵經理...,原來係我唔識規矩，呢間酒樓原來係要自己搵位坐。我同經理講，其實你哋嗰位同事可以答我自己搵位就得了。老實講點心幾好味，尤其是豉汁鳳爪，但唔會有下次，而且會通知親戚朋友，費事激氣。

呢間舊式屋邨酒樓，經過多年的風風雨雨，依然屹立不倒，果然有其存在價值，皆因龍順軒附近的老人家（包括我）是以此處為唯一的嘆茶處，多謝老闆對老人家的關心愛心！不再多説了，要説就説主題罷。。。。食點心最重要的是……夠熱夠熱夠熱！！！每次嚟飲茶，點心一上枱，總見到烟霧霾漫內的點心，味道同價錢當然也是不錯的，猶其是下午茶中的@孖寶點心及依家比較少食到的@柚皮蒸鴨掌。故如果不嫌這裡有老人家的話，可以一試呵！！

今天來探望舅母順便飲茶。這裡只有一家酒樓。我先坐下，人不多，座位相隔不太近，也算舒服。不過我們兩個人，沒有細枱也不可以坐大枱，侍應要求我們搭枱。幸好搭枱的婆婆很快就離開。我們點了油雞瀨粉、鮮蝦腸粉、煎韭菜餃、燒賣、壤青椒。油雞瀨粉超值，油雞很多，也是有肉有皮。瀨粉正常。青椒好味，只是有點油膩。最好味的是我喜歡的煎韭菜餃。香味四溢。其他都很好。先來的是瀨粉，因為太肚餓，賣相不錯就快快開餐忘記拍照。煎韭菜餃是有三件的，我就是食完第一個覺得好味才拍下照片。整體而言，喜出望外，埋單一百七十幾。也算划算吧。跟親戚食飯飲茶最關鍵時刻是搶單埋。我當然不是老手，手肯定不夠快。但是在最後一個點心來的時候，服務員蓋印後我就告訴她要把單給我。服務員判斷後就説是應該讓後生請客。挺有善喔

作為主打街坊生意嘅酒樓，街坊最關心嘅係「抵唔抵食？」皆因老人家鍾意晨運完飲早茶，師奶們湊仔女/湊孫返咗學又嚟聚一聚，學生們放飯又嚟食吓。為迎合唔同時段嘅顧客，龍順軒有唔同時段嘅孖寶優惠：06:30 - 11:00 - 主要係粥品配點心，小盅蒸飯配點心。11:00 - 16:00 - 主要係點心嘅配搭，亦有特價燒味飯/瀨粉，炒粉麵飯套餐配湯/汽水/油菜。14:00 - 16:00 - 下午茶時段，點心選擇相對較少，糖水選擇較多，亦有迷你版嘅炒粉麵飯。如果孖寶套餐唔啱食嘅話，正價點心大部份係全日供應嘅！價錢親民，咁味道呢？基本上味道不錯，意料之內嘅味道水準，冇乜伏味！值得一提嘅係，龍順軒主打老街坊生意，所以點心款式幾懷舊吓，例如：醬汁金錢肚、薑蔥牛柏葉、四寶雞札、香芋鴨腳扎、韮菜豬紅、煎薄餅。個人推介係勁滑嘅布拉腸粉、惹味嘅豉椒鳳爪、一人份量嘅各式蒸飯、超香嘅臘味糯米飯、超濃豬腳薑、叉燒/燒鴨/燒肉飯/瀨粉，真係每次嚟都食 服務方面，侍應大部份係同邨街坊，8號風球都準時返工