龍鳳冰室 (已結業)

大約半年前食過一次晚市，當時食物質素很一般，我以為從此不會再光顧。怎料，於上星期六係灣仔行完街，打算食下午茶醫肚。剛好經過龍鳳冰室，我朋友們又從未食過，我又覺得半年後應該有改善，結果就入返去呢間食。叫左三份茶餐，賣相雖吸引，但質素就見仁見智啦雞臂沾滿醬汁很香，但一咬落去，肉質很有口感，需要用少少力去扯。下面兩碗麵湯底不夠濃，較為淡味，如果個人較為健康，可以試試再配上清甜的粟米，唔錯的配搭。總括，味道有少少稍為改善，喜歡淡味和有口感既朋友，可以來試試

$50食個lunch，既唔好食又要迫size 超細，一個意粉份量食唔飽司華力腸係大條既，不過好林身，一d 都唔脆皮所謂既肉燥，無味配杯即溶咖啡…大失望茶餐廳唔應該係咁ga ma..

又嚟到龍鳳食lunch!! 落雨濕濕最就腳就係佢🍼🍼 最近龍鳳都加左價，平均加左5蚊左右！lunch set around $60🤦🏻‍♀️🤦🏻‍♀️ 今日食新出嘅蒜香雞腿意粉😈個汁蒜味十足，有d重口味，但夠惹味👀雞腿炸過火，比較干身🙆🏻‍♂️ 粟米依然夠甜夠多嘅！個蛋就細份左d.幾滑嘅👾👾 意粉都ok有咬口，唔會太濕太腍！而且撈埋個蒜汁同粟米其實口感都幾好，但依然會比較咸！#2018聖誕

今天放工後十分疲累，便與友人隨機走進一間餐廳共進晚餐，但餐廳竟然給我們十分驚喜，我點了滑蛋香辣肉鬆雞扒飯，一上菜後我和友人已十分驚訝，因為雞扒的份量十分多，充充有兩大塊，雞扒的質地十分嫩滑而且調味得很入味，而且滑蛋亦充滿蛋香而且很滑，配搭肉鬆後，令這個飯更添色彩，令人停不了的進食。雖然雞扒的辣到遠比想像中辛辣，但加點一杯利賓納後，可以令人解辣止渴。下次有機會，應該會嘗試價錢較便宜的下午茶餐，嘗試餐廳的更多不同款式。

灣仔區有好多大大小小的冰室同茶餐廳，今次幫襯GE係呢間龍鳳冰室~個MENU望落好有中國特色! 一到LUNCH就有好多人排隊，好在我早到，所以唔洗等就入左去坐了...我叫咗一碟炭燒肉鬆雞扒飯 $60，首先個雞扒好大塊，食落有蜜糖味，原來佢地茶左薄薄的一層蜜糖係雞扒上面 yummy!!再加上肉鬆，真係好好味，而且佢地個炒蛋好滑好香...呢個價錢黎講算係不錯了!朋友就叫左黑魚子餐肉意粉 $62我試左少少午餐肉，好厚身，份量都唔細架! 朋友話覺得好好食!

去龍鳳冰室食飯，很大程度上因為林子善。有時路過大坑，見到都想食。當日剛巧去會展看展覽，就去嚐一嚐龍鳳冰室。基本上裝修、擺設與其他分店無分別；繁忙時間基本上要搭枱，坐得較迫。見餐牌上的美食多的是，目不暇給！最後，小弟就點了這個《炭燒雞扒肉鬆滑蛋意粉》初時見這個意粉幾有新鮮感，食落但有少少普通。滑蛋確實不俗，有點奶味，惜不是太熱至於雞扒呢，不太覺得是炭燒，反而似普通炸雞扒，但肉質都幾滑口肉鬆與雞扒相互配合，口感尚可。如果你問我，我能說：食一次就夠了，始終似普通茶記

路過這間冰室，看到他的裝修與門外的廣告，有點像新舊派的fusion冰室， 不其然走入內試一試。一進餐廳，侍應姨姨非常殷勤地招呼我坐下，看完一堆推介，揀了雞翼肉燥飯配熱檸水，不消十分鐘，食物來了......雞翼肉燥飯 - 雞翼相當大隻，顏色亦相當不俗，是那種看起來相當入味的樣子，咬了一口，只能用乾，硬，廋去形容，很明顯煮過火了，雞翼有色而無味，平時食肉燥，單單肉燥已可吃一大碗飯， 肉燥除了鹹，什麼味也沒有，這次連肉燥都吃不完， 伴碟的粟米也很諗，沒有咬口。熱檸水 - 實在很奇怪，不知為什麼熱檸水是暖暖的，不熱的熱飲，實在沒什麼分可評。埋單52個大洋，以晚餐來說，價錢合理，但以質素來說，實在提不起勁再試其他食物......

係灣仔想搵間茶餐廳食菠蘿包，就黎到幾出名既呢間冰室。叫左呢個龍鳳特餐，點知係失望既開始。首先個菠蘿包，成個都係淋既，好失望，唔知係擺得太內定點啦，菠蘿包無理由係咁！而個炒蛋質感好奇怪，落左d咩去炒？，唔係一般食到既炒蛋⋯最後個主食，秘制雞翼，d雞翼既肉好梅，唔新鮮，完全唔合格，係咪只為做遊客錢？無為意仲轉左出前一丁，原來要加成10蚊，唔係掛？完全無諗到可以咁貴。成餐都好失望，無一樣野係ok，希望可以改進下啦

放飯時間又到了~今次行遠D，去食龍凰冰室其實都聽過唔少comment，有彈有讚~所以今日就等我一試究竟!不過戴定頭盔先，口味既野，人人唔同，重點我又唔係林子善既fans，哈哈哈哈~~都等左20分鐘先有得入，坐得有d迫...牆上貼滿左明星既相同簽名懷舊款噹噹杯咖啡牛坑腩$68，味道不錯炭燒雞扒肉鬆飯$60，就係呢款飯，有人話好甜椰椰，唔好味...但我食落...咦..都唔係太差呀,反而覺得好match喎~兼且抵食夾大份，唔錯!呢款就辣味$60，其實無咩分別，就係辣同唔辣姐~所以都唔錯食完埋單走人...返工去

好幾年前天后新開時食過一次就無再去過。。如今經過見到賣相不錯兼幾年間應該有進步就去試試，點知仍失望而回，食完口渴到不得了。肉鬆雞扒蛋飯——份量十足，食完口渴量更十足！成碟野好甜。。雞扒又甜、肉鬆甜，豉油都勁甜。。肚餓又喜歡甜野可以叫來食下。。XO醬蝦仁炒蛋飯——份量十足，蝦仁好大隻，但完全無蝦味。。大概係雪藏蝦。。唔知自己食緊乜。。只覺隻蛋比較好食。整體來說都不太ok，相信都唔會有下次。。。。。。。。。

灣仔好似好多野食，但其實一到午飯時間，間間都排哂長龍，鬼死咁多人，我地呢啲可以彈性上班嘅人真係超級唔慣🙄。今日中午出左灣仔做野，正煩lunch唔知食乜好， 行過龍鳳冰室咁啱有位，唔好猶疑喇，就呢間啦。點左爆辣炭燒肉鬆雞扒飯，賣相唔錯，份量夠大。 塊雞扒其實一啲都唔辣😅，肉鬆好多，舖滿哂嗰塊大過手掌嘅雞扒，但係甜甜地嘅，未必個個啱，不過都ok好味。最正其實都係個滑蛋，好厚但好鬼滑😋杯而奶茶都夠滑夠茶味嘅。冰室嚟講佢質素算唔錯，但由於佢客似雲來，且店面好細，所以食完就要走，想坐一陣抖下氣係冇乜可能嘅😅。

食物款式平庸，把速食店的東西東湊西拼，就是一道道的主食。香港淪落到這種也叫創意，也叫美食的地步嗎？下午茶，價錢一點都不值。雞腿原來來$40完了。看均餐牌，好像只有菠蘿包可算上比較有創意。但也只是東拼西拼。價錢十分昂貴，$48一份下午茶，是一份肉類撈公仔麵&一杯熱飲，份量少的可憐。你點了後看到上桌的就想snack shop站著吃的東西沒兩樣的，但價錢是3倍多。牛肉仲要又乾又起渣。不是應該juicy的嗎？進店時間為平日下午茶時間，店內只有一位客人。經驗教訓進店前還是看看open rice 及人數。而我不知為何這樣的店能生存到。明星效應？

約左朋友平日lunch time喺灣仔食飯，佢介紹食呢間，又試下先。平日放飯時間，灣仔真係勁多OL，基乎間間餐廳都爆。呢間好在等左5分鐘就有間，座位都好迫，夾住對手食，拿拿臨食完就要走人。我叫左佢既蜜蒜醬燒雞脾，可以配飯或意粉，另加$3轉凍啡。凍啡就正常，但就外賣杯上，唔太環保囉~雞脾飯個醬係好惹味，會令人食晒成個飯但雞脾就炸得過乾，唔太好食朋友叫左爆辣炭燒肉鬆雞扒，個爆辣堅堅堅辣，個味好正，估唔到肉鬆同雞扒又幾夾，好食過醬燒雞脾食完真係飲左成樽水都仲覺得辣不過呢個醬汁真係好味講真食物本身唔太特別，雞脾雞扒滑蛋都普通，唔係好特別，食係食佢個醬汁，叫做試過就ok，未至於要回頭

這天在合和附近覓食充飢，經過見到這間冰室，又見到外面不少人在排隊，便決定要嘗鮮。等了大概10分鐘便可以入座，店內空間不大，可以容納大概35人左右。所以我和4個友人都要搭枱，坐得很逼。餐牌上有多款食物，但都離不開滷肉雞翼、豬扒、雞扒及滑蛋等。我們就ordered以下套餐:滷肉雞翼飯雞翼是滷水的，滷得入味，有4隻，淋上滷肉汁，不錯，配上粟米，不會太泛味滷肉豬排飯同一款滷肉汁，豬排是用煎的，不是炸的，不會太熱氣，而且口感彈牙有肉汁，不會又乾又硬，不錯極辣肉鬆雞扒飯這個是我推薦的！煎雞排上面淋上了辣椒粉及肉鬆，味道意外地夾，十分開胃，辣得我滿頭大汗另外滑蛋的確十分滑，整體我比10分！

叫左豬扒番茄飯、咖喱牛腩、西多士、熱奶茶★蕃茄豬扒飯★兩塊豬扒用唔同做法，一個酥炸一個香煎，兩種唔同嘅口感，蕃茄係用新鮮蕃茄唔係嗰啲好濃郁嘅茄膏味，炒蛋正常。不錯不錯，但未去到驚為天人。★咖喱牛腩★王牌菜之一，咖喱汁十分濃郁，牛腩不俗，不過牛腩如果可以再出色啲就更好。可以試試。★激厚西多士★個厚度真係驚人，有半隻手掌🖐️。新鮮炸起再加塊菠蘿油，中間個餡有花生醬，啲花生醬有一粒粒，仲有糖膠俾你淋上面。好大份好好味好滿足，同男朋友share食啱晒🤤😍★熱奶茶★茶記必叫，茶底香濃，微澀，本身無糖要自己另外加糖。個奶味有少少怪，有啲似好重嘅花奶。不過都幾好飲。