龍鳳祥餃子館 (已結業)

西九龍有間餃子店，味道都唔錯。我覺得佢地嘅麻辣豬手伴麵，味道非常特別，是用了糖醋加麻辣做汁，酸酸甜甜，食落好似食薑醋感覺。豬手皮滑肉軟，入口溶化。麵條煙靭彈牙。酸辣湯味道都唔錯，用料十足，酸辣味道適中，不會太辣或太酸。餃子叫左蒸白菜豬肉餃10隻，外形特別，是自家制作，粒粒飽滿，晶瑩剔透，肉質富有汁感。都幾好食。小食就選了千層醬豬耳細$25，豬耳是一片片，都好爽口，口感十足，都有好多片，下層鋪滿青瓜絲，加入特制秘汁，都好醒胃。

今日去左深水埗陪朋友買手作材料，之後一齊去左西九龍中心食午飯。一上電梯到三樓就見到龍鳳祥餃子館，之前食過佐敦個間，覺得好好食所以決定試埋深水埗呢間。面積比佐敦個間大，餐牌就一模一樣。見到店員一直包餃子，隻隻都脹卜卜充滿餡料，而且肯定新鮮。我地要左一碟細既雞絲粉皮，超足料，雞絲係粗身，加上大量青瓜絲，而且麻醬亦調味得非常好，$20真係好抵食。到主角餃子，要左一碟湯餃，一碟煎餃，2種都要左雙拼，一次過可以試4款味道！湯餃要左肉三鮮拼京蔥羊肉餃。肉三鮮入面有韮菜，豬肉同鮮蝦，三樣材料比例岩岩好，而且原隻蝦都新鮮。京蔥羊肉餃比較濃味，但羊唔會太羶，加埋京蔥好香。到煎餃，完全冇油益味冇油膩感，而且餃子皮煎到好脆。我地要左蕃茄蛋餃拼韮菜豬肉。韮菜豬肉其實同肉三鮮一樣味，只係冇左隻蝦，一樣好濃韮菜香。蕃茄蛋完全唔會水汪汪，炒蛋蛋味濃，清清地，好好食呀！最後要左杯豆漿，好濃郁既豆味，又唔會太甜。總括黎講呢度同佐敦個間一樣有水準，而且非常抵食。

前幾天和友人去了西九龍中心食飯，經過見到餃子🥟館，就入去試下店鋪面不算大，但坐下來也不會太窄，尚算舒適可能我們二人坐了四人位置，因為當時時間尚早，還未有人流啊～打開menu見到推介，我還是第一次看到這樣的餃子🥟，蕃茄蛋餃子🥟包得幾好，還以為蕃茄在裡面會有汁易穿添。味道就普通，就是蕃茄蛋味道🍅🥚，面質也是一般，不是特別彈牙除了這個，還叫了一個雞絲冷面🍜，麻醬幾香，但可以面的水分稀釋了麻醬，弄得比較水一點加了一個熱豆漿，ok的！最後埋單$99

估唔到西九龍中心 隱藏著一間臥虎藏龍的餃子店 價錢親民 份量多 最重要的是味道非常好 吃出個驚喜來西九龍中心3樓 勁易搵職員在餐廳角落密密包餃子 手勢非常純熟 每粒餃子包得夠大細均勻 餡料非常多 完全不吝嗇桌上有不同醬料提供 豉油 醋 豆瓣醬 這些醬料完全可以提升餃子嘅鮮味肉三鮮(韭菜+豬肉+鮮蝦)凈餃$45 有十隻餃子口感扎實 層次分明有韭菜嘅香 豬肉嘅彈 蝦肉嘅爽我俾100分 好味道另外叫咗個京蔥羊肉淨餃$48 有十隻特色湯底加$5特色湯底有三種選擇 包括 秘製牛犇湯底 惹味酸辣湯底 和開胃蕃茄湯底京蔥羊肉餃 內裏的餡料相對比較淋 帶點羊騷味及京蔥嘅香味 兩者味道非常夾秘製牛犇湯底味道濃 適合重口味人士秘製牛犇凈餸$46牛腩炆得好林 肉質細嫩 每件帶有牛筋膜 煙煙靭靭 越食越滋味下面附有大量蔬菜 感覺健康鮮豆漿$5一杯 豆味香 入口順滑兩個人埋單價$150有找 食到飽一飽 勁抵食最為出眾的當然是餃子 有凈餃 湯餃 或者煎餃亦可以配麵 及涼菜等小食選擇多元化 價錢相宜 真心推介

好耐冇試過喺西九龍中心搵食, 行過見有位就入左去｡ 放工時間去食, 人唔算多, 所以都仲有得揀位坐｡ 餐牌上食物嘅款式都好多, 而且價錢非常大眾化｡ 最後一行二人 Order 左兩個主食加一個小食｡韭菜豬肉煎餃煎餃要另加 $8, 餃子外皮雖然有D厚, 但煎到好香口, 食落去脆卜卜｡ 餡料充滿韭菜味, 咬落去唔算有好多肉汁流出｡四川擔擔麵湯底麻醬味好濃厚, 如果辣多少少會比較好｡ 肉碎都好多, 唯一缺點係個麵煮到好淋 雞絲拌粉皮叫左個細份, 但份量一 D 都唔細, 感覺好抵食｡ 最鐘意係佢俾好多麻醬, 唔怕食到尾冇醬沾 

叫左牛犇麵，因為唔識讀問個姐姐，原來係讀個 "賓"字，牛"賓"麵，好大碗，D牛超多又大大件！又夠淋，好好味睇佢個湯底好似好濃味甘，但飲落原來清清地，甜甜地甘，又唔錯仲有係食唔晒D麵，太多了朋友就叫麻辣豬手拌麵，個麻辣味都OK喎朋友就話豬手好淋，幾好味跟住叫左雙拼煎餃，肉三鮮係有韭菜，豬肉同蝦仁，都唔錯！另外蕃茄雞蛋煎餃開頭聽個名怪怪的但出奇地好味呀加埋煎餃煎得好香脆個皮又薄！煎餃係必叫！雞絲粉皮 ( 細 ) , 份量都唔算少，粉皮都唔算好厚，味道ok , 不過多D汁會更好！

今日放工約了朋友來食...因為我同朋友本身都十分喜歡吃餃子呢...食餃子前,食下前菜先..黃瓜好新鮮,而且蒜蓉夠多,好入味估不到擔擔麵咁好食喔...麵十分彈牙之餘,整個湯都十分好喝,又不太辣白菜豬肉湯餃(蕃茄湯)我好鍾意飲蕃茄湯,呢個蕃茄湯完全無味精好好飲餃子餡料好豐富,啖啖都是肉和菜煎餃十分出色,煎到金黃色的外層,脆卜卜而且入面仲好多肉汁...最後朋友話好想試呢個豬手...本身以為好辣,點知原來都接受到...豬手好入味同好夠淋,骨膠原好豐富呢

同屋企人係西九龍買完野搵野食...行行下發現多左一間食餃子既餐廳,身為餃子控既我,二話不說就入去食啦!款色種類對於以餃子店來說算比較多了飲番豆漿,不太甜前菜試了雞絲粉皮同醉雞,兩個都份量十足雞絲粉皮夠多雞肉,芝麻醬好香口!醉雞好入味,雞肉嫩滑呢個牛犇麵不得了,好好食..其實是牛腩,夠淋同好入味,個湯都好好飲分別叫左白菜豬肉餡既湯餃同煎餃蕃茄湯底好新觧,零味精不過我個人鍾意煎餃多D,因為煎完仲多肉汁,好正!仲叫左一款蒸餃,原來蒸餃比煎餃和湯餃仲好食!蒸餃更加可以食到原汁原味!!

冇錯我哋又來食呢一間餃子，食過返尋味，今次就番這工作附近。今次就點左京式醬牛肉做前菜，牛肉好滑，而且凍冰冰前菜都係十分之令人開胃。之後就到呢一個麻辣口水雞，口水雞隻雞超級之滑，而且佢個辣醬好好食，最岩配返碗飯。之後我哋叫咗10隻白菜煎豬肉餃，嚟緊時係熱辣辣嘅。煎得十分之香，配上適當嘅豆瓣醬或者酷嘅話呢，味道就會更加昇華！最後有我哋鍾意既豬手，食豬手拌麵因為我哋又唔想食湯啲熱辣辣，咁我地就食呢個。拌麵亦都超好食，而且個豬手係非常之林，食佢完全唔麻煩。

我哋就好鍾意食餃子嘅，可以食餃子做午餐，甚至係晚餐。所以我哋今日就嚟咗專食餃子嘅地方！一嚟就叫一叫個雞絲粉皮做前菜，雞肉夠滑，粉皮夠薄，好味道夠晒開胃。重點就係呢一個羊肉餃子，佢浸味一啲都唔so，皮薄涵靚。我哋仲叫咗個牛肉湯底，簡直將味道昇華左。雖然10隻唔算好多，但由於好大隻，所以都好飽啦。對一個人來講十隻絕對夠食，唔夠就叫杯豆漿啦！！點少得上海嘅擔擔麵唔係好辣非常之好食而且都食到好豐富嘅麻醬！

平時食餃子都坐得唔太舒適，但呢度有卡位，空間感十足。豆漿唔太甜，豆味略淡。餃子加$5可以㨂湯底，牛犇湯底牛味好濃，牛粒好鬆軟，芫茜味好香，而餃子粒粒飽滿，韭菜味好濃，皮帶點煙韌，唔錯。番茄湯底番茄味一般比較淡，唔叾番茄酸甜，肉三鮮餃中間有蝦肉，爽口鮮味，都唔錯。另外叫左細既雞絲粉皮，份量都唔少，芝麻醬味好濃，雞絲略嚡口，青瓜好爽脆，但粉皮比較淋，爽滑啲就更好。呢餐食到飽都系百幾蚊，絕對系平民美食。

每當心情忐忑 , 最好的療癒方法就是吃一餐 , 不用吃什麼 Omakase 或者什麼大餐之類的 , 簡簡單單食一碗麵、吃幾件餃子也可使之開懷 ~Menu ~肉三鮮餃子 (淨食 5隻) : 來到 龍鳳祥餃子館 怎能不吃餃子 , 我喜歡食肉就點了肉三鮮 , 餃子皮夠煙靭 , 餡料豐富又鮮味 , 雖則沒驚喜 , 但就算是好食 ~ 醉雞 : 雞肉夠入味酒香滿溢 , 皮薄肉嫩 , 味道不俗 ~ 秘製牛犇麵 : 除了餃子之外 , 這店的牛肉麵都很出名 , 湯頭的味道濃郁鮮美 , 沒喝得出有味精 ~牛肉夠入味又軟腍 , 味道鮮香 ~ 麵的麵質爽彈 , 富有麵麥香 , 跟湯頭的味道都頗配合 ~本篇完 ~

某日我放lunch,順便來試一試，大概兩三點，人比較少，剛坐下已經見到服務員掛住傾計。我叫好多次都無人理我。附近有服務員執枱，我望住服務員舉手皮講（吾該）。佢望我一眼就走啦。我已經舉了手，其他客人也望到我，點解無人理我。雖然最后也食到，但我好生氣，就算有幾得闲到好，都吾應該掛住傾計，由我坐下開始到食野果斷時間，佢（某一个服務員）仍然中傾訴，我第一次和最后一次來，以后不會再來,never！！！！！！！！！！！！！！！！

本身好中意食餃子上海東東, 上星期日咁啱同媽咪經開過西九龍中心見到之前係佐敦食過既龍鳳祥餃子館有分店係呢度於是就入去食過簡單午餐~ 個人覺得西九龍店比較大些, 而佐敦店真係太細了, 呢度好坐好多~而且呢度又唔計茶位又冇加一, 價位理想食物又好味,可以多啲來呢度食吓餃子~同媽咪叫左水餃麵, 酸辣湯, 豆漿~ 酸辣湯大大個湯碗夠2人份量都只係HKD 18! 好抵飲! 而且用料都幾足, 入面有豐富既疍絲, 木耳絲, 豆腐絲, 湯入口唔會太杰身太漿口, 辣度辣度都適中, 個人覺得好好味!至於豆漿方面, 只係HKD 5杯, 而且有熱的, 豆味濃郁, 沒有唔飲既理由~ 我既"肉三鮮餃子麵"-好好味!呢度有幾款唔同味道既餃子可以揀,例如韮菜豬肉,蕃茄疍,素都有,我呢款肉三鮮上次係佐敦店都食過,入面有大大隻鮮蝦同埋肉,口感層次豐富,一啖咬落去,肉汁四濺,蝦又夠彈牙,真係好唔錯呀! 另外, 呢度既麵都可以揀粗幼架, 咁就可以唔同餃配合唔同麵了~ 媽咪既韮菜豬肉餃子麵- 餃子脹卜卜, 釀滿左好滑好香既豬肉, 韮菜好香好惹味!咬落去同樣充滿肉汁,好香好惹味!龍鳳祥餃子館深水埗欽州街37號西九龍

平日，我是極少到深水涉區的，這天因為帶爸爸覆診的關係，順道到西九龍吃午飯，說實，已經有一段頗長的時間，沒有來這個商場，發現內裏開設了不少食肆，由於爸爸腳傷未好，所以，我們選擇了較低層的食店開餐。無意中發現商場3樓開了『龍鳳祥餃子館』，記憶中，我曾到過它們位於佐敦的分店，覺得食物質素挺好，而且價錢又平，所以，二話不說就帶爸爸來這裏開餐。先來兩杯豆漿，這裏的豆漿分了熱飲及凍飲，感覺挺窩心，即使天氣寒凍也不用捱凍飲。 川味口水雞 送上來時，被厚厚的一層辣椒醬嚇了一大跳，生怕爸爸不能吃辣，但原來口水雞的辣度只是一般，幾本上就連不能吃辣的亦可以接受，而且辣中帶點麻香，皆因醬汁用上大量香辛料調味，加上雞肉嫰滑，而且是啖啖肉的，入口冰涼，掛上口水醬汁，吃時份外滋味。 千層醬豬耳 將爽口的豬耳層層疊的冷凍，之後再切片，加上帶點麻辣的醬汁，所以入口時香辣味道濃郁，而豬耳口感既爽脆又柔韌，味道鮮香不膩，還帶點膠質，非常好吃。 蕃茄雞蛋餃子麵 由於之前的兩款小食，味道都是偏濃及香辣，所以，餃子麵就點了較清淡一點的來試，蕃茄雞蛋餃子麵的味道非常不錯，餡料內放了滿滿的蕃茄及雞蛋餡料，入口時既有淡淡的番茄香，又