龍點心 (Eastcore)

营业中

休息中

雪梨海底椰燉瘦肉🍲個湯底好鮮甜，飲落去好清爽，配料都好多，不過個瘦肉煮得有點老，唔太好食😕蟲草花滑雞粥，個粥幾好食，份量都好多，好足糕。不過個雞肉有點少，雞皮好多，感覺好似好肥膩🐓羊肚菌燉水鴨，個羊肚菌好爽口，個湯飲落去淡淡地，好爽口。個水鴨煮得啱啱好不會太老。環境衛生幾好員工服務態度幾好價格10分合理

喺二零二二年七月二十七日（星期三），我同朋友去咗位於觀塘Eastcore一樓嘅龍點心叫咗以下呢三個菜式：包括蟲草花滑雞粥、雪梨海底椰燉瘦肉，同埋羊肚菌燉水鴨，全部都係少鹽少糖之選，又好味又健康！

呢到點心不得了！一定會不斷再食！.嗰時係外賣8折，每樣都係三十幾蚊好抵🤤.外賣影出嚟都好靚，唔係得個樣啲嘢都好好食啊！.🥖炸饅頭豬柳漢堡見係推薦就試下，比想像仲好食，炸饅頭甜甜地，攞翻屋企仲好脆入面好juicy，芝士味濃得黎唔會搶味，豬柳都整得岩岩好，多汁冇渣。.🥟龍餃子其實係入面放左唔同料嘅蒸餃，皮薄，估唔到會有三文魚籽仲唔少tim~酸菜魚餃都夠辣冇骨，松露餃都好香好足料！.🐮黑椒汁金錢肚腸粉金錢肚全部都大大舊，又嫩，同酒樓食個啲好唔同，真係咬幾口就入溶甘擠，都有成5 6舊。黑椒汁都好濃，呢個價錢超良心！🥺食完好似打劫佢甘.🍤大澳蝦醬鮮魷卷呢個好特別，外層係比薄薄脆口炸左嘅一絲絲包住，入面係好新鮮唔韌嘅魷魚，當然有埋蝦醬就更惹味🤩成個配搭都好好！.🐟口水汁龍脷柳腸粉夠多汁有誠意！呢個口水汁都好正宗，每條腸粉入面都塞滿嗮龍脷柳，非常飽滿，4大條已經好飽。.懷舊同龍蝦汁墨魚燒賣懷舊比外面嘅大粒，又係好足料，肥豬肉唔算多~龍蝦汁墨魚竟然係入面爆醬的！好驚喜，龍蝦汁啲味都唔假，好滿意🥰.staff好好人有禮貌，夜晚點心都入座9成，超級推薦！

今日同朋友嚟左試 新加入少鹽少糖菜式的食店，《龍點心》。 一入到去裝修好vintage， 好靚。菜式方面， 我地就簡左 蟲草花滑雞粥、雪梨海底椰燉瘦肉、羊肚菌燉水鴨。蟲草花滑雞粥入面有蟲草花、雞蛋、 雞同瑤柱， 少左調味都吾會影響個鮮度。 依兩款燉湯呢個味道都恰到好處，好清甜❤️‍🔥

失望 食物質素好一般唔明點解咁多like當初就係因為咁多like而幫襯，中晒大伏 叫左7個點心，其中最離譜係叉燒包 ，明顯豬肉解凍得唔好，仲有陣雪藏味，個龍蝦汁燒賣仲普過街市買既龍蝦丸，鳳爪唔香濃偏淡味，金錢肚腸粉，黑椒落得太多，腸粉煎到勁硬九唔搭八，小籠包你唔叫佢都唔會俾醋你，唯一叫做合格就係小籠包，流沙包正常但餡太小，唔知食左啲咩，服務質素hea做，咁既價錢真係冇下次，總括黎講 想做創新點心但又變左四不像。

原來觀塘建築一間新嘅商廈，在新嘅商廈裏邊我發現有幾間新餐廳，今次就試一試這間位於商廈裏的點心舖。。。裝修絕對是走型格潮派，吸引打卡的一眾年青人，不到十二時入座已經有7分滿，入座時員工已經叮囑用餐時間，一人入座半個鐘頭已經吃畢全程～先來是一個招牌（一籠大滿足）HK$58.六款各有特色的點心集於一籠之內，分別有臘味糯米燒賣/蟹粉菠菜香蝦餃/酸菜魚鳳眼餃/松露野菌晶瑩餃/筍尖蝦餃/豌豆桃子～六款點心當中自己就覺得酸菜鳳眼餃和松露餃味道較為突出，另外四款感覺上中規中矩，沒有失色亦沒有令人嘩然，不過就佩服大廚將六款截然不同的味道拼配在一起，而且顏色上撞得多麼漂亮⭐️⭐️⭐️⭐️點心紙中的困難在於自己要挑選，所以在芸芸新潮的點心紙上，我還是揀了（酸菜魚鳳眼）一籠HK$36.酸菜魚輕輕帶有點辣勁，但不會過於搶⭐️⭐️⭐️⭐️另外叫了一個（鳳尾蝦多士）HK$48.一上枱就看到油光滿面，感覺上廚房沒有給上索油子，【當然烹煮功夫也考了牌】，《猶如乾炒牛河碟底成碟油一様,》吃在口中感覺如同，雖然表面有一隻中規中矩身材的蝦肉，但吃到成口都是油減分自然是必然的⭐️⭐️★整體上價錢不算抵，不過偶爾一次也未嘗不可，而且有一半感覺是吃在

星期六晚約了家人一起用膳，見呢間食店開業不久，裝潢幾好，地點都算方便，所以就想一試。預先openrice訂座，（約18:20）到達時店員未待我地處理好安心出行及針卡，就已經問定飲咩茶，然後入座後未坐定就講話限時1.5小時…問佢係唔係如果無客人門外等候，就可以坐耐d, 佢就話都係要1.5小時離座，唔可以坐耐d, 同時對方表情及態度都表現到好唔願意答我地咁呢個就真係不太滿意食物方邊都係有驚喜的，煎炸食物即整，十分脆口，好好食。松露野菌餃好香及好食仲有部分食物可汁另上（方便到怕辣怕多鼓油既朋友）。茶方面就係用茶包的，對茶有講究的朋友或會失望，金色、銀色茶壼分別裝茶同滾水，睇落都幾靚的～ 另提，大部分點心只得三件同埋份量較細，想多人分享及食量較大人士要留意喔晚市（好似係21:00前離座）有8折，4個人食300蚊有找，都係抵食既😀

我都係有一次經過見到大排長龍而即刻search佢嘅食評，之後喺好奇心驅使下去幫襯，亦都同其他人一樣盡量試齊佢嘅招牌點心。之後嘅感覺係無想像中好食，只是多花臣、創意高，比較吸睛。脆脆富貴紅米腸粉 - 個人覺得好麻麻，無味道。。。tasteless龍點心拼盤: 蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子及臘味糯米燒賣呢個係開心嘅，因為可以一籠點心滿足6個願望；而我比較喜歡蟹粉菠菜香蝦餃和松露野菌晶瑩餃馬拉小籠包 - 有驚喜，小籠包皮薄多湯汁，肉骨茶味濃，只是偏咸了一點 龍蝦汁墨魚燒賣 - 只是一般般，但可以一試 金錢肚 - 酒樓水準

今日男朋友接放工，佢無端端話想食點心，夜晚真係好難搵到。不過最近係觀塘新開咗間新潮點心店，裝修幾靚幾colorful，可以就去試下喇！#一龍大滿足 $58招牌菜梗係要試吓啦！一籠有6粒唔同款式嘅點心，包括：筍尖蝦餃皇、酸菜魚鳳眼餃、松露惹菌晶瑩餃、蟹粉菠菜香蝦餃、糯米燒賣、豌豆桃子。當中味道全部都好好特別，唔係周圍都食得到，但係有配搭得好好食，推介！#龍燒賣 $38一籠有4粒唔同嘅燒賣，包括：懷舊燒賣、麻辣牛肉燒賣、蕃茄海鮮燒賣、龍蝦汁墨魚燒賣，每款都好食，而且大大粒好足料，蝦仁好大隻同彈牙，認真一讚！#一口鹹水角 $322粒雖然唔同顏色，不過都係同一樣味，我自己覺得唔夠熱，如果熱辣辣仲好食！#口水汁龍利魚腸粉 $42食落有驚喜！口水汁好惹味，會追住黎食嘅感覺，而且龍利魚好滑，加埋腸粉皮仲滑，可以食辣嘅話一定要試！#炸饅頭豬柳漢堡 $42係新潮點心Fusion菜式嘅其中一款！超級鍾意食炸饅頭點煉奶嘅我，覺得食落都幾新鮮！同埋廚房即叫即整，上菜係新鮮滾熱辣，非常好脆口！#鳳尾蝦多士一樣係即叫即整新鮮熱辣，不過略嫌油咗少少！Overall黎講，好有驚喜！除咗普通點心之外，都加咗好多心思去創

🌎龍點心 (觀塘)假日帶婆婆去左一間特色餐廳飲茶🫖 餐廳裝潢以懷舊風格為主 相反點心以新穎創新為主 另外係用手機點餐好放便🫖一龍大滿足一龍點心有齊晒茶樓主要點心 每款點心各一粒 唔驚叫得太多又食到各種口味 有辣有唔辣 好貼心 食物包括有蝦餃、壽包、燒賣等 餃子皮薄而透 煙煙韌韌 唔錯！🫖菠蘿包婆婆最鍾意食菠蘿包 佢話食落去好軟身 菠蘿包表面香脆 好啱老人家食 而且餡料唔會太甜一啲都唔油膩 🫖叉燒腸粉我就比較鍾意食呢一款腸粉 叉燒厚切又大塊 好有口感 腸粉皮又薄又滑 趁熱食更加好味😋💵消費：$249✨環境：7/10 🙋🏻‍♀️推介：7/10📍觀塘觀塘道398-402號Eastcore1樓4號舖

📸 龍點心觀塘最近人氣點心鋪❗️❗️店舖位於East Core同一個商場入面亦有另外幾間人氣餐廳Lunch time 12半去到已經要排隊不過餐廳好貼心 可以用The Gulu預先取飛點心主打創新fusion更推出不同拼盤 比客人一次過試勻各式點心為食妹今次就叫咗🍴龍燒賣 $38💛8/10- 鹵水鵪鶉蛋燒賣為食妹本身好中意食鵪鶉蛋餐廳將鵪鶉蛋鹵至入味 食過味道更香更好食- 麻辣牛肉燒賣牛肉餡料偏辣帶麻香 惹味開胃不過唔食辣既朋友仔就要注意❗️- 龍蝦汁墨魚燒賣口感似食墨魚丸 彈牙爽口鮮甜- 懷舊燒賣蝦肉豬肉餡料十足 啖啖都食到蝦肉味道鮮又彈牙🍴口水汁龍利魚腸粉 $42💛8/10口水汁配魚肉腸粉 配搭新奇但估唔到都幾夾第一次食魚肉腸粉 肉質唔會太老不過腸粉皮就略嫌有啲太厚🍴黑金流沙包 $32💛5.5/10雖然係熱辣辣出籠 但入面唔太流心又無起沙 感覺麻麻🍴炸饅頭豬柳漢堡 $42💛8.5/10以炸饅頭代替漢堡包 創意十足食落唔會太突兀餐廳將饅頭切半再拎去炸令到每面都香脆可口不過醬汁唔太夠 食落有啲dry🍴一口豆腐 $48💛8.5/10每粒都炸得恰到好處 外脆內軟外皮灑上椒鹽 非常惹味為食妹仲試咗

呢度既裝修用左橙色做主調十分搶眼同好有氣勢, 再加上燈光非常明亮, 所以經過一定會俾佢吸引左去望一望😎 呢度用QR code 落單, 所以相當方便, 食物選擇都唔少, 而且好多款式都好特別😜 重點係擺盤同點心既顏色都好igable📸龍餃子🥟($42)一盒四款既餃子可以一次過試曬唔同既味😚 筍尖蝦餃皇🤍最classic 既蝦餃, 皮晶瑩剔透, 蝦肉幾彈牙酸菜魚鳳眼餃🧡橙色既餃子皮包住蝦肉同酸菜, 上面放左魚肉同一粒蔥睇落就好似一隻眼咁蟹粉菠菜香蝦餃💚綠色既餃子皮包住蝦肉上而放左一咬爆開既魚籽, 口感幾特別, 味道唔錯松露野菌晶瑩餃💜咁多款呢款最濃味同埋係我最鍾意, 一咬開已經食到濃濃既松露味, 再加上滿滿唔同既菌類, 超正龍燒賣🍤($38)懷舊燒賣💛傳統塞滿蝦肉同豬肉既燒賣, 好彈牙滷水鵪鶉蛋燒賣🤎一粒滷得好入味既鵪鶉蛋放左係原味既燒賣上面, 係兩樣我鍾意既野合拼左一齊麻辣牛肉燒賣❤️‍🔥呢個既辣度真係有返咁上下, 食完都仲有陣餘韻留左係個喉嚨度, 牛肉都好彈牙龍蝦汁墨魚燒賣🤍比起燒賣我覺得佢更似一粒新鮮打出黎, 好彈牙既墨魚滑, 一咬開啲熱到燙口既龍蝦汁爆曬出黎, 食既時候真係要小心啲,

最近留意到觀塘有間新新地嘅fusion點心舖，有兩隻吉祥物（龍師傅同點點），裝修新穎可愛，環境新淨光猛呢日咁啱約咗朋友出觀塘配眼鏡，一於去嘆杯早茶，食個包先😌🔸一龍大滿足(order一籠可以試到6款點心，大🈵足)1️⃣蟹粉菠菜香蝦餃: 呢款最得我歡心🥇，蟹粉味香，又有三文魚籽，仲為我提供少量蔬菜攝取量2️⃣松露野菌晶瑩餃: 紫色嘅餃皮夠吸睛，咬開松露味濃郁，係我第二至愛🥈3️⃣酸菜魚鳳眼餃: 酸菜味突出，件魚都大舊㗎，少少辣幾開胃4️⃣豌豆桃子: 淡淡地嘅青綠色包皮感覺清新，味道有啲似班蘭味，如果個餡可以做到流心效果會更好5️⃣筍尖蝦餃皇: 水準達標6️⃣糯米燒賣: 朋友鍾意食有糯米嘅點心（糯米卷、珍珠雞等等），佢二話不說一口就將佢擺落口 😂🔸口水汁龍脷柳魚腸粉呢個組合好特別，出面未試過腸粉嫰滑，口水汁香辣惹味龍脷魚柳本身味淡，用口水汁去襯佢效果唔錯腸粉下面仲有大量青瓜絲，幫助中和口水汁嘅辣，亦為呢朝嘅早茶提供蔬菜攝取量 🥒🥒🥒🔸馬拉小籠包小籠包皮薄，好似馬拉糕咁嘅色，賣相唔算吸引，但味道搭夠湯汁嘅肉骨茶味幾濃郁如果豬肉餡多番少少，就可以成為encore之選呢度嘅fusion點心幾特別，用料嘅組合好有創意、好

聽朋友講話呢間啲點心幾好食幾有水準所以慕名而來，一去到店舖外在裝修真係有舊香港茶樓feel感覺幾良好，但一入到去只見全間舖頭員工只專心做外賣到會單，完全忽視堂食顧客。所有堂食顧客等咗超過20分鐘都完全一個點心都冇得食，只係睇住一盤盤新鮮點心出爐被用來包裝到會訂單，我無可奈何只好問店員幾時有得食，但佢只係話就嚟又就嚟有有啲顧客連茶都無得飲！尤其店舖經理陳先生態度異常惡劣！竟然可以同出面等為顧客講30分鐘後返嚟而家唔做你生意。雖然點心真係幾好食，但係咁嘅服務態度真係好難有第二次！

特登今日去試呢間點心，亦係我最後一次去。我俩公婆由1:58去坐低，店員陳生就話2:00後有8折優惠，好的，我覺得ok嘅，我話唔該！店入面當時有5至6枱客，之後2:00我哋就叫點心，就見到佢哋有6至7個店員搞緊到會嘅單，不久就聽到後面有位阿叔鬧：搞錯呀，坐咗十幾分鐘，叫咗多次茶都無，後來阿陳生行過去問：你想飲咩茶呀(好串嘅語氣)？到咗2:40分鐘，我發覺唔對路，因為一個點心都未到，唔明白點解只見到廚房每次出點心，都唔係比我哋呢？原來佢哋成班員工，只係掛住做到會張單，ok我知係張大單，但係咪唔使理我哋堂食嘅客先？我哋都係要比錢你的。後來睇到有另一枱客都等到唔耐煩，呢個moment 我哋真係火都嚟埋，我老公叫一位阿姐埋嚟，問佢係咪唔做我哋生意？係咪要等你哋搞完到會張單，我哋先有得食？係咪要全部人一齊無嘢食？好過份囉！最後3:00才有點心上枱，激到我哋都無晒胃口，拿拿淋食完就走，就算你哋d點心有幾好味都無用，因為你哋服務態度極之差，店員陳生，好心你檢討吓啦！