影片
港铁奥运站 C1 出口, 步行约8分钟
继续阅读
营业时间
星期一至日
11:00 - 21:00
以上资料只供参考，请与餐厅确认详情
食家推介
其實之前都幫襯過千之味深水埗店💛但大角咀呢間就第一次不過亦都會係最後一次了因為佢只係做到2月20日就結業睇番FB店舖指皆因疫情成日都話停晚市決定減少番堂食店數目真係好可惜呀...除咗丼飯之外，佢仲有啲set今次叫咗迷你丼飯餐入面有一個迷你丼飯、4款刺身、5件壽司仲跟埋飲品添百零蚊真係抵食迷你三文魚粒粒海膽丼 跟火炙壽司丼飯嘅三文魚俾得一啲都唔孤寒粒粒都幾大粒下，食得好滿足海膽就只係有一楷仔，不過價錢只係百零蚊都唔會期望有超多啦所有刺身都幾新鮮👍迷你三文魚腩丼 拼壽司5件三文魚腩都肥美嘅，有油脂香壽司就一般啦冇特別我會推薦火炙多啲，好味啲雖然冇咗大角咀呢間分店但仲可以繼續幫襯佢其他分店、外賣💛
继续阅读
每次中午想食日本野都會諗起依間餐廳，佢嘅餐牌選擇多，魚生飯、烏冬或者熟食都有。最平嘅餐$40就有交易，本身已經包飲品。然後再加$28可以升級多個沙律、螺肉、小食。覺得升級幾抵食所以每次嚟基本上都會加錢，多啲野食成個set咁開心啲。而小食可以五選一，其中有一個係組合係餃子、辣味雞翼(各兩件)，亦都係我成日揀嘅款式。我都幾中意食依個照燒雞排定食，雖然係最平但分量十足，cp值夠高。點餐係掃QR Code，所以都幾方便，而且落完單野食都好快送到。因為野食分量真係頗多，我通常都會揀少飯，食完都已經覺得好夠飽。雞排外皮脆肉夠嫩滑，食落唔會乾柴，夾埋照燒汁好送飯。因為之前好多時喺其他地方食照燒雞排都會覺得overcook，所以個人覺得幾滿意依間餐廳嘅雞排，而且佢次次都可以keep到依個水準，唔錯幾好食。而其他食物味道正正常常，保持一貫水準，$68有咁多野食我覺得幾抵食，每次都食到非常滿足。再加上又係黃店，所以都會經常嚟幫襯。
继续阅读
突然要開會搞到好遲先收工，冇時間買餸煮飯，去咗千之味買壽司外賣。聽過呢間千之味好耐，全港都好多分店，但一直都無試過，見佢價錢好平就去試下！三文魚腩$20/2件左口魚$20@2件油甘魚$35@2件吞拿魚蓉$30@2三文魚子$48@2花之戀$48@3件鰻魚忌廉芝士卷$58@4件吉列炸蝦卷$38@4件雖然價錢親民，但質素無將貨就價！我好耐冇食過花之戀，呢度價錢真係好平，竟然$16有一大件！幾塊肥美厚身嘅三文魚包住滿滿嘅蟹子，一啖咬落去非常滿足！油甘魚同三文魚子嘅質素比我想像中好，油甘魚帶有光澤，魚味香濃，三文魚子大大粒，晶瑩通透，鮮味十足！三文魚腩油脂分佈均勻，口感肥美！卷物嘅飯就比較硬身，勝在足料，味道正常發揮。呢個價錢性價比唔錯，原來大部份地區消費滿$300仲可以免費送上門，連拎都唔駛拎，下次開party可以試下！
继续阅读
之前聽朋友推介千之味，發現屋企附近原來有吖，所以就即係黎試下，支持同路人！我今次就叫左一個壽司盛盒再加和風冷麵外賣，唔好睇少佢，有成25件，一個人一定食唔哂吖。呢個盛盒有唔同種類，有齊三文魚壽司，蟹籽軍艦，甜蝦壽司，熟蝦壽司，北寄貝，八爪魚壽司，加洲卷。壽司飯唔會酸。三文魚夠鮮甜美味 ，八爪魚唔會太韌，好有驚喜見到師傅好大方，飛魚子軍艦上面嘅餡多到寫晒出嚟。甜蝦既鮮甜味好夠。加洲卷都好足料。和風冷麵真係大件夾抵食，有大量飛魚子，蟹柳絲，青瓜絲。冷麵保留到個麵身質地，正。呢度價錢合理，質素又唔錯，大家要多多支持。
继续阅读
今日經過一間平平無奇嘅壽司店，見到他的價錢非常吸引，點左一個吞拿魚壽司飯，成個套餐嘅價錢都係$90之內仲要係包埋嘢飲!然後再點左一個切角魚生飯！🥰🥰抵食新鮮良心的小店😆😆😆
继续阅读