1+2 餐廳 (已結業)

朋友介紹話呢間餐廳既豬扒同炸雞脾唔錯，講左好耐終於約左幾個朋友黎呢度試下。之前聽佢地提過話個沙嗲汁好得，所以今次黎特別期待試呢個汁。黎到當然叫最出名的豬扒同炸雞脾啦，因為今日唔係太肚餓揀左豬扒同炸雞脾薯菜同朋友share。豬扒一到，我已經急不及待切開一啖擺入口，豬扒肉質嫩滑好淋，表面煎得好香而且鎖住肉汁，好食，點埋個沙嗲汁真係無懈可擊。之後當然要試下個賣相炸得好脆既雞脾啦，一切開已經feel到個皮脆卜卜，入口都相當有水準，做到皮脆肉香既效果。薯仔可點少許糖醬食，另外蔬菜亦可以點個沙嗲汁調味。講返個沙嗲汁，汁夠杰，唔會好浠，杰身原因夠濃味但又唔會太咸，而且辣味夠，愛辣人士不妨一試。成餐飯感滿足，而且個茄子配菜都相當恰配，臨走時有啲衝動想攞走支沙嗲汁添。唔係朋友介紹都唔知呢度埋藏左間令人會encore既餐廳。

份量大大，冇諗過咁好味啲豬扒煎得好香，豬扒食落去外脆內軟性價比高丫。同埋可以試下個薯角，炸得好脆，入面又係好鬆軟最緊要點埋糖漿好咁先正冇諗過咁嘅價錢食到質素咁高嘅晚飯值得推介，讚

喺旺角想同朋友食簡單D又可傾下計，估唔到呢間1+2豬扒餐廳又幾fit。首先裝潢喺旺角嚟講可接受啦，最緊要係有卡位可以坐得較舒服。然後到食物，大致上就係十幾款豬扒菜式。食過招牌煎豬扒，不俗不俗，今次就試吉烈豬扒拼腸仔塊豬扒size夠大不在話下，最surprise係炸得鬆化，下次可encore! 老闆娘見我食黑椒汁，就主動推介自家製辣汁叫我試試(又幾細心喎)，有一種說不出的惹味，鍾意食辣嘅朋友一定要試! 雖然唔係好明點解叫1+2，但只要係有heart，期待佢地做得更好!

第一次寫食評, 想支持一吓用心經營嘅小店。餐廳好近朗豪坊, 之前已經嚟試過啲豬扒, 都唔錯, 今次試吓其他野啦。我本身好鍾意飲羅宋湯, 呢個餐湯好足料, 而且味道同濃度啱啱好, 過關主菜點咗羊架同雞肶, 份量十足, 羊架有三大件, 隻雞肶仲大隻過個拳頭配菜除左啲雜菜, 仲有一大條茄子, 唔使啖啖都剩係肉, 感覺健康啲我特別欣賞個羊架, 用左芥辣去醃, 入味夠嫩, 唔錯唔錯羊架仲跟左啲薯角, 我第一次食薯角配糖漿, 原來好夾味! 薯角個皮夠脆又夠飽滿, 好食! 搞到我地忍唔住encore多咗碟淨薯角 我真係好鍾意食澱粉質野薯角上枱時跟左樽糖漿, 我發現落多啲糖漿仲正 碟薯角$31, 真係必食 雖然唔知點解係$31咁零丁其實單從主菜條茄子同埋個甜食脆薯角, 已經睇得出呢間餐廳係有花過心思, 今時今日呢個環境, 有心做又經營到嘅餐廳真係買少見少。

家姐話之前食過一間餐廳d豬扒好好食，於是今日就帶咗我去食。我地叫咗一個鮮茄焗豬扒意粉，一個黑椒汁豬扒煎蛋飯。豬扒唔肥之餘，肉質仲好嫩，亦唔似有落鬆肉粉。焗意粉無焗到一餅嘢，意粉係幼身而且煮到軟硬適中⋯⋯叫咗兩杯特飲，一杯青蘋果味，一杯熱情果味，青蘋果味嘅太甜，熱情果味嘅酸酸甜甜較好飲。呢到夜晚6點前叫嘢食，都仲係計午餐價錢，好抵食！下次會再嚟食⋯⋯

上次睇醫生咁岩行過見到呢到有間豬扒店，今次LUNCH決定過黎試下。雖然佢係朗豪坊附近，但係平時好似真係無咩留意。就咁睇舖面面積唔大，但係食食下聽到佢叫D人上2樓，先知原來上面仲有一層，但係我就未上過樓上，唔知上面大唔大地方。鮮茄焗豬扒飯汁幾多，飯又夠熱。香濃既茄汁 + 炒飯底 + 嫩滑既豬扒 = 好味道。不過唔知個飯好似細左D，食完唔算特別飽，只係岩岩好。

放工後在旺角閒逛一下，餓了，就在附近醫肚，用餐後就可繼續行程。1+2 豬扒餐廳 的名字頗為特別，但是卻又不知道有何含意？但還是不理有甚麼意思，醫肚最緊要。當入到去，就似是西餐廳，以四人座位為主，不迫狹，但又坐得舒緩。除了豬扒外，其實還有其他的，如牛肉和雞扒也有，不過既然是豬扒作主體的，當然不會錯過吧。粟米忌廉湯是今餐的餐湯，內有火腿，甘香而又點稠結，奶味也不是很重。另外隨湯有一塊蒜茸包，入口略脆，但是略嫌有點硬度，軟番一點會較好。香煎豬扒配黑椒汁配薯菜。大大塊的豬扒共有兩塊，還有一條茄子在上面，還有生菜和薯條作伴菜。食落豬扒甘香之外，還有鬆化的口感，比預期中好吃，還有一些軟腍。雖然薯條並不太脆口且有軟腍的口感，但是亦有甘香的口感。不知道甜品名稱，只是覺得滿是香蕉的味道，入口亦為鬆化，甜度稍高。熱奶茶仍然是近期至愛，貪其有茶香與茶味，馥郁的茶味，是最好不過。兩塊豬扒實是有點邪惡，亦吃得飽飽，如果豬扒細一些的話，可能更好。

今日一條友幫公司買完野,行到旺角本身想食拉麵但見到呢間野新開,於是試一試,入到去職員好有禮貌,我一條友佢竟然俾張四人卡位我,十分感動,佢介紹我試下佢地既豬扒,我二話不說聽佢講叫左個豬扒餐,先黎杯咖啡都OK,同出面D茶餐廳差不多,再黎個忌廉湯,有忌廉但完全無咸味,要自己落鹽,感覺有d奇怪,跟住main course到,有2大塊豬扒,鬆化得黎唔係梅果種,但個蒜蓉汁濃左少少蓋左d豬肉味,但d配菜十分有heart,有車厘茄,豆角,飛機菜,薯仔,矮瓜,幾十蚊同你搞咁多野,我覺得廚房都幾用心,另外仲有白飯跟,埋單80有找,旺角區黎講算係幾抵食,可能同佢位置有少少關係,下次搵多幾個老友試埋佢d牛扒同其他野食先

13/6這夜獨自一人去探完車車醫生確定他明晚可回家心情十分興奮跟寶貝kiss goodbye後便去揾食嚟返個一個人的浪漫行到上海街見1+2豬扒餐廳主打我愛的豬扒當然有點好感便入去一探究竟??當然除咗豬仲有好多選擇連羊架也有供應價錢也不過百元~這夜想食香口嘢就揀選椒鹽豬扒飯$58不算便宜但豬扒件數不少炸得好透徹肉質淋滑椒鹽味道不過鹹,最驚喜係伴碟嘅燒茄子燒得恰到好處綿滑香甜一件真不夠喉呢~算值回票價啦!嘆埋杯凍檸檬茶(+$3)便回家去了~ 期待明晚車車回家^0^

行過見 新開， 個名咁得意， 就入去試下~ 見佢d裝修簡單 , 諗住都係茶餐廳質素~叫左個吉豬薯條， 點知有驚喜！！果然d豬扒係 唔同d呀~ 炸得好香口， 但又唔會 好乾 好硬~豬扒好好食 ~ 讚！！如果佢d薯條可以多d就好啦 haha 另外我個fd 叫左雞脾沙律，我冇食 不過佢話幾好食， 下次 再試先~~

1+2豬扒餐廳旺角上海街511號地Café 格調，茶餐廳價錢 $$$$，真是不一樣的食店。抵抵抵星期日出旺角，行完街，想吃下午茶坐吓嘆吓 ，但朗豪坊超多人，於是行出上海街人流較少看下有什麼野食。行約2分鐘，1+2豬扒餐廳新開張試業，最重要有九折！！！！！環境幾好，坐位舒服，有café feel。最重要有下午茶餐超抵，四人叫四個餐，叫了香煎豬扒沙律，吉列豬扒薯條，雞翼薯條，西多士，大家share吃！凍飲加$3，(凍檸樂都只是+$3)，一於叫凍檸樂！檸檬加一罐可樂!招牌香煎豬扒有肉汁，嫩滑淋身，一定要試！南乳炸雞翼超香超大隻，還有三大隻，Good！薯條香脆有薯味，職員may好友善又好傾，叫西多士餐時，還問試唔試吓西多士落煉奶，我就第一次吃西多士落煉奶，有趣味！沙律落了青瓜很新蘚很好味，於是散叫多一碟沙律(但太衝動，散叫無咁抵食，但會多D)。但吉列豬扒就無麻麻地 ! dry咗D !整體好味！好嘆！又舒服！我們坐吓傾吓都成個鐘，職員都無趕我地走！最後埋單還有九折，超值！職員may話下次來吃晚餐可致電訂位，羊架是一級羊架，最好預訂，數量有限！價錢不過$100下次出旺角朗豪坊，一定要再吃招牌香煎豬

同女友行旺角發現新餐廳！(近朗豪坊)餐廳細細間主要係卡位都幾好座！睇餐牌有焗飯、西冷、牛柳、羊架……！本人柯打牛柳餐跟薯菜！女友叫左羊架！先黎羅宋湯少少辣不太酸有水準！跟住上牛柳有兩件都1件！牛柳好軟熟好香肉味！跟餐薯菜好多（切粒薯仔）薯仔勁好味真係外脆內軟外皮有糖漿！$88有驚喜食完真係幾飽！女友都話羊架好好味，因本人不愛食羊所以冇試！

首天正式開業的「1+2 豬扒餐廳」，名字有趣的新餐廳。剛好有位，裝潢簡約，只有這幾盞吊燈比較特別。餐廳不太大，以４人枱為主。午餐價錢四、五元有餐飲，食物種類以豬扒為主。只有幾款豬以外的食物。叫得豬扒餐廳當然食豬扒！鮮茄焗豬扒飯＄４８原個焗飯，飯炒底，面舖滿鮮茄汁，賣相對辦！豬扒表面焗到有少少脆口，肉質嫩滑淋身，這裹的豬扒果然不錯。香煎豬扒蛋飯＄４５有條好長的茄子，第一次見煎豬扒飯配茄子，真幾攪鬼～豬扒好大件，煎得幾香口。總結：環境一般。服務員年青經驗不足，但勝在有禮貌。價錢同茶餐廳差不多，但少了碗餐湯