101肉燥飯專門店 (已結業)

 一個人食晏就，其實都可以食得好滿足 事關呢度有個超抵食拼餐，可以有小食同超大杯嘢飲 豬軟骨肉燥飯 豬軟骨有兩大舊，飯有成座山咁大 女仔記得要叫小飯，唔好浪費 肉燥比得好足，而且有足夠嘅汁，而且冇乜肥豬肉，唔使挑嚟食撈飯仲唔會乾爭爭香草芝士玉子豆腐 一個人要ko埋個小食，真係有一定嘅難度不過好彩玉子豆腐裏面滑溜溜，外面個醬汁又甜甜地，都相當開胃 珍珠奶茶大杯裝 珍珠奶茶除咗夠大杯味道都相當唔錯，珍珠軟硬適中而且咁大杯真係夠兩個人share 食咗咁多嘢埋單都只係七十幾蚊真係好抵

去做facial之前食個下午茶，喺美容苑附近有間101 ,好似都幾出名，所以就入去食個飯。呢排實在胃口不佳，都係想食一啲粉麵之類嘅食品，最咪尾揀咗中餐牌裏面嘅特盛醬汁雞扒肉燥新竹米粉$46 +$6 粟米個米粉真係大大碗，無花無假，而且比起平時啲米粉更加透明同埋有彈性，上面嘅雞扒有兩塊大大件，比想像中多好多，對得起價錢；而且個醬汁配搭都唔錯，雞扒好滑好嫩，咬入去完全唔使用力，口感唔錯。粟米甜甜地，原來有埋滷水蛋，不過就比較老啦真係，但係都好入味嘅。最後食唔晒要打包，外賣盒加收＄1 ,好過浪費食物啦。飲珍珠奶茶雖然唔使加錢，但係我揀咗飲香芋珍珠就要加＄9啦!香芋味都幾突出，而且唔會太化學，不過因為啲冰嘅原因會越飲越淡，珍珠都好有口感而且甜甜地，不過如果唔想加錢都係建議用飲普通珍珠奶茶啦。

叫左個6吧餐台式豬軟骨肉燥飯再拼鹽酥雞做小食~肉燥都算多汁，幾香口~唔會太咸！豬軟骨夠哂入味，軟骨充滿濃濃既骨膠源！又夠咬口~好味呢。鹽酥雞有3大粒！好惹味開胃~雞肉唔會炸到乾哂！仲幾juicy添但又唔會過油~最後簡左杯跟餐升級左既香芋珍珠，大大杯夠哂飲唔會話太甜！！good

Just finished my Taiwanese mini hot pot here and signed up for this app for the 1st time to write this review. The restaurant is close to Tin Hau MTR station and has decent decor/hygine. The mini hotpot was generous in portion and had a variety of ingredients. But then it was a bit too salty and could have had be some more vegetables. All in all, this place could have become as a decent Taiwanese restaurant to visit time to time if it were not for its staff's very unprofessional attitude. Leafle

去開天后準備同朋友食個快飯就去中央圖書館借書準備考試，朋友就選擇左呢間101肉燥飯食台灣野我哋兩個就唔係好肚餓所以叫咗幾款小食有豬頸肉，炸花枝丸，腸仔，鹽酥雞炸花枝丸好彈牙上邊嘅調味粉亦都好惹味豬頸肉切到好薄略為有啲乾腸仔有黑椒肉操飯配三杯雞肉操淋係飯上便就來滿瀉咁，肉燥好香濃，三杯雞有點辣但係食落好惹味

今日天后收工。想吃啲多汁少少嘅野，經過101肉燥，諗左一諗，肉燥濕濕地，應該ok。入到去無咩人，隨便找個位坐。叫餐的性價比較高主菜+小食+飲料。柑桔檸檬。比想像中大好好好好多，仲有落真檸檬，又唔太甜👍小食，花枝丸。炸過的墨魚丸，外皮脆內裡彈牙，微熱。主菜:炸玉子雞扒肉燥飯。炸玉子處理方法同花枝丸一樣。雞扒算大塊，味道一般般，如果可以切開上會比較容易入口。主打肉燥飯，肉，汁都夠多，肉粒無用肥肉充數。再配上半隻滷水蛋，分薄肉燥的濃味。下次再試其他菜色

第一次有衝動上黎open  rice  寫食評！因為呢間野實在係難食到一個點！呢碟係魯肉飯加左辣雞！飯暖，魯肉又凍又油，汁多到浸稔哂D飯，雞凍又鞋又乾！台灣腸又凍又油！果2隻雞翼食到好似以為自己食緊柴皮！熱柑桔檸檬甜到唔識形容！其實呢間野想點！破壞哂台灣美食既形象！

一直都覺得呢間嘅肉燥飯好好味今晚喺維園游完水 突然想食台灣野 就去咗附近嘅101肉燥飯（天后分店）呢度嘅肉燥 比阿元來了嘅甜啲兩間都咁好味游完水2個人 唔想食咁飽所以share叫左個一人套餐主菜 （有十幾款）+ 小食 + 台式飲品我哋揀咗豬軟骨肉燥飯份量都幾大 豬軟骨好冧 好入味肉燥繼續維持高水準 配飯係一流小食揀咗鹽酥雞 有三舊 好味既！台式飲品揀咗特濃朱古力加珍珠超大杯！！兩個人都飲唔晒真係特濃好香奶味 好抵食 好滿足一定會再黎食

有時真係一百歲唔死都有新聞，以為係美食林立既天后區搵食唔會中伏，但估唔到一中就係大伏。呢間101，平時坐車經過都見有人龍，今次同柑太黎食，諗住一解佢想食台灣野既苦，點不知就一跌足成千古恨。講食前之講環境，店內空間不足，全店大約四十多個坐位，坐位極窄，一坐已經同旁邊食客手肘碰手肘，兩張四人檯夾埋隨時有三台唔同食客坐埋，感覺好焗唔舒服，不少食客是點了火鍋，但又唔係一人一鍋咁，不過人均就過百一位，睇過唔化算就點番正正常常台式食品啦，大伏就黎啦小弟既豬頸肉肉燥飯，肉燥食落無香菇同醬油味炒過既味，只係一堆肉碎煮完出黎放上個飯咁，豬頸肉又乾又硬，完全唔似一般豬頸肉嫩滑既味道。成碟飯最有味道就中間既菜。柑太既香茅豬肉燥飯，情況同上，更甚係柑太發覺飯粒太粉而無咬口，絕對唔係靚既泰國米或者台灣米，而係平價既越南米，食到一半佢已經放棄唔食。珍珠奶茶，甜到無晒茶味同奶味朱古力雪香：甜甜甜....無朱古力味上面三道分別係日式章魚餅、鹽酥雞塊、鹽酥花枝丸，章魚餅比起超市買紀文仲要差，雞塊又細又韌又無味，花枝丸，比起凍肉店買既貨色仲差。仲要仲要就係，佢地只係叮番熱畀客食，叮番熱畀客食！叮番熱畀客食呀！！我做乜要出

第一次去食呢間，當然要試下佢個魯肉飯啦。叫埋呢個牛腩魯肉飯，份量多，牛腩微辣，幾惹味，但唔夠淋，所以食剩左。魯肉汁多，都算濃味，撈飯食一流，肉碎（魯肉？）都多，而且唔多肥膏，感覺無甘肥膩。魯水蛋就麻麻，唔太入味，好似食緊蛋白甘淡口。

今日第一次去食，晏晝都幾多人等。叫左玉子肉燥飯 ，約50蚊。玉子炸過，第一次食炸過既玉子豆腐，驚喜左，原來幾好食～豆腐同蛋味好出～炸完仍然好滑～肉燥份量多，味濃，撈飯一流～肉肉燥唔多肥膏，真係粒粒肉～魯水蛋-反而無咩味～似普通蛋白般味淡。

今日同朋友經過天后, 見101肉燥飯就在大街近地鐵轉角, 所以就試下啦!餐具已放在櫃筒, 很方便!我試左個套餐!炭燒猪頸肉肉燥飯, $66猪頸肉夠淋夠滑!!!肉燥夠味得來唔會好咸, OK !小食: 監酥花枝丸夠彈牙!好香口!夠味! !飲品: 香芋珍珠好大杯呀!!!! 味道適中, 不會太甜, 香芋味很香, 唔係好假果D味

今日星期天親子日我哋去咗天后一間叫101肉燥飯專門店食個Lunch叫得肉燥飯, 唔止食到肉, 我哋仲食到好"燥"!!! >.<佢位於天后港鐵站A出口左手邊! 我哋差唔多1點幾入去, 唔駛等位!店內環境乾淨(可能因為新開啦! 半年後就唔知變成點), 間隔成打直長方形, 通道有D窄, 行過都驚撞到人哋牆上掛住餐牌! 其實佢同枱上既餐牌一樣! 只係放大成張野印番塊Foamboard出嚟貼喺度D字細到飛起, 因為佢比例上同枱上張餐牌一樣, 佢哋應該要知道貼咗喺牆上面就會唔同架啦!呢度有散叫也可以叫套餐, $62起跳有主餐+小食+特飲! 都係嗰句, 如果好食就唔算貴!最值得讚係有個籐籃喺每一個櫈底度! 可以俾人放低個大書包大袋, 呢吓都幾細心! 當然佢都唔想有人用個袋霸住個位啦我哋叫咗一個香茅豬扒轉咗川粉(似上海麵) 同埋一個套餐, 醬汁燒雞扒滷肉飯+小食鹽酥雞+朱古力牛奶雪香一般台灣特飲, 杯朱古力同一般茶餐廳凍唂咕差唔多, 只係上面加咗雪香片!香茅豬扒都真係有香茅味既! 同埋好「林」唔難咬, 個麵都唔太差, 只係個賣相求其咗D跟住個小食鹽酥雞就得兩隻, 少咗D! 用酥炸方法但

This 101 marinated pork branch is a newly opened restaurant in Tin Hau, which is just a few seconds walk from MTR exit. The restaurant is clean and a lot more spacious than I expected by just looking at the door. The lunch set is pretty straightforward with a main, a side dish and a drink. Some special housemade chili sauce is also provided on the side for you to mix into the rice. Marinated Egg ($5)Since I am a big fan of egg, I have added $5 to enjoy an extra egg without knowing that the rice

喺旺角食過101 覺得不錯 經過天后見到開分店 就入去食個tea 一人套餐包麵/飯、小食同飲品 抵過散叫台式蘋果醋 超級大杯 成杯啤酒咁大 飯前喝 特別開胃細個好鍾意玉子豆腐 炸嘅就第一次食 脆卜卜的外層沾滿芝士粉 再淋上芝士醬 6粒咁多 還可以跟朋友分甘同味～～芝士撈公仔麵同樣加咗香草 公仔麵煮得爽口彈牙 要趁熱食 否則會變淋... 豬頸肉唔韌又唔肥... 旁邊無調味嘅椰菜和紅蘿蔔相當甜 唔想呢餐太heavy就要食埋啦