101肉燥飯專門店 (已結業)

位於天后附近的101肉燥飯專門店 ，是一間連鎖式的肉燥飯專門店。餐牌的食物配料不少，可配雞，豬，玉子豆腐等等。又可選 肉燥飯，米粉，公仔面。本人是一個澱粉控，因此點了肉燥飯。豬軟骨肉燥飯，配花枝丸，lattle雪香$68。這麽多食物，價錢不算太貴！飮品先上台，單點$25。上層有小許像杯芽的小碎片，充滿麥香。撈均後飮，味道不錯。而且十分大杯，但有點過甜。香噴噴的白飯滿佈肉燥，食肉獸必定喜歡。肉燥帶點甜，肥膏和肉碎份量適中肉燥頗為入味，伴上小硬身的乾身白飯剛剛好。豬軟骨較我想像中軟嫩，但豬軟骨無骨，小了咬口的感覺。有點太過肥，但整體豬肉極為嫩滑，相信婆婆也可進食。花枝丸雖有點太油，但可算是頗彈牙的小吃。整體來說，最美味是肉燥和醬料，帶小甜，令我一食愛上！服務員服務不錯，食物不需10分鐘全部上台。打工仔叫午餐好選擇！

呢間台式餐廳都有好幾間分店，每次經過都想入去食，今日終於可以去食下呢間台式餐廳~ 位置非常方便，正正喺天后站隔離，放工搭幾個站就到，非常方便~餐廳裝潢簡約光猛，而且服務員做事好有效率兼有禮貌，黎呢間餐廳，當然叫主打菜： 烤豬頸肉肉燥飯鐵板燒嘩，上枱仲"滋滋"聲，證明個鐵板仲係好熱，每一口都係熱辣辣，而且有少少飯焦可以食，好香囗，豬頸肉到薄薄一片，但依然好有咬口，好彈牙，肉味好濃，肉燥味好香濃，非常有台式風味，估唔到豬頸肉同肉燥既味道可以咁夾，值得一試！ 香滑珍珠奶茶去食台式料理，一定會點番杯珍珠奶茶，奶茶香滑，茶味濃，唔會好甜，珍珠好QQ，果然冇令我失望呢間餐廳既台式料理好特別，肉燥配豬頸肉，而且仲要鐵板上，絕對值得一試

今日去天后做嘢，午餐去左101食咗個肉操飯。未到一點鐘，出邊已經排咗好多人，等咗半個鐘先有位。即刻叫咗個巴東肉肉操飯黎試吓。唔怪得咁多人排隊，原來佢嘅肉操飯真係超級好味。佢個肉操好似台灣食嘅咁，好正宗好香濃。除咗肉操飯，巴東肉都好好味。巴東肉嘅口感好鬆軟，應該係煮咗好耐，真係好正。而且巴東肉有少少辣，令到我越食越開胃。好鍾意肉操同埋巴東肉溝埋一齊食，香濃之中帶少少辣味，真係好惹味呀！叫咗個小食鹽酥雞，鹽酥雞嘅味道好香，未食已經聞到嗰陣香濃嘅鹽酥味，食落口好香脆！鹽酥雞食落口都仲係熱辣辣架，太好食啦！再叫左個特濃朱古力，食完熱辣辣嘅嘢，飲一杯凍冰冰嘅朱古力，真係好幸福。呢個超級濃既朱古力，一入口就有種幸福既感覺，正！雖然短短半個鐘就食完，但係真係好少係半個鐘內食到咁好食嘅野食！超抵！下次再黎過！

肉燥肉子雞扒飯， 45元! 雞扒得兩隻手指長， 肉燥冇味， 下次冇下次。 又唔係特別好食，份量太少了，重點: 店員態度 差! 我一個人去， 佢地要我同人一齊坐，但旁邊就有一張冇人坐的2人枱，還有5分鐘就有下午茶都唔講，我叫完立即聽到後面叫下午茶，重話可以幫佢落住先咁，我一個人食就要咁對我??

早前趁午飯時候行去天后覓食, 無意中發現了一間新開的食店, 叫101肉燥飯專門店, 我未食過, 便入去試下.午市套餐有不少選擇, 每樣都吸引, 但我見到餐牌上有新竹米粉, 這個相對下比較小食, 所以最後點了台式豬軟骨肉燥新竹米粉加豆卜, 飲品點了熱香芋珍珠.店員奉上台式豬軟骨肉燥新竹米粉加豆卜.豬軟骨夠腍身, 除了肉, 連軟骨也可以食埋, 尚算入味. 新竹米粉入口時帶有微微的彈口, 較硬適中, 質感不錯, 啱我口怠, 再混合肉燥一齊食, 多一份惹味.而豆卜吸收晒湯的精華.熱香芋珍珠.香芋味幾濃郁, 稍稍甜了少少. 而我自己較鍾意帶點煙煙韌韌的珍珠, 這裡的珍珠略為軟身咗, 無乜咬口.來食台式嘢, 小食一定要點, 最後我選了鹽酥花枝丸.我自己幾鍾意食花枝丸, 入口幾彈牙, 而且當中混入了墨丸粒, 所以多了一份口感, 味道又適中, 用來配米粉一齊食也是不錯選擇.

媽媽素來愛台灣美食見港島終於開左間101肉燥飯即刻帶佢黎試吓午市的一人套餐其實都幾抵食我自己叫左個泰式豬頸肉肉燥飯$66豬頸肉爽口，亦都大大塊又好多d肉燥都好唔錯佢唔係太濕 唔會比個飯索曬最重要係唔會太咸連我媽都話正小食要左花枝丸個人覺得唔算好特別所以無影同普通花枝丸差唔多唔會話特別難食飲品就叫左Latte牛奶雪香呢個反正好驚喜無諗過佢會擺燕麥令成杯有口感好多Latte好好飲甜度，奶的份量等等都調得岩岩好真係無諗過台式咖啡都會咁好飲值得推介媽媽話下次要再帶佢黎食因為佢都食得好開心

工事需要來到維園附近，心裡懷念著上月台北的肉燥飯，二話不說便走入這間台式食店。我當然是叫個台式肉燥飯啦，另外再加台式三杯雞。先講肉燥飯，賣相吸引，肉汁夠多，肉燥粒適中，脂肪份量不多，但食落都幾滑口，味道偏濃但不會過咸。三杯雞肉質夠彈牙，味道濃郁入晒味而且有微辣，令我越辣越想食呀。飲品我叫左香芋珍珠，珍珠粒粒好夠多呀，索索聲好滑，芋頭味微香，但不會太搶味，又令我想起台北的美食，唔知幾時再飛呢～

同男友路過見到新開ge就入黎試吓啦因為食附近ge風尚食厭咗因為新開，樓面都幾靚乾淨企理真係好重要！見到佢有一人餐62蚊 有主菜 小食 野飲覺得好抵食 我就叫咗四號無骨香辣三杯雞肉燥飯三杯雞香口！唔算好辣！佢仲有埋豆腐卜，索咗啲汁真係起正菜食落都算新鮮 最愛反而係佢肉燥飯個汁濕濕地但個飯唔會索曬又香喎！ 我覺得個汁真係一流之後叫咗鹽酥雞唔錯 新鮮炸熱辣辣不過可加少少調味令其更香口！最後我叫咗芋香珍珠好欣賞佢沖得唔粉珍珠軟硬度適中係甜咗少少不過整體黎講都算幾好呢餐都算幾豐富一個餐咁多野食真係幾抵！

為了剛剛登陸香港的台灣茶飲品牌而來到天后一帶, 也要吃點主食, 因為貪方便的關係而來到這家新店子。鹽酥雞翼的鹽酥風味欠奉, 味道較淡, 勉強只能說是一般的茶餐廳貨色。肉燥米粉來到時嚇了我一跳, 就是那層極厚的油, 花了好一段時間盡量把油拿走, 才可以品嚐, 幸好新竹米粉的質素不錯。可是米粉的配菜是這個樣子.........台式豬軟骨肉燥飯於餐牌顯示的豬軟骨賣相是非常完整一件件的, 但實物卻是一堆凌亂的肉, 跟平日遇到的版本是完全兩回事, 只能慨嘆封面與內容不符, 而我不知豬軟骨是這樣。還好, 「豬軟骨」的味道尚算不俗, 肥肉比一般的較少; 然而貴為一家「肉燥飯專門店」, 其主打的肉燥飯卻令人失望, 賣相沒有台灣影子, 而且味道偏甜, 屬坊間罕見, 想起自己曾經吃過一次百分百全甜的肉燥飯, 就是在同一品牌的首家店子發生 (及後店方竟然確認是當日把糖當作鹽去製作肉燥 )。珍珠奶茶味道還可以, 有一定茶味, 甜度剛好, 只是來到時沒有珍珠, 連店員也覺得奇怪, 最後才補回。突然想起「無線新聞」, 同時提醒自己下次不要貪方便。