1963 木十豆寸

营业中

休息中

中環街市是香港三級歷史建築， 翻新重建後未曾去過， 於是約埋同事一起去逛一逛， 不知不覺到了中午時分， 我們去了一間網上推介位於灣仔中匯大廈2樓的1963木十豆寸的台式餐廳食午餐。 店舖的裝修採用懷舊的風格，打卡一流， 不過食物的質素就一般。台式三杯雞飯三杯雞跟配一碗滷肉飯， 份量十足， 味道不過不失 ，略嫌鹹了點。新竹豬手炒米粉 豬手不會太淋，有咬口而且入味，可惜米粉炒得有點乾。鳳梨牛肉麵牛肉夠軟淋，麵質煙韌彈牙，不過湯底味道一般。

要去環仔做嘢，時間上早左一個鐘完成行行下醒起有間想去好耐喺舊樓入面既餐廳自己去感受下鬧市中嘅舊陣時😋店員服務態度好到加零一👍🏻 由於我揀六點鐘開飯，時間尚早包場咁滯。店員知道大部分客人多數想影打卡靚相， 好客氣俾所有位我任揀嚟坐，等我坐個自修位放空下😌我一坐落已經好自在，食具都幾得意有唔同句子，而嘢食有好幾個set dinner ，分別以木，十，豆，寸為set去命名🤣我揀左有醉雞嘅餐《十》，而嘢食喺我發吽哣期間到左😚《十》$239★餐前小食（橙冬瓜 牛蒡 青木瓜）橙冬瓜同青木瓜係甜漬，有百香果味😋我本人對牛蒡所有既製品都唔太鍾意，因為會有苦澀味😮‍💨依個小食係咸酸味牛蒡🤭都幾令人開胃★鹹蛋苦瓜苦瓜配鹹蛋，口感爽脆，有少少奇妙無我想像中咁苦，但每啖都係清熱解毒味我明白點解有甜漬配餐啦🤣★台式醉雞主菜嚟啦😋有紅棗杞子，酒味幾足雞肉好嫩滑，係用雞腿肉位整嘅而酒嘅尾調有少少苦🤏🏻★青木瓜燉排骨湯湯🥣嚟啦😋我好鬼鐘意飲湯依個湯甜架👍🏻正，不過有少少咁多油膩★雞肉飯點餐時有。滷肉飯/拌麵/雞肉飯。俾我揀我食雞肉飯，因為滷肉飯好肥🤣雞肉飯有用雞油拌蒜片，味道好好👍🏻不過蒜片好硬🤣如果有埋隻半生熟荷包

難得經過灣仔，試吓呢間想食咗好耐嘅餐廳🍴餐廳要行一層上樓，裝修行一個復古嘅裝修路線，整體嘅裝修都比較暗，如果想打卡可能都有啲難度。或者可能因為我日頭去，所以佢唔係開咗好多燈啦haha。餐廳係食台灣野，不過我想食清啲於是食咗茶漬飯，覺得都幾清新，個飯味偏淡，岩曬啲想食清啲既人☺️不過個雞扒就冇乜茶味，有啲似日式照燒雞扒咁樣上面有幾塊紫菜，配埋佢個芥末就覺得啱啱好。整體來講覺得唔錯，下次想試吓佢嘅其他嘢食。🍱

平日係灣仔食Lunch真係好多人今次嚟咗一間樓上台灣餐廳～竟然唔洗等位！一行入餐廳就見到裝飾有濃濃古早味深色木系設計再加一幅相機特色牆係打卡嘅好地方😛前菜係熱情果沙律 酸酸甜甜幾開胃炸雞腿都幾嫩滑 外皮整得岩岩好👍🏻豬排亦都唔會粗糙 雞腿配滷肉飯 米粉入面都有滷肉！滷肉有肥有瘦 都幾入味整體味道都唔會過咸————————————————————————整體而言 成個氛圍都好舒服 食物質素都中上 中午黎個getaway都不錯😋

同朋友慶祝生日，諗住可以揾個靜靜地有特色嘅餐廳慶祝，食物都已經一般般，啲態度又差喎，個呀姐侍應一直吵一直吵，拍乜Q嘢手啫，我依家係同個呀姐慶祝生日定係同我朋友呀，扮咩海底撈，係扮都揾啲後生呀大佬，無眼睇

呢間位於一幢唐樓之上 入口少少隱蔽 仲要行幾層樓梯先到🤣 不過裝修真係好靚 以鐵窗花 印花牆紙 舊木家具等打造台式懷舊古早風💕餐廳有好多少見嘅台灣菜 例如烏龍茶漬飯 鹹蛋白玉苦瓜 樹子水蓮等曾經試過平lunch time去但太多人等唔切 今次平日約12:10去到就唔使等 目測12:30前黎都應該有位👌 但始終係繁忙時間 餐廳會係咁睇你食完未 收你碗碟 有種催促你的感覺😵‍💫———————————————————————🐕茶燻雞配烏龍茶漬飯 （$78+1）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯說是茶燻雞更似是煙燻雞感覺燻得有過頭 燻味超重 像是在燻爐留了三天三夜變得有點苦和酸加上雞扒肉薄而結實 整體並不討好但愛燻味的人可能會喜歡烏龍茶漬飯普通通道茶味不重 比較清淡如果有飯素提味相信會更好———————————————————————🐕嘉義啤酒鴨飯（$75+1）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯酒味不重 胡椒辣度頗高味道有啲似栗子炆雞😂鴨件大件多肉 質地結實 只是略厭肉味不夠沒想像中特別———————————————————————🐕飲料🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍹芭

步入餐廳，仿如時間倒流🕰 特色墻紙、復古燈飾、懷舊鐡窗🪟餐廳主打台式食品，大大份「茶燻雞🐤佐烏龍茶漬飯」有馥郁茶香🍵 和米飯一起下肚格外溫暖❤️ 茶燻雞不怎麽覺得有煙熏味，但也挺好吃，稍嫌脂肪略多；「脆皮雞腿飯」選用雞腿，肉質會較好✨ 小碗滷肉飯別緻可愛😚

本來係支持者，但服務好差，好失望唔會再幫襯👎🏻誠意拳拳介紹俾同事一齊叫外賣，12:13pm上咗佢oddle個網用外賣（成個網望落係佢官網咁，後來發生呢件事先知唔係），1點打去追話收唔到訂單，仲request我cancel order，但問題係我俾咗錢而個網冇得揀取消！啲職員聽完我電話就將個電話傳黎傳去，冇人肯同我處理，仲要cut左我線。我打返去就私下討論「又係佢呀」，仲要俾我聽到，結果搞左我一大輪先有個經理肯聽電話，態度都唔算好，最終差唔多2:30pm先有野食…處理手法同對待客人嘅態度真係極差👎🏻👎🏻👎🏻

中午入嚟食 喺門口企咗好耐都冇人開門，等左10幾分鐘之後終於有人開門，開門係個姐姐 一啲禮貌都無 一句歡迎光臨都無 直接講：「要等，等唔等位？」又唔問有無預約又唔問幾位 坐係到等左十幾二十分鐘，等果陣又熱又等得耐，終於入到座，但係就連餐牌都無張，叫極都無人理，個姐姐聽到我嗌見到我，但係又無視我，之後仲行入去水吧都吹水都唔理我，自己企係到吹水飲茶，我就連杯水都無，等左好一陣終於有個黑衫佬聽到我嗌叫人過嚟比餐牌，啲侍應簡直垃圾，叫天不應叫地不聞🤬。嘢食都還好，不過不失，烏龍茶飯算有驚喜，都幾好食😋，不過嗰個芥末醬好似怪怪地，感覺唔太襯個雞扒，個杯黑糖奶茶啲珍珠有少少硬，不過都唔算好難飲，可能對我嚟講會有少少太甜不過整體嚟講都算好飲。食完埋單果陣時個阿姐又係無反應，要叫好耐先唔情願過嚟(又係嗰個阿姐😡)，比錢果陣仲問我攞貼士，真心好意思咩？一個幾廿歲嘅呀姐主動問我攞，你唔係差我果一百幾十過生活呀嘛？咁嘅服務又收我加一又收我貼士會唔會過份啲呢，真心以後都唔會再嚟。簡單總結，環境食物都唔錯，不過侍應嘅服務簡直垃圾，如果唔係啲食物幾好食，我諗成間舖應該好快執笠，最過分係直接攤大手板問我攞貼士，今時

Fat boy今次出動係灣仔買外賣，睇外賣app見到呢間1963木十豆寸有折，一個麻辣牛肉麵都係50幾蚊，出面可起碼要70蚊以上……以台灣牛肉麵嚟講，都算平嘅。個麵都幾有驚喜，麵底算幾粗，同幾硬，幾有口感，份量都算多。d牛肉煮得都ok林。而個麻辣湯唔係一般出面嘅味道，係偏辣同林，都好惹味，好香口，食得出應該自己整嘅。順帶一提，我上去攞外賣嘅時候，先知道原來間舖裝修得都幾懷舊，好有feel吓，下次可以選擇係度堂食。

被裝修吸引而來的樓上舖台灣菜🔨🖼👧🏻滷肉飯套餐滷水豬, 雞翼,雞蛋,蘿蔔,豆干,海帶配滷肉飯🍱🍚滷味重點要夠入味😍蘿蔔非常入味好淋👍🏼豆干偏硬身 滷肉飯非試不可‼️另有小菜醃青瓜🥒十分好味💯👧🏻麻辣牛肉麵食落少少辣🌶但辣味完全帶起了牛肉之香🐮另有不辣版 而且麵粉非常彈口🍜完全係台灣味道呀😍👧🏻熱芭樂紅茶個人十分喜愛芭樂🍐熱茶唔會死甜 飲落係清新口感🌞重有幾片芭樂作裝飾👧🏻凍洛神花梳打洛神花茶飲得多啦🌹洛神花梳打就好少飲 十分解渴🤤漸變層次加上洛神花作裝飾🍵🌈打卡好靚

【 充滿懷舊色彩的台灣小店 】🥙今日約左朋友去灣仔行街，出發前先去「1963 木十豆寸」食lunch，呢間小店疫情前都去過，覺得餐廳好有特色，所以今次帶朋友黎試下。🪑餐廳的設計好懷舊，一入門口就彷彿回到60年代的時候，每一個擺設，每一件家品都好有心思。⭐️推介菜式🍜紅燒牛肉麵湯底好香濃，係選用上等牛腩及10多種獨家香料燉煮兩天而成，麵吸哂d湯汁，好好味。茶燻雞佐烏龍茶漬飯香氣四溢的燻雞，配搭烏龍茶泡飯讓你的夏日清爽冇負擔，茶漬飯好香茶味，令人好開胃。🍎點了兩杯飲品，有水果茶和蘋果梳打水果茶內的水果好有份量，酸酸甜甜，好好飲。

灣仔有間懷舊台灣菜，人氣超級旺！食評推薦：必點三杯雞、明火保溫、件件入味！鹵肉飯味道鹹鹹甜甜、肉粒不會太少！牛筋麵湯底很濃牛肉味及配上少許辣味、口感彈牙！CP值超高！

茶薰雞烏龍茶漬雞扒飯 啲雞係類似燒雞咁既質感茶味唔算好濃 配飯 清清地咁另一個係脆皮雞扒肉燥飯 啲雞扒係炸雞既質感 超脆個人覺得肉燥雞扒飯好抵食 因為有得食埋佢個肉燥飯鋪頭環境亦好有意思 係舊式既香港而且職員每次執完枱都會換張新既墊枱紙

大鄉里出城，第一次港鐵，由元朗出發去會展中心做新書分享會，車程比想像中快，35分鐘便到達！工作完畢，在會場行了一圈，幫同事買了兩本介紹「生酮飲食」的書，已經差不多兩點，便和拍檔想去食日式午餐，由會展行到灣仔，都找不到食壽司的餐廳，真令人沮喪，大熱天時，加上，又熱又餓，整個人就快虛脫，最後想起在大有商場對面，有一座彩色橢圓型唐樓，在2樓位置有一間懷舊餐廳，我兩年多前曾光顧，不知道至今，餐廳是否仍然「健在」，的確，富懷舊特色的餐廳，在時代的變遷下，買少見少，但近在咫尺，即使再攰，也拖著疲累的身軀，拾級而上，終於到達2樓踏進這座建於1963年的餐廳，大門一推，恍如走入時光隧道，倒流到三丶四十年代，餐廳的點唱機，正播放一些老歌，我們被安排在近窗邊的半卡位，由於天氣太熱，冷氣開放，窗戶沒有打開，所以不能看到窗外的心型大樹平日到來，用餐時間沒有限時，可以慢活一點，我和拍檔研究餐牌，最終叫了一杯百香果冷飲丶一杯洛神花冷飲丶醉鷄冷麵丶雞絲冷麵第二次再訪，餐廳的擺設，沒有太大的變化，隨意用手機的景深功能，在餐廳不同角落，為拍檔進行拍攝，大約等候了10分鐘，侍應先奉上兩杯特飲，在四周寧靜的環境下，我的拍攝