1986地道越南餐廳 (已結業)

本來見到有20個好評，但無話過唔好食，所以便去試吓。叫咗個生牛肉湯河，但個生牛河完全唔好食，粉湯底除咗胡椒味就係得個咸字。無肉味。食兩啖就已經口干。啲牛肉還叫可以。不過價錢就$60碗囉。

由於朋友住係附近，行過去深水埗十分近，走進呢一間富有越南風味的店，聽到店員係度講越南話，好似去到越南咁招牌生牛肉湯河粉朋友揀咗生牛肉河，牛得果2,3塊，但勝在夠大塊，湯底好濃郁，加上配料，哇超好味！雞翼湯河我揀咗呢個，但就正常發揮啦，無咩特別。如果下次食，我會揀坐招牌果個。

是晚老婆上堂無飯開，趁機落一落鴨寮街買啲零件，順便就晌附近食個飯。早兩個月幫襯過「澳葡牛奶餐室」時，記得路過汝州街仲有家越南菜館，所以，專登過嚟望望，就喺呢家「1986地道越南餐廳」。內裡裝修簡單，唔會太傳統嘅越南菜館，但勝在光猛企理，而裡面最「越南」嘅嘢就喺牆上啲畫作同相片。 晌門口有啲單張攞，跟餐牌嘅一樣，所以，都唔需要再影餐牌。睇睇，食物都喺嗰啲啦，越式小食、法包、沙律、湯河粉、撈檬粉、飯品同飲品。 招呼無話特別好，但叫做用心，甫坐低，一大杯熱水浸坐餐具，幫你消毒埋。越北綜合牛肉湯河 $65多心嘅人，自然揀款「綜合」就可以試多幾款食材，而呢款牛肉湯河，就包有札肉、牛丸同牛展，啲餸料都好多，放滿碗面，另伴有青檸角同啲辣椒碎俾你調味，小弟就喜歡成粒青檸放落湯提提鮮，並有種清香味。 札肉可以講喺越菜地道特色食材，咬落幾爽口，感覺唔會喺溝粉啲平價貨，而且，味道亦唔錯，有微微胡椒香。 牛丸睇落就好似無咩特別，但入口肉味好濃，口感都幾爽口彈牙，細嚼後仲感覺到有咗份油香，唔錯！唔錯！ 雖然話牛肉湯河，但唔喺預期嗰啲牛肉，而喺牛展，一樣啱我。啲牛展炆得好腍、好入味，但食落卻不失咬口感，仲要有好多

食正宗越南河，環境滿有越式風味，聽店員對話是聽不明的語言，相信是越南話。深水埗是一個頗多元化的社區，好多國家菜式和味道可以在此找到！小店在比較入的汝州街，大家在附近可以來食一食！快價比高！人均：$69.招牌生牛肉湯河粉x2友人和我一致地選生牛肉河！除了河粉，可以選金邊粉、檬粉或者粉絲，下次可以選粉絲試一試。牛肉不是肥牛，是嫩牛肉片，還要大大塊，需要咬2-3口的size，另外正宗越南河是沒芽菜，取而代之有洋蔥絲、蔥絲、蔥花、香葉...飲品凍檸茶，茶味香！

今日經開深水埗,行到咁上下有D肚餓,邊行邊搵嘢食,又想食碗湯粉,見到越南小店就入去食入到小店,地方唔大,但係四四正正同埋乾淨就已經好夠,佢嘅下午茶都低食,但我突然想食好耐都無食過嘅越南名菜生牛肉湯河🤣再加多個春卷同埋越式蝦米紙卷,飲品就叫咗杯越式椰汁咖啡生牛肉湯河味道正宗,唔知係唔係太耐無食,覺得好正😍米紙卷食落好清新,重點係要加個越式醬汁,咬落煙煙韌韌春卷外面夠曬脆口同熱辣辣,用生菜包埋我最愛嘅芫荽,寧舍正重點我係最想飲嘅越式椰汁咖啡真係唔係講笑,椰汁沙冰底加埋越式咖啡,一D都唔甜,又夠凍啱曬我,下次會再嚟試其他嘢,因為真心夠正宗同性價比高

深水埗食越南美食。今日放假出街食好食的，去到深水埗這間小店，食物選擇挺多的，諗左一陣間，最後揀左個越式豬扒河粉，見跟餐選沙冰的話有優惠，便加點左個牛油果沙冰。另外，加多左份小食：香矛雞翼。越式豬扒河粉：豬扒分開上，已經切開左一件件，方便食👍🏻河粉加埋佢既辣椒跟青檸，另有一番風味😁牛油果沙冰：冰涼健康之餘，好香牛油果味😋香矛雞翼：雞翼一份有四隻，剛剛煎制好出黎，熱辣辣之餘，味道亦不錯👍🏻

深水埗區真係太多餐廳選擇，呢間越南菜真係街坊先識🥹 菜式正宗味道有驚喜🇻🇳 欣賞其中一名店員態度殷勤友善😊店內擺設充滿越南風味越式特式雜錦包 $46好似係第一次喺香港食越南法包🥖 呢間價錢公道，即叫即整，切開左一半方便食用👍🏻 一咬落去真係好脆😍 入面配料好豐富🫶🏻口感有層次又清爽，香烤豬肉加埋蘿蔔絲同青瓜🥕🥒配埋特式肝醬好惹味🤤豬扒湯河 $45另一推介必食呢道嘅湯河🍜 湯底清甜，河粉爽口彈牙，主角豬扒份量不少🐷表面煎到金黃色，部分位置有咬口部分比較腍身😌 加埋青檸同辣椒令整體更好食🥹 有心思嘅擺盤都值得一讚😬 佢哋都有做下午茶餐價錢會更抵食😎 單點/下午茶+$9就有杯凍飲🍹Menu

今日返完教會行過附近見到一間越南小店，決定入去試吓。入到去已經聽到店內幾位職員都越南話溝通，好地道。最正係後面枱客都係越南人，夠晒有說服力👍去到越南小店點可以唔試吓生牛金邊粉（$69）加青檸梳打。綜合牛肉湯檬加菠蘿沙冰（$80） 豬扒湯河粉加芒果沙冰（$60），沙冰唔會死甜，果甜濃郁，透心涼。。越式雞飯同特色雜錦飯（$68）加熱奶茶加$3，好香茶味，好抵。最好味係湯粉，因為湯底鮮甜，我都忍唔住飲晒。

今日嚟深水埗上堂，中午嘅時間想搵啲輕食食吓，行咗過嚟呢條街，見到呢間越南菜。入邊嘅侍應係越南人嚟㗎，我食食吓亦都見到啲其他越南人黎幫襯，睇嚟呢度都幾正宗。餐牌嘅選擇唔一啲都唔貴，有粉面、包、飯都有。今次就嚟個越南河啦。揀咗呢款係有綜合牛肉嘅，有牛丸、牛展等等。份量都適中，牛丸爽口彈牙，其他肉類亦都大大件，個湯底都幾濃郁。下次有機會再嚟會試埋生牛肉湯河。飲品揀咗熱奶茶，但係茶味感覺唔算好夠濃。呢度有滴漏咖啡，下次有機會試埋呢個啦。

深水埗有好多越南小店，見呢間餐廳個名係越南文，所以就入去試一試一入到去，職員之間係講緊越南文，全部都係越南人，心諗實會幾正宗，結果真係冇令我失望首先試咗越北綜合牛肉湯河，個湯底幾驚艷，因為係前所未有嘅味道，食得出係新鮮牛肉淆出嚟嘅湯，好有牛香味同好有肉嘅甜味，所以我飲哂個湯，食材就有牛展、牛丸、扎肉，扎肉食得出係用真越南扎肉，好正宗，下次去實會試埋招牌生牛肉湯河另外試咗海防蟹膏湯檬，湯底係用新鮮蕃茄同埋海鮮煲出黎，入面除咗有原個蕃茄同蟹膏，仲有蝦仁、瀨尿蝦、炸鯪魚肉、扎肉，食材好豐富，而見到瀨尿蝦果下真係覺得好驚喜，最後我亦都飲哂個湯仲試咗越式特色雜錦包，成個包簡直係同喺越南街邊車仔檔食到嘅一樣，個包真係用越南法包，外脆內軟，餡料有酸蘿蔔同烤豬肉，好食過香港好多越南餐廳嘅法包嘢飲試咗牛油果沙冰同埋越式椰汁咖啡，兩杯都好正，而椰汁咖啡其實係沙冰，椰汁同咖啡比例啱啱好，好好飲其實見到佢嘅撈檬都好似好正宗，下次一定會黎試埋

今日嚟到深水埗一間道地嘅越南餐廳入到去見到職員已經好有信心因為竟然全部都係真真正正啲越南人！即刻好興奮叫咗兩大碗粉一個就叫咗雜錦牛肉河粉呢個湯底有別於以往食過嘅味道另外有啲驚艷 因為一飲落去就有一種好濃嘅牛肉味道但完全冇味精反而好清澈河粉裏面有牛丸牛展同埋扎肉扎肉又係另一個非常之有驚喜佢應該都係越南運送過嚟嘅扎肉所以同普通喺餐廳食到嘅唔同 勁好味另外一個就叫咗蟹膏檬粉裏面有好多唔同嘅海鮮包括有蝦同埋賴尿蝦又有蕃茄所以個湯非常啲鮮甜！另外兩杯嘢飲叫咗椰汁咖啡冰同牛油果沙冰椰汁咖啡冰好友越南嘅味道 椰汁味好濃 同咖啡味有意想唔到嘅配搭驚喜本身係越南到時過呢個配搭喺呢度食番感覺真係好最後因為嗰兩個湯粉超乎我哋嘅預期所以額外再叫多咗一個雜錦法包嘩 好正 完全好似喺越南街頭食既一樣尤其是佢嘅包體 做到外脆內軟裏面有好多配菜 味道還原喺越南！整體嚟講我覺得呢間越南餐廳非常值得試尤其是鍾意食越南菜嘅你哋唔可以錯過因為我喺呢度搵到呢啲 好道地嘅味道有別於連鎖大型嘅越南餐廳

簡單尼講 平靚正$45一碗豬扒湯檬 大大塊豬扒 實肉 唔會太鹹之前係其他店舖食過紙甘薄既香茅豬扒😂😅呢間1986地道 夠厚身 😗🫢可以睇睇碗湯檬粉有幾多青BB😍😇係成碗都係 非常足料 辣椒粒以及青檸自己根據需要放幾多湯底牛骨湯 清清地 建議大家食香茅豬扒之前可以飲一飲個湯底西瓜🍉冰沙唔會太甜夏天飲解暑解渴一流西瓜味有料到香茅雞翼 個皮勁脆！燒到啱啱好 好味😜⋯⋯⋯⋯⋯⋯⋯⋯⋯⋯⋯⋯⋯⋯1986地道越南餐廳 深水埗汝州街249號地舖⋯⋯⋯⋯⋯⋯⋯⋯⋯⋯⋯⋯⋯⋯

好地道嘅越南餐廳，味道同平時嘅連鎖餐廳都真係有啲分別🤓 偷聽職員傾偈，佢哋都唔係講廣東話，應該係越南話嚟😛我叫咗越式烤豬肉撈檬粉 $58 - 我平時喺其他地方就食開豬頸肉嘅，呢度嗰粵式烤豬肉都係第一次食🤓 好易入口😉 撈檬汁佢就會加埋落去嗰粉到，都係同平時食開嘅有啲分別，唔夠汁可以隨便舉手加😉河內特色炸腍肉 (5條) $42 - 呢樣越南特色小食相對嚟講有啲陌生，我第一次見到，我仲特登上網search 😂 原來係經過特別醃製嘅豬肉，食落有啲酸同埋微辣，脆卜卜幾特別😛

餐廳：1986地道越南餐廳 (深水埗)地址：深水埗汝州街249號地舖忽然之間落大雨，走咗去避雨，結果就入咗呢間越南餐廳，順便食埋飯先至走。店內環境都幾闊落同舒適，估唔到店內員工全部都用越南語去溝通，反而令我更安心，因為一定係正宗嘅越南菜。😝1️⃣ 招牌生牛肉湯河粉 $60每次去到越南餐廳，我都一定要食Pho。我對Pho都有一定程度上嘅要求，尤其係對第一啖湯嘅味道至為重要。確實冇令我失望，反而仲有驚喜添，真係好好食，牛肉同河粉份量都幾多，湯亦都夠清夠甜，完全係真材實料，飲完都唔會覺得口乾，結果我真係全部都飲晒。😂2️⃣ 艾草蛋法包 $35呢個法包都幾真係特別，即叫即整，夠晒新鮮，法包外脆內軟，入面嘅艾草蛋都真係幾香幾厚，邊位仲加入特色肝醬，口感豐富有層次。店員教我加入越式辣椒醬去食，唔算好辣，仲有啲甜甜地，加埋一齊食真係特別惹味。3️⃣ 熱奶茶 跟餐加$3

一支公，平平地都食到好嘢😛喺深水埗搵到間地道越南菜越式粉卷 $58賣相有啲似腸粉，但越式粉晶瑩嫩滑，好食好多👍再醮埋個汁，酸酸甜甜，好惹味😋😋😋鮮蝦米紙卷 $45用晶瑩嘅粉皮包住大大隻嘅鮮蝦同檬粉，醮上酸甜醬，醒胃🤩越式脆春卷 $38香脆嘅外皮，入面有豐富嘅餡料，滋味無比～原來越式嘅粉，蒸和炸都一樣好味👍今日誤打誤撞都食到平靚正嘅地道越南菜，真係好運呢🤪葛根青檸特飲 $23食左炸嘢，飲返杯清涼凍飲，簡直係一樂也🥰我仲揀左葛根嚟飲，既清熱又解渴，二百蚊都吾使就食到捧住個肚，滿足😍