2派克雞排

营业中

休息中

Score 分數： 70講到企街食野 ／ 掃街，相信大家都一定有試過，咁大家最鐘意食d咩？雞排？燒賣？魚蛋？以上嘅相信就試得多，咁唔知大家有冇試過其他野呢？通常大家會選擇d咩？ 炸金菇 你又試過未？今次就同大家講下，我機緣巧合下發現嘅這間隱藏小食店。佢係台灣嘅過江龍，同我地香港食開嘅台灣小食店一樣，都係炸，炸，炸.......唔怕熱氣嘅你一定要試試。因為佢地嘅炸物，算係上品好食，即叫即炸比較新鮮。而缺點就係有點咸和太熱氣啦！

之前經過呢間台灣過江龍雞扒店，見到都唔少人幫襯，呢日就去試下～門口係黃色，好易搵到！Menu分主食、小食同素食，我每項揀咗一款試。最特別係每樣食物都可以揀兩款調味粉，可以試試唔同味道😋 仲要全部即叫即炸，超級新鮮熱辣！🍗脆皮雞腿排 $38一定要食雞扒啦！揀咗雞髀肉！拎上手超大塊超熱！雞髀肉好嫩滑多汁，好好食！炸雞外表好脆，係名符其實嘅脆皮呀！揀咗梅子同芝士粉，同雞扒都幾夾，少少酸甜，無咁易膩。🦑脆皮花枝丸 $18一串有3粒，都算幾大粒！花枝丸好彈牙，入面有花枝粒粒，食到花枝鮮味！揀咗麻辣同海苔粉，又麻又辣，好食推介！🥢金菇酥 $12第一次食炸金菇，好大一塊，炸到好酥脆！揀咗辣味同芥末粉，好惹味！呢度嘅炸物好正，睇返台灣有好多分店，果然名不虛傳，經過不妨試一試！

早幾日去紅磡…周圍貢諗住買d小食吔下…見到有間炸雞店就睇下餐牌…店員好有禮貌話試下😛😛😛…見到野食都啱胃口就試下點左幾款有👍🏻既脆皮無骨炸雞排…脆皮杏鮑菇同埋脆皮百頁豆腐…應該差唔多。呀！呢度食物你可以揀兩款調味粉…炸雞我就叫左辣味加咖哩…點知原來每一款食物都可以揀唔同調味粉…其他兩款就要麻辣因為即叫即做關系…店員話要等10分鐘。不過幾準時…10分鐘就有得食…一拎上手…feel到有陣熱氣飄出黎…就拿拿林搵個地方坐低食雞排好大塊…拎出黎就聞到一陣咖哩味😍😍…個皮炸得好脆…但肉質仲好嫩好juicy…帶少少辣味…好味杏鮑菇每一舊都幾大粒…好滑好爽口…而且有成7,8粒…食極都有…個百頁豆腐都好好味…佢唔係平時滑豆腐嗰種質感…有少少彈牙魚蛋feel…呢個都好好味兩款麻辣都幾惹味唔錯…不過就唔會好辣…唔太辣得既都可以試下雖然好熱氣不過真心幾好味…唯一就係外賣店…買完要搵地方即食…因為熱辣辣食真係好正

之前係紅磡行街見到呢間小食店好特別，每款食物都可以選擇你喜歡既調味粉成為你專屬既味道，今日放工行開過黎就買左啲返屋企食🎈脆皮無骨雞排（芝士口味）$38有啲意想不到咁香脆好食！肉質一啲都唔乾，好Juicy，芝士粉味道好香，一拎出黎已經聞到啦😍😍😍🤤雞扒勁大塊🤤而且好脆口，拎到返屋企食都仲好脆👍🏻好正👍🏻🎈甜薯地瓜條（梅子口味）$25最近愛上梅子口味既食物，貪佢酸酸甜甜，增加食慾，餐廳既甜薯真材實料，條條都係好粗既甜薯地瓜條，香脆可口👍🏻加上梅子粉，勁喜歡👍🏻🎈甜不辣（海苔口味）$25甜不辣一啲都唔小，呢個價錢性價比超高👍🏻而超好食，煙煙韌韌，滿有咬口，但又不失香脆感👍🏻我最推薦呢款小食比大家，真係食下食下不知不覺就食哂一包啦👍🏻整體黎講食物質素好好，食物滿有驚喜，而且交通方便，鄰近地鐵站，下次行過要再食呀👍🏻

👩🏻‍🍳 2派克雞排🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻🏃🏻‍♂️脆皮台灣香腸、黃金香芋丸材料來自台灣，風味夠晒正宗👍🏻即叫即炸，雖然要等一陣間，但係值架！因為拎果陣熱辣辣，放入口果下，係好味到叫一句：感動吖❤️🍽️脆皮無骨雞排（芝士粉）雖然落芝士粉會容易膩，但我同朋友share食，係啱啱好，越食越想食！🍽️甜薯地瓜條（梅子粉）🍽️脆皮花枝丸（椒鹽粉）📍地點：紅磡 #hk #hkfoodie #yummy #紅磡 #紅磡美食 #紅磡探店 #2派克 #2派克雞排 #台式美食#地瓜條

有時候，都要放肆一下。吃過炸雞，撇開減肥的意欲！二派克雞扒，是紅磡站最近很有名的炸雞店，街頭是豪XX，街尾就是佢！餐廳是一個外賣店，但麻雀雖少，卻五臟俱全！「即叫即炸」賣點之一！慢工出細貨是我想到的一個形容詞！點了1）脆皮無骨雞扒 $382）甜不辣Tempura $253）金菇酥Crispy Flammulina Velutipes $12當接過手的時候，是熱辣辣的！拍照的時間十五秒，但卻已經熱過人間無數！但炸雞扒就是趁熱食才好味！雖然佢係雞扒，但一樣咁嫩滑！雞粉不會太厚，而且還有淺層的脆卜卜！炸得唔會好乾身，唔算好油！平時食開果啲一係好油，一係凍冰冰，感覺不太好！這裡的雞扒還可以加調味粉，有多款調味粉可供挑選，但我卻愛梅子味！估唔到梅子味的調味粉很惹味，而且十分特別！另外金菇酥我又覺得很特別！脆卜卜，但又不太油！小食黎講我平時比較少見炸金菇！估唔到吃炸嘢的地方也可以吃到菜（明顯是自己安慰自己）！最後還一併試了甜不辣，即是魚肉，少少煙銀，但這就是甜不辣的特色吧！我又加了梅子粉，感覺自己快變成梅子迷的了！起好味的耶！路過、等過，吃過！雖然等待的時間比平時長，但忠於食物的本質，卻覺得十分值

今日特登約住紅磡既朋友，為的是佢做我地膽，帶路搵好嘢食。今日就黎到呢間我聽聞超地道超讚既台式炸雞店黎試試！專登晏晝唔食咁飽，為的是試多啲唔同款式的炸物，今日試左：1）脆皮雞腿排（配芝士粉）-呢度炸雞腿排雖然跟地道唔幫客人剪細，但勝在唔會太大塊，同朋友都容易分，我第一次食台式炸雞排係食到有肉汁鎖緊喺舊雞排入面，而且我地行到紅磡先開餐仲保持到酥脆+熱辣辣既溫度，芝士粉辣辣地，好惹味，食落無話好熱氣既感覺2）金菇酥（配梅子粉）-店員大推，話呢個炸金菇每日限定的，每日賣曬就無！呢個食落超驚喜，個梅子粉同金菇味道超夾，開胃，炸粉夠薄，無介紹錯3）脆皮百頁豆腐（配原味五香粉），個粉都係跟店員推介，食落味道正宗，個百頁豆腐既口感又係驚喜，少少煙韌度似甜不辣，但又無甜不辣既硬度，咬開都係豆腐黎，第一次食，好好食4）脆皮花枝丸（3粒）（配芝士粉+梅子粉），呢個係朋友點的，個粉兩溝咁食又真係幾好味，花枝丸好正宗，食到有粒粒花枝，而唔係一粒全係用粉整成既丸子今日好好彩，唔洗大排長龍就買到，今日係大約下午3:00去到，nice weekend!

同老婆响蕪湖街食完午飯，行去搭巴士🚍途中，經過一間外賣炸雞店“2派克脆皮雞排”。嘩！突然發現這間台灣🇹🇼超人氣炸雞🐓專門店的香港分店，見到有一大班人🚶‍♂️🚶‍♂️🚶‍♂️排隊，老婆話唔執輸要買啲返屋企同仔女開心share😂。即叫即炸，我哋等咗一陣(大約8️⃣分鐘)，比預期中快，因為同時間有好幾個客落咗order😊。脆皮無骨雞扒 $38好大塊雞扒🐓，大過一隻手掌🖐，外層炸得非常香脆，有陣陣淮鹽香味，肉質嫩滑有汁，啖啖肉又香口惹味，正😋。脆皮花枝丸 $18一串有3️⃣大粒花枝丸，質感彈牙有墨魚味，外層同樣炸得香脆惹味😋。甜薯地瓜條 $25一包份量勁多，番薯🍠軟糯香甜，配上鬆脆香口嘅外層，好食到停唔到口😋。

喺黃埔做完facial，覓食既心又要開個action 啦！附近行下畀我見到呢間黃色既裝修同好似好有台灣feel既氛圍吸引左我過去研究🧐 見到有小編我最喜歡既炸物！😍立即諗都唔使諗，即刻點左幾樣野試試！ 呢間台式小店仲有唔同既調味粉可以加，有我最中意既梅子粉添呀！😍次次去到台灣啲夜市我必會揀d可以加梅子粉既小食去掃，可以畀我返台灣鄉下前一解思鄉之愁☺️【脆皮無骨雞排】$38食物全部即叫日整，新鮮熱辣，靚女店員ready 好食物即刻為你呈上，啲食物全部都香噴噴，真係未食到有種流晒口水嘅感覺！雞扒超級大塊！炸得外脆內軟，肉汁保留到喺脆皮入面！超級讚！【脆皮杏鮑菇】$22本以為炸到脆卜卜嘅杏鮑菇會偏乾身，但竟然入面係勁Juicy，呢隻個口感超級之正，呢啲小食全部都係由台灣直送㗎！【脆脆雞皮】$20平時出面食串燒就食開燒雞皮，仲要一串都唔平㗎 ！呢間嘅脆脆雞皮超級抵食，價錢$20.1大包，入面每塊都大大塊，炸到超級脆勁好食！絕對會encore ！美食 #香港美食 #吃貨 #相機食先 #tagforfood #foodie #foodlover #hkrestaurant #gastronomy#h

路經何文田工作，竟然有間賣台式雞扒（原來仲有其他種類小食），忍唔住要試下🤣雞排夠厚身之餘，內裡嫩滑多汁脆皮杏鮑菇外彀酥脆、内里軟嫩，咬上一口还有菌菇特有的鲜汁，厚實口感，讓人有一種在吃肉的錯覺😋脆皮百頁豆腐綿密紮實的口感，拿來當小零嘴，一口接一口，簡直停吾到！8款不同口味的調味粉任君選擇，最多可以mix兩種味，包括椒鹽、海苔、芝士、梅子、麻辣、芥末、咖喱、辣味😋食物是即叫即炸，所以要花一點時間等候！但美食當前，等一點時間也不緊要吧~不過呢啲小吃 趁熱食係最好，因為帶返家後發覺淋左同濕左，要用氣炸鍋整返熱之後就變返脆👍🏻

🐔一向都好喜歡吃台式雞排，這家台灣來的過江龍開了在公司附近，下午茶時間就買了來試試～選擇了脆皮無骨腿丁（$35），一包有好多粒，雞皮酥脆而且不油膩，吃起來十分方便，和朋友分享就更合適。另外還有脆皮杏鮑菇（$22）和其他店不同，這裡的杏鮑菇尺寸更大粒，吃起來很爽。還有脆皮百頁豆腐（$24），豆腐大大粒，表面灑滿味粉，口感特別。3包可以分別選擇不同味粉，我選擇了原味、辣味和海苔味，最喜歡辣味口味！😗

臨離開紅磡之前 經過呢間雞排店，見佢舖頭細細，但係好多人排隊🙈即刻吸引咗羊群效應既我叫左三款野食做宵夜 🙈🙈估唔到佢拎返屋企仲係好脆本身仲諗住用氣炸鍋炸返熱佢不過呢因為佢即叫即炸，所以要等一陣，大概都等左15分鐘不過值得既脆皮無骨雞腿扒 （$38）配咗海苔粉好juicy，雞腿扒好嫩，海苔粉都好出色，食到嗰味，濃郁過McDonald’s嗰包紫菜shake shake 粉 脆皮杏鮑菇（$22）喺台灣好鍾意食炸菇，不過香港好少做得好食，呢間幾出色喎，炸粉唔太厚，而個茹都炸得啱啱好，保持多汁同爽脆口感甜不辣（$25）我最鍾意食嘅甜不辣，配上店員話top 2之一既芝士粉 （另外嗰個係梅子粉），芝士粉令到成件事好香好邪惡，令人一啖接一啖停唔到 所以佢比隔離街另一間台式炸雞舖多人咁多係有理由既 🤤

近排ig超紅既台灣過江龍炸雞店，食材都係由台灣入口既🥰調味粉係餐廳嘅賣點之一，總共有八款口味揀，有原味(椒鹽味)、辣味、咖喱、芥末、麻辣、梅子、海苔同芝士-🍴 脆皮無骨雞排 $38雞肉皮脆鮮嫩超juicy😋店員炸得岩岩好🙈芝士🧀️+芥末味同雞排好夾🥰-🍴 甜薯地瓜條 $25地瓜薯條好粗身，而且份量好多，口感綿密食幾條已經好飽🤣揀左梅子味，酸酸甜甜同地瓜條好夾😛-🍴 脆皮百頁豆腐 $24口感彈牙🥰外皮好脆，食落好有層次感。揀左海苔+椒鹽味😚

第一次喺香港食到咁好味嘅炸雞扒，味道啱啱好，雖然難免會覺得油膩，但係食到雞嘅鮮味，同埋好多肉汁。服務員嘅態度又非常之好，通常非常友善，亦會介紹我用不一樣的APP去落單。我已經重複購買了多次這店的雞扒。我阿哥亦非常喜愛這店的雞扒。強烈推薦。😋

2派克雞排 (紅磡)紅磡蕪湖街123號海德豪苑地下及1樓C號舖一向知道位於紅磡蕪湖街呢間主打炸物嘅台式小店好受歡迎，今日經過附近，就特登走埋去買嘢嚟醫下肚。小賣店有好多款嘅食物啊！除咗一定有嘅肉類好似雞扒雞翼等等，仲有丸類同蔬菜類，而且調味料嘅選擇亦都好豐富每種小食，可以賠罪最多兩款調味料！而叫麻辣或者辣味嘅，仲可以揀大辣、中辣同小辣添🤓我哋叫咗脆皮無骨雞排 （麻辣海苔粉）、脆皮百葉豆腐（芝士海苔粉）及脆皮杏鮑菇（芝士辣粉）。脆皮雞腿排 （麻辣海苔粉）脆皮百葉豆腐（芝士海苔粉）脆皮杏鮑菇（芝士辣粉）因為食物係即叫即做嘅，所以要等少少時間，我哋喺等候期間見到有其他顧客即場食炸花枝丸，嘩，好大粒好吸引，我下次要再嚟食！😍😍😍