+5ºC 手抓餅專門店 (已結業)

細佬話想食，所以又嚟買今次剔咗新出嘅蟹棒(原本想要嘅蟹柳冇貨)同辣味海螺，另加沙律醬啲餡係放喺餅中心，接埋之後就去咗底，頭幾啖都係淨餅咬落去開始食到海螺，其實冇乜辣味，之後到蟹棒，連埋沙律醬毫無違和感，甚至比蟹柳仲正因為之前食咗嘢，所以唔揀多啲配料，如果多啲料直情當一餐都得！個人會suggest蟹棒，但係海螺就唔係太match

想幫襯呢間好耐喇，因為我係手抓餅fans, 今日終於有機會試吓  大概十二點半去到，阿姐剛剛開舖。唔想比壓力人，我唯有行去Today買杯珍珠奶茶先。返轉頭已有一對男女等緊喇，呢度係自己剔fillings, 另可免費加沙律醬（個人認為一定要加！）揀咗烤雞肉、甜粟米、肉鬆。呢個配搭係我個perfect match啦。個餅整起熱辣辣，返到屋企先慢慢嘆就啱啱好喇。fillings好多, 好好味，以我㨂嘅呢個配搭加沙律醬真係一流呀。剛才等嘅時候聽到有班學生經過，其中有個話想食手抓餅，但另外一個話手抓餅唔飽咖喎。唔會啦，我食完一個勁飽呀！

食過一次之後就成日都掛住呢度嘅手抓餅，今次揀咗推介嘅燒雞肉加手抓餅一定必備嘅芝士同蛋！手抓餅食落依然咁軟糯 ，不過燒雞肉調味唔係好夠咸，比較鍾意上次加肉鬆／煙肉蘑菇嘅配搭。呢度嘅手抓餅記得一定要加沙律醬（仲叫咗佢加多啲添），冇加到就無咁好味架啦。

不嬲都知太安樓多野食特登泥搵下有咩食見到呢間幾特別有好多配料比人簡 另外仲有得免費加沙律醬同辣粉今次我就簡左肥牛 吞拿魚 粟米 芝士 蛋 另外加左沙律醬食落去薄餅唔會太油D料好豐富好足但系唔覺意加下加下都成$42食完又真係會幾飽可以當一餐咁濟不過真系比想像中貴

餅底$15, 另外要加$5/$6餡料, 值得推介系芝士+雞蛋, 呢兩樣真系好match!!!! 一定要加埋沙侓醬(免費).除左餡料之外, 個餅底其實一般, 食左一個之後已經好飽.

食左2個月太安樓既美食，我已經試過晒所有食店，唯獨呢間既手抓餅未試過（其實買過杯飲品，但極之難飲，所以唔敢再買）今日行過，試下囉。首先要響點菜紙上面揀料，餅底$15，最低消費2款料，我揀左芝士，蛋，蟹柳同煙肉，每次都可以免費加沙律醬/辣粉，第一次食揀左沙律醬，就咁就揀左$38，響太安樓可以買到個好豐富既晚飯，算唔平。有個冇笑容既員工開始制作餅底同料，等既期間愈來愈多人買，制作期間聞到好香餅底。餅底好脆，好香口，但要咬好多啖先咬到d料, d料其實冇乜特別，沙律醬加芝士好漏，我點解食落會覺得自己食緊三文冶既？😂試過就算，呢個就係一路都冇幫襯既原因。

小妹最近已有一段時間沒有去太安樓覓食，某日，食友A告知太安樓有檔手抓餅蠻好吃的。今日，專程去一試。該手抓餅檔位處經常大排長龍的煎炸小吃檔旁，食物售價較貴，生意不佳，故經常易手，小妹也從未光顧過。不知何時，該店應該又悄悄地易手了，除買珍珠奶茶，炸雞扒外，還有較吸引的手抓餅。手抓餅一份$13元，有二十二多款由$5-$9的配料，如辣味螺肉，燒雞肉，鹹牛肉，五香肉丁，美國肥牛等，可隨個人喜好加添。鐵板爐旁，放有一團團來自台灣的粉團。只要壓平粉團，放在鐵板上加熱煎香，即成酥香煙韌的手抓餅也。小妹曾經在筲箕灣的澳門咖喱叻沙見過，也嚐過。只是，那兒之作香酥鬆軟Q彈欠奉，且油膩膩的。不知，這間水準如何呢？在櫃台取了一張紙，圈下自己喜歡的配料，交給店主落單兼付款，取回票尾在一旁耐心等待即叫即煎的手抓餅。不過，落單時，始知手抓餅最低消費為二十大元，蠻不悅的！因為， 小店當眼處並沒有標示 。  小妹要了粟米蟹柳手抓餅$23，可免費加上沙律醬和辣粉，小妹只揀了前者。女店員把粉餅壓平成一圓形，放在鐵板上煎香。估計由於粉團已有油份，故製作過程中毋須加入油。煎香一面後，再翻轉煎另一面，然後，開始把粟米蟹柳放在鐵板上

去過西灣河太安樓掃街嘅都知太安樓卧虎藏龍，汰弱留強下只有真材實料先留得低。日前經過炸品店隔離，開左呢間新舖，"台灣手抓餅"，八卦期間老闆娘客氣送上試食，感覺似唔油膩嘅千層蔥油餅。單餅只係$12，每種配料不過$10，好奇底下叫左一份餅 + 燒雞肉 + 甜粟米 + 煙肉，約$30。等左5分鐘左右，期間見老闆將麵糰撻落鐵板，又壓又推，娛樂性十足，放上餡料，再澆上沙律醬同辣粉，熱辣辣嘅手抓餅就到手喇。充滿沙律醬同辣粉嘅手抓餅，意外地香脆甜辣，非常惹味。餡料量多，但聚於底部，粟米的確非常甜，同手抓餅好夾。非常熱，由第一啖到最後都仲係燙口!相信來緊嘅冬天呢間店應該會非常受歡迎，至少我嘅回頭率肯定高! 不過喺網上搜尋底下，發現屯門都有間同名店，可能係分店吧! 再搜尋下，驚見台灣內地都有呢個手抓餅商標，究竟係大家就地取(素)材，定真係超大型連鎖店呢 (笑)