616客香邨

营业中

休息中

話說朋友話見到網上推介好味既野，跟手話想黎大圍飲茶，但我見到個價錢超扼錢，於是就上網睇下啦，最後就黎左呢間616街坊點心檔，望望個門面同裡面，係我好鍾意既懷舊傳統野，新野唔係唔好，但我個人始終鍾意呢種有人情味既暖笠笠，好過冰冷單單追求數字既裝修，坐低係搭枱，同枱個婆婆仲係咁撩我地傾偈，好友善，又推介邊啲野好食比我地，呢度點心種類唔多，但係佢係開24小時，夜晚仲有小菜食，都可謂夠哂正！食物質素我會話係大件夾抵食，我諗住下次要帶老豆黎食架喇奄春蛋燒賣皮薄餡靚呢四隻字絕對用得貼切，我冇諗過，咬落去全個都係肉，咬開一半果時仲見到啲蝦肉，新鮮又彈牙，不得了牛肉三粒牛肉球，配上喼汁，黎飲茶食牛肉係必須的流沙奶黃包搣開個包兩邊，見証住啲黃洞L咁漏出黎，YEAH!!呢個包比外面冇咁甜，應該係為左就啲街坊，岩哂我唔鍾意食太甜既野馬拉糕呢個糕又唔同傳統果啲ｗｏ，由方形變左圓形，加入左淡淡既梛香，咬落去唔覺有梛絲係入面，但就有梛絲既味道，唔錯蘿蔔糕一絲絲既蘿蔔係哂糕入面，糕身較粉同腍身，足料

食材都好健康同埋好有質素，非常新鮮，兩人餐嘅份量剛剛好，有各種類火鍋配料，就是環境，也很有香港地道復古的特色，是我國內朋友特別推介，也是她的飯堂，所以特地這裡請客招待我，人流也是附近最旺呢！

24小時營業嘅餐廳, 香港已經唔多, 仲要有得飲夜茶! 呢度有既...除左食物之外, 仲有人情味呀! 見到客人同店員有講有笑咁傾計, 的確係舊式餐廳既人情味☺️☺️夜晚9點前係食小菜，9點後就係夜茶時段啦，但都可以同時點小菜！🫶🏻1. 鵪鶉蛋燒賣呢樣真係唔係度度有得食，酒樓更加買少見少！每粒燒賣都有一粒鵪鶉蛋，勁香勁好味！👍🏻2. 薑蔥牛柏葉呢個味道幾好，唔會太濃味，牛柏葉又索到薑蔥汁味，仲有啲白蘿蔔墊底，索汁又入味👍🏻👍🏻小菜方面個人推薦：1. 燒汁薯仔牛柳粒牛柳粒好淋好入味，薯仔炸過先再煮，香口又索汁😋2. 咖喱牛腩煲熱辣辣上枱，有牛腩都有牛筋，咖喱濃度啱啱好，唔會太辣，牛腩同牛筋索晒啲咖喱汁，勁正👍🏻

呢間茶樓真係陪伴大圍友成長，由讀書時去食宵夜，返工後就同屋企人一齊襯颱風過黎食。最近啲朋友想食中菜，就再返黎幫襯，試試佢哋嘅小菜。夥計都係一如既往咁親切。宜家提供QR code點餐，廚房出餐速度都好快，唔使等太耐。天氣凍凍地，最岩就係叫熱嘢，三個人叫咗胡椒豬肚雞、鼓椒炒蜆同粉絲雜菜煲都好好味。胡椒豬肚雞啖啖豬肚同滑嫩雞肉，加埋香辣嘅胡椒味道，暖身又開胃。鼓椒炒蜆啲蜆肉鮮嫩汁多。至於雜菜煲嘅湯汁都好濃郁香口，送飯一流。夜晚9點後仲可以叫點心！想飲夜茶就唔好錯過了～

呢間野 佢嘅唯一好處就係佢營業係二十四小時所以見到好多人都揸車過嚟泊咗附近去到就叫咗啲好正常嘅嘢蝦餃，燒賣，排骨，腸粉蝦餃，係最正常其他嘢全部都好似食緊粉咁 我哋嗰時係完全冇食嘢入去 照計係應該覺得好肚餓，所有嘢都應該會好好食 但係真係好可惜我哋就算係冇食嘢入去空住肚咁樣都會覺得啲嘢難食 印象中啲腸粉係碎到夾唔到埋單好似二百頭或者可能佢其他嘢會好食啦 店入邊都算係幾多人都滿咗8成 我哋果時大約係10點去的應該唔會有下次㗎啦大家唔好嗌腸粉同排骨

Meeting up with boyfriend and three other guy friends after an event, we decided to go somewhere nearby and casual for dinner. And yes, lots of beer. One of them led us to 616客香邨. 616 is more known for hot pot but this place is a Hakka restaurant. For some reason, 616 took over this place and is the only one from the group that serves Hakka food and dim sum. The place is two floors with not too fancy decor.Menu is in English and Chinese. You order by scanning the QR code provided which is also w

因為路過見到呢間食店諗住入去食嘢，當時店內得一兩張枱有客坐，我哋兩個人見到有張4人枱咪諗住坐底囉，有個大嬸行過嚟問我哋幾多位，我話兩位，佢叫我哋坐埋一邊，留返一邊預備俾人搭枱，我話我哋已經係坐埋咗一邊啦，佢又話要坐入去埋便，我話有人嚟我哋會坐埋去㗎啦，佢又係度大大聲話到時就遲喇，點、點、點，俾佢啲咁嘅態度影響到，我唯有立時起身離開啦，以後都將呢間嘢列入黑名單中，希望其他人睇咗呢段文字自己考慮下先幫襯佢啦。

作為大圍嘅Foodie，點都會試過去飲夜茶，雖然平時朝早都會同屋企人去茶樓飲茶，但係唔知點解夜晚去飲茶有另一番風味，但係唔係次次都搵到人一齊陪我飲夜茶，所以我自己都會外賣返屋企飲夜茶☺️616客香邨 (大圍)大圍積存街36號地舖味道: ⭐️⭐️⭐️⭐️⭐️價錢: 💰💰💰抵食指數: ⭐️⭐️⭐️⭐️金牌燒賣 $25作為燒賣控嘅我，佢呢個燒賣係真材實料，唔係全部用粉做，而且裏面亦有一個好大嘅蝦肉，所以口感一流鮮蝦腸粉 $25鮮蝦腸粉就有少少落差，佢嘅蝦肉唔算好多，但係腸粉本身做得好滑，補救咗少少分數臘腸滑雞飯 $30平時都以為蒸飯嘅雞都會係煮得過熟同埋偏老，但呢間嘅滑雞飯真係做到滑雞，唔係老雞😋依個飯嘅豉油亦都唔會好鹹 所以成件事係好夾

我幾年前嚟過飲茶過都覺得啲點心都幾好食，今日真係令好失望，蝦餃皮又厚又淋/燒賣/煎鯪魚餅過晒火喉/包又唔好食😒😥，無一樣好食，衛生環境一般，服務態度一般。😞

第一次寫食評，專門申請個戶口來寫，因為太難食希望佢哋睇到可以檢討吓。叫左個重慶雞煲，兩個字形容晒，咸，辣。完全唔入味。另外叫咗個佢話最多人叫嘅燒汁牛柳，個薯仔反而有驚喜，但係牛柳一樣係得出邊有味，唔覺得有層次嘅味道。本身冇諗住寫食評，所以冇影好多相，諗住求其只係食一餐，但係兩個餸要超過30分鐘先岀，原來佢係等埋一次過先煮。最基本嘅飯都煮得唔好。兩個餸 兩碗白飯 一罐可樂連埋茶界+1，埋單298呢個價錢完全唔值。好味是良知呀！

因為疫情關係已經好耐冇去飲茶。星期日晚諗唔到要食乜嘢，忽然記起之前睇到客香邨有夜茶飲，所以就決定去嗰度開餐。到餐廳時已經係晚上九點，點知仲係滿座，因為我哋係三個人，企抬阿叔仲請一位單身客讓咗張枱俾我哋。尼間餐廳係大圍嘅老字號，做嘅都係熟客街坊生意。雖然係咁，但係佢哋都跟上潮流係用手機落單的，我亦都留意到揸車嚟呢度買外賣點心的人亦都唔少。實在太耐冇飲茶喇，所以睇到乜嘢都想食。我哋三個人一共嗌咗13碟點心，仲外加一碟乾炒牛河同埋一碗招牌雞粥。啲點心中規中矩，唔可以講係突出，比較有印象嘅係個煎鯪魚餅，仲有就係佢哋有灌湯餃賣，呢個點心好多茶樓都唔再做，所以食到佢反而係個小小的驚喜。乾炒牛河係老公要嘅，都幾大碟，亦夠火候。至於碗雞粥我就嫌粥底唔夠好，啲鷄唔夠滑，感覺一般而已。畢竟是做街坊生意的，所以點心都唔係貴。食咗咁多嘢，找數加埋一都只係500零，今時今日喺香港食嘢算係咁喇！

難得來了大圍，本來要吃「大圍小館」，可惜太多人等位，只好轉場，然後就在ＡＰＰＳ　指引下找到這間小炒店，而從前不知道原來「６１６」除了經營火鍋店，還有小炒店。因為６點半已到，所以不用等位已可入座３人行叫了４個小菜和２支啤酒，最後只需$514，小炒來說價錢合理。一來到，待應伯伯已送上餐前小吃，琥珀合桃一小碟，雖然味道不討好，甜味是砂糖的死甜而非蜜糖的清香甜味；再加上合桃本身可能存放不當而有陣油耗味，所以此小吃可完全忽略。但店家的用心值得欣賞。小炒皇＄９８小炒皇鹹香十足，有大大隻蝦干，用料十足，性價比高；另外韮菜也香，只是整體太咸，可略為減輕調味份量。魚頭豆腐煲魚湯魚味不夠濃厚，相對較清淡份量不少魚頭和豆腐佔大比例，白菜不會太淋爛豬潤滑雞煲雞不嚡，很滑，多肉，只欠雞味豬潤爽脆，沒腥味只是配菜，例如乾蔥頭 , 蒜頭 , 蔥白及洋蔥等可以多一點西芹炒牛柳粒牛柳偏肥，但生熟度剛好，不會韌。整體偏油最後店家還送了甜點—紅豆沙，不會太甜，味適中總括而言，味道雖然不算出色，但各種態度而言，是一間有心做飲食和值得支持的良心小店

晨早樓樓同朋友搵野食，經過大圍油站附近就試試呢間 "客香邨"入到去飲早茶，叫左幾款試下，有金錢肚牛柏葉燒賣鳳爪流沙包首先黎左金錢肚同牛柏葉，金錢肚賣相一般，但味道不錯，而牛柏葉咬落爽口，而且兩個份量都幾多，幾低食之後黎個鳳爪同燒賣，鳳爪正常，燒賣大大粒，比平時嘅大粒，食到有肉有蝦，味道唔錯，唔知係唔係鋪頭自制嘅呢最後黎個流沙包，我本身都鐘意食流沙包，食流沙包一定要撕開一半，望望個流沙，果然一開出黎，係滿意嘅流沙，再一啖擺落口，好香又唔太重嘅蛋黃味，味道調教到剛剛好，不錯不錯食完再返屋企訓過

久違的飲茶活動。為咗避疫，已經有成年幾時間無去茶樓飲茶，今日去大圍試下呢間未去過既街坊茶寮。腸粉已經售罄，叫咗燒賣，山竹牛肉，鳳爪排骨飯，煎蘿蔔糕。點心味道有水準，蘿蔔糕好滑煎得好香，期待下次試下其他美點。

大鄉里出城，性價比達人「有驚喜的良心夜茶店」地點：沙田食店：616 客香邨消費：$156食品：斗門蝦餃、金牌燒賣、螺片棉花雞、南翔小籠包、香煎蘿蔔糕、香滑鮮蝦腸粉一般茶樓既小籠包都無咩驚喜，比較普通，呢間都唔例外，只不過係個人偏好，如果見到任何食店有小籠包的話，都會叫一籠試一下 🤭蘿蔔糕，同樣地無咩驚喜，正正常常，本人食蘿蔔糕其實主要係以食醬為主，蘿蔔糕為副，甜醬、辣醬勁多，同食齋腸粉一樣 😂終於入正題，介紹好野食 👍 我發覺呢間夜茶店逢係同 “蝦“ 有關既食物，質素都十分好 ❤ 蝦餃、燒賣、腸粉，入面都勁多蝦，而且十分大隻 😍 唔似一般茶樓、酒樓咁，食到雪藏味，而且蝦又少又細隻，過份呃錢 😡 所以蝦餃、燒賣、腸粉，真心推薦俾大家一試 💛最後，意猶未盡，叫多一盅螺片棉花雞，同樣出色 😋 絕無偷工減料 👍環境：🌟🌟🌟服務：🌟🌟🌟🌟價錢：🌟🌟🌟🌟味道：🌟🌟🌟🌟性價比：⭐⭐⭐⭐總結：一般夜茶價錢都比較貴，但 616 客香邨價錢方面比較貼地、平民，十分適合我呢 d 講求性價比既食客，叫左六款食物，食物質素又唔差，而且又唔會趕你走，都係 $156，我覺得算係公道 👍