616燒肉酒場 (已結業)

同個同事返工即興過咗嚟616食燒肉，真係估佢唔到咁好味👅616嘅火鍋大家都可能試過，唔知616嘅燒肉大家又試過未呢？餐廳不論係門口定係店內嘅裝潢都走日本風，但裡面座位真係唔多，所以嚟之前記得book位。職員服務周到，端上食物後會詳細介紹，仲會教你燒、職員代燒都可以。雖然燒肉選擇種類唔多，但每款牛肉部位都好高質，油脂豐富、而且牛肉味香濃。【牛腹肉$98】【牛胸肉$98】【牛肋肉$98】【橫隔膜$98】【牛油大虎蝦$138】

616 located in a quiet spot, where it is not easily found, my second visit here. FoodMeat quality is good for Tai Wai/ Sha Tin standard have many option price range from $68-$150 for single plate and platter range from $698-1088. Beer is nice with a ice topping. 616 even have seasonal daily chef choice, Grill pineapple. Chicken is good ServiceFirst time they really rush us as they had table waiting even we keep on ordering they push us to leave by cooking everything for us but this time is so qu

星期六既下午，諗唔到有咩好食，見到大圍有間隱世燒肉店未食過，就行過去望下，門口同眼見既裝修都好落足本同非常日式，本身擔心會好貴，但點知星期六都有午市套餐，加埋一都唔駛一百蚊。正～因為第一次食，所以揀左最平既雜錦烤肉定食試下，個定食除左有八件肉外，仲包左前菜，白飯，蒸蛋，同甜品。 前菜係番茄沙律，食完幾開胃，唔錯～肉就有2件豬，2件雞，2件牛，同2件牛舌。牛係最好味～有一定厚度，脂肪分佈雖然唔係好多，但到食落果陣牛油香味都係好正，食埋個蒸蛋同甜品，就好飽啦！本身見D肉幾好味，仲諗住散叫多碟肉，好彩冇叫到，因為已經好飽。下次有機會再黎試下其他定食套餐先～

同朋友食過幾次616牛肉邊爐都幾滿意個質素，見到佢開左616燒肉，即刻去朝聖一下店內裝潢走日本風，我地坐榻榻米，要係出面除鞋成個氣氛都好日式風格位置唔算多，要預約，坐得好舒服聚會燒下肉傾下計係唔錯616邊爐價錢中上，但燒肉酒場走高檔路線牛肉質素再好啲、價錢都再貴啲朋友鐘意食枝豆，前菜叫左鹽燒枝豆炒烘過既枝豆微熱，加左海鹽稍稍調味。好好食，一路傾計一路食不經不覺就清左，我地有再encore因為616主打牛肉，我地叫左好幾款牛呢到既牛肉種類好齊全，出面比較少見既位都有供應。每款牛肉都好高質，不但油脂豐富，牛味都好香濃而且佢每上一款都會有個牌仔話你知係食緊邊個部位等你想encore既時候都知道要叫邊隻另外都叫左款五花腩睇相都見到好肥，食落口食口油但好香唔油膩好快就俾我地清晒總結，環境食物服務質素都有水準但價錢偏貴，節日慶祝係一個唔錯既選擇

好耐之前同幾個好朋友食過616嘅火鍋店, 一直念念不忘, 今次其中一位好朋友又提議食616, 不過我地今次係食616嘅日!式!燒!肉! 火鍋已經咁好食, 燒肉未……不得了🙈🙈😆😆😆🤤🤤🤤 餐廳入面唔算大, 但環境裝潢得唔錯, 非常日式, 燈光柔和, 環境清靜, 我地坐左係入面和室嘅位置, 私隱度幾高👍🏻入去果陣要除鞋, 店員會幫你放入櫃。枱面上有一個餐禮包有橡根, 有個套可以入住電話防止整污糟, 非常貼心!蕃茄仔🍅酸酸甜甜, 十分開胃, encore左幾碟😆😆芥辣八爪魚🐙, 芥末味唔算好重, 八爪魚爽口嫩滑, 粒粒分明, 而且好有口感, 對於小妹e d唔太食芥辣嘅人都覺得好味😋😋, 又係encore之選👍🏻👍🏻枝豆, 係我地6個最中意嘅飯前小食, 已經唔記得食左幾多碟😂😂所有豬🐷牛🐂都好好味, 調味足夠但唔會過份, 牛肉油花夠, 入口即溶, 薄薄嘅牛肉配上醬汁, juicy又好味!!😋😋 豬肉味道唔錯, 厚厚嘅脂肪, 燒完之後油花係口內四淺, 配埋白飯, 正! 雞肉🐔相比下味道一般, 但調味都ok!雜錦菇🍄嘅種類唔多, 味道正常, 不過份量較少因為唔夠飽所以都叫左好多碗烏冬🍜同飯🍚,

睇過佢地facebook,之前有做happy hour promotion. 同啤酒品牌亦有promo,但去到就話無酒牌，純粹覺得奇怪，不過都唔緊要，唯有自己出去買。ipad點菜，食物種類唔算多，前菜冰頭漬太多柚子皮，但味道有啲怪。肉係唔錯嘅，油份夠，入口都好香。不過價錢都唔平架，性價比一般。我見坐後面張枱，似係嚟過幾次嘅客仔，嚟到之後有個似senior嘅staff介紹是日推介，但係最奇怪。。。。佢地竟然可以叫啤酒？無酒牌嘅餐廳賣啤酒。。。。咁擺明大細超啦。

大圍的616火煱店就食了好耐了. 知道大圍開了一間616燒肉店, 想來試好耐. 今次係星期六午市來到我們一行三人每人點了一個烤肉定食, 非常滿足. 烤肉定食由$78至$188. 任君選擇. 我地今次點了兩個$78和一個$108試試. 要留意係我地兩個定食都有牛舌, 因為唔係人人食 定食包了, 白飯, 前菜沙律, 茶蒸碗和甜品. 肉類是個定食, 大約8-9件. 牛肉是出色的. 沙律是四片蕃茄加醬汁. 味道不錯. 甜品可選杯庒荳腐雪糕或抹茶奶凍整體不錯. 可以試試. 由於枱面比較窄, 適合兩個人坐否則坐近燒肉位的人會很熱.

大圍有咩好野食，睇下食評發覺大圍有間隠世燒肉店，一於同主子去試吓，估佢唔到地方細細，D野食又唔錯wor!!!價錢又合理！第一樣前菜Wasabi八爪魚，好鬼好食，唔係出面hea 你整到一pat嘢咁，係一粒粒好分明，好有口感，跟住到我主子最鍾意食嘅牛舌心牛肋肉，我主子一邊食，一邊讚好食，而我唔食牛就主要食熊本及本地黑毛豬，好好味，燒到佢有D燶燶地，真係好鬼香口，鹿兒島薩摩地雞我同主子都覺得麻麻地，雞本身肉質唔錯，因為香料醃得太鹹，蓋過曬D雞味，如果佢就咁用鹽醃就好食好多，菇類份量比較少，如果多番D份量就更好！服務態度度非常好，久唔久就介紹下D食物，又問洗唔洗幫你燒，服務非常貼心，但無奈食物選擇種類實在太少，如果多D食物種類就更好了！

平時都間唔中會去大圍搵食，今晚經過球場附近見到店外掛著紅燈籠，裝修甚有和風感覺嘅酒場，呢間餐廳係主打食日本和澳洲和牛，見太耐無食日式燒肉，所以便和兩位朋友入去試下服務超級周到，全程都有專人幫手燒，完全唔洗自己動手，不過如果想同朋友傾下計就會比較尷尬點餐方面，係用ipad下單，方便快捷！不過缺點係選擇不多，如果你係好鍾意食燒肉嘅話，一定會令你好失望飲品方面又係超少！而且性價比較低，3個人埋單大約$2200

大圍之高級日式燒肉🥩🥩有次經過大圍，發現店舖外掛滿日式燈籠，以日本畫風為主，就被吸引入去食😂😂😂原來呢間係日式和牛燒肉店，有主打日本和澳洲和牛，行高檔路線，提供多款不同部位的日式和牛，仲食到A5和牛添🥰🥰🥰裏面的裝潢佈置了櫻花及燈籠，好有氣氛，好似去咗日本居酒屋。————————————————————————🧡骰仔三角牛($168)呢款賣相相當吸引，好岩打卡呀，好有仙氣。牛質當然也十分美味，每邊烤一烤，已經能鎖住肉汁。只需要咀嚼幾口，已經能將牛粒完全溶化在口，十分滋味。————————————————————————🧡牛肋肉 （$98）呢款肉質較嫩，油花均勻，具獨特風味，是極佳的牛排部位。呢款價格亦相對較便宜，薄薄的一片，烤後再配上秘制醬汁，更加juicy。呢款又掋又好食，係我最推薦架🥳🥳🥳————————————————————————🧡M7澳和牛板腱 ($250) 板腱肉是牛肋骨中間的肉，因為有脂肪，肉很嫩滑，口感最軟🤩🤩🤩雖然呢款價格相比起牛的其他部位較貴，但質素的確有保證😋😋😋當客人點了這份，店員會有個特別活動🧧福袋抽獎🧧每個福袋裏面會有一粒糖，店員會根據糖紙的顏色送出禮物，

食物質素是頗好，可惜勝價不值，份量對食肉獸來說會嚴重不夠。選擇不多。從未試過食燒肉要叫及烏冬。每款肉類只有6片-8片牛舌牛肉粒，雖然質素好，但是未免太貴了。環境適合把酒談天說地，邊飲邊燒，對真正想食飽的人要預備足夠金錢。

經過開都知呢個舖位都吉左一段時間見佢裝修完 都滿心歡喜諗住可以食下燒肉但朋友食完後分享 覺得太貴同唔飽 所以唔建議我地晚上黎 星期六的下午 買完野要搵食見佢午餐的set menu唔貴就決定入內一試裝修由外到內都好靚 好有日式的風格 iPad 落單 好方便由於同行者唔食牛 所以要了2個雜錦烤肉定食 $78 分別有豬、雞、牛肩肉同牛舌 各兩片仲有前菜蕃茄沙律 同埋日式茶碗蒸 (入面仲有粒銀杏) 牛舌爽口 牛肩肉都有油脂同肉味肉質以呢個價錢來說真係好好 主菜食畢 店員都好快清理枱面再上甜品 柚子雪芭柚子雪芭不會有人工化的甜味而且食到入面柚子皮 好清新的感覺 抹茶布甸濃濃的抹茶味 下面的布甸亦無搶味 甜度係岩岩好 總結午餐定食性價比高 座位舒服服務都好好 係令人滿意的一餐！

食物：A5三角肩，油脂分布一流，入口溶化牛肋肉-肉質比較淋，好味芥末八爪魚🐙-前菜一流🆗澳和肉眼上蓋-呢個有啲根澳和牛胸肉-呢個肉質好，好正🆗澳和牛腹-一般豬腩肉-好味牛舌-好味🤤😋蟹子黑松露芒果飯卷，出奇地好味牛油雜菇-牛油原汁原味，叫咗兩碟,好Juicy9:30後，酒精飲品做買一送一，好抵服務💁🏻‍♀️：所有侍應都着得好日式，感覺好特別。可以叫侍應幫手燒肉，佢哋係專業嘅，我哋又可以專心傾計，唔怕燒到變黑炭，佢哋仲要燒得好好味。服務態度一流、細心、會主動加茶某啲座位需要除鞋，侍應會幫你放入鞋櫃入面，去洗手間嘅時候可以着膠拖鞋。環境：由餐廳門口、室內、天花，甚至廁所，所有裝飾佈置，都令你好似置身於日本嘅燒肉餐廳。佈置好用心，好靚。枱與枱之間會有個竹簾隔開，提高私隱度讚揚：一坐低會見到枱面有一包野，裏面會有紙巾、橡筋、同抹電話嘅布，好細心。抵讚！泊車🅿️：富嘉花園停車場 - 距離餐廳只有2分鐘步程。或者泊附近嘅咪錶位。總結：嚟呢度食燒肉，令你感覺置身於日本，食物質素很好、性價比高，服務一流，推介。

收工早咗，加上餓到傻，反屋企嘅路上諗起上次因太夜而已關門的燒肉，衝！等緊燒肉燒好前食定啲前菜打打底，漬物送白飯，友人將佢牛肉刺身嘅菊花瓣加埋落去多粉花香仲正。牛肉我唔食，友人食完第一塊話太冰之後，過多陣滆咁小小先食就話好食多了。先上嘅牛腹肉同牛舌心，友人勁讚牛舌心超正。到我嘅蜜糖雞肉，略為唔夠惹味，加啲即磨黑椒碎再點店家嘅燒肉汁就完美可以送飯啦。九點半後買一送一，紫蘇梅酒好飲。本地黑豚肉片配生菜同辣梅醬，自己燒同店員幫你燒爭好遠，佢燒完全唔乾，好食好多。菠蘿同青椒仔，無咩好寫。七味豚肉食落無本地豚咁香，但如果鐘意食肥美啲就係哩款龍王卷，食咗落口後，友人咁啱問幫忙燒緊肉嘅店員中間係咩餡，一話牛肉我即吐出嚟，因為佢電子餐牌係無寫入面嘅配料同埋面頭嘅麻醬太多了，無點豉油都重味得滯。小插曲，點第二杯酒嘅時候佢只係比咗一杯，咁燒緊肉嘅兼職就幫我地問，燥底店員呀心就小許激動咁話”個客自己㯲點餐㗎”，其實我只係响個兼職旁邊。咁後來我就望多次個電子平板有咩問題，九點半後買一送一個分類，就發現原來佢哩款角玉梅酒無自動彈送多杯嘅單出去，完。總括環境新淨就梗概，新開幾個月，以牛肉為主，其他選擇就小咗啲。

週年紀念日老公又帶我去食好野啦~呢間新開無耐, 又無乜食評, 老公就帶我黎食, 擔心會唔會係伏黎。我地BOOK左7:30, 點知早左一個鐘到, 職員話未到時間唔可以安排我地入座於是去左附近行下, 都有諗過改唔改其他餐廳食行左一陣職員又好快地打電話黎話可以入座一入到店入面裝修好靚, 就連天花都有櫻花嘅裝飾, 呢個我幾欣賞座位唔算好多, 但好闊落, 係傾計飲酒嘅好地方職員服務好貼心, 佢地會主動問需唔需要代燒, 又會好詳細介紹唔同部位嘅肉至於食物選擇同份量都好小而且價錢偏貴, 我地叫左唔同類嘅肉試, 高質素嘅肉和牛刺身配柚子好夾, 清香而不膩呢個烏冬無特別, 而且得半個烏冬嘅份量