629雞蛋仔

营业中

休息中

呢個世界無最好食既雞蛋仔只有岩唔岩你口味既雞蛋仔學老闆話齋 多啲洗手少啲19啦🤭✐ ✎ ✐ ✎ ✐ ✎ ✐ ✎ ⍥ 原味雞蛋仔 ❙ $19即叫即做 請耐心等候熱焫焫勁香脆 係‘咔嚓’有聲果隻唔會過甜蓋過蛋香可能太脆？略嫌無咩實在既口感雞蛋仔既組織唔夠綿糯煙韌空心位較多個人較愛 低調高手 既質地但 629 既甜度又比較適合我Anyway黎新蒲崗都係會繼續幫襯😚😮‍💨😮‍💨次次都係食雞蛋仔下次！！下次一定要食邪惡既格仔餅！！💓

話說細個果陣，爸爸有擺過檔賣雞蛋仔，所以我對雞蛋仔夾餅有份情意結🎀新式商店賣嘅款式、口味愈黎愈多元化，但我始終覺得原味先係世一🧡629嘅夾餅，永遠係即叫即做，厚身到好似窩夫咁🤩煉奶、花生醬多到漏哂油🤩一個唔覺意打直左黎拎都無有怕🤪外脆內軟嘅口感真係無咩邊幾間做到😎蛋香、牛油香、奶香、花生香融為一體，人間美食也😆😆😆更值得一讚嘅係，呢度賣嘅唔止係美味，仲有濃濃嘅人情味💓學佢嘅新款紙袋話齋，係「愛的生活」呀😝

好耐之前已聽過新蒲崗區街坊人氣小店，629雞蛋仔嘅大名，one man band，專注製作好味雞蛋仔，如果排長龍的話，製作需時，要耐心等待～今日咁啱過嚟新蒲崗，離遠聞到都已經好香！ 見到唔少街坊都會揀$23大份厚身的格仔餅，小編下次試吓！ 今次就買咗雞蛋試先！😋原味蛋蛋 (雞蛋仔) $19粉漿，好香雞蛋味，雞蛋仔，外層烘得香、脆、薄！ 薄脆底下是內裏一半空心，另一半就軟心！呢種口感係小編追求嘅外脆內軟！啱心水！內裏有一半空心，食晒成份雞蛋仔反而唔會太飽濟～不過始終每個人對雞蛋仔口感要求都有不同，如果你追求嘅雞蛋仔係內裏實心、要飽滿口感的話，呢間就未必啱你心水～ _______________629雞蛋仔 (新蒲崗)新蒲崗康強街28號康景商場地下28J舖_______________

呢一間喺新蒲崗嘅人氣雞蛋仔店 長期都大排長龍～最近喺嗰度附近返工 就決定去試吓🥰揀咗個花生口味🥜新鮮食 外脆內軟 每粒雞蛋仔入面都包住花生碎 口感好豐富 食落蛋香十足🥚

之前見到朋友食呢間629格仔餅，佢地係甘大讚好好味，所以我bookmark左一定要黎試，今日終於試到，而且都無令我失望😊我地叫左一個原味、一個金莎朱古力醬格仔餅🍫一路都好多人排隊買，等左一陣終於整好了，店員仲問我地係咪share食，幫我地切開一半，幾細心！仲提醒我要打橫拎唔好垂直拎，因為甘樣啲醬就會流晒落個袋度。個格仔餅超級厚，但佢厚得黎係外脆內軟，真係好出色，而且醬汁都好多。應該係我食過最好味嘅格仔餅😋

呢間既格仔餅，絕對係數一數二！😼蛋漿：自製，蛋味香濃；濃度適中，以至做出泥既格仔餅口感札實，唔會有太淡太淋既情況。製作：老闆定好曬火候，時間捉得好準，呢d參數一定經過長年累月既試驗，最後得出今日既質量！口感：外脆，而內里係煙韌；佢既型狀比普遍既格仔餅厚，但絕對唔會太硬/過淋既情況！🤤金莎朱古力醬：榛子朱古力配無敵既格仔餅，醬非常濃，仲有d果仁，令個餅有更多層次。標準格仔餅：始終都係最好！老闆唔會落沙糖，冇咁膩。好多人話老闆串，我就反而好專敬為一件事做到極致既人/ 餐廳。比起咩都做，但冇款出色既話，我地絕對應該珍惜專心做好一件事既店！盡量欣賞別人既好啦大家！；）

難得放假 特登去新蒲崗食下野！之前上網見到有介紹老闆好有性格 今次黎到特登一試😎伯爵茶、抹茶味就見唔少 但少有見到有烏龍茶味🥚烏龍茶蛋蛋 $24🥚外脆內軟 甜甜地茶味幾香 但味道可以更濃郁個人比較鍾意回甘嘅茶味😝雞蛋仔表面嘅氣孔好多 啲窿窿令密集恐懼嘅我見到有啲起雞皮🤣因為啱啱食飽飯去食 所以食淨左少少番屋企用氣炸窩焗番 出奇地仲脆卜卜 (咁當然冇即場咁好食啦)如果有機會希望嘗試格仔餅 同 原味雞蛋仔😎 #小飛象食食食

好少會去新蒲崗不過陪要朋友，朋友指定話一定要試呢間既格仔餅，其他唔食都沒所謂，未食之前，我都覺得有啲誇張...有見過呢間鋪既posts，話老闆好有態度，有啲性格，但係又會將收益捐去做慈善。所以我覺得老闆都係好人，只係啲客太沒禮貌先會整張rules出黎既啫😏去到見到間鋪真係好細，細簡約，可能係閒日既5點鐘，所以得一兩個人，唔洗點等。第一次食，緊係試原味先啦～格仔餅一定要熱焫焫食，嗰面烘到超脆，中間有啲彈性煙韌，蛋味都好香，餡料都好多，但唔會太甜，剛剛好，正👍🏻👍🏻如果食晒一份真係幾飽，最好同人share，因為沒得買半份。下次要試埋其他口味同格仔餅😁

最近喺新蒲崗嗰頭返工 於是就嚟咗呢間好出名嘅格仔餅小店叫左個超邪惡嘅金莎朱古力醬格仔餅🧇格仔餅即叫即整 食落好鬆軟 而且仲要超級厚身 內餡夾住勁多金莎朱古力醬 仲有啲花生粒粒 超級香甜 好惹味🍫🥜

久聞呢間雞蛋仔好出名，但位置有啲唔方便，距離地鐵站都好一段距離，今日終於黎到試。見到老闆係個有性格之人，店面到處都貼住一啲字句，叫人耐心等候，係人都要等。相信老闆都係有愛心之人，見佢每年的指定日子，都會將營業額捐比慈善團體。烏龍茶雞蛋仔烏龍係青茶的一種，本身味道亦唔會太強烈，茶葉加左入雞蛋仔，有淡淡的茶香，幾清香。不過，10分滿分的話，甜度大約係1分 ，如果加返少少甜會好好多。雞蛋仔的皮又冇我想像中咁脆，而且裡面都幾多空心位置。相比起好多街邊的小食店，呢間係有heart的，但味道未到咁驚為天人，似係一般水平，但勝在街坊價錢，而且味道選擇多。如果經過可以一試，但特登黎買就要諗諗了。

🇭🇰 629雞蛋仔·呢條路我地已經行過幾次架啦 因為佢好方便 係市區開始行 而且都幾易行 就算天氣唔係特別好都可以😎係彩虹站出一路沿住斜路上德望學校 就可以係飛鵝山道開始啦😎😎個零鐘鬆啲就可以上到山頂 而且係山頂睇日落超靚🌄·格仔餅$23上次我哋喺呢間食左佢地個雞蛋仔覺得幾好食 所以今次就試埋佢個格仔餅啦😎佢個格仔餅真係超厚 蛋味幾濃 而且好多醬 不過我覺得佢嘅煉奶比例比較多 所以食落比較漏 食咗半個已經超飽 唔洗再食其他野😂😂·📍新蒲崗康強街28號康景商場地下28J舖·#rbyeat #rby好去處#rbybakery #rby港式#rby新蒲崗

難得放假同男朋友一齊去搵好嘢食🧇🤩見到附近都幾多人等緊外賣🥡..望下個menu都有好多唔同口味，款款都好吸引～最後叫咗一份雞蛋仔同一份格仔餅😋**聽講蛋漿賣晒就收鋪㗎喇‼️**..▪️黑白芝麻蛋蛋 $23 • 9/10即叫即整，保證新鮮👍🏼超級脆！！又熱辣辣！！即場趁熱食啊記得～😛每粒雞蛋仔都脹卜卜，充滿蛋香，外脆內軟🥚食到停唔到口🤣..▪️炭燒咖啡格仔餅 $28 • 10/10*牛油、花生醬、甜奶、黃糖*Menu特別寫住「超厚份量」😎果然！！真係激厚😋🤣 一塊等於平啲兩塊嘅厚度🤏🏼厚之餘仲非常脆口、鬆軟😍 仲帶點煙韌嘅口感👍🏼一路食一路有好香、好濃嘅咖啡味☕️老闆仲好貼心問我哋洗唔洗切一半，之後仲分2個袋裝，方便我哋食！！.一定會再幫襯！！🤩❤️

629雞蛋仔相信次名係有道理嘅！老闆喺舖頭出面寫咗好多金句：好食嘅雞蛋仔係要等嘅！等唔切就唔好食啦！有時佢放假會貼張紙係門口：我都係一個人嚟嘅！我要休息嘅！咁呢啲咪叫型囉！講返嗰啲雞蛋仔真係好有質素好脆口！佢嘅夾餅又係好多心思不同嘅味道！咁行過你好多人排隊你就知道佢咩料啦！咁我屋企嘅年青人成日都會話可唔可以買個雞蛋仔返嚟？我要Oreo味道啊唔該！你就知原來好多人都對佢情有獨鍾念念不忘！真係好鬼有型嘅啫！😻😻😻👏🏻👏🏻👏🏻

建議：聽講蛋漿賣哂就收舖，記得要把握機會見到就買左先😆行左第3️⃣次#試伏專員 A君話終於都買到🙈 上次差唔多7點先去到，可能太晏已經賣曬收左舖。今次唔夠6點就去到，離遠巳經聞到陣陣蛋香。去到舖頭有2,3個人已經等緊。等左陣落完單仲，可以係透明膠片可以睇埋整雞蛋仔 同格仔餅既製作過程 🤤謹記629 🧇3️⃣件事😎 記得要排隊！雞蛋仔要襯熱食！格仔餅要大啖食！詳情睇圖 今次試左：▫️錫蘭紅茶蛋蛋☕ (HK$24)▪️粒粒花生蛋蛋🥜 (HK$23)睇住老闆整真係愈睇愈肚餓❤️ 等左5分鐘左右就有得食，記得要襯熱食，超脆👍 蛋味好香兩份都好大底😋 對比之下粒粒花生香口啲有花生碎🥜 紅茶既味道就唔係好濃，只有淡淡茶香。每粒雞蛋仔入面都幾飽滿，咬開都唔係空心，做到外脆內軟。食完都幾飽，所以可以叫唔同款同朋友仔開心Share😋 不過想自私食都得，因為會有兩款精選口味可以做半半 (2️⃣餸蛋)😎 上次去睇係做緊紫薯X香芋 (HK$30)

劣態度一定不會再幫襯，果男人d態度差到一個點.就算格仔有d特別,但他自己搞錯仲係咁用超劣的態度對人,話做不到我生意,大家咁話,希望見字的人認真諗清楚先好行埋去，咪比佢激死。佢話買野要一次過問，教你點做,佢唔問又知你要乜。但原來唔係你要的,就算你要埋，當自己行衰運,佢仲係不停話你，呢世未吃過格仔餅咩，D咁樣服務，其實冇服務,佢話要你自己講,佢又唔問亂比，之後,鬧人話唔做你生意，需然最後冇買到，但一肚氣。