629雞蛋仔

营业中

休息中

真係唔可以睇少新蒲崗呢一個地方😤以為係工廠區 會無咩野好食 無咩特別咁 其實一直都好多美食係呢到講明先❕呢到個老細好有性格下不過其實人地都係專心想整好每一底雞蛋仔*❣️原味蛋蛋 $18雞蛋仔應該係每個香港人嘅集體回憶個個都由細食到大 童年回憶🆒鋪頭面積唔大放得一個雪櫃 四部機同兩個人兩部係做格仔餅 兩部係做雞蛋仔全部都係即時製作 唔似其他會整定係到🤘🏼加上經常性都要排隊📢所以製作時間需時 需要耐心等待不過越易整嘅野 其實就越有技術👻好少雞蛋仔會做出咁嘅口感整完即食 熱食嘅話食落外脆內軟🔥💥💥當擺耐左 攤凍左又會係另一種食法會變左完全煙煙韌韌*⭐️佢地嘅格仔餅都值得推介下次下次介紹格仔餅俾大家☑️

一直都知道新蒲崗有間格仔餅好出名，有一次經過見到好多人排隊所以無買。呢次經過見到得一個人等緊就走埋去買。格仔餅同雞蛋仔我到好鍾意，諗咗好耐最後決定試下原味嘅格仔餅先。$22一份，即叫即做，所以要慢慢等。等左差唔多10分鐘就有啦，個餅好厚好香蛋同埋牛油香，裡面既醬料望落唔多，一啖咬落去差d咬唔曬個兩層餅🤣雖然望落唔到醬，但係甜度同味道都係啱啱好，真係好好食，可惜呢d嘢擺耐咗通常就冇咁好食，所以我就一個人當刻食晒成份，好飽呀😂

話說朋友8點係觀塘收工，佢好想試呢間雞蛋仔，咁我就買俾佢同佢開心share la朋友係重度朱古力愛好者，揀咗朱古力同Oreo雙拼口味雞蛋仔，雞蛋仔食落外脆內軟，但朱古力味同蛋香不足，我覺得食落幾啖味，食唔出有Oreo睇門面已經知道呢間係好有態度嘅小店，寫咗唔少「有錢都要等」、「雞蛋仔一定要襯熱食」（客氣版）。雖然過程老細服務態度正常，但係有啲冷淡同少少黑面（不苟言笑），加上味道好普通，黎近會想試同區另一間雞蛋仔，或者我嘅童年回憶：第一城冰站雞蛋仔

🇭🇰629雞蛋仔·呢間我想食好耐架啦 難得個日去新蒲崗呢邊 轉登留肚食佢🤩🤩·oreo烏龍茶雞蛋仔$28佢呢度超級足料 係真係每一粒都有oreo 開心 而且佢整到出黎個oreo會變左暖暖地 有少少流心咁 好正😈😈之後個烏龍茶雞蛋仔原來係用烏龍茶蛋漿 所以烏龍茶味好出 好甘香☕我自己覺得幾好食 不過同oreo就唔算話超夾 如果叫朱古力應該會再好味D🤣🤣·#rbyeat#rby港式#rby新蒲崗·📍新蒲崗康強街28號康景商場地下28J舖

好耐冇寫食評，估唔到一寫就係因為一肚氣！😤😡我行埋去問個女仔有冇半底賣，佢話冇，然後行開咗，我望個menu 揀咩味，然後同個阿叔（應該係老闆）講想要一底原味格仔餅，佢誨誨氣氣話等一陣先，錢都唔收住，繼續整野。於是我唯有繼續等。😓😓一陣間佢過嚟收錢，我正想話比佢知我想要一半搽醬一半唔要醬，但我個「一」字都未講完，佢就話：陣間至講啦！未輪到你！🥺 我無言，企埋一邊等。😓又過咗一陣，佢好大聲問「格仔餅」眼望住一對情侶以為佢哋等緊格仔餅，對情侶話：我哋要雞蛋仔嘅。😦我見冇其他人應佢，於是上前話我係格仔餅，個「餅」字都未講完，佢又話我：唔係你呀～ ⋯⋯😳😓所有人走晒，最於輪到我😭 佢問我要唔要醬了😭 我企左響舖頭側邊等攞，又俾佢話我：行番去前面攞啦！😓我排隊買時都見到有人企響側邊等，點解又冇話佢哋？？？😫😤😡睇到食評寫得咁好，懷住滿分期待去對面公園仔享受。。。結果。。。好一般！個餅皮只係微脆，花生醬味亦唔濃，亦唔係粗粒花生醬，整體只係得個甜字！😞加埋如此囂張趕客惡劣嘅態度，本人絶不推介👎🏻👎🏻👎🏻 佢唔夠人手，亦冇一個有系統嘅方法去接單，收左錢又唔知邊個客先邊客後，D客又冇飛仔唔知自己排第幾，阿

見有我前面都有成十個人，心諗都冇咁快到我，行開左10 分鐘，反倒黎都仲見到有人係我前面又係叫雞蛋仔，即係唔會凍啦☺️之後佢比左個凍嘅我然後熱嘅我前面⋯係咪要懲罰我行開左😹🤦🏻‍♀️咩心態⋯拎上手，凍嘅？🤷🏻‍♀️食左兩粒，連啲餘溫都冇。雖然我係行開咗都唔好預係超熱但係前面仲有人叫雞蛋仔嘅情況下都不至於係凍嘅嗎？所以我就返去同佢講，結果兩公婆就喺度勁惡話係我走開左 所以係凍😹 係凍喎唔係唔熱😹er 放棄 溝通唔到er⋯⋯ 食左兩啖 個邊仲係脆既 但係得個甜字完全冇任何蛋味，唔通蛋味要喺熱嘅時候先會有？🤡嘢食中評 負評係俾啲態度嘅 起晒鋼咁鬧做乜 🤦🏻‍♀️

今日過開新蒲崗，終於可以朝聖６２９雞蛋仔見好多人都大讚佢格仔餅好厚，作為格仔餅既ｆａｎｓ，終於去試下喇！個日去到無乜人排隊，ｏｒｄｅｒ左等１０分鐘到個新鮮滾熱辣既格仔餅就有得拎啦！個店員見我地兩個人，好貼心問我地要唔要分開兩份～格仔餅真係好厚，一塊等如平時食兩塊加埋既厚度！格仔餅充滿蛋香，厚厚的但外脆內軟，因為夠厚，Ｄ格仔真係好深，裝滿晒好邪惡既醬，包括一段都食到既牛油花生醬同煉奶，再加上６２９特別用左紅糖，即係平時豆腐花個D而唔係白砂糖，紅糖有D蔗香味，令格仔餅位味道更上一層樓！！口感味道都好正！Irresistable！！P.S. 排隊個度寫住無論你個咀有幾細，你買左格仔餅，就要擘大口食！黎６２９朝聖既朋友要記住啦！！

之前看見這間雞蛋仔，已經立刻save了，打算找機會去試。難得去新蒲崗吃lunch，當然不會放過這個機會。這間是即叫即整，保證新鮮和脆口。炭燒咖啡蛋蛋。好香咖啡味☕️，吃完會成口淡淡咖啡香，非常喜歡。脆口並鬆軟，非常美味。烏龍茶格仔餅。不知有沒有人和我一樣，愛吃脆的格仔餅？ 如果有，這間絕對要試。雖然烏龍茶味不太能吃到，但口感和味道都非常好吃，厚得來不會難咬，令我會想繼續幫襯。另外要贊的是，我同朋友share吃，所以叫老闆幫忙切開一半，然後老闆非常貼心，把2份分開放落紙袋，令我們可以一人拿著一個吃，十分方便。不過強烈建議大家即場吃（除非你屋企/去的地方很近），否則拎走會拎餅變‘淋’，會令口感下降，影響味道🤧

蛋香味濃的雞蛋仔出開新蒲崗，記憶中聽過629都幾出名同抵食，同埋用料夠足有蛋香，就去食個”Brunch”啦～老闆話啱啱先開鋪所以要等爐熱會耐少少，完全冇問題。其實都唔算等左好耐，就有得食喇！熱香仔好大底，中間色水比較深。外皮都算有少少脆度，聞落已經好有蛋香，咬落好紥實、好飽滿。可惜既係可能因為啱啱出爐太熱，放入紙袋之後有水蒸氣，食到最後淋左啲。不過整體都唔錯。

好好評嘅小店，所以我又試下，牌寫明要一個跟一個排隊唔可以order完俾咗錢走開，星期六下午茶時間人都幾多人，所以單都有啲亂，其實如果唔想俾錢買system ,建議自己整號碼牌，咁樣有系統好多，唔使只靠腦記，客人又要企定喺度等，最受歡迎係格仔餅，22蚊，我就要咗雞蛋仔18蚊，等大概10mins , 有牌寫明買咗要即刻食，我當然明白新鮮食係最好味啦！所以都立即除囗罩試，可能我太有期望，以為係超級高手會超級好味，所以有少少失望，咬落蛋味香嘅，不過唔夠脆囗😅，同我預期中有少少出入，同兩大連鎖雞蛋仔相比稍遜，而且周邊衛生環境都好麻麻😞，感覺唔太良好。

好想食雞蛋仔，所以男朋友帶咗我去附近嘅一間叫629好出名嘅雞蛋仔舖頭仔舖頭雖然比較細但麻雀雖小五臟俱全 即叫即整絕對新鮮同埋老闆好有heart，我哋見到佢係用溫度計嚟度住啲溫度㗎 好嚴謹好認真！我揀咗一陣落order叫咗個原味雞蛋仔等咗大概十分鐘左右，見到老闆終於整好咗新鮮滾熱辣嘅雞蛋仔送到手唔使講啦梗係熱辣辣，又夠香口充滿住蛋香，食落去脆卜卜外脆內軟，一啖咬落去，出面脆到索索聲㗎入邊就軟淋淋，軟綿綿又暖口咁而且味道又唔會話太甜， 適當嘅甜味 配上雞蛋香味真係一流

今次係我第二次光顧，呢間小店喺新蒲崗非常出名，兩次去都要排長龍先可以食到，啲人成日話呢度嘅老闆好串，但係我就覺得呢度嘅老闆只不過係對自己嘅食物有份執着同認真。食咗兩次，我都係比較鍾意食佢嘅格仔餅🧇，呢度嘅格仔餅非常厚身，係比平時喺甜品舖食到嘅窩夫更厚身！格仔餅厚身得嚟，仲保留左雞蛋仔嗰種帶少許煙韌嘅蛋糕口感，表面烤得香脆，再加埋爆醫生生醬🥜、煉奶🍼、黃糖🍯同埋牛油🧈（邪惡組合），真係少啲定力都唔得（會想encore🙉）。另外老闆見我哋係兩個人，所以會好細心咁樣將個格仔餅cut開兩份，方便我哋share食。而且呢度就算再忙再多人排隊都一定係即叫即整，最新鮮最熱辣辣咁比客人食。其實除咗原味仲有好多唔同嘅口味，譬如話金莎朱古力、芝麻同烏龍茶等，老闆亦都話會定期轉下新口味，如果行開新蒲崗，真係要嚟試一試！

話說同太座影完大肚相之後朝聖，位置不算隔涉，容易找，見到老闆貼上一幅幅不同的告示、其中是兒童癌病基金會頒發獎狀及老闆會每個月找幾天議賣格仔餅已經份外加分，覺得特別有良心由於是即叫即做的關係，所以我只能夠哼著狗餅嘅「心急人上」乖乖地等，由於我去嘅時候不是很多人所以我等了大概10分鐘便可以攞到。雞蛋仔：其實全香港最好味嘅雞蛋仔係嗰幾間，五隻手指數得晒，呢款都算名列前茅，外脆內軟，呢啲基本常識必定有，但係佢雞蛋味濃郁，每一粒雞蛋仔都有小小的孔讓佢可以走氣快乾令佢脆卜卜，出邊嘅通常都係嗰個有孔嘅啡色紙袋俾你，呢啲可能就係技術嘅分別，所以如果我哋相機食先你會覺得佢唔夠好食，所以強烈建議買兩底，食咗先、第二底是影相特厚格仔餅：呢個一定係全香港最好味嘅格仔餅，厚、鬆、內軟，牛油味香堪稱天下第一，食完即刻想唱首「幸運是我」，佢仲有好多味道選擇、我下次必定試吓金沙格仔餅

去新蒲崗一定要食之前都試過一次，就食芝麻雞蛋仔，但個次就覺得不行🤣因為d芝麻可能太重手，搶左個雞蛋仔味，所以今次就試下個限定口味。🐒紫薯mix香芋雞蛋仔💰$30望住佢整，每一粒雞蛋仔入面都有一粒餡，所以係唔會有空心。佢d紫薯同芋頭都係天然無落糖，所以成件雞蛋仔都係靠個蛋漿帶d甜味，所以我個人認為完全唔甜😂一開始都夠脆，但食到最後就淋左😣小小可惜。整體來講係一件用料十足既雞蛋仔，成間舖都係老細一腳踢，所以都要排一陣隊。支持小店💛💪🏽與其俾錢大集團賺，不如貴少少，試下d本土用心小店評分：🌕🌕🌕🌗好味：🌕🌕🌕性價比：🌕🌕🌕🌗

話說新蒲崗附近終於有個近返少少既啟德地鐵站喇👏，依家係附近返工既市民就可以多個選擇搭車✨，唔洗再咁逼🤕。而今日小編去到新蒲崗買野之餘，發現一間係區內有名氣啲既雞蛋仔店，而且係老字號👀，咁啱小編又見少少餓，不如就整翻一底試下啦🤤，而呢間店就叫做「629雞蛋仔」。✦✦✦✦✦✦✦✦✦✦✦✦✦✦🎈雙重朱古力蛋蛋 $26🎈Oreo + 朱古力味雞蛋仔就一定要襯熱食🤩，因為熱食就又脆又香濃啲，所以小編一拎到上手第一時間企係附近即刻開餐🍴。味道方面，朱古力味係食得出夠味，而且粒粒都香濃😳，入面就夾雜咗oreo醬，小編一開始仲以為係oreo 餅碎添，哈哈🤭。以價錢嚟講，餅底都算大塊👅，粒粒大細係正常Size。而普通一款口味雞蛋仔都係講緊20蚊，非常抵食🤲。✦✦✦✦✦✦✦✦✦✦✦✦✦✦今次小編少有咁走到新蒲崗搵小店食😳，如果小編又搵到一啲唔錯既餐廳，不論有幾遠都會走去一試架🤤。小食店既位置其實係商場外圍地下，不過門牌就畀啲帆布遮住咗，搞到小編搵咗幾分鐘，原來經過睇唔到🤦‍♂️。而且老闆好有愛心，係2020年決定4次將當日收入全數捐畀《兒童癌症基金》，值得支持👍。✦✦✦✦✦✦✦✦✦✦✦✦✦✦