8090 好時光 (已結業)

去完頌富巿場行個圈，發現多人到你唔會想係個到逗留食野，於是我地就行左出黎搵食。記得之前一直bookmark左一間台灣野係附近，無諗太多就過左去食。基本上台灣菜都好難會整得唔好食，但今日的確有點兒失望。______________________________🔸桃園梅乾扣肉飯 $48
梅乾扣肉用碗另上，份量夠，味道正常。同茶餐應食到既質素差唔多。
🔸紅燒牛肋條麵 $62比失望更失望既就係依碗所謂紅燒牛肋條麵 。首先，上菜時聞到湯底並唔係平常食台式紅燒湯底應有既花椒八角香料味，而係普通街邊食車仔麵既腩汁湯。而牛肋條肉質一D都唔軟腍，而且有D韌同硬。就連個麵都煮到好腍身，一咬就斷個種，無咬口。如果依個價錢同質素黎計，的確唔太值。🔸珍珠奶茶 (+$5)好一般，可能冰唔夠多，熱茶沖落去冰就溶左一半，味道麻麻。🔸百香果綠茶 (+$12)
個人一向飲開少甜，唔多接受到百香果蜜的甜度。就算等冰溶掉都唔沖浠得太多。．by VIN環境分數: 7/10食物分數: 5/10

行過見到糖水做7折，試下幫襯佢既「大團圓」。餐牌寫薑汁底，湯圓，芋圓，小團子，睇相都足料既。等左半個鐘以上，話薑汁無哂要轉椰汁，fine. 其間等到老婆同囡都走埋，fine. 結果出來碗野唔湯唔水咁，感覺似「妻離子散」多d. 味道麻麻但賣相同等候時間真係唔得囉為左儲200字比劣評，I don’t mind say a few more words to highly not recommend for this dish but you may try others.

等左25分鐘，同我講冇薑汁底要轉椰汁底，冇問題啊，點知真係垃圾。椰汁溝水，就甘掉幾粒芋圓，要我等25分鐘，收27蚊，個賣相真係好難睇，真係垃圾級質素，冇下次囉。

台式飲品表表者當然係珍珠奶茶啦，喺天水圍呢間文青氣息嘅打卡Cafe將呢款飲品配上窩夫，唔知會係好食咗/奇怪咗呢？🤔每個窩夫都配上一球自選口味雪糕，整體份量偏多，窩夫外脆內軟，入面仲有珍珠添！🤤 珍珠同芋圓唔錯，芋圓食到出味道，兩者口感煙韌！😍但敗筆位係焦糖脆脆同啲焦糖漿度，啲脆脆完全唔得，100%苦嘅⋯焦糖漿都苦苦地！🤦🏻‍♀️ 最終係蘸奶茶味cream同雪糕去食完呢道甜品⋯😑 雖然七折的確幾平，小編建議食其他口味應該比較好！🙈-INS:90sfoodie_carman

娜娜娜..偽文青一下先😅 -枱上面有放D有趣的小裝飾,例如摩天輪-花枝小丸子 炸粉薄脆, 花枝丸爽口足料彈牙-"900秒等待-豆腐花"今日冇貨...=_=其實900秒的等待係，職員一拎上枱就係面前將豆漿撞落杯度，蓋上蓋，跟住就用漏斗計時啦！900秒即要等15分鐘架，所以食要早啲叫啦！-牛腩台灣面,牛腩幾淋，有4-5舊,都幾大份幾入味!-楊枝金露，幾大碗，木碗幾令，入面多果肉，酸酸地好胃口-芒果椰汁西米露，芒果肉好甜，西米大粒，夠林，椰漿好香，唔會好甜，撈埋芒果食個甜度就剛好-文青味濃。8090好時光~

之前食過一次尼到整既甜品，今次再食新一款窩夫口味。9點半左右，人流多，而且有唔少人都叫左糖水食。叫左岩鹽拖肥oreo鮮忌廉窩夫($39，已計7折)。今次尼款oreo係放係隔離，同鮮忌廉整成一朵花既賣相。賣相靚。不過窩夫冇之前食既咁脆，軟左少少。切開之後，底面2層好似黏合得唔係好實。而岩鹽拖肥既味道唔係太食得出。整體，都係食另外個幾款窩夫好d。不過環境唔錯，坐餐廳入面，有幾個打卡位牆身都花左心思去設計。晚市食物選擇亦都多。

喺天水圍優休閒閒可以慢慢嘆嘅午餐佢雖然價錢唔係係算平味道都唔錯佢呢碗麵嘅牛肉都唔錯 d面口感又唔錯佢呢坐左好耐都唔會趕你走真係可以慢慢錯豆漿呢㗎口味就一般但都似佢自己整嘅

係T Town食完下午茶，周圍行街時，留意到係電梯底嘅「8009好時光」，糖水、甜品做緊七折優惠，老闆又親自出黎熱情咁拉客，一於去食下。士多啤梨鮮忌廉窩夫，配士多啤梨雪糕 $58 → ~$40滿滿嘅士多啤梨醬同朱古力醬，酸酸甜甜嘅味道好開胃，士多啤梨有好多片，用心咁排成玫瑰造型。岩鹽拖肥Oreo鮮忌廉窩夫，配曲奇雪糕 $56 → ~$40拖肥醬好好味，可以再落多d，鹹味足，配埋雪糕同窩夫剛剛好。焦糖脆脆珍珠奶茶窩夫，配朱古力雪糕 $56 → ~$40窩夫中間好煙韌，有淡淡嘅奶茶香，旁邊嘅珍珠、芋圓好大粒，好有台灣特色。涼枝甘露 $38 → ~$30有芒果汁、涼粉、芒果、金柚肉、芒果雪糕，唔會太酸。

頌富商場翻新之後，多左餐廳進駐，尼間台式餐廳內外裝修各有風格。除左有早午晚下午茶餐外，仲推出左新餐牌，賣甜品，優惠期間甜品7折。叫左2個下午茶餐，分別係咖哩牛腩飯($40)，香煎雞扒台灣幼麵($36)，均附送餐飲。甜品叫左抹茶麻糬紅豆鮮忌廉窩夫，配自選雪糕($58，未計7折)，黑白配($40，未計7折)。咖哩牛腩少少辣，牛腩唔會韌，煮得入味，而且切件既大小岩岩好，飯量男仔食一定夠飽。因為雞扒即煎，所以要等一陣。煎完非常脆，外皮做到金黃色，而且雞扒大塊，肉嫩。麵條硬度ok，不過個人鍾意麵條再硬身少少會有口感。如果再用心煮個湯底，個麵既價值就再提高。而家湯底都濃郁。一定一定要叫窩夫，因為真係好抵好食好大份。上枱個陣，我冇預計個窩夫會整得咁靚，而且唔馬虎，水準同甜品鋪個d有得揮，甚至個人覺得更加好食。每件窩夫入面，都有大量麻糬，每啖都食到。抹茶味雖然唔太重，但食到好香既蛋味。加上鮮忌廉同紅豆粒，甜而不膩。特別既係，可以落煉奶，但係尼個煉奶味道唔係平時食開個種，但係係更好食。隔離枱叫左另一款窩夫，更加吸引，用料更加豐富。黑白配即係燒仙草，黑珍珠，小丸子，朱古力雲尼拿雪糕各一球。小丸子黑珍珠煮得

全職媽媽困身，坐車唔方便，唯有行去t town 食個lunch,揀左去8090食台灣野，蠔仔泡飯🍲： 蠔仔量少，唔夠胡椒香味又無乜冬菜調味；肉燥卥蛋飯🍚：得肉碎，無香菇無豬皮無咬口，好dry, 飯太濕，蛋唔入味，fail👎🏻+$5 珍珠奶茶當然都係hea, 珠少，茶淡，奶水味。🥤 $99 就係食呢d味道啦，當初揀呢間就係為左坐門口位，地方大，擺到bb車又唔怕bb喊嘈親人🤣🤣 ，本來個侍應都好醒目咁比個位我放bb車，但之後又有好蠢既侍應拎住d 食物係咁問係咪我地，大大張單係枱面唔睇既，點落單既呢請問

滿滿的一碗扣肉，一入味又夠淋，味道不會太咸，剛剛好。雞軟骨-----＞薄薄的一層脆漿，熱辣辣，吃到椒鹽的味道。蠔仔泡飯的蠔仔頗大粒，漲卜卜，不是蚊型size。最驚喜係水果茶，超級大杯，簡直係二人份量，全部水果切粒（市面上很多水果茶的水果都是切片的），方便用匙羹進食，不太甜，好喝！

服務態度不錯，其中一個餐飲叫左凍檸茶，落單個姨姨溫馨提示天氣轉涼左，幫我地轉左小冰～ 咁細心嘅待應真係好少有🤗正餐叫左鹽酥雞扒撈麵， 雞炸得脆，好多芝麻醬，呢個不錯另一個叫左新竹鹽焗雞飯，d雞有少少韌，不過味道ok甜品7折，想食焦糖脆脆香蕉窩夫， 但可能太好買冇曬焦糖脆脆🙈 結果叫咗個雜果窩夫配雲呢拿雪糕， 本身冇乜expectation，而且食完個飯已飽飽地，但一食個窩夫好薄脆，唔會有食完好濟嘅感覺，生果夠甜，整份4塊窩夫2人食輕鬆ko左～ 好食～食到一半先記得影相呢間餐廳環境都幾好幾乾淨 (特別要提因為正正隔離有間中餐廳衞生情況真心極度差…)

耗仔泡飯越來越細碗，越來越難食，珍珠奶茶的珍珠超難食，而且好難攪開一粒粒，而且餐具好唔衛生，明顯見到汙糟左，d服務員見到我停手望下手機就過來收耶，趕客行為，絕對無再一次

好似近來轉左老闆、轉左管理，餐牌也改了，多左平的套餐，飯類d餸好食左，但飲品的選擇少左，竟然綠茶冇得飲熱的（以前有！），最近做緊7折甜品，食過都ok（如果7折），不會太甜，阿仔食心太軟加雪糕好滿足，最好係晚飯做到10點半，又易搵位，好過隔離茶餐廳（又肥又貴選擇少）。

嬰女皇不知不覺4個月大了 是時候慢慢重拾捐窿捐罅揾食既宗旨了！是日試試新Car Seat 向車程不遠的T Town進發！T Town 有專用停車場🅿️ 12時多去到已經FULL了 好在等5分鐘左右就有位啦 Lucky數月前試過樓上既九份·十分 離去時已經被呢間 8090好時光 既環境吸引 是日店員見到我地有嬰兒同行 安排了室外卡座 既闊落仲可以對住小樹🌲進餐 貼心開心 而且店子光度很夠 影人像定食物都好靚呢！飲品選擇都算多種類 至於味道⋯⋯餐飲- 桂花烏龍茶 $18 OK原價$36 台式特飲類跟餐半價 普普通通 至用餐後再飲還是淡而無味餐飲- 荔枝綠茶 $3 原價$20 台式飲品跟餐+$3就得啦 老公話初飲只嚐到糖漿與陣陣藥水味 再攪拌後味道稍變正常 但還是很怪 不推介鹽酥雞飯 $50 份量不少 鹽酥雞香而帶微辣 但味道更似美式炸雞呢肉燥茄子飯 $48 茄子很香 皮亦薄脆 汁料亦帶辣 但肉燥油脂分佈很薄弱 整體味道更像中式的肉末茄子 純粹就味道黎講 係好味既 但台式風味就不怎麼沾邊了店子上菜非常快 店員也有禮 環境舒適 性價比也OK 整體我們仨還是度過了美好的時光 會再來的