8090 好時光 (已結業)

晚上下班剛巧朋友家中沒有飯開， 於是相約到家中附近商場T mall (原名頌富商場）隨便食餐飯吹下水，兩個人食飯都隨隨便便沒有刻意去網去找食什麼 只是看到什麼大家ok便入座。經過這間台式餐廳，朋友表示有興趣試一試於是入座。入座時間是晚上七時半左右，理應是繁忙食晚飯時間，不過店內食客不多，還開玩笑的跟朋友說會否是伏店😂。一坐底，我倆各自叫了一個正餐（排骨肉燥飯）及小食（蒜泥白肉、紫薯餅）。送餐時間很慢，我倆等了很久，不明白為何食客不多都可以這麼慢😟。等了很久終於送來，一看，賣相差，食落，味道仲差，排骨真係只有一排骨而已，有少量肉的部分卻是已焦黑的，我食了一塊後便投降。轉食小食，怎料，那蒜泥白肉比那排骨更差，肉質鞋到似食緊白十豬肉😑，食了兩塊放棄。平時都唔會話咁浪費食物，只要食到都會盡量清晒枱上的食物，但尼間真係食不下去。諗諗下真正浪費食物嘅應該係個廚師☠️地獄廚神。

游完水去到天Town，發現有兩間台灣菜，揀咗呢間8090好時光⋯⋯好似仙桃源，內裏的佈置很有心思，室內的地方有棵大樹！可以在樹下用餐，認真寫意！惟衛生麻麻地，餐具黐立立。晚餐時間都未見有好多食客，只有幾台人。一開始都有D怕中伏點了兩個餐點：牛筋牛肉麵牛肉意想不到地火候十足，入口即溶。湯底好甜，蘿蔔亦很入味。麵條彈牙，份量頗多。滷肉飯有點失望，肉燥不好吃，味道稍嫌遜色。吃了一半就沒有吃了⋯⋯有一碟菜也不錯餐點配上珍珠奶茶，沒有特別⋯⋯有點茶味比較甜。

茨汁太重嘅肉燥飯，凍左就會結啫喱。 只有瘦肉，連半肥瘦都無。白飯加太多水去煮，結果變成一舊舊。好似小朋友食果d飯仔咁，而且用應該要用珍珠米。白烚菜無味，無咸味連麻油都無滴，好無誠意。雞扒算中規中矩，無乜太大特別，可以接受。再黎就係杯珍珠奶茶，珍珠過熟，變得好黏口，D珍珠就痴住哂，食落無口感，奶茶同甜度都尚可接受。仲有就配菜還算可以，但個青瓜唔夠新鮮，好似放左好耐咁，芽菜就幾好食。服務唔錯，面帶笑容，上餐時間又唔會太耐。

早前經過天水圍T Town商場，發覺有不少特色餐廳在此開業。今日終於有機會一試這家台灣美食Cafe。一到門口，就被圖中這棵樹所吸引。這棵小樹為整家餐廳的氣氛提升不少呢～而餐廳的枱上也有放置一些小擺設，很用心去營造「文青風」這股感覺。翻開menu，非常有驚喜！因爲沒有想過這家算是有裝潢的餐廳，食物價錢還可做到如此貼地。而且食品名稱也很玩味呢。食品上菜速度較慢，點了2個餐後等了10-15分鐘才上菜。米線賣相較為普通，看得出都是廚師隨手煮好便放入碗。但米線頗為索湯入味，花枝丸有4粒大大粒。可能筆者對肉燥飯認識不多，但總覺得在香港吃的都比台灣當地吃的「濕」。圖中的肉燥飯也是如此，非常健康的附有一小碟青菜，可惜青菜略為偏乾。隨餐附送一杯飲品，有點失望今天餐廳沒有珍珠，所以點了仙草奶茶。奶茶奶味偏重。筆者和友人點了上述2個餐，邊吃邊聊，渡過了2-3小時。以這個價錢來說，筆者認為整體都不過不失了。

雖然唔係第一次幫襯，但今次係第一次試佢個肉燥飯，呢個飯，根本就係「瘦肉撈無味汁飯」，可能個廚從來都無食過肉燥飯，所以會用全瘦嘅瘦肉煮，啖啖都鞋嘅！係好鞋嗰種！然後個啡色肉汁係無味嘅！所以你食落口，成口都係瘦肉味，好難受🤢同一個食物盤內，有一小碟涼菜伴下嘅，但個賣相，係嚇人嘅！好似執完隔離枱食剩嘅涼菜，就俾左下一枱客咁，有圖有真相🙄嗯.... 以天水圍嚟講，新北江啲台式野出色好多🙃

每次掀開相冊，總是讓人惆悵。撫摸著老照片，仿佛只要衝破那片薄薄的玻璃紙，就能回到那些美好的時光。然而，每次掀到相冊末頁，卻往往剩下一堆哀愁，因為那些逝去的時光，我們永遠只能把它留在過去。伴隨著對光陰的惋惜，我們來到 8090好時光。這間餐廳分內外設計，內部燈光稍暗，十分寧靜，非常適合客人閒聊。餐牌上推薦了好幾款相信是廚師的拿手菜式。我沒有特別想吃的，所以信手拈來，隨便點了碗紅燒牛肉麵。據說，紅燒牛肉麵起源於內戰時期。一名四川老兵撤退到台灣後，因思念家鄉，便以成都菜「紅湯牛肉」為藍本，創作了今天常見的紅燒牛肉麵。初嚐 8090好時光 的牛肉麵，我特別喜歡它的湯底，牛肉和醬料的濃郁味猶如在述說老兵回憶家鄉時的百般滋味、千愁萬緒。然而，湯底濃郁的味道中，卻偶爾夾雜了一絲蘿蔔的甘甜，為什麼呢？如果紅燒牛肉麵是老兵的鄉愁，那麼，對過去時光的惋惜，為什麼又會帶有蘿蔔的鮮甜?夜來幽夢忽還鄉，老兵的紅燒牛肉麵是一個永遠不能夠捉摸的過往。也許，我們經歷過滄海桑田後，當睿智撫平了千瘡百孔的回憶時，就能品嚐到老兵回憶中的那道甘甜。

上次都有提及過依家天水圍新開愈黎愈多新餐廳，已經係可以食完一轉又一轉都食唔曬啲新野。今次就黎到Ttown 搵食，今日想食牛肉麵，見哩間小時光都幾多人排，咁我就比佢吸引到，所以黎食返個牛肉麵先。牛肉麵個湯底色澤都幾濃郁，仲要有胡蘿蔔，牛肉都算軟腍但牛味沒有太突出，湯底也是一般般。店內都有分露天位及不露天，座位之間都舒服，都有空間感嘅，價錢方便都算係中上價，種類有台式小食，珍珠奶茶，飯類，其實選擇都不少。

之前下午茶同女朋友想係頌富隨便搵間餐廳食 見依間裝潢幾好 價錢還可以 就試一試 入到去侍應好快比到餐牌我地 但當時即使人唔多 都等左一陣 侍應先望到我地 幫我地落單 我地叫左一個雞扒肉燥飯配珍珠奶茶,一個肉燥飯配蜂蜜綠茶 肉燥飯味道合格 份量算叫做適中 杯野飲味道都合格 唯一問題係杯珍珠奶茶既珍珠沉曬底 同痴埋曬 用飲管都比較難分得開 搞到唔可以好似平時咁一邊飲奶茶一邊啜珍珠上黎飲 要飲下飲下 停一停 用食珍珠 另外個餐盤有d細 放野唔太就手 總括而言 依間餐廳都算合格 可以話係窮人版茶木 可以間唔中食下 不過唔會成為我既心頭好

星期日lunch，雞扒撈麵，排骨滷肉飯，菜，紅豆珍珠奶茶。最差係杯奶茶，紅豆成舊係杯底。其他都好普通，排骨好dry，雞扒還OK，滷肉飯d滷肉太鹹太多湯汁。服務人手少，基本無服務可言，仲要收加一。下次唔會再來。

星期日，一家三口去附近商場的餐廳午膳。因為女兒想飲珍珠奶茶，所以決定去這間臺灣餐廳試試，享受一下家庭樂的好時光。餐廳裝修得很特別，很有文藝氣息。坐着坐着，令人有文青的感覺。點了一客紅燒牛肉米線，一客糖心蛋肉燥飯和一客雞冀肉燥飯，食物很快就送上桌了。紅燒牛肉米線中的牛肉，實際上是牛𦟌。做得很腍很入味，一點也沒有韌的感覺。而湯底帶點微辣，十分香濃惹味。兩份肉燥飯的肉燥份量很足，味道香濃，足夠伴一大碗飯了。而糖心蛋很滑很嫩，完全解了肉燥飯的油膩感。雞翼炸得外脆內嫩，還保留了肉汁，囗感很好。ㄧ大碗飯，很快就被我解決了。當我下次再想享受好時光時，我一定會再來。

同朋友小聚， 亂碰亂撞 周圍行商場， 見商場有不少食肆 ， 全部大排長龍 ，最後搵到這一間， 我好少入天水圍，這間算係有驚喜。打開餐牌樣樣都想食 ， 環境一流， 座位有內，有外。食物質素非常好，， 個人認為好味 ，這一間的小食全部也好吸引。 如果份量多點，會比較好。

工作中午餐都有開心嘅事，就係同事們都好遷就我，我想試新餐廳都無問題！呢間在天水圍大商場內嘅台灣菜！去到唔使等位，地下一層位置，門外有桌椅坐，樓底好高所以好開揚舒服！加上裝修好文青，有點隨意不成套的椅子，地方唔迫唔嘈！有種悠閒嘅感覺！本坐店外，店員見我哋人多，幫我哋轉咗店內長枱鬆動啲！午餐多選擇，價錢合理！溏心蛋肉燥飯（$38）喜歡擺盤木盤上，餐具係花紋瓷器，賣相精緻，份量夠，有埋青菜同醃漬菜！好健康！講番食物，溏心蛋嫩滑，浸得入味，肉燥鹹鹹地，豬肉碎嫩滑無渣，白飯夠熱鬆軟，撈埋肉燥好味，蒜茸白菜仔（好大棵）爽脆嫩口，加啲蒜茸香口！好味，前菜麻油芽菜爽脆，青瓜脆嫩多汁，微醃清爽！好味！熱檸檬紅茶🍋（跟餐）檸檬清爽唔澀，茶底濃厚！好味！吉列豬扒肉燥飯（$53）紅燒牛腩粗麵（$53）雞扒肉燥飯（$48）雞翼肉燥飯（$48）仙草奶茶（跟餐）珍珠奶茶（跟餐）呢度出菜好快，店員有禮斯文，有笑容幾窩心，而且好肯幫手，幫我哋印多張單攞多架車嘅泊車優惠！文青台菜

天水圍區一向都冇乜野食，難得地見到間以台灣菜為主開檔，當然要試試啦間鋪係正商場地下仲要對住門口，極之易搵，店鋪裝修以簡約為主，入到去的確有幾分台式文青cafe feel我今餐比較簡單，只係叫左個名為“外酥內軟雞扒麵”可能人唔多關係，上菜極快，落左單5分鐘左右就有先講個麵先，湯底味夠哂濃，啲麵爽口至主角雞扒外皮真係好酥脆，入面啲肉好滑而且size都唔算細整體黎講可以有80分既如果湯底可以有清湯加魯肉就會更好始終台灣野要以魯肉做主打

果到係一個我非常值得推介既一個好地方我住係頌富，所以好方便去T town 二期。就算係住係元朗都好方便，搭輕鐵到頌富站(天端下一個站)落車後往車頭方向行，過馬路，入到去轉右，見到服務台之後就應該見到電梯(落去)落既時後應該見到一間叫hea yo!既乳酪雪糕既舖頭，隔離就係8090好時光啦！呢到其實係一個適合文青既一個地方，又可以睇一D靚相，又可以聽歌我叫左花技丸撈麵(醬油汁)(同我一樣鍾意食醬油汁既都試下啦！呢到D位唔似九份十分咁坐到好碧同九份十分比，8090好時光係好食D同好坐D ga一句講曬：

是日無飯煮婦嚟呢間台式料理食晚餐，自從頌富商場裝修後多咗好多餐廳，今日就嚟試下呢間，呢度裝潢、一枱一椅都好有台灣文青氣息！坐得幾舒服。食品方面有多款肉燥飯同麵選擇！我哋三個人叫咗排骨同雞扒肉燥飯、肉燥好有台灣味道、排骨同雞扒都炸得酥酥脆脆又不太油膩！另外叫咗三款小食分別係花枝丸、雞亦同蒜香白菜、花枝丸炸得剛剛好、食得到粒粒花枝、雞亦係滷水但煮得過火有點老、蒜香白菜蒜味很濃但太少，食到底就好似食白烚菜咁整體好食但套餐無飲品所以價錢略貴