8090 好時光 (已結業)

星期六放假，两公婆都好懶，又吾開火煮飯🙈於是好自然地又來左T Town搵食，自從呢個商場翻新後，新開既食肆我地都試得7788，之前次次開餐時間望落地下果層都見到好多人等位，所以次次都卻步😆今日我地食個早晚飯，費事同人爭位，於是6pm我地已經來到商場，果然呢個時間無乜人，老公話掛住台灣既牛肉麵，一於揀8090😁餐廳裝修得很有特色，是拍照厄like既好地方😆👍🏻👇🏻👇🏻👇🏻很有優閒的感覺招牌紅燒牛肉麵 $63湯底香濃得來帶微甜，紅白蘿蔔都索曬d湯汁，麵條韌韌地有咬口，牛𦟌份量都吾少，有4,5塊大大塊，肉質入味夠腍，好味😋。雞扒肉燥飯 $53肉燥撈飯好惹味，如果多少少肥肉仲正🙈 雞扒輕輕調味，肉質吾韌，隨餐仲有辣油，比人客多一個選擇😁。鹽酥花枝小丸子 $24有6粒咁多😆外皮炸得薄脆，內裡飽滿而且有粒粒既魷魚。老公點左草莓梳打🍓 $34好靚既一杯飲品，仲有一片片新鮮既草莓肉🍓 杯底仲有🍓漿埋單每人一百蚊有找，價錢都算幾抵食😁下次會再來帮襯👍🏻

以前會以為天水圍好遠，所以都甚少入黎。自從身邊多左朋友住天水圍後，就多左入黎喇，而且搭西鐵係非常方便呀。琴日朋友帶左我黎食台灣菜，佢話食過好食要帶我試下。估唔到喺佢屋企樓下的商場都食到出色既台灣菜。打開餐牌見到個設計都好精美，食物種類都多，我地揀左幾款熱食同小食就開餐喇。等左無幾耐就出餐喇，出餐速度都快，讚！哩碗紅燒牛肉麵大大碗，個湯底濃味，牛腩好林值得一讚。哩度既小食都好食，特別係哩碟鹽酥花枝小丸炸得香脆，丸內有粒粒墨肉增加咬口感。我中意食呀！哩個餃子好似飛碟咁幾得意。睇餐牌係哩度既招牌菜之一。餃子肉汁多，皮薄香口，的確唔錯！飲品我就點左玫瑰花綠茶，玫瑰花清香，養生飲品最喜歡。哩間餐廳有棵人造大樹好特別，營造戶外既感覺，好靚！室外既陽光照射入黎好溫暖。

天水圍呢個新商場裝修後原來好多新餐廳！睇完台灣戲之後都好想食台灣野，咁岩比我發現呢一間8090好時光！一於去食返餐以解相思台灣之苦。呢度主要食台灣麵同飯為主，選擇不多，但台灣就是簡簡單單就足夠。仲有少少小食可以選擇。如果比較多人可以選擇套餐。下午茶時間不太餓，我哋選擇咗要一份滷肉飯，滷肉飯餐還送上一份灼菜同埋小食！10分均衡。灼菜灼得入味，有少少蒜香嘅味道，很淋！滷肉飯令人胃口大開，我們都不敢一口接一口吃不停。呢一份係切斷了椒鹽排骨，椒鹽排骨炸得酥香，好惹味！骨肉相稱，用來送飯真的不錯。水果茶體積十分龐大！足夠二人分享。內裏有大量新鮮生果，茶味好香！但最值得一讚係呢一個楊枝甘露！芒果味濃郁，不太甜，好滑！內裏有大量芒果肉同埋柚子肉， 分量十足！另外芒果涼粉亦都好不錯！吃完透心涼！涼粉彈牙qq!!可能因為下午茶不太肚餓關係，個人認為甜品更勝主菜！期待下次晚餐再來光顧， 試一試其他麵食或飯。

又來到天水圍探朋友嘅日子，呢個商場裝修翻新之後多咗好多新嘅餐廳，其中呢一間好似充滿台式風味，感覺不錯，我哋就入去試吓。食物選擇不太多，但價錢不貴頗吸引。兩個女仔食得唔太多野，叫咗一碗麵加啲小食就足夠。紅燒牛肉麵，麵夠晒彈牙，湯底幾濃郁，牛肉雖然切得很大，但煮得好淋好入味。中間仲有少少牛筋好滑。質素比起台式連鎖店好！幾十蚊算是很不錯！椒鹽花枝丸亦都很大粒！即叫即製，十分香脆熱辣辣！花枝丸不太粉，中間有少少花枝很彈牙。另外叫咗個台式墨魚腸煮菜，墨魚腸很甜很QQ！菜也很甜，這個配搭頗特別！見到另外一台有人飲水果茶，超級大杯！我哋決定兩個女仔share！水果茶茶味濃郁不太甜，但重點是加了一些玫瑰花瓣，令茶味中滲出一些玫瑰味，很香！再配上一些新鮮生果，很解渴很透心涼！個人認為最值得讚！甜品要左300秒豆腐花！意思係職員將豆漿加入茶壺內撞，等300秒就會成為即製豆腐花！旁邊仲有個沙漏計時器。過程令人十分期待！時間一點一滴好快過，打開茶壺蓋，鮮制豆腐花已經成型。想不到真的很滑！有濃郁的豆味！水準十分高！這個甜品令人又驚喜又滿足！雖然點嘅餸菜唔多，但每樣餸菜都水準不錯，會有下次的！

和老婆食晚飯，難得二人世界，當然去頌富商場覓食，老婆很喜歡台灣美食，因此選了這間8090好時光。餐廳裝修富悠閒風格，猶如置身流星花園的感覺。招牌紅燒牛肉麵老婆最愛的牛肉麵，很有台灣風味。萌萌的花枝丸米線花枝丸質感彈牙，內含一粒花枝肉，真材實料。古早牛肉小食併盤老婆最愛台灣牛肉，吃完這碗麵，禁不住再點多一碟牛肉，還有牛筋。雞翼炸開了雞翼炸得脆口，肉質鮮味。900的等待 豆腐花侍應即時在我們面前製作，等待900秒後，香滑富豆味的豆花製成了。朱古力豆漿朱古力味道融和在豆漿內，味道的簇新享受。桂花烏龍茶老婆點的飲料，清新的味道帶有桂花及烏龍香。花園水果茶超級巨型的飲料，含多款水果的味道，賣相吸精，和伴侶一起喝，一起感受幸福的味道。

好耐無去台灣心癮又起 結果食番餐台灣野解忍下先朋友仔推介我呢間 食物選擇多價錢又親民望下個MENU又真係吾貴喎主食我左揀左吉列豬扒肉飯寫到明即叫即整 製作需時等左大約10-15分鐘有得食喇肉燥甜甜地岩晒香港人口味豬扒熱辣辣夠大塊 特別炸粉粉皮夠薄 抵讚至於朋友仔個牛肉麪 湯底每日鮮製濃汁夠晒香濃食台灣菜又點小得叫炸物小食花枝丸一客6粒夠大碟不過味道係屬甜甜地既花枝丸我覺得味粉落多D會再正D不過有驚喜係紫薯薯餅咬入口啖啖紫薯蓉 口感十足 甜度剛好非常天然至於餃子同椒鹽排骨味道不過不失兩者配牛肉麫食都幾正飲品我當然要水果茶 入口百香果味較重無酸味至於朋友仔杯朱古力豆漿就好特別入口微微似朱古力豆奶 豆味相對朱古力味較重成餐食到勁飽都係約$100/人 勁抵

好日都唔去天水圍，有個商場係頌富叫天town，今次係肥仔帶我去食台灣野。餐廳裝潢有D文青FEEL，有樹係出面。二人套餐，$228每碗配料一款牛腩台灣麵牛腩好淋，仲有4-5舊,都幾大份幾入味!香酥雞扒台灣麵炸得幾香口，不過D肉可以再鬆化Ｄ就好。花枝小丸子新鮮炸，皮脆，椒鹽味重黃金煎餃子餃子煎得金黃色，又不會太熱氣墨魚腸與高麗菜配搭特別，墨魚腸黑媽媽, 墨魚腸味道都幾出，菜幾多，唔太油。朱古力豆漿好似幾特別叫黎飲下，唔伏既，不過唔係太特別。草莓玫瑰鐵觀音茶 $34原本想叫珍珠奶茶,但原來冇!有點失望!原來係支裝上，玫瑰味重，而且有玫瑰花粒，加上椰果肉和荔枝肉！推介！古早牛肉小食拼盤$56牛腩和牛筋煮得柔軟，味道亦十分重，超級多，飽到傻左！！推介！楊枝金露好大碗，入面好多果肉，唔酸，幾好食WOR又!兩個人食左$300左右… 飽到傻左。

一家人黎到T Town行下街食下野，呢度真係多左好多新食店，大部分都好闊落，連bb車都入到。是晚來到食台灣野，除左室內，仲有商場位，打造到好似花園咁，環境唔錯喎。紅燒牛肉麵（$63）要紅燒牛肉湯底，牛展炆得軟腍幾好味喎。紅燒牛腩麵（$63）自己點了牛腩，同樣係紅燒牛肉湯底配台灣麵，牛腩略微太多筋，好痴牙，但很入味都ok的，湯底太甜不合口味，可能試試蕃茄會好一點？三拼牛肉麵（$75）又係紅燒牛肉湯底，哈，三拼有牛肉牛筋牛腩，全部都係牛，超大碗呀，麵也不少，一碗超勁飽。鹽酥花枝小丸子（$24）＆紫心脆薯餅（$20）食台灣野點都要食下小食嘅，花枝丸很彈牙，好大粒，一碟有六粒幾抵食。紫薯餅一客四件，嘩，全部都係紫薯蓉，好飽肚呀～麻辣紅油水餃（$28）相比起來餃子就有點貴了，不過個麻辣油幾香乜正嘅。朱古力咖啡（$30）好甜的朱古力，啡味不足。朱古力豆漿（$30）朱古力同豆漿味都不突出，略淡。桂花烏龍茶（$28）穩陣之選，桂花好香，茶味也不錯。味道一般，勝在份量大，價錢又不貴，但店內衛生情況有待改進，枱，餐具，餐牌等等全部痴立立。

商場自改名天town後很少過來，發現食店的裝潢挺有心思，尤其是8090好時光，讓我想起當年的仙桃園，有一個露天花園似的位置，不約而同地亦是台灣料理，價位跟連鎖台灣麵差不多，可以一試。內裡的佈置亦很有心思，有台灣cafe的感覺，唯獨衛生一般，枱面和食具都「痴笠笠」，扣分。晚飯時間有二人至四人套餐，實惠且豐富。散點加錢亦可換購特飲，所以要不要點套餐我自己覺很沒差多少。老公例牌點紅燒牛肉麵，上桌視覺上很不錯，比茶木更精緻（但餐盤依然痴笠笠...）份量極大，男人亦覺得飽，值得一讚。牛肉煮得火侯十足，入口即溶，極之入味。湯頭用了不少羅漢果餚製，我覺得是稍甜了一點，不過牛肉和蘿蔔等就正因為這樣覺得特別好吃（笑）面對彈牙，口感不錯，和牛肉一樣份量超多！正宗不正宗我不敢說，只可以說是對胃，價錢OK，值得一試。異曲同工的有這個火鍋牛肉麵，火爐仔熱住上，熱辣辣的，貴$20元左右，分量更大，推介給大胃王！牛腱、牛筋加肥牛，麵條另上，湯底可以選擇紅燒，麻辣或蕃茄，因為老公和老爸都決定要紅燒所以試不到另外兩款的水準，同樣地，紅燒偏甜，那就看看個人喜好了。童叟無欺，超級多！火鍋內有數片肥牛和蔬菜，湯頭和麵條一樣是

黎食台灣麵，好自由地有一人餐，二人餐，三人餐同四人餐，唔想食太多，一人叫一個一人餐算了，一碗麵加一杯野飲68蚊，幾平吖。叫左紅燒牛腩麵，要紅燒牛肉麵湯底，台灣麵，跟餐加6蚊有特飲。牛腩麵好大碗，湯頭好甜，十分甜，甜到飲糖水咁，牛腩有好多舊，算係幾淋下，麵軟軟地幾好咬，一碗超勁飽。飲野雖然話台式但居然無珍珠奶茶，點解呢？退求其次要左杯凍鮮奶咖啡，味道略淡，可接受。餐廳地方勁大，多客都唔使等位，一張大枱撘幾個互口都唔覺迫，幾好hea。

商場開左唔少新式既餐廳，今次試台灣菜。餐廳分室外內環境，室外靠商場頂透明玻璃既光線，光線充足，室內簡單擺設，整體格調十分文青feel一人套餐有主菜+飲品較化算，但一早就已經無曬吉列豬扒。唯有叫花枝丸湯麵，因為等左幾耐，本以為係炸花枝，原來只係灼熱，同平時bbq既墨魚丸無分別，無甚特別。椒鹽排骨肉燥飯，有一小碟小菜，排骨既骨大大舊，微微既椒鹽味，不算太熱氣，味道還可以，但肉燥飯卻唔夠熱而且肉燥既味道不夠味，與正式既肉燥飯相比實在差得遠，好失望牛肉麵既湯底還可以，甜甜地唔會太油，牛𦟌肉質感完全唔夠腍，上海麵質，味道好一般。最後悔叫左杯朱古力咖啡，朱古力及咖啡味極淡，又唔夠熱，係咁飲返杯正常既檬水都無咁嬲呀，仲要+$6先有既特飲整體環境不錯，但味道就差得遠，無下次！

風球剛剛落下，只有少數食店營業。今天試下報紙介紹的一間台式店子。這店裝修很有文青feel, 店外還有一棵假樹，蠻有趣的。而價格同菜木相約，估唔到天水圍的屋苑店也定下尖沙咀價位。一人麵餐：$68包麵食同飲品。紅燒牛肉麵$68牛肉是牛𦟌肉，有幾件，但味道方面很淡，只有牛肉的原味，淡淡的；肉質方面偏硬，炆得唔夠稔，要花點勁才咬下去。湯底方面則不錯，甜甜地唔油膩，而麵的囗感則像上海麵，不會很稔但又唔夠QQ. 牛肉麵$68+5（蕃茄湯）牛肉同剛才的那一碗是一樣的無乜味，而湯底則多左幾片蕃茄，甜味中帶少少番茄的酸。分別同原味也不太大。台式奶茶無論冷或熱都非常唔掂，無茶味也無奶香，仲有少少澀口。用平過佢好多的價錢在元朗有好食又好飲過佢好多的士林，用差不多的價錢，無論茶木定鐵牛的質量也更出色，應該無下次。

上星期同一班同學聚舊，一齊食餐飯，見佢個環境唔錯，諗住去試下啦。可能是平日的關係，等左一陣就有位。入到去，我同啲同學分別叫左雞扒肉燥飯同麻辣餃子麵，個賣相都還可以，但是味道真係非常唔掂，我自問係一個唔揀飲擇食既人，正正常常我都已經覺得好好食，但尼間真係唔會再幫襯。首先講左個餃子麵先，個湯底少到嘔，得個兩啖，完全蓋唔過啲麵，失去湯麵既精髓。個麻辣湯底得個香字，完全唔辣，不過我個人唔係太食得辣，尼個可以接受。到個雞扒肉燥飯，完全係乾同無味。個雞扒係乾到可以拉絲，炸粉多過雞肉，個肉燥係完全無味。。。相比起個價錢黎講相當唔值。當然，好唔好食都係見人見智，可能我個日味覺失調😢。但係無法接受既人啲侍應竟然係個floor到食野，跟住再去serve人。。。基於衛生問題，真係非常唔能夠接受，如果你係肚餓或者口痕，可以入一入廚房食少少再出黎或者企埋一邊食埋先，而唔係一路食一路serve人。。。講咁耐，尼間野係唯一個環境設計靚啲稱得欣賞。

呢間餐廳在T TOWN不算太熱門，雖然價錢略貴，但勝在不用等位+座位好闊落，對於有BB的家庭是一間好的選擇。門口貼住下午茶餐牌，不過沒留意到原來星期六日是沒有下午茶餐，算了，既來之則安之，照叫野吃了，叫左招牌麵--紅燒牛肉麵，吉列豬扒麵，雞扒肉燥飯。紅燒牛肉麵味道一流，雖然有很深的醬油色，但不會過濃或過鹹，湯底清甜之中帶微辣，麵條吃落十分彈口，牛肉都厚厚肉，又炆得入味，整碗麵散發出陣陣牛肉香。真係一個字：正吉列豬扒麵麵+湯底同上，豬扒普通，味道一般，份量都幾多雞扒肉燥飯雞扒炸得非常酥脆香，同它餐牌形容的一樣，外酥內軟，雞肉唔鞋，非常正肉燥唔算太肥膩及入味，味道較淡，白飯略硬，中間還有三小碟：青瓜、豆芽和辣椒醬，餸送飯更為豐富

見佢新開一心入黎試下啦，叫左個切斷了椒鹽排骨肉燥飯，等左好耐終於有野食😜一上到枱果然"切斷了"😂😂😂個肉燥飯都大，個賣相都吾錯，但食落無乜味，都吾似肉燥飯，好似平時自己屋企煮啲碎肉粒咁，而個排骨都算入味，但有少少鹹。可一不可再😕