89

营业中

休息中

放咗工一個人 都冇乜特別食肉， 所以咪西九龍中心行下先啦，行下行下 又開始有啲肚餓啦 ，順便就上咗去美食廣場睇睇，行咗一圈有個名好騎呢叫89，未行去睇下有咩食，點豬頸肉米線跟住，睇個場都冇位坐咁轉外賣， 湯底同平時食開3x差唔多，豬頸肉炸得好金黃又脆口。

行西九龍中心行有啲餓餓，跟住就想去搵嘢食，但唔知食乜嘢，就上咗去8樓闊確搵嘢食。繞場行左一周，見到有間鋪頭叫做89覺得都幾得意就試吓食。見到餐牌價錢唔貴又有套餐，套餐包嘢飲都係＄29，如果叫飯套餐就＄32，呢個價錢依家出去出邊邊度有得食？因為枱都坐滿人，唯有叫咗一個外賣帶返屋企食我叫咗豬頸肉米線套餐，打開見豬頸肉外脆內軟食落口好香口，米線又唔會好淋，啱啱好好，啱我嘅口味下次來西九龍我一定會再幫襯值得推介

係西九返咗工一段日子係第一次試89，叫咗口水雞配米線，想講既係，口水雞雖沒有各大川菜館重麻辣味，但味道好食，質地尚算新鮮，雞下面有青瓜添！可謂誠意十足！另外，米線也令我好意外！竟然有點像譚x 米線清湯！加上酸菜芽菜等等，份量仲好足夠，真係十分滿足！今次我唔想食飯所以嗌咗米線，如果想飽肚可以叫是水雞飯，好似都係32蚊連罐裝飲品！Ps 寫單男人(老闆?)態度好，某連鎖米線d 呀姐一定比唔上一定會繼續支持小店

8月31日係我生日，細妹請我食晚餐，我建議去西九龍food court, 貪佢選擇多！行咗兩個圈，超過四十間舖，眼花撩亂，最後鍾情呢間～鮮蝦水餃米線，盛惠$25。我霸位，細妹幫我買、幫我攞，拎嚟嘅時候，第一個感覺係～滿滿的！好大碗！鮮蝦水餃有四隻，係木耳鮮蝦餡，隻隻脹卜卜，絕不欺場！米線份量好多，軟硬適中有彈性！湯面有好多芽菜同少量炸菜，我好喜歡芽菜，並分咗啲俾細妹。由於我本身食得比較濃味，所以我覺得啲湯鹹啲好啲，我撈咗少少細妹個三餸餸汁，最後全碗清哂！好味！好飽！好滿足！誠意小店～值得推介！多謝細妹請我食生日餐！唯一最唔滿意嘅係環境同座位，勁多人、勁逼、啲櫈又斜，我著西褲屁股成日跣落嚟，坐得好辛苦！P.S.：飲品喺另一間叫《萬里》嘅買～茉莉鮮奶茶加紅豆(少糖)。

西九龍中心八樓的 food court 美食雲集，不同口味的食客必能在此尋到自己所好。我雖嚐過此 food court 不同的攤位，可對 89 這家食店情有獨鍾。四年多前走進此 food.court，看見眼前琳琅滿目的美食鋪頭確實讓我為難，不知要吃哪一家好?突然眼角被一位爺爺桌上的一碟雞肉的賣相吸引，因此厚著臉皮問爺爺他在吃什麼?爺爺説他吃的是口水雞米線，然後還指了 89 店鋪。就是那麼姻緣巧合讓我吃到令我至今變成衷心食客。89 店鋪賣的口水雞不像外面四川口水雞那般重口味，也不會讓人吃了會"傷心到流眼淚"的那種。我喜歡辣，但絕對不可以死辣，讓舌頭受罪。雞肉上面鋪滿一層老闆做的辣醬，酸甜酸甜的很是開胃。旁邊還有炒過的花生，底部還有黃瓜，十分清爽！米線可以應個人口味選辣還是不辣的，我因為覺得既然口水雞已經是辣的，所以我都會配不辣的米線來中和。那碗米線可一點也不馬虎，老闆在米線里還加了很多豆芽和酸菜。一口米線吃在嘴裡"卡，卡"作響，很是過癮。曾經有一排店鋪沒有開，我極之失望，以為老闆不做生意了！後來才知道原來老闆身體不適，加上祇有他一個人落手落腳，所以休息了一陣子。雖然 89 店鋪依然做生意

雞翼一向係賣飛佛,見到即卡決定今日既午餐係幫襯佢係媽咪住得好味定89出色啲呢?我叫左個a餐,瑞士雞翼撈面,配罐裝cream soda $32,價錢算合理。比左錢,佢叫我搵住位先,等5分鐘。我坐左係鋪頭隔離果張枱,叫到老闆煮野真係好認真,我個撈面佢都過左唔知二次定三次冷河,值得一讚佢煮食既認真成個過程我目測都有起碼8-10個客幫襯,未有得食都feel到應該冇揀錯,呵呵食得,我咬左一下雞翼,正一啲都唔會覺得有雪味,而且肉質好滑,瑞士汁個味都校得好好,唔太咸,正到個撈面喇,真係爽,老闆做既功夫真係做足,啲面爽,唔會一patpat再加佢跟埋既湯落撈面度,真係唔錯,個湯雖然清,但我就係覺得清清地,落啲係撈面度唔會乾真真

西九龍中心個foodcourt真係隱藏唔少美食。第一次試呢間野， 點左瑞士雞亦撈粗麵， 飲埋野加油菜只係34元。 份量都ok有4隻飽滿雞亦。我平日好少食撈麵因為驚太咸同有皂水味， 但呢間野完全無呢啲問題， 不太咸， 味道剛好， 麵又彈牙。 雞亦都做得唔錯， 如果入面入味好好就更好啦！見到人哋食水餃撈麵， 啲水餃超大粒又皮薄， 下次要試下。

之前都有食過呢間啲瑞士雞翼米線，都幾好食架，所以今次就試埋個口水雞米線啦！因為落單嘅時候我冇講到個米線要走辣，所以食個米線嘅時候都覺得好辣下，但係好好食，份量足個口水雞反而唔係咁辣，雞肉好滑，加上有啲花生同青瓜，唔洗淨係食雞。

今日天氣麻麻，心情麻麻，Lunch去到西九龍中心美食廣場揾食，就去89叫咗個麻辣口水雞飯。老闆話喺度做咗好多年嘞，一至九樓都識佢喎！我等緊嘅時候，又真係勁多人叫佢嘅，相信原因得2个，一係佢d野食勁掂，二係佢把口勁掂。我只係個食客，都講咁多野，好攪笑！ 同事叫咗個瑞士汁雞翼撈粗，正！下次我要試吓先！ e個就係麻辣口水雞嘞,好多汁,d雞好嫩, 加埋芝麻同花生,我食完之後出身汗,心情都爽晒!

o係上一篇石之烏冬o既食評內提過,尋日(14-3-2014 Fri)男友突然話想出街食晚飯o既事,而呢間係其中一間佢買o野食o既一間,佢o係o度用$32.00買o左個瑞士雞翼撈粗麵餐,已包一個油菜,例湯同飲品,相對起石之烏冬抵好多.但男友放低烏冬後去攞,而等好耐至返o黎,我o地食得喇.為o左男友可以唔使移盤交換o野食,佢同我都先飲晒個湯,就可以裝烏冬食.湯係蘿蔔湯,我飲一啖,冷不防被佢燙親,呢個味道清清地,但我就只係飲o左呢一啖.然後食其他o野喇,瑞士雞翼同撈麵都幾深色,瑞士汁味道濃同甜甜地,又唔油膩幾好食 ;而薄薄o既粗麵呢?同樣夠味之餘口感有啲彈牙,亦唔錯. 至於生菜,估唔到係最差,因為我食到有苦味,但成個撈麵都唔錯.環境分唔計入呢間店,味道係3.38分,抵食係2.5分.

近來知道8樓美食廣場有大革新, 舊鋪留得住嘅都是實力之選, 新加盟嘅亦種類繁多其實革新的得益者都是我們的口與胃(銀包除外)店名叫89, 估計因為店鋪是位於8樓9號舖, 不知道此鋪與一鋪之隔的澳葡是否兄弟鋪, 因為時常見到89的老細走到澳葡, 並且凍肉兩份用 如果老細有煮西菜經驗, 咁喺此店order中西fusion, 應該都ok吧!南乳雞球芝士撈丁 $28 另加$3有罐裝汽水 ... 食一丁麵怎可以剩低可口可樂 所有食物即叫即製, 要等6分鐘才有得吃芝士撈丁... 一丁麵條幼了 不過老細煮得時間剛好, 有預時間預硬度俾一丁受芝士汁的熱力, 所以吃到尾也不會軟爛掉 芝士汁並非純「卡夫feel」, 有乳味亦有鹹味, 芝士汁又香又滑, 看似稀汁但口感濃凋, 並且發覺原來白烚椰菜與芝士是啱feel的南乳雞球的雞球有鬆肉粉過, 老細把它們炸得肉嫩帶汁, 味道鹹香；南乳沙律醬味道新穎, 帶酒香、甜味、南乳味 及 蛋黄醬的乳味, 中西fusion大發現稀釋忌廉湯, 稀得來有鹹味......至少~芝士迷的至愛