add@Prince (裝修中)

食物超一般，生蠔每次都係人等蠔🙄龍虾仔有酸味，唔知加左咩去煮🤔沙律菜，唔新鮮之餘，滿口菜時有人會問你係咪馬可孛羅會員，需唔需要做返個會藉🤨甜嘅冬蔭功你飲過未🤣肉眼扒見咁靚就想食返件喇，点知佢由後面最老嗰邊切起，又干又硬😑唯一要讚就係薄荷朱古力雪糕😋但食到一口雪糕又有人問你係咪馬可孛羅會員，需唔需要做返個會籍，真係比佢吹Q脹🤨加$108任飲白酒，每次飲完都冇侍應主動加酒，要我哋主動叫先加，總共叫左4次，仲要一枱都係食完嘅碟都係冇人收，全個Buffet檔我只見4個人做野，樓面人亦唔多，完全冇服務可言👎👎

香港很多朋友都喜歡吃生蠔，如果Buffet可以任食，就更是「回本」首選！現在機會來了，尖沙咀太子酒店的add@Prince現在正做「蠔」主題，不但紐西蘭、澳洲、南非三款生蠔任食，更有好多熟蠔選擇。 在暑假的當兒，大家除可下載七折Coupon，餐廳還推出三送一優惠，即三位付費成人，就可以Free一位小童，兩項優惠可同時使用，這還不是一家大細出動「豪/蠔食」的好機會？ 一、蠔主題紐西蘭、澳洲、南非生蠔 既然大家都是衝著生蠔而來，沒有不先介紹的道理吧。平時我不太愛吃生蠔，今晚都破例了一下，三款生蠔分別來自紐西蘭、澳洲、南非，三款之中我最愛南非的，較黃色的外殻，蠔肉豐滿，吃起來最甜，新鮮好吃。忌廉芝士焗蠔＋芝士煙肉焗蠔蠔慕絲黃金炸蠔泰式鮮蠔奄列香蒜蔥花腰果炒蠔蠔豉菜心炒飯鮮蠔海鮮意粉 蠔豉花生炆豬手熟蠔就讓大廚有更多發揮了，西式的、中式的、泰式的都有，兩款焗蠔都讓大家豎起了拇指，蠔味十足，尤其加了芝士煙肉更是絕配；我向來喜歡吃蠔豉，所以今晚破例要吃碗飯了，炒飯粒粒分明，蠔豉鮮香。二、凍海鮮及魚生龍蝦小龍蝦長蟹腳各式魚生凍海鮮都是我的最愛，大大隻龍蝦任吃，真開心！長蟹腳啖啖肉夠鮮甜，我也

4月份既時候黎食過一次，覺得價錢合理，野食都算OK，所以昨天帶生日既朋友來再食一次，但今次有點失望，生蠔細隻左，這點不介意，因為這季節係會細隻一點，但每次出生蠔數量都好小，我排了4次隊才攞到3隻蠔。食物refill 得慢，尢其比較貴價食物，例如長腳蟹、龍蝦.......，餐廳侍應比較少，連食物counter內，都常發現沒有廚師在內，食客都需要企喺counter 等廚師回來或自己找人幫手。總括來說，今次比上次的感覺差很多。原本上次來的時候有考慮Join 會員，但經過昨晚就不必了。

呢間我成日嚟，主要係因為我閨蜜係member，六五折之後lunch buffet每位二百蚊有找，有海鮮、刺身、movenpick雪糕任食，抵到 爛啦！佢嘢食種類都算多，而且refill嘅速度都算係咁, 我通常嚟到，都係主打食海鮮和雪糕，唔講咁多啦，睇相吧！佢地海鮮種類通常離不開：面包蟹、長腳蟹、青口、螺、蝦、龍蝦仔，好間唔中有龍蝦。近呢兩次食，龍蝦都係熟食度出現。海鮮都算新鮮，食得放心。熟食方面有中菜、西菜、印度、泰式、熱湯、粥粉麵飯等等，每次的菜式都唔同，我自己就少食熟食，不過覺得佢地印度同中湯都好正。今次有燒鵝瀨，味道唔錯，好多鵝，仲有鵝肶！甜品種類極多，每件細細件，生果種類都多，不過甜品我只吃雪糕，movenpick每次都有6-7種口味揀，食晒咁多隻味都飽晒抵晒啦！

今日同老公放左日假，喺迪士尼玩左一日， 本身想喺迪士尼酒店食自助餐點知最後book唔到。因為突然之間好想食生蠔所以我哋喺OpenRice係咁搵睇吓邊間有得食自助餐生蠔，最後搵到太子酒店入面呢間餐廳，佢呢一期嘅主題係生蠔同埋新鮮即切油甘魚。可能因為真係太想食生蠔啦我哋食完又食，好新鮮，龍蝦就比較鞋口，佢今晚重主打油甘魚，即切一條油甘魚，第一輪好多人排隊，我哋都日日拎住一份，真係好好味，諗住出去睇吓仲有冇點知仲未派晒我哋即刻一人又拎多份。食自助餐我哋依家都以精為主，因為實在唔能夠每樣都食，主題啱就去食。呢間性價比好高大家都不妨一試

當風風雨雨身邊湧起望可以靠近你, 下雨晚上, 在add@Prince吃鴨肝風味自助晚餐, 就算風雨有多大, 也不打緊. 現在的自助餐, 總也有個主題, 鴨肝做主打, 矜貴, 當然, 也要量力而為. 不過, 看著那酥皮鴨肝批, 就已經投降了. 香酥中帶甘香, 層次分明鴨肝肉醬當然不能淨吃, 這晚, 可以配多士或者麵包, 效果一樣動人. 鴨肝牛肋條, 兩者好像有點風馬牛不相及, 但出來的成品, 又挺有化學作用. 鴨肝鴨肉炒飯, 鴨肝加上鴨肉, 帶來兩個不同的層次.露荀鴨肝炒斑塊, 露荀配鴨肝, 這個組合, 是邪惡中帶點健康. 至於香煎鴨肝配橙醬多士, 鴨肝外脆內軟熟, 相當肥美, 跟橙醬多士吃, 酸酸甜甜的, 一樣匹配.除了鴨肝, 這晚的其他陣容亦相當吸引. 愛吃辣的, 有一系列泰菜, 如泰式肉碎配泰式米通, 泰式鳳爪沙律, 泰式海鮮粉絲沙律, 泰式炒金邊粉, 菠蘿炒飯, 泰式燒魚, 以及泰式青咖哩雞等等, 我愛吃粉絲, 自然投泰式海鮮粉絲沙律一票, 清爽中帶點辣勁, 越吃, 越刺激.不過, 泰菜部份的重心還是泰式冬蔭功湯, 不是一味的死辣, 層次豐富, 越喝, 越令人想起泰國喝到的味道.

6月1日試了這個榴槤主題的下午茶自助餐，為了榴槤而來，卻帶點失望而走。甜品方面聲稱以榴槤入饌，但其實大多只是在各式甜品上唧上有榴槤香氣和味道的cream，基本上一絲榴連果肉也找不到。做法取巧之餘，那個turquoise顏色的榴槤cream也著實恐怖。自助餐其他食物都是一般的沙律、三文治，冷盤有蝦、青口、翡翠螺、小龍蝦、三文魚刺身等等，都是大路貨式，算做好了本份。熟食有漢堡扒、咖哩雞翼、德國腸、中式蒸點心、粥粉麵之類，但竟然也有一大鍋豬腩肉，這個炆得入味，脂肪入口即溶、不錯。服務方面，侍應生清理枱面頗有效率、食物也refill得快。喜歡榴槤的朋友還是不要來嘗試了。幸好openrice有七折優惠，否則$268+10%絕對不值。

整個星期也下著雨, 是晚就冒雨來到熟悉的地方, 太子酒店, 一家人在add@Prince吃鴨肝風味自助晚餐. 折扣後每位只需$422, 實在是相當合理的價位. 匆匆趕來, 先找點喝的, 任飲橙汁, 蘋果汁, 以及西柚汁, 解辣一流.頭盤: 8分, 由頭盤開始吃起. 鴨肝菜式有兩款, 鴨肝肉醬配多士或麵包吃, 味道濃郁. 而酥皮鴨肝批層次感, 酥皮連鴨肝同吃, 挺有口感.而泰菜是這裡的另一主打, 頭盤就有泰式肉碎配泰式米通, 泰式鳳爪沙律, 以及泰式海鮮粉絲沙律等等. 辣辣的泰式肉碎, 跟泰式米通同吃, 相當刺激.其他頭盤也有不少選項, 有各式沙律, 薯仔沙律, 華都夫沙律, 紅菜頭車厘茄沙律, 煙雞胸, 煙火雞, 煙三文魚等等, 當然, 我一定要多吃沙律, 健康一下. 凍肉的選擇就包括有coppa火腿, 義式肉腸, 巴馬火腿, 沙樂美腸, 加上幾款芝士, Cheddar, Camembert, Mozzarella以及Edam等等. 除此之外, 還有壽司及幾款刺身, 包括希靈魚, 甜蝦, 仿鮑片, 吞拿魚, 跟三文魚, 以及稻庭烏冬, 綠茶麵, 蕎麥麵, 日式選擇是很豐富的.海鮮: 8

突然收到朋友來電相約星期六：「尖沙嘴區、消費要平、食物種類要多、唔做大嘥鬼.....」要求多多，在毫無頭緒下打開Open Rice，剛巧見到做緊優惠嘅 add@prince, 一次過可以滿足晒朋友嘅要求，二話不說即時網上預訂好方便。 這𥚃食物種類多，不單有各式甜品雪糕可選擇，還有我喜愛的凍蝦、羊扒、壽司、果汁....沒想到下午茶時段嘅自助餐絕不遜色於午餐時段，這裏環境舒適整潔，價錢優惠，是和朋友相聚的好去處。值得一讚是這裏的員工好Nice，夠鐘不客，我和朋友都好盡興。

首先一讃餐廳服務員很有禮，甚至比一些灣仔區的洒店更好。更有耐性。凍食有蟹腳，龍蝦仔，翡翠螺，青口，蝦等。熱食很多選擇。甜品區雪糕movenpick , 也有appollo.用online 訂位有7折。二百幾元一位，尖沙咀區算是不錯👍🏻的選擇。

預訂22位自助餐但臨時來客24位,餐廳經理快速安排座位.因為人太多太熱鬧,隔離枱有客人受不了,餐廳經理對他們抱歉並馬上安排另外座位給他們,對兩方客人都處理得很快很妥當.其他waiters/waitress 服務態度也很好,不厭其煩收拾杯盤.結尾時我們找個角落合照,因人太多要搬開枱椅,完成拍照後本想幫忙移回,但待應很客氣地表示會自行移回,他們還非常好地幫忙影全體照. 對他們造成的多餘工作真不好意思.自助餐食物種類很豐富,遺憾生蠔尺寸有點小.但經open rice訂位有66折,價格來說是超值的.

話說琴晚同男朋友適逢2週年紀念日，上網搵下有咩抵食自助餐，咁啱見到呢間訂座有7折，openrice即訂唔使煩，電話都唔使打😅我哋訂座7點，基本野都齊（我地要求好簡單）有沙律，羊架，生蠔，龍蝦，長腳蟹，甜品就夠😍生蠔有驚喜，雖然細細隻，有小海水味+蠔味，夠爽甜，啱我食長腳蟹唔會一浸雪味，ok幾好🖒特別位係有啲泰菜，試咗冬陰功湯夠酸夠味唔太辣，正！我其實好鍾意食羊架，呢間整得啱啱好，唔會太熟太靭，仲有少少脂肪，配埋薄荷醬，perfect😍😍😍其實仲有燒牛肉（不過我冇試）雪糕係movenpick，有好多款揀，藍梅芝士餅味我至愛😍仲可以配埋waffle食，完美結束兩小口子其實唔算大食，埋單7折先8百幾唔算貴，晚餐自助餐有蠔有龍蝦夠曬抵😜

今次不是第一次黎呢度食自助午餐,以三百蚊黎講確實超值,有長腳蟹,燒半鞍,Movenpick雪糕 ,魚生等已值回票數, 但我今日不是講食物,係呢度的員工有HEART,婆婆七十大壽, 已準備了生日蛋糕慶祝,但佢提前一天突然話好耐冇食豬腳薑, 一時間唔知點算,唯有問下酒店點辦. 我亦不存有厚望,靜待餐廳員工回覆,給我的驚喜是他們竟做得到,聽說是姊妹酒店有滿月宴,可從該處取來.真是太感動了,當日婆婆食得好開心,食到見牙唔見眼.真係多謝酒店安排

經過冬天，肚腩上的肥肉多左一圈，但今日好姐妹約我去太子酒店食自助餐， 由於佢係會員，有65折優惠，折完一位都係400幾蚊，真係CP 值好高。講下食物先，海鮮種類都算多，長腳蟹， 龍蝦，生蠔都有。生蠔來自愛爾蘭，偏瘦，但都勝在夠鮮味，而且都好creamy. 龍蝦同長腳蟹都ok, 新鮮！呢到應該係我食過既自助餐入門最多東南亞野食，有泰式酸酸辣辣既鳳爪沙律，冬䕃公湯，仲有印度既咖哩等等，如果中意食東南亞風味嘢食就會好中意！沙律甜品種類都叫豐富，特別中意麵包布丁，好好味，但係有整的有點甜🤤🤤🤤，如果冇咁甜就好啦就係咁，我唔覺唔覺食得太多，原本既減肥計畫就要推遲啦~~~~

自從新年後，就一直想約好耐冇見既中學同學一齊食飯，見到太子酒店ADD自助餐做promotion,就決定試下，估吾到呢間自助餐令我地好驚喜。首先，呢到既員工好友善，服務態度好好，我地早左十分鐘到，都已經幫我地安排好位置，店內環境舒適，當晚客人雖較多 但都坐得舒服。自助餐款式好多，對於鐘意食海鮮既我，主攻當然是生蠔，長腳蟹，龍蝦， 生蠔食落新鮮海水味適中，不太咸，長腳蟹蟹肉飽滿，龍蝦有膏之餘彈牙。除了以上海鮮外，還有小龍蝦，青口，凍蝦，味道ok。當晚仲有即場現切既油甘魚刺身，同樣令人驚喜！肉質鮮甜美味。其他一般既三文魚，希靈魚同魷魚都值得一試。同行既朋友就試左啲沙律，種類吾多但勝在食材新鮮，而且有多種吾同醬料選擇，但我就對沙律冇咩興趣，就冇試啦。在熱盤方面，羊架真係令我一食再食 烤得好香之餘一啲都吾老吾韌， 另外冬蔭功湯少少酸辣既味道，十分開胃。令我印象深刻既系呢到居多有印度菜式， 咖哩用左多種香料去整，好好味，但我只系食左少少，因為已經好飽啦，仲要留返個肚食甜品。值得一讚既系藍莓芝士蛋糕， 不會太甜，食完一啲都吾滯，必試。食埋movenpick雪糕配窩夫，香甜既蛋餅配上凍冰冰既雪糕，為今