AGE Cuisine Express

营业中

休息中

今日去咗鰂魚湧東達中心11樓搵食，這間餐廳內部空間寬敞，座位之間相隔適中，給予顧客足夠的私人空間，裝修清雅舒適，整體氛圍溫馨而不失格調。🔹 流槳芝士牛肉、火腿漢堡伴法炸薯條漢堡包能做到外脆內軟，裡面夾著厚厚的免治牛肉，咬落去每一啖都有牛肉嘅油香，裡面夾住厚厚的車打芝士醬，但整體口感仍然非常清新因為裡面夾著蕃茄、生菜和火腿。而法式薯條嘅外皮炸到金黃酥脆，但裡面仍柔軟可口。🔹德國咸酥豬手伴普旺斯式酸菜咸豬手焗到外皮夠曬酥脆，咸香適中，但仍可保持到裡面肉質嘅嫩滑。酸菜方面就有蕃茄仔、洋蔥仔和紅蘿蔔、酸爽脆嫩，既能解膩又開胃。🔹 三色芝士焗墨西哥脆片墨西哥脆片的香脆和輕盈夾著濃郁和綿密嘅芝士，這種從脆到軟的口感變化令到這道菜更加引人入勝。

再訪位於太古既AGE Cuisine Express ，之前同男朋友係呢間餐廳食過晚餐👫🏻覺得食物質素同服務都唔錯，而且環境幾舒服👍🏻於是今次再黎試吓其他款式嘅食物😆🍴三式芝士焗墨西哥脆片($92)脆片份量幾多，鋪上滿滿既芝士🧀蕃茄🍅墨西哥辣椒，辣辣地，幾惹味~🍴北京烤鴨薄餅($186)Pizza係12吋，餅皮係薄批，脆卜卜，夠乾身👍🏻配料豐富，有京式甜醬，鴨肉、水牛芝士、大蒜🧄意大利青瓜、蕃茄乾同洋蔥🧅味道甜甜地，有鴨肉香，食落唔會漏，唔錯👅🍴法國膏蟹肉扁意粉配蟹膏忌廉汁($168)意粉煮得幾煙韌👌🏻醬汁比較重忌廉味，帶少許蟹膏鮮味👄口感creamy，唔錯~

餐廳位於鰂魚涌工廠大廈內，喺太古地鐵站旁邊，環境闊落，座位舒適，主打多款特色西式料理，豬牛雞羊、意粉飯、薄餅、前菜、小食、甜點，樣樣有齊，價格合理，適合聚餐。前菜有煙三文魚牛油果醬蘋果沙律伴腰果仁，醬汁已完美地融合落沙律入面，蘋果爽脆，牛油果醬creamy，煙三文魚大塊帶鹹香味，配上腰果仁同麵包糠可增添口感，整體味道幾fresh。主食有法式燒焗乳豬仔，出面比較少地方有，即叫即整需要等候一段時間，一上枱聞到香噴噴嘅燒烤香氣，外層燒至脆身，皮夠薄，帶層脂肪，肉質嫩滑多汁，啖啖肉好過癮，值得一試。

鰂魚涌海光街成條街都係食肆 我今次食飯行遠啲 去英皇道呢間營業多年嘅樓上西餐廳 除咗主打dry age牛扒 其他main dishes一樣高水準 每晚仲有晚市優惠添😘-🥣番茄濃湯 (跟餐)日日唔同口味 今日係番茄🍅忌廉濃湯 天然酸味好醒神-🍝海膽香煎帶子海鮮汁意大利粉半香蔥蛋醬香煎刺身級帶子充滿牛油香 亮點反而係香蔥蛋醬🥚 呢個組合我第一次聽亦係第一次試 味道似流質蛋沙律醬加蔥香 creamy而有青草🌱幽香 意粉吸收海膽豐腴膏香 入口滑溜 食完一碟都幾飽下😉-🐟香煎魚柳伴魚子醬閨蜜想食得清淡所以叫魚柳 小店非常窩心 鱈魚扒用鐵鑊上保持熱度 魚肉有彈性外脆內軟 最邪惡嘅係嗰碗potato at gratin🥔 食咗第一啖 跟住停唔到口啊😱-🍰是日甜品(跟餐)朱古力布朗尼嘅可可🍫味濃 入口濕潤-📍 AGE Cuisine Express鰂魚涌英皇道1065號東達中心11樓1105室

【香港搵食🍴】AGE Cuisine Express聽講呢度係隱世西餐廳 同媽媽收工一齊嚟試吓入到去好光猛 座位亦夠晒闊落叫咗1個前菜 1 個Set dinner 同1個Risotto🦪費倫天拿式菠菜生蠔及薯皮薯皮炸到脆卜卜生蠔細細粒喺面 配埋一齊食有2種唔同口感Set dinner如下🥣南瓜忌廉湯足料 大量南瓜蓉🍝海膽香煎帶子海鮮汁意大利粉伴香蔥蛋醬海膽有幾嚿仔 帶子煎到金黃色 厚肉彈牙個香蔥蛋醬一定撈埋意粉一齊食 好夾意粉亦同時嗦晒海鮮汁 掛晒意粉上面 滑溜🍫朱古力Brownies 打卡able 📸貼心地切開細細粒 方便一口甜品 🤣濃郁嘅朱古力味 仲有側邊嘅綿花糖加埋士多啤梨同埋藍莓 作為結尾 very good🍋熱檸水單點🦑烤魷魚自家制墨魚汁意大利飯賣相好靚 超多魷魚 有條有筒 好爽口粒粒飯都沾滿墨魚汁 食落微辣一定要試 signature dish 🫶

鰂魚涌超高CP值$248嘆乾式熟成牛排‼️🔻燒美國Prime級牛扒 (8oz)💰198 + Dry Aged 💰50 🌟乾式熟成牛扒即係將切塊牛扒放在冷藏熟成室大概21-45日，令牛扒嫩得黎唔會有太多血水，牛肉風味更濃🥩牛扒好大塊，仲配上沙律薯條，超級飽肚，可以兩個人share😍🔻香煎帶子乾貝櫻花蝦XO醬寬蛋意粉 💰164 🌟呢道意粉令我幾驚喜😍帶子唔係剪到熟透，裡面仍十分嫩滑，係刺身級帶子😋寬蛋意粉十分筋道彈牙，而乾貝櫻花蝦XO醬味好特別，比想像中夾👍🏻🔻意式奶凍配芒果甘露 💰50意式奶凍非常嫩滑，奶香十足，如果多啲芒果醬更佳😋

朋友帶我去鰂魚涌東達中心一間隱世餐廳食飯，2個人靜靜地倾計談心真係好0k喎！😂✨🫂🍷兩個晚餐、已經包主菜、餐湯、飲品及甜品！扺食📷💫今日餐湯係薯仔椰菜花忌廉湯，夠哂香濃！個麵飽仍是熱辣辣！👍✨海膽.香煎帶子海鮮汁意大利粉伴香蔥蛋醬，帶子大大粒口感鮮美，醬汁好濃郁同厚身，令人回味！🥰✨香煎鰽魚魚柳伴海鮮濃汁伴雜配肥身薯條，魚柳非常厚身同肥美，啖啖肉!有新鮮番茄仔伴碟加添清新口感!🌈💫飲品方面，解為渴凍檸茶及滋潤熱檸蜜！✨我最💓當然就係個甜品！打卡開至正💓！有brownie 同tiramisu外 ，有綿花糖同生果砌到靚靚🌸!

喺平平無奇嘅工業大廈中有間隱世西餐廳 AGE Cuisine Express，入到去環境舒適，嘢食份量都好足！12寸蘑菇風乾火腿薄餅🍕 $168薄餅皮好脆，餡料豐富多樣，包括蕃茄醬、蒜片、水牛芝士、蘑菇、巴馬火腿、芝麻菜，可以味道層次豐富，鹹香同清新並重。上面鋪滿黑松露醬，食到停唔到口😋。 流漿芝士牛肉火腿漢堡伴法炸薯條🍔 $154呢個漢堡實在太豐富，薄餅同牛肉夾層上落滿滿流溶芝士，夾埋火腿、蕃茄同沙律菜，多種層次。💯咁厚實又濕潤嘅漢堡真係令人食完都唔會有負擔感。珍寶蟹脆蟹餅伴粟米莎莎🌽 $88炸到超級脆嘅外皮，裡面全都係肥美鮮甜嘅蟹肉，口感豐富。加埋粟米沙沙，味道格外清新爽口，好適合作開胃前菜！👍

🐧 來訪依間近太古城嘅隱世高質西餐廳❤️ 內裡裝橫簡約明亮，座位舒適夠空間感，好適合三五知己聚餐聊天😚 㨂咗兩客晚市套餐❤️ 內容包含餐湯餐包、主菜、甜品同埋餐飲，好豐富超級抵食😋 主食㨂咗一份燒美國Prime 級牛扒😍❤️ 牛扒厚切大件😘 食落肉汁滿溢，牛味濃厚，肉質鮮嫩軟腍，加埋燒汁食超惹味✅ 跟牛扒還附有大盆薯條😋 超級正❤️ 另選了一份香煎帶子、乾貝、櫻花蝦、XO 醬寬蛋意粉🥰 意粉煙韌有嚼感，彈牙又入味，食落每一啖都充滿XO 醬嘅辛香滋味，加埋鮮美無比嘅帶子、乾貝和櫻花蝦，滋味一流值得推薦❣️ 是日甜品係朱古力蛋糕三品，擺盤好精美用心🫶 好喜歡當中嘅朱古力布朗尼😆 食落醇香味甘，令人回味無窮

📍近太古站呢啲工廈餐廳試過幾好食，依家出埋dinner set試咗都幾唔錯。香煎鰽魚魚柳伴海鮮濃汁($172)魚皮煎得香脆，魚柳幾滑身又嫩，底下仲會有啲烤雜菜，食得出係用牛油焗過，仲有薯條唔驚唔夠飽。另外點嘅燒美國prime牛扒($198)，足足有8oz都幾大份，叫咗三成熟夠嫩又多肉汁，牛扒油脂較多，食落比較重油香味。叫咗煙三文魚牛油果醬蘋果沙律($92)share食，之前試過一次已經好鍾意，蘋果又甜又清爽再加埋大量沙律菜，撈勻面頭嘅牛油果醬同果仁碎食勁滋味，如果一個人夜晚做light food當一餐都夠哂。

位於鰂魚涌東達中心嘅❣︎AGE Cuisine Express❣︎係一間主打食意大利🇮🇹菜嘅西餐廳，設計簡約，環境舒服，仲設有多款到會式套餐，呢到仲可以包場攪活動添，好適合附近嘅公司/寫字樓開派對用🥳❣︎海膽，香煎帶子海鮮汁意大利粉伴香蔥蛋醬❣︎套餐價$212擺盤同隻餐碟都好靚😍帶子煎到有微微金黃色，鮮甜軟嫩，蛋黃醬滑順濃厚，配埋海膽同海鮮汁意粉一齊食，入口好creamy😋❣︎薯仔洋蔥忌廉湯❣︎餐湯口感非常幼滑，入面仲有啲洋蔥粒增加口感😋配埋一小舊麵包比你送湯，麵包微暖好香牛油味👍🏻❣︎ 香煎鰽魚魚柳 伴海鮮濃汁 伴雜菜及薯條❣︎套餐價$230鰽魚相當厚身😍魚肉相當嫩滑，海鮮濃汁非常濃稠，雜菜新鮮鮮嫩，薯條份量好多，即叫即炸，好香口。❣︎朱古力班尼蛋糕❣︎跟餐甜品甜品擺盤好似盤花噤靚😍用左士多啤梨🍓藍莓🫐棉花糖做點綴，跟埋朱古力班尼蛋糕同芝士蛋糕，味道唔太甜，質感濕潤。

@agecuisineexpress_taikoo樓上有樓上好朋友請食生日飯要食得好又要幫慳荷包今次選擇樓上舖Bookmark AGE 一段時間地方寬敞光線充足裝修簡潔人多的話仲有獨立房選擇香煎刺身級油甘魚柳及大虎蝦伴魚子醬附送蕃茄雜菜湯開胃餐湯蔬菜有咬口用料上盛油甘魚柳份量足配魚子醬帶點驚喜德國酥脆咸豬手伴普羅旺斯式酸菜及薄荷蕃茄汁鹹香適中皮脆肉嫩豬手油脂分佈平均食完唔覺太油膩芝士肉醬焗薯條確實好香脆肉醬味濃停唔到口人均消費💰 ： ＄ 200總結✍ ： 賣相精緻,食物高品質NatNat評分💎💎💎💎(5💎為最高)

店名: AGE Cuisine Express地址: 鰂魚涌英皇道1065號東達中心11樓1105室太古站 A 出口，行3分鐘環境: 4/5價錢: 4/5味道: 4/5今日放工就近近地食呢間位於鰂魚涌既樓上西餐廳，水準唔錯👍🏻，值得一試！一入到店舖內北歐裝修簡潔企理，帶比人一種清新舒適既感覺✨，好啱同另一半同朋友黎撐枱腳🤤~呢間隱世西餐每日晚市仲會做唔同優惠，CP值高🤩！珍寶蟹脆蟹餅伴粟米莎莎 ❤️❤️❤️❤️$88一啖一件，外皮炸至金黃香脆🔥，輕輕咬開已經見到一絲絲既蟹肉🦀，份量好足啖啖肉😳～ 再配埋粟米莎莎醬汁，係一款非常不錯既餐前小食😋慢煮半生M6和牛西冷 ❤️❤️❤️❤️❤️$144慢煮和牛西冷煎得好完美🥩！西冷一般口感厚實偏鞋，但因為慢煮既關係更能鎖住肉汁，令牛味更濃郁😍！而且和牛色澤粉嫩😳，肉質相當軟腍，再配上蜜糖芥末醬🍯，又係另一番滋味～ 底下仲有沙律菜🥗可以沾黑醋食～雖然係前菜，仲無論擺盤同份量都同主菜有得比！北京烤鴨薄餅 ❤️❤️❤️❤️$186Pizza大大塊有12吋🍕，舖滿水牛芝士🧀、烤鴨肉🦆同意大利青瓜🥒等蔬菜，個批底偏乾身但好脆口，食落似餅乾🍪，加埋甜甜既烤鴨醬，增添左北京烤鴨既風味🔥

星期一Monday blue，小妹約埋朋友想食個豐富嘅晚餐，於是揀咗呢間位於太古城附近工業大廈嘅餐廳。之前喺open rice見到好多好評，bookmark咗，今日啱啱在東區附近工作，決定約埋朋友嚟食個dinner ｡我同朋友一行兩人，叫咗2 個dinner set，dinner set 有湯+ 主菜+ 飲品。 1. 香煎帶子、乾貝、櫻花蝦XO醬寬蛋意粉(套餐價$212） - 帶子數量好多又大粒， 配合XO醬，令個意粉有濃郁嘅香味，好開胃。2. 香煎刺身級油金魚柳、大虎蝦配魚籽醬 （ 套餐價$222） - 魚柳份量好大，虎蝦煎得好靚，薯角十分脆口，配合埋個醬，非常好味。3. 南瓜湯 - 小妹本身好喜歡南瓜，個南瓜湯暖笠笠，質地又唔會太「傑」，作為前菜一流。4. 甜品- 最後發現原來set dinner 係有甜品送㗎，好驚喜。個甜品一啲都唔hea，朱古力tiramisu 加朱古力brownie，仲有生果同棉花糖伴碟，食埋就好滿足。呢個價錢可以食到噤多嘢，CP值極高，店員服務態度好好，等我下次可以約多幾個朋友一齊gathering， 試埋其他食物先

<鰂魚涌隱世工廈西餐廳>🤩位於鰂魚涌這間工廈有間隱世西餐廳, 雖然裝修不算是十分華麗, 而且亦隱藏於工廈裡, 但食物方面無論質素, 以及擺盤賣相都非常高質. 大家絕對不要錯過.Menu 內有好多選擇, 但我直接選了兩個set dinner, 包湯, 主菜, 飲品 & 甜品😍 <香煎帶子櫻花蝦XO醬寬蛋意粉> {$212}😋~ 帶帶大大粒又煎得香口,,配微辣又彈口的意粉, 正.<香煎刺身級油金魚柳及大虎蝦伴魚籽醬> {$222}😋~ 魚超鮮甜而且煎得香口, 虎蝦大隻爽口, 配埋烤薯伴菜, yummy.最後食埋個好靚擺碟既朱古力cake甜品😍 大滿足呀.🥧餐廳: AGE Cuisine Express @agecuisineexpress_taikoo🌯地址: 鰂魚涌英皇道1065號東達中心11樓1105室