影片
开饭介绍
位於楼上的时尚日式居酒屋，酒藏丰富，适合朋友聚会。食物选择多样化，每一道菜都注重细节，非常高质素。
继续阅读
营业时间
今日营业
17:30 - 23:30
星期一至日
17:30 - 23:30
以上资料只供参考，请与餐厅确认详情
有关奖赏计划
[ Akoya ]想同朋友聚一聚，銅鑼灣呢間居酒屋係唔錯嘅選擇，而且做緊生啤優惠買一送一🍺，邊食串燒邊飲翻杯🥳🥳。是日刺身✿ 真鯛刺身🐟 $180✿ 白子 $138是日推介刺身，真鯛夠新鮮。白子配上酸汁、梅子醬，好適合作為開胃菜❕鍋物✿ 和牛腸鍋 $278冬天食牛腸鍋非常暖胃，味增湯底唔會過咸，味道不錯😋😋。串燒✿ 燒雞胸軟骨 $36✿ 免治雞肉串 $36✿ 雞皮 $36✿ 雞心 $36✿ 雞肝 $36✿ 雞腎 $36串燒種類選擇多，提供唔同部位，特別推介免治雞肉串🐔🐔，內裡有軟骨碎，再沾上蛋汁，口感豐富😗。✿ 豚肉香蔥卷 $36✿ 豚軟骨蔥鹽汁燒 $78✿ 鹽燒牛舌 $36✿ 三文魚三文魚子燒飯團 $78燒飯團🍙非常香脆，三文魚籽多到滿瀉😲😲😲‼️甜品🍮✿ 雞蛋布甸 $38✿ 豆奶布甸 $38推介必點雞蛋布甸，布甸入口滑溜，焦糖醬甜而不膩。飲品🍸✿ 檸檬茶酒 $58✿ Suntory生啤 $75啤酒做緊買1送1，非常抵飲。除咗啤酒，仲有唔少特式酒精飲品，檸檬茶酒🍋帶點甜味，好易入口。總結🫦串燒熱辣辣上台，而且上菜速度夠快，邊飲邊食夠爽快呀🤩🤩。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Akoya地址: 銅鑼灣軒尼詩道525號澳門逸園中心8樓電話: 59227818✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读
之前見到ig好多人去呢間居酒屋，bookmark咗都好一排，今次同朋友專程到訪，就係為咗一試佢哋嘅明太子煎蛋卷💖個人覺得呢到最出色嘅係燒物同一品料理，明太子煎蛋卷 ($88) 呢個真心係必食推介，個蛋做到好嫩滑好軟熟，一切開入面嘅明太子即刻流曬出嚟💛肉厚活3年帆立貝($148) 一上菜個時仲有火嘅效果好啱打卡🤣 帆立貝都幾厚肉，食落幾彈牙🤪鹽燒牛舌($78)都幾出色，食落幾有咬口，加埋生椰菜冇咁膩～ 海膽汁燒蠔 ($118) 就用鐵板形式上，海膽汁比較甜，面頭做咗炙燒，蠔肉都算厚身，食落去都幾鮮～刺身拼盤七點盛 ($380) 當日就有平目、伊佐木、深海池魚、真鯛、間八、赤貝同拖羅，整體嚟講件件新鮮冇筋，而且相當厚切，推介大家由我上面列出嘅順序食就可以由淡味到濃味～島池味噌他他 ($148) 都幾得意，紫蘇葉嘅調味幾得意～炭火燒拼盤6串 ($180) 就有自家製免治雞肉串、雞翼、雞心、雞腎、青椒仔、雞頸，其中最鍾意嘅免治雞肉棒，加埋月見汁食超邪惡🥰 鍾意到加多咗一串自家製免治雞肉串 ($36)～三文魚三文魚籽燒飯團($78) 面頭佈滿三文魚跟三文魚籽，燒到外面脆口，三文魚都幾肥美，食落口感都幾豐富😛最正嘅係呢到啤酒做買一送一，即係$37.5就有一杯啤酒，啱晒同朋友一人一杯啤啤佢🍻 甜品都幾出色，自家製雞蛋布甸 ($38) 個焦糖香好有驚喜！食落去甜而不膩，而且夠滑～總括嚟講，呢間居酒屋雖然定價唔平，不過質素都對得住個價錢，而且樣樣嘢都係新鮮熱辣嚟，幾碟都係出住煙咁上菜，侍應服務都算係殷勤，環境都算闊落好坐，整體嚟講都頗有質素，完全明白點解咁多人到訪～
继续阅读
最近多嘢做夜咗收工 周圍搵邊度地方有宵夜食 一齊chill下飲番杯🍻有酒有串燒呢啲基本啦❣️炸雞軟骨 $68熱辣辣脆卜卜 金黃酥化嘅外皮一咬落脆口卡卡聲 送酒啱曬❣️特上刺身盛拼盤7点盛 $680成份閃令令擺盤勁靚✨大拖羅、中拖羅、牡丹蝦、赤貝、深海池魚、真鯛、平目魚全部色澤鮮艷 十分新鮮 油脂飽滿 啖啖都係入口溶化❣️明太子炭火牛油燒飯團 $72焦香可口嘅飯團表面放上鹹香濃郁嘅明太子醬 鹹鹹香香一口咬落十分惹味牛油香沾滿每粒飯粒❣️雞湯卡邦尼烏冬 $98採用清甜雞湯溝出嚟嘅卡邦尼湯底 刪減左平時個種刻板油膩感 鮮甜得嚟帶點忌廉香 十分創新❣️炭火燒拼盆6串 $180重頭戲炭火串燒🔥自家製免治雞肉串、雞翼、雞心、雞腎、青椒仔、雞頸其中最鍾意嘅免治雞肉棒點埋蛋漿食好滑好好味❣️豚肉露筍卷 $36炭燒過嘅蘆筍十分多汁 豚肉緊緊包裹住一咬噴汁💦非常juicy ❣️明太子煎蛋卷 $88金黃色軟綿綿嘅蛋卷切開流心明太子醬 微辣內餡同震揗揗嘅蛋卷超match成舊食曬都唔覺Heavy❣️雞蛋布甸 $38超香雞蛋味嘅布甸淋上焦糖漿濃郁美味 難怪大家都極力推薦😋❣️𝒮𝒰𝒩𝒯𝒪𝑅𝒴 𝒟𝑅𝒜𝐹𝒯 𝐵𝐸𝐸𝑅 $75/買一送一日式居酒屋必嗌 而家仲要做緊買一送一平均先30幾蚊一杯 機出啤酒啲泡沫感幼滑程度真係一流
继续阅读
打開人生地圖，竭盡全力一路向前衝之時，亦冀望覓得一個能「越過高山越過谷」，連結深刻的靈魂共鳴，感受相互的共性、獨特與信念，療癒彼此身心靈的「靈魂伴侶」。位於銅鑼灣的「Akoya」是一間時尚日式居酒屋，名字令人聯想到日本海域養殖珍珠的通稱，是代表「優質珍珠」的代名詞；「Akoya」同樣注重細節，致力打造優質的用餐體驗，提供各式各樣治療人心的日本料理，在這裏小酌幾杯，輕鬆吃喝，定能盡情放鬆自己的情緒和壓力，把你的身心帶回健康正軌。環境：✨室內裝潢設計沉實低調，配合雅致的木材、具質感的畫作等元素，在暖黃的燈光下折射出更多層次感，營造了非常適合酌酒、品嚐料理的氣氛。服務：✨當天正值晚市，人流頗多，職員態度友善有禮，服務到位，上菜及用餐時間均令人滿意。食物：🐟 刺身七點盛 ($380)✨擺盤蠻精美，包括味道相對素雅的伊佐木、細緻柔滑的間八、清甜淡麗的平目魚、柔韌的真鯛、肉質爽厚帶光澤的赤貝、彈口微甜的深海池魚，以及愈嚼愈濃香，魚油感漸增的吞拿魚。🐚 肉厚活3年帆立貝 ($148)✨鮮甜爽彈，熟度剛好，充滿大自然渾然天成的氣息。🍳 明太子玉子煎蛋卷 ($88)✨質感鬆軟柔緻而多汁，富蛋香，配搭鹹香的明太子，很不錯！🍢 串燒✨宮崎A4和牛串 ($148)：表面呈現金黃色的微焦感，火喉十足，擁有均勻油花，口感軟嫩細緻， 油而不膩。✨自家製免治雞肉串 ($36)：軟硬度適中，香氣撲鼻，蘸上蛋黃同吃，更豐富惹味。✨粟米 ($28)：香甜多汁，味道跟牛油很搭。✨燒蕃薯配蜂蜜牛油 ($48)：粉糯甜蜜。🐷 黑豚軟骨蔥鹽汁燒 ($78)✨柔軟易咬開，含豐富膠原蛋白，適合下酒。🐷 宮崎黑豚香腸 ($68)✨甘香不會過於油膩，表現正常，同樣適合下酒。🍮 自家製雞蛋布甸 ($38)💗筆者推介！✨入口柔滑細膩，帶有淡淡的酒香，蛋香與醇厚的焦糖醬交織，更富層次感，是份屬大人的雞蛋布甸！🍺 Suntory Draft Beer ($75，買一送一)🍹 Calpis Soda ($38)
继续阅读
位於銅鑼灣的「Akoya」是一間主打炭火串燒的日式居酒屋，裝潢風格以傳統日式居酒屋為主🎎🎏壁櫃上陳列左各種日本清酒🍶還播著日本的背景音樂，好有氣氛！菜單內食物款式選擇不少，包括刺身、沙律、小食、燒物、串燒、麵食及甜品等，每款菜式都擺盤精美👍🏻店員的服務貼心到位😊 刺身拼盤7點盛 $380刺身拼盤由廚師發辦❣️，今日的精選的刺身包括伊佐木、平目薄切、真鯛、吞拿魚、深海池魚、赤貝 及 間八，每款都有2件，每件都非常新鮮，除左平目薄切，每件都厚切肥美呢🤩肉厚活3年帆立貝 $148上桌時用上微火保溫，帆立貝肥大肉厚，店家將帆立貝切粒，方便進食，味道鮮甜帶牛油香，肉質彈牙👍🏻炭火燒拼盤6串 $180自家製免治雞肉串店家每天新鮮自家製成，入口可以吃到粒粒的雞軟骨🐔，再配上月見汁，肉汁鮮香肉嫩、味道微甜，口感層次好豐富🥰 雞腎雞腎食落彈韌，口感有嚼勁😋雞頸肉 可能因為雞頸活動量大🐔，雞味濃郁而且爽口，雞肉好嫩滑，油脂分佈均勻。雞心好珍貴嘅食材，一串有3粒雞心🫀，外觀呈錐形，肉質堅韌，口感軟嫩，沒有腥味。雞翼 外皮燒得香口帶脆，而雞肉保留非常多汁，肉質富彈性，雞味濃郁鮮美，口感柔軟。青椒仔日本青椒仔較細小🫑，外皮好薄，海鹽提升了青椒味，吃起來爽口帶微甜。燒雞皮 $36@好鍾意食雞皮🤩將雞皮串成一串，雞皮燒得酥酥脆脆，吃起來很有彈性🤗宮崎黑豚肉腸 $68爽脆的外皮包裹著味道香濃的黑豚肉，好味多汁，非常可口🤗超濃厚雞湯烏冬 $98烏冬用上濃厚雞湯湯底🍜，濃厚惹味，配上富有彈性及嚼勁的烏冬，烏冬掛湯度高，而配料包括有2塊日式火炙叉燒及一隻溏心蛋☺️日式火炙叉燒肥瘦適中，而且仲經過火炙，外酥裡嫰；咬落去溏心蛋後半熟的蛋黃流出，蛋白軟滑，蛋黃味濃郁，吃完串燒后不妨來一碗清清味蕾。自家製雞蛋布甸 $38雞蛋布甸蛋味香濃🥚，入口感滑溜又充滿彈性🍮，食埋甜品就滿足晒🥰檸檬茶酒 $58檸檬茶味突出，入口酒質清爽，甜度較適中。香檸Mojito (無酒精) $58薄荷草本香氣伴隨檸檬鮮酸果香，飲落好清新解膩。
继续阅读