Aroma Thai Food

营业中

休息中

今日同朋友黎到Aroma Thai食下午茶😋😋小食:魚餅拼蝦餅香茅炸雞翼泰北香腸擺盤吸引！好豐富！樣樣都好香同惹味👍🏻👍🏻用主食加配小食仲有優惠價添！😋😋😋泰式椒麻手撕雞乾撈麵手撕雞原來係一片片薄切既嫩滑雞肉！撈麵爽滑彈牙！😍泰北安格斯牛肋條金麵好特別！第一次食金麵。要將佢整碎之後再同隔離既麵撈埋一齊食！好惹味😋😋😋🍹咸檸七、支裝椰青水解喝～爽～職員服務態度好！呢餐食得好開心😀

汝州街附近呢間超人氣泰國餐廳，門口長期都有長龍，入門口已經有濃郁嘅泰國風情，燈光較暗，令人放鬆，座位都算多，坐得舒服。佢哋主要以泰北風味為主，招牌菜式系泰北金麵。小食拼盤豐富多，包括炸魚餅、薄脆蝦餅、泰北香腸、炸豬皮、泰式炸雞。金黃香脆，蝦餅惹味又彈牙，泰北香腸外脆內軟肉味濃郁，泰式炸雞香脆，雞肉juicy。搭配各式醬料更添風味。泰北滷水牛金麵推介必點招牌金麵之一！一次可以食到牛肋條、牛筋同牛肚，配有酸菜、洋蔥、芫荽、炸豬皮，配料豐富，食之前先將脆麵整碎撈入全蛋麵中，咖喱醬汁濃味充滿椰香，金麵掛汁，入口爽脆。牛肋條、牛筋、牛肚高質，肉質軟冧，牛筋有口彈。泰北烤雞金麵尤其鐘意雞肉燒得夠香，外焦內嫩，搭配金麵的口感，香氣撲鼻。嘢飲仲有支裝椰青水，解膩一流。

知道太子新開咗呢間泰國菜，主打特色粉麵，今日終於有機會約到朋友一齊嚟食。我們叫咗一碗泰北烤雞金面，面底係全蛋麵，醬汁就係餐廳自家製嘅金醬，見到佢哋餐牌上面介紹係用大量新鮮香草同香料在手工研磨制成，佢嘅味道似咖喱醬，不過就更加回甘。食之前個炸麵要敲碎佢，再撈埋一齊食，口感又幾過癮。另外叫咗一碗冬蔭雜錦乾撈麵，我加咗$3多芫荽，呢個配料好豐富，有魚蛋雞肉丸，炸得好香脆嘅豬皮。醬汁味道酸甜，幾開胃。然後我再額外嗌咗份魚餅拼蝦餅，total有6件，魚餅有冬陰功味好正。 飲品方面，今次就叫咗好似好少飲嘅檸檬草南姜，飲完喉嚨好舒服，唔錯。

嚟到汝州街搵食，見到呢間泰菜唔洗排隊，就嚟試下～呢到主打嘅菜式同平時啲泰菜有啲唔同，係一樣叫「金麵」嘅main當然我都叫左佢地嘅招牌金麵試一試啦！泰北烤雞金麵 - $108要先整碎個脆麵，再撈埋下面嘅汁同埋麵一齊食。味道方面，醬汁係咖喱汁，配上啲麻辣汁嘅香辣味。粗麵配上脆麵，口感會多啲層次，同埋都好掛汁，好惹味，但同時又唔會重口味到要喺咁飲水，啱啱好！個雞扒都好入味烤豬頸肉冬陰功乾撈麵 - $82豬頸肉份量都幾多！呢個乾撈麵味道比較清爽，有啲檸檬嘅酸味，相比起金麵就冇咁辣，如果怕辣嘅人可以試吓呢個！小食拼盤 - $118呢個拼盤有驚喜！出面嘅小食拼盤，多數感覺上似係用急凍食物炸起，但呢度嘅魚餅同蝦餅口感紮實，又有陣陣嘅香茅味，感覺似係店家整然後新鮮炸起😋呢度嘅炸豬皮都係我食過最脆嘅，送酒一流粉紅梳打 - $28味道係士多啤梨牛奶配梳打，賣相好靚泰式奶茶 - $28食辣嘢一定要配泰式奶茶，可以幫手解辣👍🏻-總結：underrated泰菜！值得多啲人認識佢～推薦佢嘅金麵同乾撈麵👍🏻

成日都食泰國菜今次食呢間係標榜食泰北金麵嘅就嚟試一試第一次食泰北金麵餐廳裏面有這個食法步驟很有儀式感餐廳食客都幾多， 淨返一張枱， 遲啲入都要等位揀咗個泰北豬頸肉金麵先係壓碎嗰個球形脆麵球，再點嗰啲汁怕辣嘅話就唔好加左手邊嗰啲辣椒汁底香濃，有少少似沙嗲朋友就想試下冬陰功湯底所以就叫咗個冬陰功慢煮水門雞冬陰功酸酸辣辣夠曬味道面上面仲有炸豬皮同埋溏心蛋湯底真係好正覺得鍾意飲冬陰功嘅人一定要嚟試下雞肉非常嫩滑， 雞肉味濃鬱朋友想食蝦餅我又想食魚餅，就叫咗個小食拼盤 有五樣嘢一次個滿足曬五個願望叫咗個菜我覺得加埋落冬陰功湯嗰度食好正飲品見到有幾款特飲我就飲咗檸檬草南薑特飲重檸檬草香味， 餐牌寫住有消炎作用 ，感覺飲咗好似健康一點朋友就鍾意飲酸酸甜甜的， 叫咗凍洛神花茶餐廳坐落舒適，冇乜壓迫感，覺得食下嘢傾下偈，飲下嘢都不錯

唔知太子幾時開咗呢間泰國餐廳，第一次食，我同友人叫咗個麵、蝦餅、泰北烤牛肉同其他菜式。（食住等，所以食食吓先影）薄脆蝦餅賣相好吸引，睇落有啲似炸鮑魚呢一共有五塊的～唔算話好細細件，咬落好多蝦肉。泰北烤牛肉惹味、香、唔韌泰式生蝦完全同張宣傳相一樣少少辣only，唔沾醬食都得，唔食得辣嘅應該都啱，新鮮，好食！秘制酸辣鳳爪沙律青鳳爪(?)配大量洋蔥🧅算係今餐點嘅嘢食之中最辣嗰碟，但辣得嚟好食，我覺得辣時即刻食咗生蝦嗰啲苦瓜乾解辣，一流！泰式牛清湯米粉啲米好幼身，牛配料都多我哋另外仲叫左個生菜🥬大大碟好抵食檸檬草南姜飲第一次試呢隻，熱飲喉嚨好舒服，好清香，有啲似得力素檸檬糖隻味，好大杯泰象啤雖然出面都有得買haha，但喺度食飯想啤啤佢都有得order整體嚟講，今餐食嘅都非常唔錯，老老實實, 晚市唔使加一, 唔貴又好食, 真係幾難得, 所以我諗我下次都會再黎試下其他菜！

喺網上見到太子新開咗依間泰菜就即刻過嚟試吓餐廳環境都幾大 好光猛 好多位使用QR code落單 可能新開嘅關係所以暫時唔收信用卡泰式椒麻手撕雞 $65份量都幾多 雞皮好滑雞肉都好嫩 菜名叫椒麻但其實唔係好辣係泰式沙律嘅清爽味道 如果有嗌炸物小食嘅話 搭埋一齊可以解漏泰式豬肉冬陰功湯麵 $65豬肉嘅配搭有豬紅，五花肉，豬肉丸，豬肉碎面底揀咗全蛋粗麵碗麵一上枱已經覺得配料好足料豬紅同五花肉都好好食佢個冬陰功湯底好特別 同一向食開嘅好唔同冇好刺激嘅酸同辣 係飲完一啖泰式豬骨清湯之後帶微酸同辣 好溫柔嘅冬陰功湯 nice~泰式什丸冬陰功湯麵 $65朋友叫嘅雜丸湯麵 配咗金邊粉 一樣好好味 飲晒啲湯咁滯 鹹檸七 $28穩陣發揮 有一整罐嘅七喜

夜晚7點幾walk in，我嗌左個泰式清湯牛，揀左全蛋麵，叫左生菜，仲有個豬頸肉。個湯真係食得出煮左6-8個鐘，好濃郁肉同蔬菜味，牛肚我本身個人唔中意食，亦覺得有啲靭所以掉咗，但唔係佢煮得唔好。牛肉丸實但唔硬，有肉汁及香濃牛味，牛肉片，牛柏葉及全蛋麵覺得不過不失，個人中意偏林身既麵。最難得係食完之後一個鐘都無口渴，證明無乜味精。豬頸肉比我想像中更好味，個醬係個重點！唔會太咸，又有香料味，點豬頸肉好惹味！好似係佢地自己調味出黎既魚露醬。豬頸肉切得好薄 食落去唔會好靭或硬。男朋友嗌左個烤雞乾拌麵，我食左一舊烤雞，好香，麵個啲就無食，唔知道喇。生菜就正正常常，但我唔中意佢個醬。另外佢個廁所雖然係沉色調但整修得好靚，又非常乾淨及唔會太迫，侍應亦好禮貌，值得一讚。

呢間舖仔好近太子地鐵站，行上黎過條馬路轉右好易就搵到，就咁睇門口就有大大隻字寫住泰北麵專門店，呢度主打泰北菜式，仲有自家製麵食，我當然都有嗌佢地既招牌啦，店入面裝潢主要係型格風，冇果種普通食肆既感覺，個人覺得野食整體係好有心思，用料充足，調味係有佢既特色的，我自己就覺得呢間野好值得推介喇泰北滷水牛金麵上台係一個乾麵+一個濕麵係底，泰式金醬要你自己將乾麵壓爛撈入湯裡面吸收精華，全蛋麵本身已經飽肚，加埋個湯汁更加開心，睇介紹佢地係用一種金醬加新鮮香料組制而成，我唔覺得辣，但覺得好開胃，牛筋炆得好淋，正！慢煮水門雞溏心蛋冬蔭功湯麵碟雞係另外上的，滑到溜左入喉嚨咁滯，滋味既，而佢既冬蔭功係唔同平時果種辣法，呢個好似帶點青春新鮮既味道，配合埋溏心蛋，感覺呢個麵有啲泰日港Fusion菜泰式生蝦生蝦最緊要乾淨新鮮，呢個餸有齊哂！配合蒜同辣椒，好好味呀薄豚蝦餅+炸魚餅友人話薄既蝦餅比平時傳統厚實既更有口感同適合女仔係品嚐，呢個蝦餅粉唔多唔少岩岩好，蝦味濃郁，襯熱食既炸物真係好出色；而炸魚餅似係有用手打過既魚肉，咬落水有彈牙既感覺，味道亦唔差，嗌麵加18蚊就可以有三塊，我覺得幾抵下秘制酸辣鳳爪沙律第一次

🇭🇰泰北金麵🇭🇰剛好附近有事，就打算吃這家新開的泰式小店～剛開業不久就已經很多人過來嘗試了。性價比高，餐品有特色，手工製作，自家熬製，相當之正宗！🤩泰北鹵水牛金醬面（牛肋條，牛筋，牛肚）金醬是一些偏重的香草料，加上濃厚的椰漿。喜歡重口味的你一定非常適合！味道有和泰式咖喱相似，但這個辣中帶甜，回甘長。面餅使用了全蛋面，蛋香重，薄而彈牙。非常掛汁！配上炸面球，可以試試2種不同的面，口感豐富。加上酸菜，洋蔥等配料可以說是我第一次吃的口感。牛超多，超飽🤩🤩炸豬頸肉冬陰乾撈面（溏心蛋，豬肉碎，薄脆）這個非常清新！很適合口味淡的你。也是配上很多配料吃起來口感更加豐富。如果不夠味還可以加他們調配的醬汁，非常人情化。酸酸甜甜的非常開胃！🤩泰式烤豬五花這個真的不錯耶！肥瘦均勻，一點也不乾，還有汁水。最喜歡的是那個醬，不知道是用什麼調配的呢🤩薄脆蝦餅也是十分推薦!非常脆，配上甜辣醬，太好吃啦！我也是很喜歡支持這些小店，在香港做飲食真的一點也不容易，有良心的小店希望可以長做長有! 另外服務態度非常好!

今日放工就同屋企人係太子行街就搵到呢間位於太子嘅泰國🇹🇭餐廳。一進門就感受到厚厚的泰國風情。燈光和裝潢設計風格都很不錯。整體感覺良好。第一道菜叫左泰式清湯金邊粉豬 $65 （另外加糖心蛋）味道香濃。湯飲落去好舒服，加上金邊粉和其他配料同埋糖心蛋簡直係一流烤豬頸肉冬蔭乾撈 $82店員好細心咁睇到食之前可以唧啲青檸之後再加埋其他配料撈埋一齊食。豬頸肉外脆內軟加埋撈麵。口感豐富味道香濃。泰式烤豬五花肉$58五花肉味道香濃，加上秘製醬汁味道啱啱好！泰北清湯生菜伴馬拉盞醬 $16生菜馬拉盞將如果食清淡啲嘅話就咁食生菜都好好中和返其他比較濃味嘅嘢食香茅炸雞翼 $38 & 薄脆蝦餅5件 $38兩樣雜物都外脆內軟炸雞翼入邊咬落去好Juicy蝦餅食落去都好有濃濃嘅蝦味同埋鮮味值得一試泰式凍奶茶 $28泰式奶茶味道香濃，飲極都唔厭泰國餐廳必叫之選

主攻泰北馳名金麵🇹🇭金醬配上金黃色的全蛋麵🥚再用上大量泰國新鮮香草和香料🍀再加入椰糖、魚露、椰奶、椰漿煮成濃醬🥥微辛口帶甜，足料無味精🙅雞扒烤得金黃色，外皮香脆，肉質鮮嫩😋冬蔭公撈蛋麵也是這裡的招牌✅豬頸肉肉質嫩滑🐽撈麵滿滿冬蔭功味醬汁💦酸辣惹味，醒神開胃🌶️米粉湯底香甜，質地幼細🍜還有不少豬肉片及豬肉丸🐖豐富口感有肉汁😙鳳爪沙律有十多隻，份量十足👍再加上秘製酸辣汁，相當惹味😃香茅雞翼充滿香氣🤤香茅、檸檬葉充滿東南亞風味🏝️五花肉炭火味濃🔥爽口彈牙、香口又惹味🤩

今日嚟到太子食依間泰國菜，我覺得依家比平時泰國菜有啲唔同，主要食粉麵，而且很有特色😆烤豬頸肉冬蔭乾撈麵 $82完全唔乾，配上勁多其他配菜，撈上嚟有少少辣度，十分之惹味😋另外豬頸肉有烤得好香😋泰式清湯牛 $88鍾意食牛的人一定好鍾意食依款，湯底好清新，而餸菜有牛丸、牛肚、牛片、牛柏葉等😋小食拼盤 $118總共有五款小食，每款都炸得好香脆，但又唔會太乾，包括蝦餅、香腸、炸雞、類似魚餅以及炸豬皮， 十分惹味青檸梳打 $28凍洛神花茶 $20兩款都整得非常之好味，而且很有泰國特色😋另外值得一提，有四款調味料可供自行調製，令到每款食物都做到獨一無二最啱自己口味的食物😋

泰國菜就食得多，泰北菜又真係少食啲，今次試過又真係幾唔錯。呢間係太子嘅泰國菜就主打泰北蛋面。環境黎講店舖都唔算細，位同位之間唔會好逼夾，都坐得舒服。裝修就都係跟返泰國風。 我地叫左個主打嘅泰北烤雞金麵。個金麵醬好特別，餐廳話係用左泰北地道食材同香料去煮出嚟。本身有麵底之餘仲有件炸過嘅。餐廳都好貼心咁貼左食法教學。先整碎個炸麵，再撈勻其他配料同金醬再加幾滴青檸汁就搞掂。金醬其實就係泰北咖哩醬，好香嘅同時亦都帶有辛辣，好惹味，最特別係有香草味道，食落好香，再加上少少青檸嘅點綴，令味道更豐富。而個蛋麵好爽口彈牙又掛汁，加埋炸嘅，增加口感，好夾。烤雞食落一啲都唔嚡口，仲保留肉感。另外我地都叫左安格斯牛肉冬陰乾撈面。面底都係用上粗蛋麵，冬陰功嘅味道配埋蛋麵食落好清爽，一入口主打係酸辣味。而安格斯牛肉比嘅份量好足，食落唔韌，同埋有牛味。佢啲配料有啲炸豬皮，炸脆脆，撈埋好好有口感。我哋都嗌咗啲小食，其中泰式燒五花肉好推介，肥瘦相隔，食落好香口，加埋個汁好惹味。生菜好蝦餅就正常發揮，水準之上。泰式鳳爪個酸辣味好夠，鳳爪爽彈，食到停唔到。飲品方面我幾鐘意個泰奶，平時有啲係會好甜，今次呢個好明顯仲有茶味同

2個人係太子覓食，見到有唔少小店，我地想食啲酸咪咪又辣既野，揀泰國菜最岩喇🤭 呢間CP值堅唔錯，樣樣野又幾好食😌-香茅炸雞翼好好味! 睇之前啲食評見到嗰個嗌都會讚不絕口，食完就知點解😋 炸得外脆內juicy，超惹味呀👍-薄脆蝦餅5件脆卜卜，好正😋-秘制酸辣鳳爪沙律呢個有surprise啵! 調個醬有層次感，又酸又辣仲有啲紫洋蔥絲增添口感，鳳爪份量仲唔少，勁推介😙-泰北豬頸肉金麵泰北美食是也~ 有一球炸既金麵+一球浸咗湯淋既金麵，食個陣夾碎少少個炸金麵，將佢浸湯，連埋本身淋咗既金麵，再撈埋本身既配料（例如紫洋蔥絲）一齊食就有個對比又豐富既口感呢! 豬頸肉亦都出色，切得幾厚有煙韌口感，又入味😙-泰北清湯生菜伴馬拉盞醬清清淡淡之中又有啲馬拉盞醬點綴，清清腸胃😌-泰式涷奶茶鍾意奶味多啲奶茶既人會好鍾意佢地調既口味，而且唔甜! 👍-青檸梳打清新!-泰式粉紅梳打有士多啤梨牛奶feel既梳打🍓🥛 女仔會鍾意~-熱檸檬草南姜飲估唔到咁好飲喎!