Ateen 社企素食 (已結業)

佛教團體大覺福行中心於2012年成功申請了香港的社企「伙伴倡自強」社區協作計劃撥款，用作開辦Ateen素食館的資金。其開辦素食館的目的是為社會上的弱勢社群，提供就業機會。Ateen社企素食於2014年7月30日正式開業，提供健康的素食午餐及晚餐。這家非牟利社企素食店，聘請了一群癌症康復者、單身家庭人士當員工。Ateen社企素食位於九龍荔枝角區一間工廠大廈2樓，地方單計食堂大約有一千尺，裝修簡約。他們的食物沒有假素，味道不錯。外面的餐廳太多假素，又多味精，吃完會超口喝。平日午餐好抵食，$38三餸連滋潤湯水，白飯任裝。晚市設2至6人套餐及私房菜。店內有小型貨架兼賣健康素食品及零食，包括新加坡有機糙米圈、台灣有機八寶粥、公平貿易的柬埔寨米等，最受歡迎是自家製的XO醬、仁稔醬。自助茶水有檸檬水熱茶供應, 平日午市人山人海，而工廠區星期六中午時間無乜人又唔使等位，不過平日有五款餸供選擇而週末只有四款，只可點選三味餸。紅米飯免費加添,亦可落單時說明要小或大碗。這裡以先付款後取餐形式運作。 午市套餐$38 (星期一至六上午11:30至下午2:00供應)自選三餸奉送老火湯及飯或粥 南乳鮮冬菇~脆炸冬菇

我去了Ateen 多次了，他們的食物沒有假素，味道不錯。而且很用心去煮，你在吃時會感受到。外面的餐廳太多假素，又多味精，吃完會超口喝。我吃過套餐和私房菜，兩款都好吃。由於我食量小，私房菜是沒法吃完。他們做的頭盤非常好吃又美麗，湯亦好有味道。如果你想找一間好吃的素菜館，我推薦Ateen。這裏空間不錯，適合聚會和閒聊。

素食店屬社企營運，因為睇過報紙報導先發現此寶地，午餐經常都係大魚大肉，其實偶然都想食健康d,清d,lee度既lunch係唔錯既選擇。38蚊可以揀三個餸，飯或粥，仲有每日唔同既素湯，今日係蕃茄薯仔素湯，湯非常足料而且夠熱，好多蕃茄，仲搵到腰果碎，相信係假肉味既來源。其實我不太佛心。。。飲這個素湯覺得跟有肉的竟然不覺太大差別。今日既餸揀左素叉燒，素炸大腸，雜菌炒根片。素叉燒很像真，看似肥肉，還有焦香感，相信是豆品。素炸大腸，炸得乾身，形態十足，配上波蘿甜酸汁，以假亂真。雜菌炒根片，用料新鮮，炒得火候剛好，不會過火，保持爽脆!全場自助形式，食完要自己清理，唔好留低要下手幫你執，咁就樣衰喇!

媽咪生日又係食素者 所以去食第一次幫襯抱住好大期望媽咪朋友之前去食過話個個都話好好食諗住無死啦點知今晚我們一行十人訂了所謂私房菜八個餸菜收費$2060你呢個價錢唔係唔開心重點系好失望點解呢 想辦到好有驚喜 其實完全取巧白灼菜心 寫成身體健康 等等錦鹵雲吞 入面無放任何野 比啲生果汁你點好多餸菜都用炸最好都係得個燉湯話呢間係社企一啲都唔似真心的唔建議去食呢間所謂私房菜個牛肝菌炒意粉 好過分 材料小得很過分 意份多已而 仲有一個萄汁四蔬 全部溶溶爛爛 影影下相我都放棄晒明明同母親慶祝生日 點知無人欣賞餐飯

兩星期內已經食左兩三次, $38三餸有飯有湯, 係紅米飯, 湯就每日不同, 仲有檸檬水熱茶供應, 算係咁, 試過脆炸秀珍菇, 香脆而唔油膩, 炆于頭炆得好林, 而且好粉, D菜心又會切到細片咁易食D, 不過1:45左右就開始無乜選擇啦, 2:15左右就熄燈落場, 要食就要早少少.

因為看了楊大偉專欄，有一間新開素食店係我屋企附近。所以專登上門光顧。加上我已經加入Green Luck Wedding 群組。都要堅持每週素食。Ateen 社企素食係一間工廠大廈2樓。地方單計食堂大約有一千尺。星期六中午時間無乜人。唔使等位。叫餸係自選式加湯。無餐飲。只可點選三味餸。我點咗齋滷味、勝瓜雲耳根片、野菌鮮竹卷加冬瓜去濕水。連等餸時間都唔使。好似食麥記。因無餐飲，所以要自己裝檸檬水。因我要備戰馬拉松，所以要少食，個飯啱啱好夠食。個飯用少量紅米。但其他男士就唔夠食啦。齋滷味無用色素。味道一般。勝瓜雲耳根片好爽口。新鮮入口。野菌鮮竹卷都好正，個野菌好鮮甜。冬瓜去濕水好淡。杯檸檬水同樣好淡。但食素就係要人清心寡欲。間素食店有其他素食品出售。間店開星期一至六。星期六早收。下午2時半收工。經開長沙灣可以上門光顧。

今晚去Ateen吃晚餐, 有二人餐,四人餐和六人餐~~我地點左XO醬邊豆炒什菌, 豉汁素黃魚, 日式麻醬秋葵同埋士多啤梨咕嚕玉. XO邊豆炒什菌&日式麻醬秋葵用料真係好天然, 食落好感覺清新~~豉汁素黃魚好正, 腐皮入面包了很多料, 有不同口感, 而且炸得剛剛好,尾部脆卜卜! 士多啤梨咕嚕玉酸酸甜甜令人胃口大開! 仲有盎湯,好清甜好天然~~湯料切到細細粒, 可以食埋佢, 唔好浪費~~侍應細心有禮, 真係要encore! 

跟『素食一班』朋友星期六晚到Ateen吃個晚飯，晚上是吃私房菜的，是日餐牌已設定好。 廚房做功很有心思，食物新鮮又好味，在此特別推介當中數道美食給大家。《彩虹仙子》貌似北京填鴨的一道菜。那些七彩繽紛薄餅皮用上紅菜頭、 南瓜、紫椰菜、菠菜、芝麻榨汁做皮，配上素肉鬆、青爪、西芹、甜醤，加上那塊豆製品素塊，捲起來咬一口，還以前自己坐在京城裡呢!《A田燉湯》蒸三燉四，民間煮食智慧~ 數一數，果然是足料老火燙! 內有蟲草花、圓肉、红棗、腰果、竹苼、蓮子、冬菇、紅腰豆、生薑、黨參等…對於我這種都市人，實在是滋潤無比。《甜甜蜜蜜 》：很好很可愛的甜品，真的是很大驚喜! 原以為餐館給我們每人一個小盆栽做紀念品，怎知道是可以吃的甜品! 視覺和味覺不能連上的經驗，看來這次真是吃出禪味，教我們破除對外相的執著呢!它用西米、椰汁、南瓜做底，上層面用oreo餅乾磨碎放面，再插一小株羅勒葉在上面，甜品界好像叫這小可愛做九層塔!?!。有空請指教正確名稱。平日午市可精選有幾款小菜配飯，如果一心想清下腸胃，又或想找一天想試下響應下Green Monday吃素，在荔枝角工作的朋友, 不妨到香工一趟。 祝大家吃得愉快又滿足