Baker by Lubuds

营业中

休息中

又係bookmark咗一排, 見近排唔洗點排隊就試試, 有幾轉出爐時間, 我係臨出爐前過嚟排定隊, 人龍唔算長, 好快就買到手🥰順帶一提 買麵包係唔洗排隊 見佢哋啲麵包賣相都唔錯但少貴 所以係冇買到🫣出爐前職員會逐個問要幾多件 限購一打(?)我哋買咗兩件($12一件)😎一到手暖暖地 食落唔算油膩, 皮都算酥脆, 都有蛋香, 不過我覺得偏甜咗少少（又或者個種甜味唔係我鍾意嘅味道）overall個人鍾意葡撻多啲😂未試過嘅人如果鍾意食甜甜地嘅蛋撻可以試吓

每次經過Baker by Lubuds都唔係招牌蛋撻出爐時間，所以都無話專登等，但有時順其自然原來都會有意外收穫，今日經過店員話仲有10 mins出爐，當然衝埋去排隊啦😂招牌蛋撻買左半打招牌蛋撻有盒裝，每人最多限買一打，襯佢新鮮出爐，極速跑回家品嚐一開盒就香氣四溢，千層酥皮撻層層都好分明，非常酥脆，蛋漿滑溜，但我就略賺蛋漿偏甜左d，但無損整體味道排10 mins就買到我覺得係物有所值，除左蛋撻，店舖仲有其他酥皮甜點出售，希望下次佛系既我都可以撞正出爐時間，再次有緣食到招牌蛋撻✌🏼

今天經過見冇人龍，並見一大盆蛋撻出爐，即刻買了兩個解饞，店員很快放了兩個入包裝袋，在收銀處付款時，我瞄了一眼，發覺蛋撻邊皮是黑色燶的，我便詢問店員可否換另外兩個“冇咁燶”。那收銀員突然高聲叫pack蛋撻個位店員“成盆攞過來比小姐揀啦！佢話燶喎！“我見有些冇黑色燶邊，便要了兩個冇咁黑嘅。雖然佢地有應我要求換了兩個，但是態度上令我感覺不良好，尤其是收銀員突然提高聲量時，引來後面排隊人仕注意，以為我來找麻煩的？難道知名店舖嘅出品，就一定冇問題?客人就算有要求，拒絕接受燶嘅致癌物都係錯？難道我不能哼一聲，只能乖乖接受？

係太古城中心上緊電梯去睇戲嘅時候見到呢間之前話排曬長龍嘅酥皮蛋撻店 baker by LUBUDS。其實bookmark左好耐但一直都冇機會試。於是就趁冇咩人排就行埋去買黎試下。當我地以為仲有好多嘅時候，原來我地已經係尾二個個可以買到！真係好彩！大家可以趁佢地出爐時間過去買。佢地個酥皮都算酥脆，冇bakehouse咁脆，但我鐘意佢呢個蛋味多d，有d似hashtag 蛋撻個味，有d焦糖味。hashtag 個蛋撻我嫌佢少蛋，但baker by LUBUDS呢個唔會，蛋嘅份量啱啱好！唔錯唔錯！

本身對呢間舖零認識，咁啱經過見到排曬長龍就好奇上網查下間野係咩來頭，一查先知原來係出名酥皮蛋撻，而且咁啱係3點果轉嘅出爐時間，所以就決定攞籌試下，等左陣已經聽到喺龍尾個職員截籌，好彩果斷決定同埋慳左排隊時間。一開波開始賣就好快到我地，過程唔洗5分鐘。咁難得食到呢間舖就覺得可以試埋佢個牛角包同藍莓撻，所以最後決定買埋。每日限量嘅酥皮蛋酥新鮮出爐，熱辣辣同埋酥皮有好多層，食落口感非常好，而且中間嘅蛋都好滑。不過牛角包就應該已經擺左一段時間，只係暖暖地，而且整體嚟講冇話好特別。另外藍莓撻上嘅藍莓都新鮮，蛋撻酥皮嘅層次冇咁限量果個咁多，而且價錢比限量嘅貴，性價比冇咁高。

呢間烘焙店大有人氣，由擁有20年+經驗喺米芝蓮級做餅廚主理的，其新鮮出爐嘅蛋撻，就係食客排隊光顧的原因！我遇上佢哋中午12:00和6:30pm左右嘅新鮮出爐時間，我忍唔住手就已幫襯過2次啦，我趁熱食啦～🥚 蛋撻 (HK$12/個)．用牛角酥皮麵糰製作嘅蛋撻皮，鬆化、酥脆，同時亦滿牛油香味．蛋漿加了忌廉和牛奶，口感奶滑，豐富感，面頭有少少焦糖甜．我覺得整體都係偏甜，幸好大小剛好，食一件就剛剛好，滿足😋

太古城有間米芝蓮級餅廚主理嘅手工麵包店「Baker by Lubuds」，開業以來一直大排長龍，佢地嘅千層牛角酥皮蛋撻係人氣熱賣，另外仲有多款麵包，牛角包、爆餡忌廉包、朱古力麻糬包同樣高質，麵包控又要出動啦😆是日小妹恰巧路過，遇着出輪時間，當然要買來試試看😋千層蛋撻 $12/pcs牛角酥皮作撻皮，烘焗至焦糖化，鬆化酥脆，蛋漿加了法國忌廉和牛奶，口感更香滑

Baker by LUBUDS 之前每一次經過太古城都見到大排長龍，3:00pm 蛋撻出爐, 3:05pm 已經望住個牌寫住”蛋撻暫時沽清”😓 今次放假終於有機會俾我試到傳說中LUBUDS Group 旗下既手工麵包店 Baker by LUBUDS 既人氣蛋撻! ————————————————感想:❆ 招牌蛋撻 $12蛋撻既千層酥皮外觀酥脆明亮，蛋漿滑嫩並散發出濃厚蛋香🥚整體口感均衡，唔會過甜🥰每次蛋撻一出爐，都迅速被搶購一空, 要買就建議早啲過嚟，等佢新鮮出爐啦!舖頭仲有其他嘅baked goods可以買，例如牛角包同埋scones🥐都見到有唔少人幫襯，不過個需求都係冇佢哋嘅招牌蛋撻咁高, 蛋撻真係太好食…如果佢每一次出爐整多啲蛋撻就更加好，客人唔使排咁耐隊!🥳————————————————整體:✦ 價格: 4.7/5✦ 味道: 4.6/5✦ 服務: 4.4/5✦ 環境: 4.5/5✦ 再訪指數: 4.5/5Baker by LUBUDS 地址: 太古太古城道18號太古城中心3樓307號舖營業時間: 星期一至日 08:00-20:30

買蛋撻都大排長龍？！出爐時間：0930，1200，1500太古城中心呢間蛋撻店，$12一個蛋撻，每次出爐吸引好多人排隊輪候！原因係：真係好香好好食！個蛋撻底嘅酥皮做到勁多層充滿牛油香，蛋夠厚但我覺得甜左少少。CP值高 值得買嚟試！

香港蛋撻界又添一名新成員 - LUBUDS Group 旗下的手工麵包店 Baker by LUBUDS。開設於住宅區的太古城中心，每日依然大排長龍，為的就是品嚐到人氣的招牌蛋撻。千層酥皮的蛋撻外皮酥脆分明，滑嫩的蛋漿香氣四溢，整個蛋撻平衡而不過於甜膩。蛋撻每次出爐都迅速售罄，記得留意出爐時間提早到場排隊。Located in Cityplaza, Baker by LUBUDS has been drawing long queues every day, all for a taste of their signature egg tarts. The egg tarts have a crispy pastry, with a smooth egg custard filling that is perfectly balanced and not too sweet. They sell out quickly every day, so be sure to arrive early and join the queue to get your hands on these

返到香港第一個 post 梗係同甜品有關啦😋 未返香港前已經 bookmark 咗呢間要試，因為係近期爆紅嘅千層蛋撻🔥一早9點到達已見人排緊隊，好快排咗半個鐘就等到蛋撻新鮮出爐，見人人都買一打，我又唔執輸買半打先😅 撻皮用牛角酥麵糰做餅皮，所以咬落去一層層勁酥脆，撻邊帶點焦香，蛋漿幼滑蛋味濃郁。由於係牛角酥做餅底，會比較油膩，同埋偏甜咗少少🤏 但賣 HKD$12 一個，性價比幾高👍試埋 HKD$18 原味牛角酥，外層酥脆，內部層次分明，氣孔夠綿密，外層仲掃上一層糖漿，食完個蛋撻仲可以一口氣食埋😅蛋撻每日有指定出爐時間 9:30am/12noon/3pm，亦會不定時加推，大家留意時間先去排隊呀🫶This newly opened bakery shop in TaikooShing is on the checklist for my Hong Kong trip, given the buzz created on IG, their egg tarts have recently go viral🔥The egg tart pastry is flaky and crispy as

店員好好👍會主動推介新鮮出爐嘅麵包因為全部麵包都好靚唔知點揀最後買左五款🤩價錢偏少貴最好食係個搽茶撻😋抺茶微苦帶甘🩷酥皮好香脆！朱古力牛角酥都好好食！入面有驚喜🤩配埋杯americano一絕☕️🧁好想試哂全部😋😋😋其他都咁好食，個熱賣蛋撻一定掂！希望下次唔洗排隊都可以買到黎試🤤

路經此店，店員話10分鐘後蛋撻出爐，打算買一打去朋友屋企齊齊分享。店舖採用玻璃開放式廚房，感覺乾淨衛生，陳列亦美觀，麵包整齊排列，好吸引。店員人手充足，蛋撻出爐後流程很快（如果買其他麵包係唔使排隊，直接買就得）。熱辣辣蛋撻忍唔住即刻食返一件，個酥皮有啲韌，唔脆，奶香味爭啲，同埋比較甜，不過$12個都可以接受，試一次無妨，但係排隊就不了。

呢間係近期人氣麵包店，假日買蛋撻要排隊，不過我個人口味喜歡佢原味牛角包，原味牛角包外形靚，塗了蜜糖，甜甜的又充滿牛油香，$18一個性價比高，比人氣酥皮蛋撻更加味道好。反而$28 杏仁牛角包個人覺得太甜太膩，因為除了杏仁還有那很甜的杏仁醬。

太古城蛋撻近排好紅🤟🏻被譽為覺好食過 Bakehouse嘅蛋撻，唔係想買就買到，要等出爐拎飛排一粒鐘嘅蛋撻？🥧蛋撻有三個出爐時間，0930/ 1200 /1500‼️網上話1800 其實仲有一轉，我5:00去到竟然話等10分鐘會出爐😱吾肯定18:00去到仲有冇得買，但見5:15開售冇耐之後人龍已清，甚至冇人可以直入買嘢蛋撻🤔✨每人最多只能買一打✨每段時間都會派籌，職員會寫低你要嘅數量，quota完會截龍，攞完籌排隊等大約30分鐘✨蛋撻出爐好熱，買完唔好封實整淋佢其實仲有其他pastry，例如牛角包（plain、開心果、杏仁、朱古力味）丹麥酥、酥皮盒、曲奇等。✨蛋撻通常要排隊等，但買其他嘢唔洗排 直接上前買，唔好傻豬豬🐽👓蛋撻 $12外皮係牛角酥撻皮，好酥脆好多層，重牛油香。個蛋好香蛋味，但偏甜少少對比下我覺得好食過bakehouse，Bakehouse比較扁身硬實啲；酥皮多層、鬆脆啲。好食，但我覺得又未去到值得排一粒鐘等喎😂經過唔使排隊就值得一試😂