Bamboo Thai (屯門市廣場1期)

营业中

休息中

上星期六見完營養師，再入屯門準備晚上吃父親節🧔🏻‍♂️飯良久沒到屯門，當然要找點美食，本來想去吃台灣🇹🇼菜，但無奈時間不夠退而求其次，眼見最近網上平台被這個🌋火山排骨「脅持」，當然要來到這裡當然要試一試😋火山排骨 $118（小）$188（大）越式生牛肉湯河$82店員建議來一個二人份，外加一兩款小食或一份粉麵就OK👌🏻果然「聞名不如見面」😳，份量比想像中大，全因排骨堆成火山一樣，相當有氣勢！當然少不了打卡📸一番啊～ 這個設定就是讓人拍照啦店家細心的為客人提供即棄手套🧤方便食用老實說有點失望😞，肉質不算差，但沒太多調味，單吃有點單調，男人更直言有點像「煲湯豬肉」🙈 而且肉量其實沒有想像中那麼多，因屬於肋骨部位所以以骨🦴為主醬汁絕對為這味菜板回不少分數🤌🏻 用上大量香蔥跟蒜蓉🧄，加入泰式酸辣汁，肉沾滿醬汁一同進食感覺很好，酸酸辣辣很開胃至於那個生牛肉湯河實在出色🤩 湯底濃郁帶九層塔🌱香氣，亦欣賞💕店家將辣椒🌶️、香葉、青檸等另上，交由客人自行調配喜愛的味道牛肉跟河粉質素亦不錯，整體味道出色👍🏻餐廳環境不錯，空間感強，座位寬闊，坐得舒適😌不過整體來說有點失望，signature food名過於實，

難得放假，去咗屯門嗰邊郊遊順便影吓相。行到有啲攰，就去咗屯門市廣場覓食😋由於頭先行到好熱，所以都想食吓泰國菜，諗住會開胃啲。所以就去咗呢間Bamboo Thai食午餐。青木瓜蝦沙律酸酸甜甜，味道幾清新。份量不多不少，作為前菜啱啱好，勝在夠開胃。另外仲叫咗個脆炸豬肉春卷，應該係啱啱炸好，熱辣辣，用生菜包住嚟食幾好味。跟住就叫咗個火山排骨。店員好細心，見我哋得兩個人，就話俾我哋知叫細份已經得。呢過用排骨砌成嘅火山，賣相真係幾吸引。食起上嚟酸酸辣辣，有少少停唔到手嘅感覺。最後叫咗個越式生牛肉湯河。味道都係合格嘅，冇令人失望。

每次經過Bamboo Thai都係排長龍😶今日見唔算多人等，機會嚟喇喂！🤤🤤————————————————————⭐️黃金蝦餅 $75食泰嘢，我必點蝦餅，因為鍾意食囉😚😚呢個蝦餅炸得外脆内爽口，蝦肉新鮮👍🏻雖則係炸物，但咬落去唔會有油膩感！⭐️青木瓜蝦沙律 $68酸辣開胃嘅青瓜沙律，辣味十足，啱晒鍾意食辣嘅我🤤🤤清新嘅青瓜絲脆卜卜，仲有爽口嘅大蝦，食到舔舔脷💕⭐️火山排骨（小）$118招牌打咭排骨❤️砌到成座火山咁！賣相好吸引☺️肉質好嫩、好軟熟！個汁有少少酸辣味！唔怕食肉食到滯🥰⭐️泰式大蝦炒金邊粉 $112金邊粉炒得好入味，同埋唔會過份淋，有口感‼️大蝦都有成3大隻，好爽口彈牙😋貼心位係辣椒粉另放，可以自行調配辣味👍🏻⭐️沙嗲雞串燒 $78雞肉肉質嫩滑，唔會鞋颯颯💕個沙嗲汁好惹味，想留嚟撈飯😋😋

屯門市廣場真係好多選擇， 去行街睇戲食飯咩都有，今次同謙謙來到 Bamboo Thai 食泰國野味蕾超滿足， 想知我地食左咩睇睇下面啦！⚛ 黄薑脆炸魷魚 ～ 前菜忍唔住叫左炸魷魚食，因為自己煮唔到咁好食，係出面先炸得咁酥脆 🤪⚛️ 青木瓜蝦沙律 ～ 太想念泰國了，叫一叫青木瓜蝦沙律止一止口痕， 味道酸中帶點微辣蝦仁大大隻。⚛️ 火山排骨(小) ～ 我地兩人挑戰小的， 但來到都係超大份 🤣🤣🤣，我成晚負責拆肉比大少謙食， 呢位少爺仔越食越好味喎，點住下面的酸汁加上咁多蔥花實在惹味可口。⚛️ 香茅牛肉撈檬 ～ 倒入魚露拌勻來食，檬粉中夾著蘿蔔絲， 夠哂 fresh 。 呢間絕對可以再來。

近排悶熱到一個點 係時候食啲酸辣嘢講到食泰國嘢 都係由淡味到濃味前菜係大蝦米紙 皮薄 入面有青瓜生菜紅蘿蔔🥕 加上蝦 一個爽脆嘅清新組合之後上嘅小食係賣飛佛😌黃薑脆炸魷魚🦑唔厚粉 大大隻魷魚 有咬口 好想食多碟😫吼！夠脆 甜酸醬非常開胃 令人食欲大增咦？佢啲伴菜唔係淨係擺設裝飾作用 係有助攻作用嘅酸菜主菜係火山排骨 見到都知道份量驚人重點係肉質唔韌 健康用芫茜加蔥熬製而成 飽和感⬆️⬆️⬆️食金邊粉是常識😎泰國大蝦炒金邊粉難得有鑊氣得嚟唔油膩 加堆炸蒜 辣粉 調味好滿足 好耐無食辣嘢喇！再配豆干洋蔥芽菜特別有多重質感💜

今日豬師奶同朋友係屯門dinner, 揀左屯市三樓衣間泰國菜Bamboo Thai，非常有驚喜，估唔到屯門有咁高質泰國菜，重要即野講左先，大家一定要試佢既火山排骨！衣個火山排骨建議3-4人share, 每一舊都大過晒我塊面，仲要係舊舊都好多肉，唔係淨係得條骨，火山排骨下面係特缸醬汁，酸酸地，同d肉夾埋一齊食好夾，好開胃，唔會好滯，第一次食到咁特別既泰國菜色前菜叫左黃金蝦餅，不得不提佢地個醬，甜酸味較得岩岩好，我係咁點尼食，個蝦餅尼到係熱辢辢，炸得剛好，有口感主菜叫左泰式大蝦炒金邊粉，好大碟，擺盤好靚，金邊粉硬度適中，亦都唔會炒到太濕仲叫左馬拉盞通菜，好足料，差唔多啖啖都食到d蒜片，比較岩鐘意重口味既人鐘意飲啤酒既朋友仲可以叫番枝泰式啤酒

Bamboo Thai嘅店內裝修主要係竹同木為主，加埋泰國風嘅圖騰，好有泰國特色～ 餐牌入面選擇都幾多，今次食嘅幾樣都幾滿意～•🥢 青木瓜蝦沙律 $68呢個沙律好足料，除咗青木瓜之外，花生、蝦同蝦米都好多，比平時食嘅青木瓜沙律冇咁辣，都幾開胃～•🥢 火山排骨(小) $118上菜嘅時候，侍應會比埋手套同裝骨嘅碟～ 雖然叫咗「小」，但份量都唔細！有大約5舊排骨，每舊都有唔少肉，有啲位仲有軟骨，肉質幾嫩，唔嚡，而且都幾入味，係酸辣汁加魚露同好濃嘅香料味，上枱嘅時候熱辣辣，幾正！•🥢 泰式大蝦炒金邊粉 $112有好多配料，有蝦、豆腐乾、蛋同蔥，而炸蒜、乾辣椒同芽菜就可以自己撈入去，金邊粉炒得好乾身，食落就爭咗少少泰式嘅酸味，但整體都幾好嘅～•🥢 泰式燒豬頸肉 $88份量唔多，大約8片左右，調味剛好，點埋隔離嘅醬汁都唔會太濃味，肉質幾爽口。

之前間中經過bamboo thai門口都見到裝修得幾靚, 望到人地野食都幾唔錯, 之後更發現佢地有火山排骨, 即刻約friend去食下!我完全係被最近大熱既火山排骨吸引過去食, 哈哈!火山排骨 (小) $118貌相好吸引, 唔好以為骨多過肉, 其實肉既份量比想像中多好多, 3-4人食小既size都可以!本身見menu有辣椒圖案以為好辣, 點知無咩辣味, 唔食得辣既朋友都可以食!!反而個人覺得酸味較重! 肉質方面都ok淋!餐廳有提供膠手套, 方便我地可以用手大大啖地食排骨!黃金蝦餅 $75個人會推介蝦餅, 好彈牙, 蝦餅入面仲見到d蝦肉碎!另外配埋個酸辣醬好惹味, 個醬汁愈食愈好味!大蝦米紙卷 $68每件都有半隻大蝦係入面, 另外有d菜做餡, 食落有d芒果味, 但又見唔到有芒果肉, 我估係加入左芒果汁!好岩夏天食!!生牛肉湯河 $82個人幾喜歡個湯底, 應該用左牛肉熬製而成, 因為幾重牛味, 再加埋d香料, 好味道!牛肉好滑, 好重牛味!環境裝修得幾靚, 因為早入座無咩人, 過左半個鐘就坐滿哂人!最後比個餐牌大家睇睇!

 好鍾意去泰國旅行，可惜近2年都無得去玩，只好不食吓泰國菜頂吓癮，發現屯門市中心開咗間泰菜，今晚終於有時間試試佢。店內佈置頗有在布吉的感覺，兩個人叫咗一個沙律，一個小食，一個炒粉，還有一個主菜 ~ 火山排骨青木瓜沙律$68材料新鮮爽脆，加上辣辣醬汁，惹味又開胃，正呀！黃金蝦餅$75蝦餅表面香脆，內裡彈牙充滿蝦嘅鮮味泰式大蝦炒金邊粉$112鮮蝦大大隻彈牙又鮮味，金邊粉夾埋芽菜等配料一齊食，香甜爽口共冶一爐，yummy火山排骨(小) $118排骨好大堆頭喎，店方俾埋一次性手套，方便用手拎嚟食，好貼心記得醮汁食更正。由於太多肉會覺得膩，我哋撈埋青木瓜沙律一齊食，原來又好夾喎，哈哈我哋嘅位置好有空間感，舒服

香港是飲食集中地，各國美食俱備，泰國菜也深受大家歡迎。這間餐廳位於屯門市廣場，裝飾清雅，地方清潔闊落，店員很有禮貌。黃金蝦餅蝦餅外皮炸得香脆不肥腻，蝦肉新鮮爽口，配甜酸醬料，更加醒胃美味。大蝦米紙卷米纸卷皮幼滑通透而不韌皮，外形精緻，大蝦饀料爽脆清新。火山排骨這個菜上桌已經很吸引，骤看似山石盆景，其實是煲湯排骨，特别之處是淋上酸辣湯汁，更有蒜葱辣椒等香料，排骨肉滑又鲜甜，细意品嚐，令人回味。香茅牛肉撈檬牛肉嫩滑牛味香濃，配以香茅青檸散發陣陣清香，撈檬腍度適中，酸酸甜甜很惹味。

火山排骨🍖幾乎每一枱都會嗌依款招牌菜火山排骨，賣相顧名思義就係好似火山咁震撼，有分大小兩個size，小份都足夠2-3人食，食依個咁巨型嘅排骨當然係用手食盡興啲，啲肉輕易撕到落嚟，調味主要靠底下嘅醬汁，雖然餐牌有隻辣椒但係其實唔算好辣，配埋芫荽、檸檬葉等香料碎一齊食更加有層次感😋馬拉盞通菜🥬炒通菜嘅時間掌握得唔好就好易變得灰灰黑黑，但係依碟通菜保持到翠綠，而且馬拉盞非常惹味，微辣，特別鍾意馬拉盞比較多蝦米，鹹香之餘多一份鮮味👍黃金蝦餅 🦐蝦餅如其名炸得金黃，正常水準🥢越式生牛肉湯河🍜牛肉嫩滑有牛味，河粉份量都算多～

青木瓜蝦沙律 (少辣) @$68: 青木瓜絲爽爽脆脆, 很清新, 而且味道酸酸甜甜的, 很開胃!!!... 泰式燒豬頸肉 @$88: 豬頸肉外層微微焦香的, 內層嫩嫩juicy的, 讚!!!... 火山排骨 (小) @$118: 滿滿一大碟, 上桌時十分非常的壯觀, 此排骨煮得很o林, 輕輕一撕已經肉骨分離, 啃骨族一定會愛不釋手, 泰式大蝦炒金邊粉 @$112: 金邊粉炒得很乾身, 一點也不油膩, 擠點青檸汁, 味道酸酸甜甜的, 再混合一點點花生碎和辣椒碎, 味道層次就變得更豐富了, 環境舒服, 價錢合理, 不錯不錯!!!...

好耐無黎屯門巿廣場，本身諗住排下隊食壽司，但真係太多人，所以就決定轉戰呢間連裝修都好泰式嘅Bamboo Thai。招牌蟹肉臘腸炒飯 ($128)本身想試下佢嘅火山排骨，但可惜sold out，唯有試下店員推薦嘅招牌炒飯。一上枱，望落去啲飯粒粒分明，仲有一排蟹肉鋪係面，好精緻👍🏻 落埋青檸汁同on side嘅魚露，成個蟹肉鮮味都釣哂出黎，而啲臘腸亦唔會好漏，大推👍🏻香茅牛肉撈檬 ($78)落左香茅嘅牛肉好開胃，而啲檬粉亦索到啲牛肉汁所以唔會太乾，呢個酸酸甜甜嘅撈㩚最啱夏天食😌泰式飛天通菜 ($68)有時最怕泰式炒菜會好咸，但呢份飛天通菜調味剛剛好，通菜夠嫩無渣，有驚喜😋泰式燒豬頸肉 ($88)佢嘅豬頸肉唔太肥，最啱怕肥人仕食。有點略嫌佢唔夠熱，如果多番少少炭香味會更好。

呢排好hit火山排骨🌋！咁岩呢道菜係呢間泰國餐廳係廚師推介！仲係屯門有分店，住大西北嘅S小編就當然去品嘗下！食物果然有水準🤩🤩！1️⃣火山排骨（小）（$118）估唔到都唔小！覺得足夠3個人食🤣首先個肉質唔韌！有淋身及有咬口嘅部分！無咩肥膏幾好！個汁有蒜粒、芫荽、青椒、大量青蔥等等！估唔到係酸酸+微辣好開胃🥳食完唔會好滯幾好！比兩對手套你慢慢撕開食好有趣！2️⃣泰式大蝦炒金邊粉（$112）份量都係至少足夠三個人食！調味剛好！本身唔辣（伴碟有辣椒粉比你自己撈）岩哂小編😚另外加埋青檸落去更加開胃！芽菜及花生碎都增加口感😋最欣賞係大蝦已經除走蝦腸及剝咗蝦殼（只留蝦尾），令食客食得更方便！3️⃣泰式燒豬頸肉（$88）水準正常！配埋佢個醬汁幾match!!但如果豬頸肉再Juicy d 就好啦🤪🤪最鐘意佢伴碟竟然有青木瓜沙律，雖然無點調味但夠晒fresh!全部清哂😚4️⃣馬拉盞通菜（$68）又係食泰菜必叫！通菜青嫰爽口配埋洋蔥、辣椒絲、炸蒜同惹味蝦乾粒好味！呢個價錢抵食！服務都唔錯！侍應態度良好😌 ～另外環境裝潢都唔錯！2個人都可以坐4人枱好闊落😍

泰國一直都是港人喜歡去的地方，而各式各樣的泰菜也遍地開花。無論是水門雞飯和泰式無骨豬手，抑或是冬陰功和泰式奶茶，都是大家心心念念的美味。脆炸豬肉春卷酥脆，吃時蘸上用泰國青檸葉、香茅、芫荽及檸檬等調成的醬汁，酸香醒胃。泰式飛天通菜，椒絲豆醬均匀掛在每條通菜上，爽脆滋味，愈辣愈想食。羅望子醬慢煮豬肋骨實在令人驚喜。大家對醬比起BBQ ribs應該也不陌生，咬下去慢煮過的肉質細嫩，那羅望子醬的酸甜有過之而無不及，實在回味無窮。泰式大蝦炒金邊粉，經典之選，大蝦爽口彈牙，加上炒得乾身的金邊粉，可以隨客人喜歡加入花生碎或辣椒粉，還有矮仔芽菜呢！這一頓吃到了泰國的陽光與海灘，令人悠然神往。