Barista Jam

营业中

休息中

Lunch time嘅時候同同事去咗依間位於上環嘅Cafe😋，唔使幾排隊一樓有一張六人大枱啱啱好適合聚餐🎊食物質素都幾唔錯，南瓜味嘅pasta煮得好入味，幾隻大蝦髀嘅份量都好足，融合完濃郁的南瓜味好好食🤤同事仲嗌咗Mushroom pasta ，都話幾好食嘅。All day Breakfast嘅份量都好大，培根香腸炒蛋一個都唔少🥰🥰🥰如果係中環返工，都幾推介嚟依間Cafe食嘢嘅～食完可以去周邊行吓街，都幾chill下

很久沒見的音樂同窗，借此機會我們點了Costa Rica Canet Musician Series的Bach Anaerobic Natural。當咖啡端上來的時候，香氣真的好迷人嘗了一口，眼睛瞬間亮了起來。「咖啡好像音樂一樣，有層次！」朋友開始描述它的味道，說讓他想起某段旋律。邊喝咖啡邊討論音樂，如此美哉！強烈推薦這裏的Hand Drip，咖啡師真的是專業冇得輸，如果有咖啡愛好者路過上環，一定要入內試試。可惜的是營業時間比較短🥹𝐓𝐮𝐧𝐚 𝐌𝐞𝐥𝐭 𝐒𝐚𝐧𝐝𝐰𝐢𝐜𝐡鮪魚融化三明治的麵包外脆內軟，鮪魚餡料鮮嫩，搭配融化的起司，味道豐富，十分滿足，旁邊的沙拉也增添了清新感。𝐌𝐮𝐬𝐡𝐫𝐨𝐨𝐦 𝐓𝐨𝐚𝐬𝐭蘑菇吐司上滿是新鮮的蘑菇和青菜，風味自然，口感層次豐富，搭配醬料恰到好處，適合喜愛素食的人士。𝐂𝐨𝐬𝐭𝐚 𝐑𝐢𝐜𝐚 𝐂𝐚𝐧𝐞𝐭 𝐌𝐮𝐬𝐢𝐜𝐢𝐚𝐧 𝐒𝐞𝐫𝐢𝐞𝐬 𝐁𝐚𝐜𝐡 𝐀𝐧𝐚𝐞𝐫𝐨𝐛𝐢𝐜 𝐍𝐚𝐭𝐮𝐫𝐚𝐥這款咖啡散發著莓果、櫻桃和巧克力的香氣，口感醇厚且略帶酒香，讓人回味無窮，完美搭配美食。

這是我其中一間最欣賞的咖啡店. 相信也有十年有多, 時常都去. 近來和朋友, 午飯時也有去,食和飲咖啡. 午市時, 比較多人, 當然比較嘈. 過了午市後, 舒服得多. 最普通的黑咖啡, 也只不過是34元, 但質素不差. 我也有嘗試他們比較貴80/90蚊不同選擇的咖啡豆. 同咖啡師傾完, 配合得很好. 我非常滿意. 昨日, 兩杯咖啡加一件餅, 也不到200元, 我覺得物有所值. 這店向來也保持水準, 是城中一個好的選擇.

之前幾次黎呢間Café 都係下午時分，純粹停低飲杯咖啡。今次終於可以試試佢地既早餐！Around $80 就已經有份 poached egg & avocado toast 連野飲，相比起其他café，呢個價錢實在十分相宜！整間Café走工業風，上午的時間人流唔係太多，正好可以Chill住食同嘆咖啡。味道不過不失，比起出面既餐廳，呢到既Toast 只有一件，但對女士嚟講都好足夠！

嚟呢度飲同嘆手沖咖啡好喇可以稱得上喺香港嚟講嘅手沖精品咖啡始祖亦都係響上環可以休息/畀人憩一憩腳嘅好地方嘢食又係真係差啲嘅不過話晒呢度係出名飲咖啡為主手沖咖啡非常之正/咖啡師好用心咁沖雖然會等得耐少少/不過豆嘅選擇同啡嘅製成品都值得嘅咖啡品種多以淺烘為主/各花入各眼/仲有ice drip/ cold brew添✨herbal chicken & avocado sandwich牛油果未熟比較生/而塊包都乾乾地/雞嘅調味都不足/如果唔係肚餓都真係免得過都唔好叫嘢食不過算啦/要再重複一次/嚟呢度飲同嘆手沖咖啡好喇

哩間平時返工經過都有好多人係出面飲啡好似好CHILL咁, 入到去環境係唔錯,好耐之前都飲過佢地一次印象都OK所以今日返工前就買左杯大既flat white諗住提下神..一拎上手咁輕就知個量唔足, 返到公司一開就已經好似張相咁, 未飲都無左1/4, 飲完無埋d泡, 實際同細杯差不多, 仲要收成47蚊一杯..份量唔足都算飲落杯咖啡好淡..好似飲緊奶水咁..完全唔值..係上環咁多咖啡店之中飲過CP值最差既一間…應該唔會再有下次..

1.星期日因事去開上環文娛中心附近，想去飲杯咖啡Barista Jam係不二之選。2.今日叫咗杯Iced drip coffee同埋一杯House brew。Iced drip coffee入口順滑，不酸不苦但帶甘香；House Brew香味不太特出，但入口同樣順滑，飲後有餘韻。3.仲叫咗個原味Scone，配牛油同埋果Jam，除咗比坊間其他店的大，味道無話好特別，但唔會太乾，算好食嘅。4.話係久別重逢係因為好多年前經常幫襯舊舖，搬到呢個位後係第二次嚟飲咖啡，記憶中的味道沒有走樣，係難得嘅。5.回頭指數：🌝 🌝 🌝 🌝 🌝

❤️《Sheung Wan 上環 – Barista Jam》Date of visit: 08.03.2023 食完lunch都有散步嘅習慣🚶🏻‍♀️行行下就行左黎蘇杭街😂Barista Jam門面頗唔起眼🧐好容易經過左都唔知🤭其實都唔知咩原因吸引左我入去決定入去嘆杯啡😌見前面個人叫手沖咖啡我又跟住叫🤪（有6款豆揀）揀左❤️Ethiopia Yirgacheffe Aricha Adorsi G1 Washed （HK$85）Tasting note : floral, pomelo, peach, lemon, honey, jasmine tea好香濃😌 飲落好舒服☺️ 桃味同柚味好出😍鍾意飲啡嘅人應該都唔會失望😆 結論： 推介~☺️——————————————————Barista Jam (上環蘇杭街97號地下1號舖)

Barista Jam Review ☕Experience the finest varieties of coffee in the world at Barista Jam in Sheung Wan. The entrance to their premises was not apparent, so I walked past it the first time. The dark grey exterior blended with the neighbouring environment. It looked charming now that I think of it.Upon entering the cafe, you're greeted with a mini outdoor seating area and a busy display window filled with coffee equipment. Stepping in, you immediately feel the ambience with the dim studio lightin

忙裡偷閒同同事一齊去補啡，同事話想試呢間就黎左。地方都幾大，幾有空間感，閒日黎講算幾多人。咖啡點左 Oat Milk Latte，佢係細杯既，咖啡幾香，偏 fruity。以 Oat Milk 黎講，拉花做得相當唔錯。整體既 balance 都好😁同同事 share 兩款甜品，先講Earl Grey Cream Burlee。茶味好淡，中間既 cream 係幾滑，但就唔夠香。整體就一般般...之後 Cinnomon Apple Tart，肉桂味都偏淡，撻底就正常，整體都係一般。

餐牌上嘅選擇看似好多，但全部都唔太揀得囉，本身好鍾意食toast類，但偷望完隔離枱嘅酸種麵包多士，見到兩塊乾到硬直嘅麵包，即刻唔敢嗌。呢個係青醬意粉，但完全睇唔出同青醬有乜關係，偏忌廉，而鴨胸都可以，但唔似自己整，似係平時到會嘅水平。呢個比較好食，值得讚嘅係意粉嘅硬度，係我喜愛嘅al dante，做得好適中。呢個組合好難出錯，黑松露醬偏少，但味道都夠。店員嘅服務好細心，會拎碟比我地分意粉，食完怕阻住枱面，會即刻收走。

咖啡店有少少工業風的設計，門外擺放了一個鋁箱和幾個膠箱，作為戶外桌椅。室內的椅子都是鐵的，木枱的四隻腳也是。咖啡店的餐牌和隔板都用紙皮，十分環保，吧枱的隔板則用了木箱。這天早上我點了一份Bacon & Egg Roll，實際上不是一個Roll，而是一份三文治。上碟時熱辣辣，煎蛋的蛋黃熟度不太平均，一塊是熟的，另一塊是半熟。飲品方面我點了一杯Iced Drip Tonic，屬於Espresso Tonic的變奏，用手沖咖啡替代濃縮咖啡，咖啡因好似比較少(?)，我第一次嚐。Iced Drip Tonic用上咖啡店自家調配的咖啡豆，喝下去風味十分突出。咖啡店牆邊掛了八、九筒咖啡管，其中三筒是混合豆。店員主動問我是否想購買他們剛剛炒好的咖啡豆，而且能說出我剛才喝的Iced Drip Tonic用了甚麼豆。咖啡豆以三個份量出售，由店員將咖啡豆入袋，我最後買了一包印尼的咖啡豆。Iced Drip Tonic $58Bacon & Egg Roll $48

喺上環食完lunch，經過蘇杭街見到呢間café原來喺呢條街，就入去飲返杯咖啡Piccolo Latte係店員介紹我飲，細細杯入口唔錯，順滑得嚟都幾香濃，奶味無咁重，飲完即刻想再encore多杯！Café裝修以木系為主，以昏暗燈光襯托整個環境幾舒服，店員亦有禮貌，會介紹二樓有關於咖啡的用品出售可以隨便參觀。下午時段坐滿客人，店內彌漫著香濃咖啡味，而店也有售賣食物蛋糕等輕食，確實係一間幾chill的café。下次經過，想試下佢哋嘅主食或者bagel和蛋糕先得

行過肚餓入黎食啲野，第一次黎。咖啡叫左 Americano，偏濃味，幾好。櫃入面既 cake 望落幾吸引，左揀右揀，點左 Tiramisu。呃，勸大家唔好點呢款蛋糕，唔知係咪我食慣港式好creamy 濕潤既 Tiramisu。呢款大部份係海綿蛋糕黎，頗乾，又死甜唔夠 Cream/芝士味。實在不能叫好吃服務方面員工有禮有善，幾舒服好坐既 cafe，睇得出老闆對咖啡既熱誠。希望下次黎有緣試餐點

一進店的感覺很好，空間感大，以啡色為主調，簡約得來有型，餐牌用紙皮箱紙貼著，枱櫈都是木製為主，感覺簡單舒服。.👇木製枱櫈及啡色主調的設計令人感覺自然及舒服。.👇餐牌用紙皮箱紙貼著.👇枱上有pepper and salt樽都是木製，另有個木箱作裝飾，如有需要，可把4人枱改為2人，只需棟起放，做中間間隔便可。.👇Bagel with cream cheese $29 ⭐️⭐️⭐️💫這個bagel算是中規中矩，在香港我其實都未真正食過有New York bagel那種獨特口感，外皮香脆，內裡的包包又軟熟，好難用文字形容。這個屬一般可以。Cream cheese我就想多少少，其他人可能已經夠😅 我給3.5分。.👇Hot chocolate $48 ⭐️⭐️⭐️熱朱古力，不夠濃，也比較稀，$48這個質素我想給2分，不過好似太低，勉為其難就給3分。.Latte $38細忘了影相，咖啡來說，我有點失望，因為好多人讚，我有期望，於是易會失望。3.5分。.總體來說可能我有期望，加上內部裝修給人一個很舒服有品味的感覺，所以可能較易失望，我覺得裝潢勝過實際質素，我總體給3至3.5分。