Bayside Brasserie (已結業)

20070804在市政大廈打完波，與一眾友人共五大兩小在這裏late lunch，六人枱加一張BB凳，自成一角，剛剛好。其實這裏的環境算是不錯，玩了一點地台的高差變化，通爽的大窗，熱帶盆栽與牆上的掛畫，配合起來都幾有度假feel，不過就真的是很熱，開了空調也沒用，大家吃到最後都要連連擦汗，畢竟這裏的食物也不屬於消暑之類。點了五樣東西，真正的無國界，原產自不同的地方，難為大廚把每一樣都燒得味道不錯。Vegetarian天使面：天使面其實蠻難煮的，至少我這樣覺得，不能追求Al Dente，又不能過腍，這裏的算是不錯，雖然全齋，醬汁也頗入味；煙三文魚pizza：屬於傳統的薄底長方形，不會太咸，朋友的女兒要encore；東南亞小食品盤：有粉卷、蝦餅、咖喱角等多種，味道不算突出，但也香口，煎炸類的不會太油；印度咖喱羊肉卷：錫紙包著的兩大卷，分量足，調味香濃，略略帶點辣更加醒胃，大家都讚不絕口；美國巨人早餐：很難想像這有可能是一份早餐……巨大的盤子裏堆滿了炒蛋、茄汁焗豆、煙肉、兩種腸仔、薯角等等，還有麵包一籃，剛好滿足了在場小朋友的需要，皆大歡喜。服務還好啦，手腳麻利，笑容也不吝嗇，上菜又快，想來

簡單d講，今次同大四朋友黎赤柱食飯，但呢間野個環境就真係難為左食客。餐廳雖然裝左兩個冷氣，但一d涼意都無。望一望四周，原來佢地半開放式咁開左d窗。大哥，UV指數成7度，33度高溫攪d咁o既野，咪玩啦。所以越食o個碟意式肉醬長通粉就越熱，不斷拿紙巾抹汗。最慘另外一碟東南亞小食拼盆又唔好食嘛。埋單仲要俾260蚊，真係貼錢買難受。

黎呢度食野都唔係食佢既野食都諗住係食佢個氣氛同上一位o既食家一樣男朋友生日諗住食評ok 先黎點知出晒事！o個個asian o既中年waitress 對住我地呢d asian 一d 笑容都無。對住d 外國人就笑口騎騎。以為個中年waitress 先係咁。點知連個asian o既男manager都係咁。做大o既原來都係咁，難怪做細o既都係咁呢d 係咪叫racial discrimination？好可笑o既係，佢地班waiter/waitress 都係asian！同上一位食家一樣o既experience，埋單就咁放張bill o 係檯面就算，一句thank you/多謝都無，更加無講幾多錢！超級無禮貌！我同我男朋友真係頂唔順，你唔出聲o既，我咪當無收到張bill，然後咪唔俾錢，照坐o係度唔俾錢。結果張單就冷冰冰咁放o係檯面度15 mins，而個manager 同個中年waitress 亦都細細聲咁講左15 mins！後尾個manager行埋黎，先講話張單到左，照樣無講一聲"多謝" OR "thank you"，然後我就問點解單到左都唔同個客人講聲幾多錢？點知個manager o既答覆令到我同

今日男朋友生日, o甘我都睇o左好多介紹先決定去Bayside Brasserie食飯! o甘今日係星期日, 仲要係6:00pm去到, 之前我就已經問清楚有無生蠔食, 而係電話到亦講得好清楚係有3款! 點知去到一點菜就同我講今日無生蠔(o甘大間餐廳, meun又唔係太多款式, 仲要係星期日連生蠔都無......?)都唔緊要...o甘我就叫o左一份凱撒沙律$78, 一份肉醬闊條麵$118, 一個煙火腿菠蘿pizza$98, 一杯芒果特飲$40.....首先杯芒果特飲本人就覺得好鮮甜幾好飲, 跟住就到個肉醬闊條麵...真係好難食, 好似求其將D蕃茄醬加落去D仲好硬o既闊條麵到o甘, 食o左一兩啖真係唔得先同經理講取消佢, 初頭仲諗住睇下meun加D咩食啦! 嘩....點知o黎個PIZZA食O左一塊後, 我就決定唔再加O野食! 因為本人覺得個Pizza無芝士味, D火腿又係無咩味, 個餅底仲有好多麵粉, 食到我成口都係粉! 到最後大家一齊食O左2塊後就放棄!到結帳o既時候我叫o左好一段日子先有人應我, 仲要一手放底張單就走o左去, 當然叫人收錢都叫o左好內, 仲要Thank You都無...

見好評如潮,上星期日下定決心去試下先! 出發前訂位.到達時因揾唔到parking,要打電話去餐廳要求幫忙留位,順便詢問parking位置,侍應生非常禮貌解答,讚!到達時,已是五時三刻,三面高至樓底大窗讓食客可享受海風,欣賞海景,挺輕鬆寫意的.....我要了杯Lychee Margarita,好重tequila,但係都幾好味;UniKing飲Pina Colada,椰奶我麻麻所以矛試,但係UniKing話都ok,幾好.食物要了:Bayside Salad (avacado and mixed greens,with Balsamic) - 牛油果夠身,蔬菜鮮,我地最喜歡個balsamic vinegar dressing,簡單好味!Nachos - 端上時仍hothothot,足料,正常nachos味道地方好食物好.如果平日去應該更有情調.....

　　和兩位朋友去食ＴＥＡ。　　本來只打算叫三個cake set，但後來被沙律吸引，最後叫了cake set和青芒大蝦柚子沙律。　　沙律非常清新，尤其是那個泰式醬汁，少少辣，非常香口。　　我點了new york cheesecake，比平時一般吃到的light，完全沒有滯的感覺，加上伴碟的各種水果，非常refreshing。嘗了一口朋友的chocolate fudge cake，個人認為偏甜，但非常香濃，中間有大大粒的棉花糖和果仁，口感不錯。　　朋友喝了咖啡，非常香。我則喝了iced lemon tea，茶和lemon配撘十分好，不用下糖漿也沒有苦澀味，反而有zest的感覺。　　海景好，內部裝修舒服，待應態度友善。　　令人非常滿意的一餐。

好耐無黎赤柱,星期六同男朋友來吃晚飯,男友話黎呢間,點左三樣食物:1)香草白汁海鮮扁意粉: 好大碟,很多蜆和其他海鮮,很creamy,煮得岩岩好,沒有過淋;男友說很好味,差不多清碟;2)烤芝士(忘記了全名):呢個係跟naan同埋有兩種醬(白色同埋綠色的,唔記得咩名);一客有四件芝士同埋四小塊naan;夾著來吃,好好味;不過有點溜;我食左一件咋;3)燒大蝦:有兩大隻,食落啖啖肉,都幾甜;不過食完好飽~後悔叫左個芝士,應該叫個沙律,不過我見到芝士就想叫,最後兩個人食呢三樣都食唔晒~另外有樣野唔係好滿意,我地七點唔夠入左去,裡面得三,四枱人客,侍應帶我們去餐廳最角度既位,我地想坐出少少,不過侍應話果邊都有人訂左位,但係一路入黎既食客其實唔多,(我地走時8點幾);不過發覺佢地對外地人會service妤d,會比其他好d既位佢地;同埋..我地叫果個明明係扁意粉,出到來既好似係蜆肉意粉黎(侍應端出黎果陣都講"蜆意粉),我地話唔係喎,佢又堅持係講錯左; 希望是一場誤會吧,下次未必會再來

星期六，天氣很好，就入赤柱行下，享受一日悠閒既假期。呢度個menu無我想像中甘international，反而多東南亞食物，特別是印度野。最後叫了一個焗波籮飯和公司治。個sandwich超級大，我只係食了一半，而個波籮飯都幾好，幾多料。臨走時開始嘈，因為甘岩維修緊路，有少少影響。

是一個繁忙的星期六：晨早返公司開會，早午又跟依友開例會，及在龍城吃了兩轉，朋友又約了在灣仔傾兩句，至傍晚，才可以跟太座吃晚飯。腸胃病已沒大礙，第一件事想吃牛扒，又想找處有情調的地方行下吃東西，就坐了小巴來赤柱。周未晚上的赤柱，照舊人少少，很閒逸又有情調。不去美利樓，任太座選，她選了這裡。昏黃的燈光加上高高的樓底，我們坐進了店內的二人檯，氣氛很好。這裡自從由飲食集團接手後，餐牌上其實已由印度及東南亞食物主導，連那印巴籍領班也都是是兩邊走的。先來兩杯生啤，這裡只有嘉士伯及Stella Artois的選擇，就要了後者。見三道菜的晚餐有牛扒又有印式併盤，就無謂再諗，要了兩客晚餐。沒有餐前的麵包，是因為前菜不點湯的關係吧！小吃併盤是炸蟹餅及薯仔咖哩角Samosa各兩件，炸得熱辣辣又脆口，用來下酒就剛好；另一個前菜要了蕃茄跟水牛芝士的沙律，水牛芝士味道一般，好在還有甜甜的陳醋配襯著，幾對味；主菜要了Masala烤雞及西冷牛扒，前者以Thali形式上檯，除了Masala烤雞，也有沙律、鷹咀豆、印度米飯及naan。味道比正宗的印度咖哩是差一點，如naan是實實的不夠鬆軟，印度米飯又太濕不夠乾身，Mas

對窗既坐位原本幾好, 可惜出面維修道路工程進行中, 希望下次去既時候會整完有返個海景睇下啦。雖然果度既裝修好意大利feel, 但係打開menu就東南亞食物比較多, 而且仲特別多印度野tim~~兩個人開左一支澳洲既紅酒, 幾甜幾易入口~~^^ 野食方面試左個白酒煮藍貝; 越式鴨卷& Tandoori set (羊肉咖哩﹑雜菜咖哩，燒蝦﹑雞﹑魚，nan)。個duck roll好好食~~^^~~好似越式春卷但就唔係油炸, 加埋d辣辣地既source就更好。Tandoori set雖然唔係好大份, 但勝在樣樣有d, 印度咖哩整得都幾好。最失望都係個blue mussels, 份量少不特止, 仲好多只係得空殼。><總括而言成間餐廳都幾舒服, 不過order東南亞野食好似比西式好。當我地食完想叫個印度甜品時, 有個waitress好好人咁話個甜品會好甜好甜, 如果我地唔受得咁甜就唔係咁建議, 所以最後都冇食度。個waitress既service真係唔錯呢~~^^~~

以為又是一次普通的舊同學聚會(我們幾個平常一年都會聚幾次的)﹐怎知卻收到紅色炸彈﹗其實一早都知道日期的了﹐不過沒有想到她這麼早派帖囉﹐當然為好友高興了﹗這裡雖然說是國際食品都有﹐但最出名的是印度餐﹐所以我們都是主力吃印度菜(雜錦Tandoori﹐羊肉Kebab﹐咖哩雜菜﹐plain naan 同garlic naan 各一客﹐另加一個house salad 和一個margherita pizza。沒有叫飲品﹐因為白酒紅酒等餐酒跟印度菜格格不入﹐而啤酒要$4x 有點貴﹐所以都是喝清水算了。果然沒有令我們失望﹐tandoori 和kebab 都燒得很香﹐所有的肉/海鮮都保持肉汁﹐很嫩滑﹐不會太乾。不知道他們tandoori 用的是什麼魚﹐如果不是一叉之下會flake﹐差點以為是雞胸肉呢﹗也唯一是這個魚比較普通一點﹐沒有什麼魚味。Tandoori 大蝦則不錯﹐又新鮮又彈牙﹐可惜只有兩隻﹐不太夠分。這裡的菜份量頗大﹐而且Tandoori 同Kebab 原來都跟了plain naan﹐再加上我們叫的兩客naan﹐是有點吃不消了﹗太多的carb 所以最終都是留下一籃子的plain naan﹐好浪費

今日同個外國o既朋友仔走左去赤柱, 諗住同佢experience 下冇咁繁忙o既香港. 我地成一點幾先入到去.行左一輪, 決定搵野食.我唔知搞乜好想食海鮮, 我地比較過之後, 入左呢間... 到我睇menu o個時即後悔. 我地之前o個晚先至o係SOHO o既Habibi 食左o的好多香料o既埃及菜. o個疊menu 上面, (又係好多香料o既) 印度菜多過西餐, 又冇我心目中想食o既野(mussels 呀, 生蠔呀等等). 結果我就order 左個九十八蚊o既pizza set 加個啤酒, 個friend 就order 左價值百零蚊o既兩個course o既set: Caeser salad 同埋茄汁長通粉(正式個名我唔記得左), 外加Heineken 一杯.個pizza 我叫左佢地o既Bayside pizza (唔係好sure 呢個係咪正確名稱啦!), 個樣同Roma Roma o個隻pizza 一樣, 都係長形. 不過佢地係同一個group, 可能都係咁樣整個pizza dough 啦! 個味道都唔錯, 個底都係又薄又脆, 個pizza 上面又有煙肉又有pepperoni, 但

環境很舒服, 有feel, 叫了caesar salad... 好味, size都算大, 又叫了roasted ribs, cheese & ham pizza, 同cheese 焗西蘭花... 都好味... 份量都好夠...會再去...

周末與朋友來吃午餐，點了一個天婦蘿蝦及一個set lunch 。龍蝦湯很香濃。天婦蘿蝦很大隻，啖啖肉點著酸辣醬汁幾好味。主菜係印度燒烤雜肉，有羊肉卷、魚、雞等，配咖哩雜菜及Naan ，味道不錯。

Yes, I do agree that they take orders wrongly!We went there last Wednesday for dinner and we ordered quite a lot a food and in the end we had quite a lot of pizzas left. The waiter came over and asked if we were vegetarian (his didn't speak English very well and we had difficulty understanding what he was saying), we said no we are not vegetarian. Then he said something like,"xxx xxxxx xxx Chicken Samosa?" Then we said,"uuuuum...ummm..yes", because we had chicken samosa for starter.AND,15 mins l