BBQ美食店

营业中

休息中

同朋友成9:xx pm 都未食dinner, 餓到扁咁滯, 記得上個禮拜經過呢度見佢爆晒棚咁多人, Openrice 又咁多正面comments, 就唔理佢幾迫幾多人, 都要0黎試0下.叫0左好多串燒:- 雞脾肉x 2- 雞腎- 雞中翼x 2- 辣味豬頸肉- 墨魚鬚(原本叫魷魚鬚, 不過無貨)- 金菇牛肉卷- 芝士腸x 2- 牛仔骨- 螺肉個人覺得最好食係墨魚鬚, 螺肉同芝士腸... 墨魚鬚好腍又有鮮味, 螺肉脆卜卜又甜甜0地, 芝士腸就夠熱辣. 其他其實都ok, 不過雞中翼表皮有少少過燶. 豬頸肉唔多好食, 雖然唔油膩, 不過好似乾得滯, 又無乜肉味, 而且落得太多七味粉喇. 雞腎好脆, 無異味, 不過亦無乜味...可能係調味過程影響...? Overall d 串燒味道好家庭式燒烤咁味, 其實幾好食, 不過我都係鍾意九龍城0個d 泰式串燒0既味道多d.環境好迫, 好好生意, 不過無所謂啦; service 都算ok, 好efficient, 而且態度都唔錯.呢區食0野愈0黎愈多選擇, 真係好喇. 下次要0黎試海鮮燒烤先得!

友人話想食ＢＢＱ，家陣又唔係涼左好多人數又無乜，點ＢＢＱ？到左目的地,真係比個名令我呆左一陣.....真係叫ＢＢＱ　＠.＠"環境，麻麻喇，始終間鋪細，都幾迫點左既野包括扇貝，貴妃蚌，蜆，牛利，鴨胸，豬頸肉，雞肉，腸仔，車厘茄煙肉卷（？）等海鮮有Ｄ係時價野，價錢相對比較貴不過當Ｄ野上檔之後就唔會再覺得貴夠新鮮，夠大件，又整得幾好食豬頸肉，呢樣野真係不得不提，燒出黎幾香口幾好食睇波既話買Ｄ番去一路睇一路食都好其他野都幾好食呢埋單每個人百三左右飽到有點滯～～～

阿K從友人口中得知西環開咗一檔BBQ舖頭，適合好似我垀想食BBQ，但又嫌麻煩嘅人幫襯，於是我地嚮星期六晚就去咗試吓。舖頭面積較細，坐滿都係得大約三十多人左右。我地約七點半去到，舖頭剛剛營業，得小貓三、四隻，以為生意麻麻，點知過咗冇耐就幾乎全埸爆滿，証明有不少街坊都慕名而來。睇完貼在牆上嘅剪報，決定叫咗牛舌、芝士腸、雞肶肉、大蝦、雞腎、粟米、羊半架同埋墨魚丸。食物方面總體嚟講唔錯：牛舌燒到個面有少少脆，爽之餘又有濃烈嘅牛味，鍾意食牛嘅可以一試；大蝦係新鮮燒嘅，有$65、$75同埋$85 三款，我垀嗌咗 $65，都有成八、九吋長。其實蝦本身嘅鮮甜味已經好好食，再加上一啲醃料效果更佳，係一定要食嘅一款；羊架相比之下較失色，好韌，無乜羊味，實在「難能可貴」；其他食品同自己燒嘅分別不大，不過佢地日燒夜燒，技巧比我地高好多，所以係比較好味。有啲食友話有味精，又話太鹹，我就唔多覺，起碼我皮膚冇出紅疹。再睇呢度啲服務，食友眾說紛云，由十分好到十分差都有，等我講番句公道話。呢度嘅服務態度唔錯，但係服務質素好唔掂。先講服務質素方面，佢地完全忽略物流呢個因素，當唔同檯都落咗單嘅時候，佢地唔會理會落單嘅先後問

同一個又係好大食0既friend 0黎食, 食0左好多0野; 基本上樣樣都好好味, 海鮮、羊架、茄子、鱔係必食0既。特別係個燒鱔，個面燒得好脆(但係一0的都唔"loan"!)，裏面又好多汁!其實都唔可以話貴, 想平就唔食咁多海鮮囉(但係真係好食喎!)，始終海鮮都係貴0野!我地冇食都牛同雞，下次一定要食埋佢!PS: 隔離位有幾個阿太自己帶埋支香檳0黎一邊飲一邊嘆BBQ。

我朋友尋日帶我去食,去之前佢同我講話好抵食, 咁我又係超級終意食bbq,就算唔係好就腳都去試!我兩個女你叫一串超級無比敵大蝦加大大隻的扇貝, 仲有鮑魚, 牛舌, 金菇牛肉, 白eel, 好甜的corn, 雞軟骨, 羊架, 燒菜....每人都只是$140/每人, 我平常去中環食最少都要$300/每人, 仲要有咁多海鮮食肉類的質素當然冇d貴價場咁好啦!!但整体來講, 都真係幾抵食, 值得一試!!

服務差到爆燈.....7:25pm去到....叫左八支"串燒"....追左好多次...7:55pm先來兩支....8:25pm...一個鐘燒得四支...唔好玩....平時街邊串燒...都係兩分鐘一串...十五分鐘一串...燒到變炭...8:00pm有四個人先黎...我地叫一支墨魚丸人地叫三支....8:20pm人地黎左三支....其他野仲上得好快...我地都未黎一支墨魚丸...其他野更加唔駛講...有無搞錯!!!不要小看青少年的消費能力...去過三次...每人至少都有$130

早兩日朋友介紹呢間bbq,雖然條街好靜,但門口已經有好多人等緊位,足足等左個半鐘,終於坐底order野食,又要等,首先試左d例牌野,味道都唔錯,起碼唔會有味精啦!呢度出名海鮮,我當然要試下啦,雜誌介紹過d大蝦同貝扇,原來真係好大隻,味道一流tim! 十分鮮味,等左咁耐都值得。想食番碗粥,又賣晒,好彩支涼茶補番數.下次我一定要再去。

食過兩次..兩次都回味無窮!!兩次去都坐無虛席就知掂啦~~~d海鮮真係好正..尤其係大蝦& 超大隻扇貝..值得一讚係每晚有一款粥..食過豬骨粥..真係好好味!!雖然係要等好耐..好似食法國菜咁..BUT人地真係即叫即燒GA MA(你地應該睇到GA WOR)..環境係逼左D lor..but冇影響到~~總之真係好正好正啦..仲有..好抵食lor..幾蚊一串ja wor..點解d人覺得貴ne?!!係咪你食左好多自己都唔知呀??

我果晚同兩個朋友食左以下食物:皮蛋豬骨粥(1碗)大蝦(3隻)咸牛(1串)燒鴨胸(3串)牛扒(1串)燒羊架(半架)燒蜆(8隻)雞腎(1串)粟米(3條)墨魚丸(1串)雞中翼(3隻)芝士腸(1串)司華力腸(1條)雞軟骨(1串)燒茄子(1串)汽水(5 cans)我覺得最好食係皮蛋豬骨粥, 大蝦, 燒鴨胸, 燒羊架, 燒蜆, 粟米, 雞中翼之前有人話太慢, 即叫即燒係咁嫁啦, 每一串黎到都係岩岩燒好, 我覺得好好食另外有人話態度唔好, 講真, 咩價錢呀, 人地隻手都冇停過係咁燒, 你仲想要求d咩呀, 況且我又唔覺佢地態度唔好.

9/5 個晚同bf 兩個人去食差不多8:30pm 先到但都重要等位我地排第三等15~20mins 度啦兩個人叫左雞翼, 牛扒, 芝士腸大蝦, 茄子, 雜菌, 蠔同烏頭每種都唔錯最好味的係蠔同烏頭其實依間野真係好好生意由我8:30pm 去到至9:30pm 都重有人等位9:30~10pm 都滿坐以佢咁的地理位置真係好好生意不過最差的係d 野食要等好耐先上所以我同bf 由9pm 先有第一道菜一直食到10:15pm食d 咁快熟的串燒都要等咁耐好似食法國菜今次兩個人一共食$199ok 價咁啦最後特別推介個度的涼茶唔係太甜, 同d 咁熱氣的串燒一齊飲最好

見到食評都幾多人話好食,頭先去試左,叫左d大路野,雞亦,金菇牛肉卷,雞比菇,雜菇等豚肉很普通,雞中/全亦都好味,不似別的店會很咸,但d雜菇唔得,d蒜頭切得太細,成包菜有苦味沒有叫海鮮,因為都幾貴

睇左咁多關於呢個食店o既評語，都忍唔住笑左出黎....有人嫌海鮮貴、有人嫌態度差、又有人嫌招呼慢得滯....不過都好彩發現到有個意見非凡o既FeFe，佢會講出邊樣野食幾特別，又會建議d雞翼應該可以o既話落多少少鹽會美味d....唔會好似某d人咁淨係識得踩....最近見到某個評語重攪笑....嗯....佢話呢間野d野食味精太多，攪到佢返到屋企重係咁搵水飲....以本人所知，你就算平時自己出去BBQ，又或者你出去酒樓食完飯o既話，都會係咁搵水飲啦!食物NO?本人見到其他d人又未試過咁講lor!至於話消費唔係你想像中咁平?其實我覺得呢樣野係最好笑lor!埋單o既價錢根本可以自己控制，人地又有Menu比你睇，海鮮價又會講比你知，冇迫你食ga?其實我去親呢度食野o既時候都會留意到，有好多人去到唔知食乜好o個陣，見到隔離d野食好似幾美味咁，又會跟住嗌，但係到張單埋黎之後又呷貴!唉....以我試過咁多間BBQo既經驗，可以話比你聽，以你所講o個d其實唔係味精，係味鹽，你咁怕重o既味精，下次可以叫人地走味鹽ga!其實飲多d水咪重好，健康指數話每人每日都要飲八杯水啦!!

食物太多味精. 但老闆們招呼都很用心. 可惜... 没有一款美食令人回味. 令我記起的只有過量的味精和回家後不停地"飲水". 各位, 每人最好預$100-120消費. 不是想像中的"平"

Food is okay. There are many variety to choose. But they serve very slow. I spent an hour for eating several items only. Also, the service is bad, no one take care us. I rather spend more money in a fine dinning restaurant.

The food is OK but quite expensive if you order Seafood.