BBQ美食店

营业中

休息中

星期六心情就像下著大雨，幸好星期日又是晴天，這夜神心的搭成個幾鐘車走到了西營盤食bbq慶祝一番﹗睇書話呢間野多人得不得了，所以下午已book定位，亦好險地岩岩好準時到達，一到全場已滿，好在仲有兩個位點左幾樣海鮮，有蠔啦、貴花蚌啦及墨魚蠔好新鮮仲有海水味，不太creamy，不吃蠔的人都吃左三隻呢﹗最好味是墨魚，岩岩熟，爽死﹗28蚊吧﹗貴花蚌味道一般無驚喜，可以試第二樣﹗我想試下蟶子﹗牛仔骨超甜，人間極品﹗原來有人都鍾意好似我咁食圍住舊骨的筋肉，呵呵﹗秋刀魚可能由於燒既關係，不腥喎，我都食到幾口﹗老闆娘負責燒海鮮，偷左師下次返屋企自己整﹗燒大蝦成隻手臀咁大，不過成六十幾蚊隻，下次再試﹗為左支持零八北京奧運我地飲左五罐青島﹗只見全場都係飲涼茶，係得我地飲鬼佬涼茶，真係......食左十幾廿樣野，到最後飽到.......起身都起唔到﹗超好味呢道，又有風味0的野食慢慢上，不趕，傾下計睇下佢地燒咁就過左兩個鐘喇﹗

上星期三同朋友一齊返去西環間BBQ食串燒，發現開多左一邊，一邊食串燒，另一邊食鐵板~ 一坐低，就即刻叫左我最喜愛既翡翠螺，我食過幾間，都係呢度既口感最好同埋個醬最好味~之後就叫左好多野，呢度最特別我覺得係海鮮，我地想叫特大聖子，因為好好味，好可惜賣哂~ 我平日出去食海鮮都唔食聖子，但係呢度既特大聖子真係好好味~ 於是就叫左扇貝，燒得岩岩好，好有鮮味~仲有叫左雞脾肉(推介！)、燒雜菌、雞脾菇(推介！)、墨魚丸、雞腎、芋丸、雞中翼、芝士丸、司華力腸、煙肉豆卷(推介！)、魚片頭、燒煙鴨胸、茄子等~ 食到好飽呢！另外好欣賞呢度食物都幾多款選擇之餘，仲有唔同既飲品，最好就係有無糖既自製涼茶！我每次去都一定會要一支夏枯草！正！呢度唯一唔好就係要有車先方便，唔係都幾難上到黎~ 同埋week end勁多人！最好訂左位先~ 訂左位去到都要等~ 要唔介意等先好去~ 又或者好似我地咁9:30PM後先去~不過呢度week end就算10點都仲有人排隊，11點都仲有人黎買外賣~ 下次返黎一定要食特大聖子先得！

我們一家五人，開始點了約20多樣嘢,個老板娘走過來通知話”Ｄ嘢要等15分鐘，唔駛'催'!!期間一路等,他們不斷把食物給隔離枱, 隔離枱就有一個人是電影'茄呢啡'。不斷把食物給隔離枱,多到隔離話有D嘢唔係佢地嘅!!! 隔離張單一定大過我們, 我地就一路都無嘢食。老板娘行過想問佢,佢都當見唔到我地咁,仲慘過求佢比嘢我地食。成家就係咁等, 等咗一個鐘D嘢先嚟!!!!似乎係做完哂其他枱先做我地張枱,都算了,因為隔離及有些枱是比我們來得早。我地再加單7-8樣嘢,個老板娘話”加單要等耐Ｄ，唔好'催'!!!!!!”真係好冇禮貌。我地一直都無'催'佢, 點解可以對客咁講嘢。後來45分鐘之內來了食物, 但係又欠一個貴妃蚌未嚟。又要再等!!!, 又唔' 催' 得!!!!!, 等到部份家人都走了, 才看見他們才把貴妃蚌放進爐, 等到店中由滿座到只有一半人。終於又等多足足40分鐘, 貴妃蚌才來, 真係等到傻!!!!!仲慘過要等佢去街市買。他們是故意拖延留住D客係間舖, 搞到間舖好似好旺咁。做唔切,又要扮旺場,又見錢眼開。一Ｄ待客之道都不顧，只顧大張單嘅客，同造勢。結果都係得失Ｄ客，做生意手法有問題，唔會再幫襯

we were very lucky to happen to drop by and try it without having to queue at all (yeah! 'cos it was barely 7pm ) it was nice to be seated and served (without needing to bbq myself). overall, food quality is good. i was surprised that they could "bbq" raw vegetables, not bad!advice: just have to bear with the space, don't expect to be seated spaciously and get served like as in a restaurant.

Food is good, inexpensive, but usually need to wait for a long time. Should go there early to avoid the crowd. Young staff are also nice.

服務態度差都震，又多味精，再去先致奇

噚晚放工唔太餓但想食少少嘢,兩次6點經過都未開,今之夜探呢間燒烤店,座位比較窄,老婆同個女先到,佢哋叫咗燒雞肉腸,雞中亦同雞腎,跟住我到步叫啤酒點知未有酒牌要去對面舖自己攞啤酒,無問題因侍應都幾有禮貌,跟住叫豬頸肉,大扇貝,燒原隻大魷魚通通沽清,剩留燒大蜆,O.K.要!!再加司華力腸,老婆叫咗枝夏枯草同唔記得'物'涼茶,可能成12點客人無咁多好快有得食,味道幾香口,埋單$120連Tips,抵過去'石糖X'食燒烤,

在朋友介紹下我到咗呢個位於西營盤第三街BBQ串燒店食晚餐,我在晚上８時到達上址己見滿坐,因我地沒有留位,所以要在門口等位.但係我同３位朋友等位其間己在門口見到串燒真係好多款色同嗅到D串燒發出呢嘅香味,令我希望快D食到呢D美味串燒,我地在門口等咗二十分鐘,鐘於有位,由一位曲髮載眼鏡小姐有禮貌地載我地入內坐,我地第一時間看看有什麽好食,我地４個相己咗成十分鐘都未落到單,因為太多款色花多眼亂,鐘於我地點咗雞中亦,咸牛利,牛肉卷,雞軟胃板,牛仔骨,紅腸,青豆卷,魚片頭,辣味朱頸肉,還有朋友口中不可不吃嘅海鮮,生蠔,聖子王,大蜆,同店內員工介紹深海八爪魚和活墨魚,當第一樣食物雞中亦到來時候我們己急不及代試這裹師父串燒手摰,果然皮脆汁多,牛肉卷上加咗日本燒汁美味之選,青豆卷嬈到金黃色加左味鹽,食落脆口之於亦都相當野味,朱脛肉加左日本七味粉好味之於亦吾會太辣,聖子王加左上湯落去原隻燒,非常鮮甜,生蠔加左芝士及蟹籽作調味亦是非常好味,八爪魚同墨魚煙煙勒勒,好好味,今次朋友果然無介紹錯,不過等食物時間好內成十分鐘先可食到一串,眼見店內師父不停手係咁燒又要即叫即燒,等得來都可以原諒,幾個人要燒幾十人份量,

d野食都ok~價錢都唔係平~中上最衰係等得勁耐d野食我同我朋友都唔係叫左好多野食諗住一路食一路叫頭一轉野食都要等成70分鐘先到齊坐左60分鐘已經等到想走~但係d野未到齊~同佢地講話走先~未到果d唔要~等得太耐佢地就收晒我地錢先~唔比走= =就即刻好快比埋未到果d我地燒串牛肉唔洗燒70分鐘啊= ="所以都冇mood再叫~等到燥同埋我覺得唔係好抵食我同我朋友一人食左$85~但係未飽的

我平時同屋企人去燒野食,都好鐘意買海鮮去燒,上OR見到有鋪頭賣燒海鮮,就要去試試啦坐低見到燒烤爐前的呀姐,燒什麼食物都落好多,鮮橙色味精粉,(見到都怕)一場嚟到都要食嫁,冇計叫左,雞中翼,咸牛利,牛西冷,雞脾菇,燒日本蠔,菊花茶(雞中翼,咸牛利,牛西冷,雞脾菇),調味完全一樣,都是味精粉燒日本蠔:太多不當的調味,浪費食物菊花茶:淡到同水沒有分別,冇菊花味及冇甜味我同妹蛋未食飽都要走人,搵其他野食好過,怕卑味精剎死我真系想煮D野食卑班店員試下,不需要落味精粉,反而我會煮得好過他們,要落就落D天然香料啦全店最好不是味道,是服務有禮貌,都幾攪笑.......

我住佢同一條街, 由水街旁的細舖搬東南旁的中舖, 再依家搬埋去對面大舖, 地方大左好多, 仲有間房.今晚掛左一號風球, 擾攘緊掛三號風球之際, 返到屋企又唔想煮麵食, 落街覓食, 水街間飲冰室上次食過麻麻地, 又唔想去味之味咁寡, 又唔想去東南, 鴻興又收得早, 就去左BBQ.由於一個人加上平日, 坐吧台很快就有位, 今次點了西冷牛扒($10), 燒豬頸肉($18), 腸仔兩條($2一條), 燒秋刀魚($18), 牛扒其實在早期間細舖個年代只屬一般之作, 當年係比較靱的, 但依家再食到的, 已經冇左當年唔好食的影子, 反之好入味同好淋, 食落口完全唔駛用牙去「撕」開佢, 幾好; 燒豬頸肉今次第一次叫, 果然冇叫錯, 幾好味, 雖然細份了少少; 腸仔唔好以為好普通, 事實上大家燒過野食都知, 腸仔要燒唔難, 但就好難燒得靚, 不過佢地真係燒得好靚, 唔會燒到黑晒, 剛剛好的; 秋刀魚的魚味好夠, 雖然等耐少少, 但值得.臨走前, 叫左支金銀菊($15), 據知涼茶及粥都係老板娘自家製的, 有次飲過蔘蜜($15)都幾好, 今次試第二樣, 結果都唔錯, 食完熱氣野飲番支冰凍涼茶, 又涼番晒.

雖然此BBQ店在較隔涉的第三街,在旺角金雞門口坐小巴,行西隧只須十五分鐘,而且在街口下車,免卻大熱天時還要上斜路之苦.就算在黃金時間,也不見得有人龍,可能新舖已開,分擔了不少人流.不過仍然生意興隆.自稱為家庭式,人手也很充裕,幾個人在燒爐前坐陣.應該是擴充營業之後,改變了經營策略,最緊要的,就是食物要好吃,懶理是什麼形式.一心來吃燒貝殼類海鮮,價錢相宜,燒蚌同大蜆原隻燒,味道鮮甜,反而燒日本蠔在面上塗上的醬汁,感覺有點怪怪.略略拖垮生蠔本身的味道.其他如燒魷魚,燒雞翼,牛舌,牛扒,茄子,雞腎等等,也很不錯.雞腎爽脆,雞翼的雞皮燒得香口.牛扒吃落也有肉汁.這夜並不是什麼日式串燒,當然沒有茶漬飯同冷麵.想下火就來個口感綿密的豬骨粥.有異曲同工之妙.新店沒有酒牌,想飲兩杯就要過舊店買,或者自攜,不另收費,你想帶啤酒紅白酒,甚至燒酌,悉隨專便.如果一大班人前來,可以包房,免卻油煙味之苦.

優點：食物真的一流，連普通的豆卜、冬姑都會烤得非常好吃。侍應們很落力。缺點：晚間好多好嘈、好擾攘的醉酒佬幫襯，普通人客會覺得好嘈。落單機制要改善。可以在要「等好耐」的食物旁加粒星星，比客人知道果款食物要等好耐。

My first time to go there was like 6months ago, after i tried the first time, i couldnt resist to go there again, the food is very good, and the price is decent, quite cheap to be honest!The only bad comment that i could give is that it's always full house so u may have to wait for like 20-30mins until they deliver the food to you. But overall the food is very good and the service pretty good especially they moved to a bigger place and hired more people.Also, a reminder is that u need to reserve

前幾日去左呢間bbq，個位係有ｄ偏僻，去果日係平日出面都好多人等位，可見其歡迎度，而好多朋友去過都賺好就同幾個ｆｄ食。起初叫左ｄ金菇牛、西冷、豆卜、雞脾菇同抵食的大蜆（一份７、８隻都係＄３５）。野食好似大家咁講係出得幾慢，不過ｄ店員好好，好關心我地同有禮貌，加上店舖人多值得原諒。　ｄ野食（由其係西冷）落左味鹽好惹味，唔受得的人可能覺得太咸多味精，見人見智。而大蜆就好鮮甜，食到唔停口！之後再加單，都預左要耐ｄ，不過食完都覺得值得等，一碟時菜同埋魷魚筒，重有不得不提的豬頸肉，等幾耐都抵，食左兩客＝〕　　總括係等食物較耐同多油煙，服務同野食都一流，同埋老闆好ｎｉｃｅ＝〕