BBQ美食店

营业中

休息中

BBQ新店開咗張啦!!!!!即刻去食吓啦,新店果然大了很多耶,坐位又舒服咗,但係一樣咁爆埸,所以都係等咗好耐,不過食物質素冇變到,聽個到D人講由於新店開張,所以有D亂,不過老闆同店員都不停咁同我地SAY SORRY,又請我地飲涼茶,仲收平咗我地少少錢,攪到我地鬼咁唔好意思,而且我有好多FD,公司既同事,親戚都去過BBQ,都讚佢地好好人,就算要等耐D都可以包容一下既,人地唔係有三頭六臂,想食D好食既食物等耐小小又咩所謂呢^O^,就算自己燒都要等好耐啦,何況人地要應付幾十人呢!!!!!人地咁忙,D店員又新,比次機會人地,話晒人地新舖大咁多,運作未咁快順暢呢,佢地真係忙到冇停過架!但D出品就一D都冇變,好似海鮮同羊架就VERY NICE,慢工出細貸丫嗎!真係好好食架^O^!

雖然食物款式較多, 但人造色素及味精太勁, 食完之後有燒喉的感覺!環境方面, 直情做左人肉吸油烟機! 走出店之後, 係人都知你食完燒烤!d服務又差, 等位等到腳都酸!總之無下次, no! no! no!

昨天,跟幾個朋友到了西環的BBQ,首先點了幾個小吃,豬頸肉,雞腎,雞中亦,味道不俗。其後,朋友到齊,再點了一些海鮮,鮑魚,大蝦,中蜆等等,味道很好。總括來說,服務不錯,只是出菜和埋單的速度比較慢,其他都很好。

昨夜(13/06)去了一間在西環西營盤街叫BBQ的吃串燒, 吃後感是-迫, 煙, 嘈, 火! 我們一行四人七時便入坐, 叫了十四樣但每款兩串的串燒, 另外再叫了些啤酒汔水, 店裡大約七百至八百呎左右, 直線設計, 開了七成做開放式廚房, 出入口沒有門的, 所以食客全迫在一條直線, 當廚師燒烤時那些油煙便攻出來, 由於出入口沒有門, 那些冷氣也向外走, 想像夏天吃串燒, 又油煙冷氣又向外走都幾辛苦, 坐位和位之間很迫, 伙計和食客在一條行線走來走來, 讓環境已經很焗再加上擠迫. 我們七時開始叫食物, 剛開始時也蠻快, 先來了一些很大路的雞翼, 雞軟骨, 豬頸肉, 咸牛脷, 味道不錯(這些大路東西不會那麼容易出事吧!) 其實心知吃串燒應該是比些時間慢慢吃, 但吃完這些大路東西後, 便開始要等了, 等了差不多一個小時, 八時左右, 才出現煙肉車厘卷, 原先叫了兩串, 但伙計話要先分埋給其他人, 所以先分我們一串再後補(!?), 再過多半小時才來蠔, 鴨胸, 羊架和一些串燒魚, 如事者, 又繼續等我們的活鮑魚, 聖子, 金菇牛肉卷, 魷魚, 等到差不多九時, 問一下一個白色t-shirt的男伙

上星期六, 去到order 左五串外賣, 佢地話要20 分鐘到, 咁我咪20 分鐘後返去pick up. 點知返到去問佢有未, 佢地原來仲未開始燒!!!!!!!!要再等多20 分鐘!!!!!! 唉!!!!!望下佢地燒野果D 人, 除左老版娘之外, 其他都係新人, 唔怪之漏單啦!!! 仲有佢地燒野既手細, 簡直....短期內都係唔好去住, 等果D 新人學識燒野先, 或者等佢D 新人走左先好再去

早已聽聞這家店子的厲害,假期或前夕如果無訂枱就無位,於是晏晝訂定即晚8:30,點知我同班朋友一行8人去到足足仲要等多40分鐘先有枱,期間真係差d想走人,不過眼見真係好爆場而且佢地好nice咁不停say sorry,所以我地都傾住咁等到入座,當晚我地點咗d例牌嘅中亦,西冷牛扒,羊架,腸仔,丸類,另外仲有多種海鮮如烏頭魚,聖子,大蜆,鮑魚,象拔蚌,蠔等等...正,幾蚊串嘅串燒夠juice兼且好有bbq嘅風味,係用心之作實在抵讚!海鮮真係夠新鮮兼好好味,條大烏頭魚60蚊就有食真係好抵,因為以咁大size嚟講一般d舖頭都要百幾蚊條,而聖子就真係諗唔到原來燒出嚟係會咁好食咁鮮甜同蒸有好大分別,我地足足encore咗3次,鮑魚夠彈牙鮮甜,總之d海鮮就係超水準啦,所以難怪晚晚都咁爆埸,所以最美中不足就係要等咁耐囉,不過可以低消費食好嘢等吓都無所謂啦!!仲有附帶一提記得要食佢地個粥呀,真係好家庭feel同好好味o架

聽說第三街這間BBQ 很有名, 抱住期待去試, 結果....問題多而廣泛, 只有資格做「樓下順路食下」那種店, 不適合專程去試。吃完之後, 渴得要命, 咁重手落味精, 近年罕見。燒工很糟, 大致就是不停放油, 務求讓濃脂肪塞滿味蕾。例如羊架本身已多油, 但他們還要再上油; 蔬菜也放油太多, 大概是因為要做到乾身有汁太巧工夫, 功力未到. 吃雞軟骨時, 分不清是炸還是燒。吃燒豆腐乾, 乾得快要碎。豬頸肉, 有幾舊燶到變炭, 佢明唔明「炭」和「燶邊」既分別呢? 串燒醬亦做得水皮。醬分兩種, 一種沙嗲醬, 本來要辣中帶甜, 但它是勁咸的(仿日式居酒屋醬?) ; 泰式那種應該酸的, 奇怪地同樣是咸。肉質唔計了, 始終與價錢有關. 唔通要求一串$8 西冷扒, 要有霜降牛質素咩. 問題在於調味。燒牛扒時, 就大手落黑椒和香草, 濃到帶了酸味. 燒海鮮時, 佢地重手落胡椒闢味, 連蟶子、象拔蚌仔都狂落胡椒。就算是家庭式, 最好都有一點煮餸基本常識. 而且, 佢出貨流程好慢。全店約可坐25-28 人, 吃一頓飯, 大約食十幾串串燒, 用左1.5- 2 小時時間。食一串肉, 可以等十分鐘後先有第二串

超唔明有セ好食!係咪西區d食客要求真係有得食就好.我第一次去叫左d基本野加大蝦扇貝羊架,跟本一d都唔好食,諗定係忙所以咁差.所以去食弟二次但全無分別.d虾跟本無bbq味扇貝上面加左冰糖水去燒完全無本身既鮮味燒牛舌重好笑完全係將串咸牛脷去整熱上台時重有水出咸牛脷都可以燒唉!全部食品上枱時是凍的全無燒烤昧.如果要食bbq寧願去般含道wildfire對面間串之燒or燒之串好食好幾十倍上枱時起瑪熟騰騰有bbq香味消費都係一百度.

去到朋友已經等位達半小時, 入座前已選定吃什麼, 點了共12樣食物, 有牛仔骨,豆腐卜,雞翼,西冷牛肉,雞軟骨,鮮東姑,片頭,牛丸,燒大蝦($90/只),燒蠔,燒硯.....結果由8:30吃到10:15也未吃完, 不是不捨得走而係還未到齊..唉!當中有其他客人已經按捺不住破口大罵, 但係該店員工(應該係一家人)亦好不客氣回應"燒烤食物係要等咁耐架,如果不要的話取消啦...." 豈有此理!至於我同朋友再也等不了雞翼,牛丸及燒硯沒有燒好, 即時要求埋單走人喇...還以為有什麼特別好吃, 其實只是普通燒烤食品而已!(賣點..即時燒烤~~要等& 貴)

身為西環地膽,就同男朋友膽粗粗唔訂位去食,好彩有人冇黎,於是張檯俾左我地!等緊時已經填哂食咩,省去坐低諗0既時間!鴨胸牛脷西冷牛扒金菇牛肉卷雞肶肉x2雞軟骨x2雞腎煙肉車厘茄貴妃蚌大蜆螺肉粟米菜乾豬骨粥燒大蜆好鮮甜,我仲將d汁都飲埋,連隔離個阿姐都望住哂!另外雞肶肉都好味,所以前後叫左2份!不嬲都鍾意食雞腎,所以燒烤都唔例外!上次食過0既煙肉車厘茄,今次再食,証明靠得住!煙肉咸咸地配茄仔甜甜地,感覺特別,而且好juicy!評價麻麻就係螺肉冇咩味,淡口左d...另外雞軟骨就略為少d囉!最後,唔知其他人點睇店員0既態度,但我就覺得好好,由我等位,上菜,埋單,離開,佢\地都好nice,好有禮貌!當然希望佢\地可以keep住咁樣!

這家港式BBQ的確不錯, 說到明是"港式BBQ", 當然少不了味精. 所以吃過後口渴也是意料中事, 不口渴怎麼算吃過BBQ?!差不多全部款式都吃過了, 最喜愛的還是蜜糖燒大蜆, 保留著鮮味的蜆汁跟大大舊的蜆肉一併吞進口裡, 鮮甜而多汁.... 大蝦新鮮夠份量, 燒出來的大蝦一點都不乾, 吃落爽口肥美. 誠意推介燒茄子, 加上木魚, 有日式的感覺. 本人尤其喜歡他的燒時菜, 別的地方吃不到, 但是最好吃的菜都是在冬天的, 那是最爽甜最香口的, 在夏天吃當然沒有那麼好味了. 小小的舖頭, 做的是街坊生意, 服務當然沒冇fine dinning 那般到家, 所以不能作比較的. 但一眾老闆也待客親切友善, 感覺像在家吃飯一樣. 推介美食:雞脾肉時菜司華力腸(如果好肚餓的話)大蜆尤魚筒大蝦各類海鮮...鴨胸豆卜西冷牛扒

之前己經來過一次，試過蟶子同大蝦，覺得海鮮不錯，所以今次再嚟試其他海鮮。本來想試大蜆，可惜無貨。貴妃蚌(一份8隻) - 鮮甜無比扇貝- 啖啖肉大蝦- 至少有8吋長，彈牙螺肉- 夠爽口鴨胸- 有驚喜羊架(半份4件) - 正，冇騷味牛仔骨- GOOD燒茄子- 鋪上木魚有日式FEEL燒粟米- 夠甜，乾身不易"痴"牙燒冬菇- 又滑又JUICY燒菜心- 一般金菇牛肉- 一般牛脷 - 一般雞軟骨- 略咸咸蛋皮蛋豬骨粥- 不夠入味涼茶- 自家製，走甜

上星期六同班fr 去, 好多人。跟著個廚話15 分鐘有位。咁等一陣啦。點知佢\個熟客黎左。跟著佢\話比我地知。應該都有排等(暗示我地走)。依家d 人可以咁樣做生意?其實之前去過幾次。如果唔食海鮮都幾平。d 海鮮都幾貴。唔係好乾淨(不過依d 食店都唔expect 好正樣), 兩次食都生生地。又有沙。所以之後都冇叫。

又0黎幫襯, 今次叫0左:- 雞脾肉- 雞中翼- 辣味豬頸肉- 八爪魚鬚- 金菇牛肉卷- 芝士腸- 西冷牛扒- 螺肉- 鹹牛脷- 雞脾菇- 鴨胸- 燒大蜆1 客8 隻今次主要想食燒大蜆, 果然好食, 非常新鮮鮮甜! 不過個別一兩隻食到sok sok 聲, 因為實在太多吐唔清0既沙喇!其他串燒非常唔錯, 個人推介鴨胸, 八爪魚鬚同螺肉!環境光猛0左, 裝修完之後空氣好似流通0左tim, 不過鋪位細坐得迫就好難避免.Service 幾好喎, 好有禮貌幾efficient.下次要試埋其他海鮮至得!

30/9(六) 7:30pm於公司開畢茶會,放工後與男友到西環搵食.上次去到已滿座,今次學精了,預早致電留座.由灣仔丁丁去西環至西環警署落車,再沿著西邊街的那絛奪命長斜行數分鐘,終於到達目的地.準時7點半到,被安排坐最入的2人臺,此區街坊食飯時間比旺區早,店子無9成都有8成滿.小小店子,沒甚裝潢可言,環境擠迫狹窄屬意料中事.食物方面以剔紙仔形式,而款式除大路的串燒外,尚有些特色串燒如香芋丸,禾花雀,魚餅,貴妃蚌等等.我倆點了燒茄子$6,雞軟骨$6,燒片頭$7,西冷牛扒$8,燒雞全翼$10,禾花雀$10四隻,燒秋刀魚$18,燒白鱔$20,燒鮑魚$48兩隻,焗什菌$15,焗菜心苗$15,皮蛋鹹蛋豬骨粥$10,金銀花白菊花茶$12枝.大部分串燒皆可做到外皮脆,內裏肉質保持鮮嫩,肉汁仍可被鎖住,且帶陣陣焦香.較為出色的有燒雞全翼,燒片頭(下次BBQ又有新花款!),燒鮑魚(鮑魚雖不算巨型,但尚算鮮甜彈牙!).而焗菜心苗的口感頗特別,脆中帶爽!別有風味!至於皮蛋鹹蛋豬骨粥以公雞湯碗盛上,粥底稀稠度適中,不算極綿;食味頗鮮,至少吃不出味精,唯阿姐為我們下得太多古月粉,味道偏鹹!當阿姐端上4隻嬌滴滴的