Bello Dining (已搬遷) 新店位置

攞飛等位等好耐，亦唔知點解明明有2人枱𣎴過唔比我地入，咁等左陣隔離二人枱埋單走人，佢地拍埋張枱變4人枱，就叫幾號飛4人枱入得咁，但係明明我同個朋友早黎過嗰4個人唔知點解係比佢地先咯。之後我就同個侍應對質，佢亦無好好解釋淨係話「係呀，嗰張枱留黎做4人枱」咁姐係咩意思先你地，兩個人到算到先都要讓左比佢地先，咁如果之後又有4個人攞飛都係比佢地先架啦，姐係唔稀罕我地兩個人客咁意思係？因為佢地全部枱都係2人枱黎，可以拍埋可以拆我以後都唔會再黎，亦唔推薦大家去服務態度真係唔掂，同埋嘢食味道一般，唔明點解賣咁貴。

Bello是位於天一商場的一間小西餐，地方不大，經常坐滿客人，所以最好就預約才好去，這裡提供的餐單選擇也很多，所以每次去食都可以食到唔同既菜色。價錢亦都比較便宜，主環做返街坊生意。烤雞沙律$48烤雞數量唔多，不過雞味很香口，外脆內軟；而有機沙律配搭千島醬汁，非常新鮮好味Burger$50牛肉非常多汁，加上生菜，麵包也有烤過，所以特別脆口，連埋薯條都係$50，非常抵食👍🏻👍🏻本人亦都推薦這裡的pizza，有別於大型pizza店，佢地會用極薄既批，非常之脆，而配菜就由大家選擇，每味都好食，價錢大約$70-80，夠3-4個人食

以前讀書時期同學都住天水圍所以入天水圍的次數比較多印象中食店都只有一兩間選擇今次因為探朋友的關係發現天水圍都愈來愈多間食店了選擇了這間食意大利菜裝修簡單座位不多但勝在食物優惠美味午餐套餐價錢都是$52-$58性價比高！抵食！大約2點到用排隊直入點了兩款套餐忌廉吞拿魚長通粉卡邦尼意粉(包沙律/湯及冷熱飲品咖啡/特飲/熱茶另加$10)野菌蘑菇湯每一啖都食到蘑菇粒入口濃厚滑溜 菌香撲鼻比想像中味道豐富味道不錯！凱撒沙律配料都是生菜、沙律菜及小番茄再配上麻醬 清新開胃！忌廉吞拿魚長通粉長通粉軟硬適中 口感煙煙韌韌加入忌廉 香濃creamy嘅醬汁再配合吞拿魚食 味道濃郁美味可口！推介！卡邦尼意粉卡邦尼意粉可說是西餐廳最常見的意粉喜歡忌廉味香濃的味道面層灑上少許芝士粉及香草有煙肉作為配料 芝士香氣濃郁食落去香濃美味！口感豐富！不錯！朱古力咖啡Mocha(另加$10)適合喜歡濃濃朱古力味的人士咖啡味較淡因為朱古力粉沈底建議伴均先飲用初頭未伴勻只有淡淡的咖啡味伴勻後面頭的cream會令口感更creamy

店內地方不大，如果座滿人都幾迫下，所以選擇少人的時候食，會比較舒服D。跟餐沙津分量雖然少，但生菜好新鮮。薄餅餅底脆脆地，芝士都很香，幾好食黑松露野菌忌廉意粉，意粉唔會太淋，很香黑松露味道，野菌亦有好多，好味玫瑰蜜糖雞翼，雞肉好嫩滑，配上我喜歡的蜜糖一齊食，真係食到唔想停囗😍

香煎紐西蘭牛柳套餐要7成熟，點知俾個樣似10成，食落一啲6成、一啲8成，啲汁要黑椒汁但係唔係平時啲黑椒汁味，係怪味；配菜得2條菜！薯蓉得麻雀咁大！仲有黑松露蘑菇牛肉漢堡配薯條，塊牛肉好干，蘑菇得2塊仔！薯條炸過龍又干又太軟身仲有啲黃同凍凍哋，好明顯放得太耐！凍檸水無俾糖漿！香辣雞翼本身無味，加咗辣醬變咗好怪！好求其！凍特濃朱古力好淡！完全唔係特濃！淡到好似飲緊水！又貴又超級難食！未食過就千其唔好去食呀！

今日母親節，媽咪話想食西餐但又唔想去太遠...所以帶媽咪黎呢間性價比幾高既小店慶祝母親節知道今日出街食飯一定會好多人，加上呢間餐廳平時都要等位，所以同媽咪商量過就早d食飯啦我地6點黎到，已經見到餐廳就快full，不過就唔洗等即刻有位..但到我地點緊菜果時，原來店外已經要拎飛仔等位喇今晚同媽咪嗌左個燒春雞餐，有雞有沙律，仲有杯野飲，呢個餐都幾抵食。隻雞焗得好好食，d皮好脆加上肉又林滑，一啲都唔鞋，加埋個醬汁真係好。我地另外仲嗌左個炸薯條同一個芝士蒜蓉包個薯條就真係無咩特別，佢配3個醬比你點，黑松露醬都幾特別，但係點蜜糖芥茉醬就最好食個芝士蒜蓉包就相對上麻麻地喇...個包焗得好脆，上面亦有好多芝士，但就無咩蒜蓉味感覺上似食緊芝士多士。總括黎講，隻雞係最驚喜，外脆內嫩又多汁，配埋個蜜糖汁真係好好食

第1次，枱唔多，周六晚都等得幾耐，但係值的，豬肋排燒得好食，牛排有肉味，難得餐具都整埋舖頭名，見到心機，但地方有限，怕難捱，天水圍有如此高質西餐真難得，所以一定會再去，因為未試意粉!

1.豬仔骨：夠入味夠淋又易切2.黑松露磨菇意粉：好creamy啖啖都有黑松味3.黑松露漢堡包配薯條：薯條即炸即食夠新鮮，黑松露配漢堡包夠特別Total:$238，好味又抵食會有下一次惠顧支持小店

唔食野邊有力減肥系列：天水圍天一商場 Bello Dining 第一次食，招牌菜：豬仔骨，肉夠淋，好易🔪就離骨，唔乾好juicy 超值得再食千島海鮮Pizza 🍕份量好夠三個人夠哂飽帶子南瓜意大利飯🍛，仲驚會好爛bat bat ，點知食落唔流creamy 唔錯蒜蓉辣椒🌶️蜆肉意粉 🍝味道唔太辣，小朋友都食到👍🏻本身諗住唔多人去到差不多七點都要等左半個鐘先入到，每食夠一百有一個印花，儲夠印花有野食送，最好係加哂特飲加埋跟餐湯餐飲三個人埋單$392 西餐都算抵👍🏻支持小店

昨天再到這餐廳想用餐，比平常日子多了點人在等候，但平常心地拿張票排隊，當時亦多口向四眼女待應問一句，需等幾張枱？而得到的回應是：二人枱，等一張便是！那就沒所謂地等啦！誰不知有二人枱埋單後，叫票的二人枱，在我票號前仲有兩個號碼，而一個可能受不了，沒有等候就離開了，我票上一號的，就進入用餐。心亦在想，下一張便是我的，再等多一會吧！就在再有二人枱埋單後，不愉快的事情便發生了！餐桌清潔完，應是輪到我們，再誰不知沒有再咸輪票，於是上前問過究竟？那化粧待應回答時，留給八人那票的，這答案真令人上火，更加多句二人枱等不了。這是一間甚麽店，先不管食物好與壞，品行及態度己經不行了，如有這種情況，應與客人溝通好，但客人自己選擇排票與否，不要白白讓客人在門外等半個小時，當作的廣告紙版人。所以以後，本人再不會到此店用餐了！

去完濕地公園醫肚，見到依間有tea set 就試下。 竟然每一樣都好好食！！牛角包鬆化，薯條熱喇喇（仲有三個醬點一d都唔求其），蜜糖雞翼不太甜但入味，意粉夠creamy但不膩，叫左杯咖啡☕️ 幾好（打泡有心）。 依個價錢可以話超乎預期好食！讚👍🏻Randomly searching for a bite after the day at the Ｗetland Park. Came across this cafe and the tea set menu looks quite nice so give it a try. Everything was PERFECT! The croissant was fresh, French fries and honey chicken wings are freshly made from oven, carbonara pasta is creamy and tasty enough. Can tell the chef & the owner have put effort in the food and drinks. Recomme

Had a tea set after visiting wetland park. Pretty convenient. Given the price, I was surprised by the quality of croissant and pastas. The fries were fresh and the chicken wings quite tasty. Coffee is quite okay. Very good and unexpected surprise!

聖誕日下晝突然有人話想出街食晚飯，要求係唔好太貴。。。諗緊：嘩咩日子仲要無book枱，仲要食西餐但要唔貴，難度都幾高噃，好彩最後都搵到呢間西餐廳！ 下晝二點幾打去，問晚餐價錢，聖誕日一個2人餐竟然唔駛$400有一個2人餐，咁就緊係即刻book，我地訂六位，職員好好咁話因爲得張六人枱，如果七點前到都可以，我地本身都無節目所以都無問題。夜晚去到，點左3個聖誕二人餐，每個餐有沙律或湯2客、小食一款、大蝦意粉或意大利飯一款、燒雞或德國豬手一款及甜品和餐飲。其實真係好抵食！講下食物質素，食物質素係幾好架，大蝦意粉幾好食，味道啱啱好，薯條有幾款醬比你㨂，包括茄汁、蜜糖芥末同黑松露醬。燒雞係原隻上，啲肉好嫩，伴個醬係蜜糖溝黑醋，好惹味！ 最後仲有甜品，本來想㨂cheese cake，但佢已經賣晒，得番朱古力雲石蛋糕，個雲石蛋糕都幾好味噃，唔會太甜。野飲方面我加左錢要花茶，花茶係一壺上有蠟燭保持住溫度，如果平日tea time黎食野飲呢個花茶，感覺都幾寫意！雖然間餐廳唔大，座位唔算寬闊，不過食物質素好得黎價錢又親民，呢啲小本經營嘅小店真心會再黎支持！ p.s. 其實間餐廳聖誕當日唔係只做聖誕餐，散叫m

肚餓落樓下搵飯食，行過天一商城好多台式料理又好多乜乜米線，望下價錢都要成40幾，經過Bello睇到餐牌，50鬆少少就有一個set lunch無理由唔試下，點知喜出望外叫左個茄汁雞扒扁意粉跟忌廉粟米湯粟米湯無乜特別，幾creamy都多粟米雞扒皮煎得非常香脆，肉汁好多，一流扁意粉岩岩好，唔硬又唔淋，個茄汁香甜🙄最後檸茶都唔太差既，可以啦埋單52蚊，總括黎講兩個字’抵食‘我一定會再黎

難得有時間食個tea，食得好啲，香辣雞翼加薯條，厚切薯條係我favorite，因為外脆得黎內裏又有薯仔口感，加埋三款醬，全部都令薯條提升到另一層次，第一隻醬係黑松露醬有貴氣得黎又有黑松露香味同薯條非常夾，第二隻醬係蜜糖mustard，本身自己唔鍾意食芥末，但依隻甜甜地亦保持住芥末既少少辣同香，第三隻係茄汁，有少少酸得黎又開胃，至於雞翼，雖然黏滿辣汁，但亦無損雞翼既香脆，非常香口惹味！仲有一杯凍飲，成個餐都係$36，加$10可轉特飲! 推介大家去chill下！