Bello Dining (已搬遷) 新店位置

📍$62 千島蜆肉菠蘿薄餅(包 餐湯/沙律 及 冷熱飲品)即叫即焗，聞落好香千島醬味，配料方面唔算好多，只有蜆肉和芝士 ，但配埋脆卜卜既餅底其實都幾夾。至於調味方面，B先生同C小姐都一致覺得千島醬個比例重手左，因為到左後期食到既只有千島醬味。雖然係咁，但以呢個價錢黎講，有咁大份既PIZZA真係好抵食，下次去可能會試下其他味道會唔會正常番D。..📍$54 意式青醬雜菌扁意粉(包 餐湯/沙律 及 冷熱飲品)第一次食青醬意粉，初初以為成碟係綠色，點知黎到係咁白白淨😂。首先，意粉是以忌廉汁為調味再加入香草，所以碟意粉一上枱個時 已經聞到好香香草味。到食落口個時覺得個味道岩岩好，整體感覺唔會太膩，而且濃度適中，每一條扁意粉都被醬汁包裹著，所以啖啖都感到非常滿足。..📍+$10 升級 美碌暴龍加左朱古力醬係美碌入面，所以每一啖都好濃郁，飲完好有罪惡感🙈。下次如有機會應該會試下佢其他果茶，唔洗+$10 之餘，亦相對比較有特色。..📍蘋果紅茶（熱）第一啖飲落真係好驚喜，蘋果味幾突出，味道清清淡淡，似係加左真蘋果汁落去，唔似係用外面啲茶包。..📍忌廉餐湯本身無咩期待，以為都係用金寶鑵頭湯整出黎個種貨識，

首先等位等勁耐，太後悔冇放棄唔等。入到去三催四請先有人肯寫嘢落order，似係唔優做。首先請短頭髮侍應落order，佢表示唔得閒咁就叫左長頭髮馬尾侍應寫嘢，落單嘅過程，長頭髮馬尾嘅侍應全程黑面，語氣唔耐煩，極度冇禮貌，但係都落左單冇辦法。如果你經常要人調枱，就證明你間餐廳帶位安排有問題，小店唔係大晒。正因為你哋係小店，更加應該係服務態度取勝，但你哋偏偏服務態度最惡劣。嘢食部份，牛扒要七成熟，落刀切嗰下已經知賴嘢，鋸木咁切開，非常un。朋友碟意粉亦都係冇乜味道，但係價錢同出邊嘅西餐廳冇話平好多，何來好評嘅CP值高？？你哋之所以有生意係因為同區冇乜西餐廳小店，萬一隔離開多間，你哋真係唔做得住。

差唔多每星期都會去食佢地既下午茶，主要原因係價錢經濟實惠之餘，質素亦十分之高🤤！每次去食兩個人唔洗一百蚊都走得返出黎🥺除咗下午茶，佢啲lunch set都好抵食架👍🏻👍🏻👍🏻小店座位唔多，而且好受附近街坊歡迎，所以次次黎到，門口都已經聚集咗一堆人係度等候🙊，但係等候時間唔算長，每次都係等咗一陣就入到🥳------------------------------⭐️菜色推介：（1）下午茶-脆炸粗薯條🍟併玫瑰蜜糖雞翼 （$36 連飲品）- 薯條炸都幾脆，配上蜜糖芥末、黑松露同茄汁三種醬，小編極之鐘意佢地個黑松露醬😍，好重既黑松露味再配有少少淡香，次次都會比我點哂（如果可以㨂3隻都係黑松露就好喇🤤）；就算茄汁都係舖頭自己調配，味道偏酸，十分之開胃😚- 雞翼肉質鮮嫩，配上蜜糖味甜甜地，仲有淡淡既玫瑰味🌹（2）其他-田園炸雞🐥漢堡配薯條（$60不設飲品）炸雞皮脆肉嫩，配上菠蘿、生菜同蜜糖芥末醬，啲汁爆哂出黎，食到舐舐脷😋

我同朋友都係住天水圍，朋友8:00放工，都唔想出去，所以想喺附近搵間餐廳坐低食個dinner 傾下計！雖然環境唔大，但都坐得舒舒，牆身彩色格仔幾有特色。 8:30黎到，等左大約10分鍾！整體食物質素尚可，中規中矩！可能我飲熱飲，覺得入面冷氣唔係好夠😅千島海鮮pizza,個底好脆又唔係好膩，都唔錯！香辣蒜香蜆意粉，辣辣地，好好味，但意粉軟身d會更加好！洛神花茶，keep 住加熱，好好呀！頭盤細沙律🥗！

星期六去左天水圍天一商城有間叫Bello dining 嘅cafe食個下午茶。間cafe 設計簡約，感覺幾舒服。雖然店鋪比較細，但有約24個位，所以枱與枱之間比較窄。下午茶菜單都唔算好貴，30-40幾蚊一個餐，送野飲。我就點左迷你卡邦尼意粉加牛角包，野飲就要左熱蜜桃紅茶。牛角包一送到過來已經有d驚喜，份量比想像中大，包嘅溫度剛好，暖暖的。食落味道ok，如果包內再柔軟一d就更加正。卡邦尼意粉意粉用左個比較細嘅器皿裝，但食落份量其實唔少，且有唔少煙肉，實在驚喜。初頭望落個意粉唔多汁，但食落剛剛好，味道唔錯，如果煙肉再香d更好。蜜桃紅茶本身諗住呢d跟餐野飲，都係普通茶包料。點知一飲又有驚喜。佢有陣新鮮嘅蜜桃味，再且個紅茶一d都唔澀。整體來講，睇得出呢間小店好用心做，下次會再來試試。

其實我真係好鍾意食西餐，周不時都會去搵西餐食下。 而因為住係天水圍，所以其實Bello dining 都幾常去，由佢剛開張食到而家😜。 今日專登黎食個下午茶，好似係第一次食下午茶，原來呢時間都生意唔錯，都坐左一半枱。 叫左 鴨胸蔬菜卷 同雞扒蕃茄意粉，蔬菜卷真係唔係到到有得食，所以我通常一見到餐牌有我就會叫，果然Bello dining 都唔會令我失望😋😋雞扒意粉就不過不失，冇乜特別，不過雞扒 醃得唔錯，夠入味。今日就食左呢兩款。 等我將之前食既都同大家分享下😁香蒜蜆肉意粉，蜆肉冇沙，意粉有少少辣辣地。南瓜帶子意大利飯，好重南瓜味，2個人食太溜，4個人order其他野一齊share 就岩岩好燒雞，好大隻，一燒好就上枱，好熱 所以好難分開佢。 但燒雞好 juicy😋冇記錯應該係西冷牛扒，叫5成比到我地，牛扒有肉味，扒菜好食。 唯一不足係個汁麻麻地，所以我都係就咁食/點黑醋食😜

今日同老公第一次去食，上次撞著兩天連假期。叫左2個午餐，一個小食，2杯凍飲坐低無耐先上凍飲，奶茶一般有陣怪味，檸茶正常忌廉南瓜湯不錯幾滑唔似開粉沙律菜新鮮，配胡麻醬好味薯條好明顯係薯仔切條炸，唔係急凍果d，炸得幾好，有一個少少不足之處係黑松露&蜜糖芥末醬，份量相比起茄醬少，有d慳住點咁…因為薯條份量都多，希望醬汁方面可以加多d龍脷柳質感幾好，唔腥肉質唔係散果隻，茄汁少甜，意粉份量好多，如果細食既建議叫少意粉老公話除左淡味左少少外，整體都不錯整體都幾好，員工有禮貌，環境乾淨，會再去。

天水圍西餐翏翏可數，呢間BELLO應該算係比較有水準既一間。枱唔多，周六晚都等得幾耐，但係值的.嗌了豬仔骨+黑松露磨菇意粉+ Latte+蘑菇湯+前菜沙拉沙拉:好清新 幾開胃蘑菇湯: 食得出真材實料,味道極濃,好正。豬仔骨:夠入味夠淋又易切黑松露磨菇意粉:個意粉好勁松露味同埋好creamy 個忌廉汁好香但又唔會太膩，有微微黑松露味，扁意粉既硬度岩岩好，好好食.Latte:雖然要加錢,不過真心好抵呀,味道極濃GENERALLY:真係好surprise，係天水圍搵到間似樣嘅餐廳，太感動.野食賣相味道都好有心機!!會再幫襯!

其實我已經keep住食左一年多，亦都介紹咗很多朋友去食，終於的起心肝幫佢寫一篇食評，原因很簡單：平、靚、正！我和朋友都是食開一樣野就不會轉的人，先講講我們平常去吃的配搭，通常我們都會叫一份午餐加一份下午茶餐。午餐會選忌廉吞拿魚長通粉， $54連餐湯及凍熱飲，佢個汁好夠而且好入味，餐湯亦每日不同有粟米湯南瓜湯薯仔湯等等，飲過全部都好好飲😍另外一份下午茶餐必須提及，因為佢超級抵！ $36有兩隻玫瑰蜜糖雞翼加薯條，配上三款醬：茄汁、黑松露醬及蜜糖芥茉醬！下午茶餐雖然沒有餐湯，但係都送冷熱飲品！$36有這種質素，實在是太抵了吧！而且平得嚟，係超級好食！！隻雞翼有淡淡的玫塊花香味，薯條有3種醬汁滿足哂唔同人嘅需要^^重點！佢是沒有加一服務費的，兩個人去吃一個下午，加埋都不用$100，實在想不到有咩理由唔推介俾大家😭😭

講天水圍有咩好食，以前真係數唔出，唔係集團式就係迎合鄰近地區新移民嘅酸辣嘢，或者係啲懶係高級日本菜但自呢兩年開始形勢似乎有所改變，而喺天一商場呢間西餐廳外表同普通西餐廳無異，唔係朋友極力推薦我都未必會留意到佢主打意大利🇮🇹飯、麵、扒同小食一行7人叫到一枱都係先嚟小食炸芝士條，個人麻麻，芝士唔夠濃，雪氣味重炸薯條$38炸得非常脆，其中蜜糖芥末醬同黑松露醬超正洋蔥圈$38略嫌粉槳太厚，但同個芝士醬幾配合千島醬海鮮pizza $98🍕pizza係簿底，千島醬酸酸甜甜好惹味，邊邊脆口非常好食蜜糖焗雞翼超推介，外面焗到好脆口，但內裡肉質仲保持到好juicy 豬仔骨，味道正常無咩驚喜帶子南瓜🎃意大利🇮🇹飯$82必試好creamy香口一試難忘牛柳配黑松露薯蓉牛柳故之然嫩口新鮮，但最驚喜係個薯蓉，每一啖都充斥著濃濃黑松露味道呢度叫嘅pizza 意粉同扒都可以轉餐跟湯，湯嘅質素都好好其實真係無諗過天水圍都有如此質素高嘅西餐，7個人食飽飽埋單都唔洗900，認真好食又抵食，極力推薦支持小店

一直很想試這間西餐廳，但每次經過也很多人，還有牛扒餐要晚上才供應，所以直到昨天才有機會試。星期五6:00pm不用等位， 餐廳地方有點細，我選了6oz牛扒有餐湯和飲品，餐湯很好味，$112的價格吃到這個水準的牛扒實在難得, 伴菜是薯蓉和兩三片茄瓜和黃椒。整個餐很好味但份量有點少。飲品是一杯普通桃茶。沒有甚麼特別。太好了，在天水圍終於有一間有誠意的西餐。

自從天一開咗之後呢間西餐就一直都好多人食，雖然店面細，但係人流不絕，肯定有佢優勝之處嘅。同男朋友想係天水圍食西餐，除咗平食薩利亞，就會食Bello。講真佢質素未好到可以媲美元朗出名西餐廳，但係係天水圍黎講，都算贏哂㗎啦。食材新鮮，味道唔錯，煮法地道，價錢都好合理。不過服務態度麻麻地，女老闆成日黑臉，儲印仔嘅卡又冇得combine，輪候方法唔多公平，仲成日都唔肯換野，例如舊肉太熟就話係咁㗎啦，野飲上錯又會同你講其實差唔多味，不如你飲埋佢啦咁。千島醬海鮮Pizza係必食之選，89蚊大大個，3個人都夠食。千島醬偏多，海鮮嘅份量相對地就顯得少咗啲啦。好多人食牛柳都有伏，原因就係佢啲牛柳係圓身，所以點煎都唔可以均勻地熟，令次食都係太熟。餐湯好欣賞薯仔湯同埋蘑菇湯，真材實料，好正。

慶祝生日當然要食好西啦但係估唔到天水圍有間又抵食又好味既西野朋友介紹去天一商城食西野自己住附近都唔知有一間西餐係附近仲要咁近喎不過朋友話要book定位穩陣啲平日夜晚都幾full 下因為買左蛋糕 唔敢叫咁多野食叫左一個大蝦沙律黑松露扁意粉薯條 同埋南瓜湯個意粉好勁松露味同埋好creamy 食得多都會幾膩薯條佢會有3種醬俾你 茄汁 蜜糖芥末 同埋松露醬反而蜜糖芥有少少失色 不過個薯條都幾脆口會追住黎食佢仲有儲分咭添食舊100蚊就有一個印仔不過建議真係要打電話book 位夜晚真係好full因為舖內真係比較少位

今日咁岩入天水圍濕地公園行下，走既時候諗住係天一商場覓下食，見到依間餐廳既menu都幾吸引，就去試下佢😋我地叫左兩個意粉，卡邦尼個個唔錯，幾好味，唔會好乾，另外叫左個黑松露薯條，都好味，如果再多d黑松露醬就好啦天水圍都幾小依d西餐小店，依間質素算係唔錯👍🏻👍🏻

先談環境情況，空間太小坐係入面唔舒適，另外衛生都唔係太好，我地坐個張枱個地下濕曬有冰粒，如果唔小心真係會滑到，懷疑係上一張枱嘅人倒瀉左野，店務人員未清理就安排入左。枱面仲有意粉碎，紙巾上的餐具還有污跡當我地開始用餐嘅時候，有個侍應行埋黎問我地介唔介意調枱，太無禮貌好似暗示我地阻住你做生意咁。你地既然安排得人地做嗰到就唔好叫人調黎調去，仲要嗰陣好肚餓開始食第一啖嗰陣你走埋黎叫人調枱食物唔好食，我地叫左個黑松露蘑菇牛肉漢堡、青醬意粉、蜜糖雞翼、蜜桃茶、蘋果茶。個牛肉漢堡乾爭爭死下死下咁，呢個有個薯條跟，個薯條黎到凍曬淋曬超難食個意粉冇乜味，不過還可以。雞翼好普通好乜特別風格，淨係知煮唔熟，6隻中間都有血水流出黎嘢飲冇特別，兩杯一樣得個茶味，飲唔出有蘋果蜜桃味。