Big Dog (已易手)

睇完d食評,咁我地就決定去試一試啦~~我地兩個總共叫咗兩隻,一係:辛辣腸熱狗二係:芝士腸熱狗兩隻都唔錯,但係隻辛辣腸個底就燶咗d~~~同埋好似加埋d醬先係最好食~~!!一個餐(凍飲,一隻熱狗)都係$29,我地覺得十分掂~~

打完波, 六時多, 應該要返屋企食飯的. 但醒起上次經過呢頭附近有間熱狗小店, 有理冇理去試下先, 橫掂鬼咁肚餓~地理位置加上門口太小的關係, 得確有少少難搵. 此店相信以做外賣為主, 因為店內擠上三個成年人之後便會連轉身也有困難.腸仔款式十來款, 配料自選, 單點$22一隻, 加幾蚊有湯或飲品. 左挑右選後選了比較特別的辛辣腸, 製作時間五分鐘左右. 熱辣辣的熱狗基本上都是美味的, 配料及醬汁配搭得直, 要挑剔的是腸仔只是烚熟, 欠缺了煎的香口.近來興起的漢堡飽潮, 去得大型連鎖店多, 幫趁一下此等小店的確另有風味.

　這天放假,上網看看西環區有什麼好吃,本人勁鍾情熱狗,所以就SEARCH熱狗欄,看見甚多好評的BIG DOG,就和女友去試試.我叫左一個辛辣腸熱狗,凍咖啡.一試好正.面脆內軟,之於凍咖啡飲到底都依然好有咖啡味,無比D冰蓋過,至於我女友就叫左一個新產品,係店員推介一試,叫辣牛肉包,嘩!好掂,豐富的材料,有牛肉,辣肉醬,生菜,洋蔥,好味.再飲左一支由店員介紹的冰凍檸檬汁,檸檬汁唔酸之餘重帶有甜味,果然係一支好汁.我一定會再去試埋其他更多特色食品.

慕名來試吓熱狗，果然真材實料。薯皮重正。老闆娘介紹我飲佢地自製的鮮檸檬水，酸甜適中，非現成樽裝飲料可比。最可惜係冇位坐。

今日路過西環水街, 見到有間熱狗店, 見餓餓地, 不如食個包, 飲杯茶先, (即係蛇王啦).間舖就細細間, 睇下有咩食先? 都有好多野食下. 有熱狗, 牛肉包, 薯皮, 雞翼等等...我就叫左個熱狗, 薯皮同一杯凍咖啡...佢個道就有張bar枱可以堂食,都幾有快餐店feel. 一食! 嘩條熱狗好正, 個包又脆, 條腸又大條又好食...正!試下個薯皮先, (我之前食過薯皮都係係酒吧食過,都幾正) 唔錯, 比起我係酒吧食個d差好遠..呢間係好食好多....最估佢唔到就係個事頭婆又後生, 重幾靚女家.之後見咁好食, 打電話比同事話比佢知, 佢就即刻叫我買多隻比佢,重話下次要我帶佢去食.(我心諗, 你條友仔想去睇下個事頭婆就真)總括來講, 小弟就覺得非常好食, 係下午茶同小食既好地方.

熱狗超好味, 條腸好食過其他好多, 唔似一般出面賣開果隻, 超大舊, 廿零蚊乜都抵番哂薯皮超正, 好夠脆, 個汁好special, 冇肉都咁好味... 其他推介仲有牛肉包等等... =P

星期日廿四孝湊囡囡,再一次經過此店,今次'的'起心肝試一試!!是日選擇堂食,可自選三款配料,選了豬肉腸加蕃茄,洋沖,煙肉碎,另加可樂一罐,個人認為食漢堡包同熱狗,一定要飲可樂先好味,等了大概5分鐘就有得食,佢將熱狗一分為二,方便我同囡囡Share,囡囡果半邊熱狗無落芥辣驚囡囡食唔倒真窩心!印象分大加,熱辣辣熱狗咬落麵包鬆軟,期間有位阿叔買兩個熱狗餐問有無得平少少,老板話當佢學生餐收20蚊,街坊生意就是這樣,博你有下次,支持小本經營,努力!!!!

today went to this place to have lunch. Ordered a hot dog with cheese sausage, cucumber, onion and ham. Very hot! the taste is okay but i think so-so..still miss the HKU hotdogs more hehe

中午因為下雨而無緣打波，亦此產生一個lunch可以外出用膳的機會，不用再捱三文治。一心想來好評如潮的Big Dog，到達後，看見店來人頭湧湧，小弟不介意等。等了又等，等了又等，等了9個字，離回校還剩3個字，但小弟還排有３、４張熱狗單，以免遲到，嘆氣地離開了。時間不早，只能到7仔買三文治吃，可惜可惜。用了２個半字快速進餐後，回校途經到Big Dog路段，竟然水靜河飛。好一個所熱狗店，來勢兇兇後，竟空空如也。PS:Big Dog價錢非常吸引，＄２０學生餐包括飲品加熱狗，以＄３加配小吃，實在經濟。PS:一個下雨天，給小弟期望，令小弟失望，奇實落雨真係幾可怕。

I go after swim. But no long bread. They very nice, give me two short breads instead. They burn the bread but ask me to make new one again. I said no, but still very thanked. The long meat in the bread is very good. Will go again!

去到水街, 就見到了, 真的好其他人說, 行快兩步便會行過了, 門口有隻公仔, 幾得意, 入到去, 果然地方細細, 我點了辣肉腸熱狗, 要青瓜, 煙肉仲有樣忘記了, 還叫了4件焗薯, 等了5-10分鐘左右, 香噴噴的食物出爐. 隻熱狗真的很大隻, 見到已經很想食了, 咬落去, 感覺真好, 淡淡都很有口感, 味道一流, 再食埋焗薯, 好飽, 我之後一定會試晒未食既味道~~真的值得推薦一下~~

同朋友想平平0地食餐lunch, 諗起呢度, 0黎試0下佢d 熱狗.叫了香草腸熱狗, 配蕃茄同mustard + 沙律醬(見圖: 餡料收埋晒0係晒個包入面, 所以望落好似乜都無)... 即叫即整, 個包烘得表面非常脆, 入面就好軟熟, 熱辣辣非常好食; 香草腸好好食, 加埋沙律醬同mustard, 味道非常唔錯! 朋友個熱狗係芝士腸, 加了粟米同煙肉+ 茄汁, d 餡多到瀉晒, 賣相都唔錯.大約$30 一個餐(熱狗+ 罐裝飲品), 熱狗0黎講其實都幾貴, 不過好食就得啦.另外亦試了一客2 件的potato skins... 賣相似pizza, 好多芝士/沙律醬/煙肉, 薯味亦好香, 味道都ok 啦.細細間鋪無乜位, 不過環境乾淨; 店員一般好禮貌.呢間小店真係唔錯, 下次想食熱狗一定0黎呢度, 好食過港大熱狗檔起碼10 倍!

帶唻0既驚喜唔止係食物, 仲有佢0既地點.老實講, 係我公司附近真係無咩特別好食, 如果要食好D都會去金鐘, 中/上環咁, 是日本來諗住同同事過金鐘SUBWAY食晏, 點知無啦啦比佢睇到呢間野, 咁好評如潮梗要唻試下啦.係公司過唻都係7分鐘路程, 其實都唔係太難搵, 就係水街/德輔道西上少少斜路就見到, 不過舖面真係唔大, 唔小心就會MISS左.我要左個香草豬肉腸餐連汽水, 唔知同事叫左乜, 再要多個焗薯皮四件, 我個人就不嬲對腸仔都麻麻地0既, 怕左佢D罐頭味又或者口感唔好, 不過呢度0既就唔同喎, 腸同包都焗到熱熱脆脆咁, 加埋D芥醬茄汁洋蔥生菜酸瓜, 真係幾鬼好味喎, 我覺得唔比SUBWAY差啊, 不過如果D配菜可以多D就仲好.至於個薯皮我就覺得SHOOTER果D好味D, 不過都好足料一試亦無防, 以後食晏又多個好去處.P.S.我覺得永樂園同BIG DOG兩者無需要比較, 因為根本就兩馬子事, 我將佢地分為港式同西式.

上次路經,醒起有間熱狗店,於是幫襯左珍寶腸配粟米,煙肉,覺得味道唔錯,定有再光顧之機會!今日正係好機會,晏左出門口,所以就黎外賣2份set dog!1.雞肉腸;2.辣肉腸,每一再加即磨熱咖啡!狗主阿may話暫冇大包,所以問我介唔介意用細包,會將睇1分2夾包,即2狗變4狗!見佢咁有禮貌,我當然冇所謂,況且一心黎幫襯嘛!後尾佢仲話我可以每1/4配唔同配料,我為免麻煩佢地,所以維持原判!但佢呢種態度,不得不讚,比起一d出名店,真係好受落!完全唔覺有人話d腸冇味或者用水先煮過;另又冇覺得個包唔熱(我個包明顯有烘過0既傷痕)你頂多話選擇唔同腸有不同0既味道,好似我要0既辣肉腸比雞肉腸咪濃d!女朋友有試過中環永樂園0既熱狗,但評價係腸細到手指尾咁;個包都不過係一般麵包...最多係個醬幾好味,that's all!反而big dog仲黎得有d選擇,做到真正熱狗店!可以改善0既係製作過程加快少少,務求捉住外賣客0既心理,就係想快d攞走返去食!另外希望配料方面,可以精選多一d俾客人選擇!知道呢個舖位之前經常轉手,希望佢地keep到熟客,多d人支持,等西環多一個美食選擇!

今日已經係第二次幫親~上次同男朋友share... 要左雞肉腸....今日同家姐仲有god of food去食~ 今次要左芝士腸~真係好好味... 不過相比下.... 雞肉腸好味d~仲可以因應自己喜好揀3種配料~薯皮亦做得不錯...唯一不好的是地方太細... 今日去到.... 有兩個已經食完野既人坐係到睇magazine.... 我地3個唯有企係到食.... 到我地hot dog... 佢地都唔走! 直到再有一對情侶黎到... 連企都無位企... 要企門口.. 佢先起身走! 另外只有老娘一個人整野食... 所以比較慢!