Bigger Burger Cafe (已結業)

已經來食過好多次 今次係最差嘅一次適逢Boxing Day 諗住來食個速食西餐喺門口睇緊餐牌嘅時候 有個女店員無啦啦走出來拎走張餐牌（當時我地睇緊）🤔🤔🤔我地入去問其他職員 個女店員再斯斯然行出來換另一個新餐牌 (冇講過仼何一句說話)😳入到去落完單 店員就為我地端上羅宋湯同蒜蓉包羅宋湯好難飲 完全係茄膏味 好假 我飲左一啖就飲唔到落去🤢蒜蓉包係凍嘅 而且蒜蓉醬唔夠 真係好失望😥老公叫咗牛扒 (5成熟) 老公話牛扒都ok 薯仔都幾好食 我叫左魚配薯蓉魚好腥 不過薯蓉都還好+$5 有杯蘋果汁 算係全餐最好食既野以前明明來食都幾好味 可能聖誕節關係 今次真係最差既經驗 希望會有改善

一入到門口，冇staff 招呼（本身book左位），入到去寫左野食，等左9個字都未黎，就問下個staff，佢先同我講話落漏左單！咁細間舖頭，有4個人係樓面都可以落漏單，等多三個字都係乜都冇嚟，於是走人............……..............................

以下就是價值$488 的二人聖誕餐不知所謂的聖誕二人餐！只能用一個字形容: 差！龍蝦湯 - 太咸，不夠熱跟餐蒜蓉包：沒有誠意。包是硬的，一點暖的感覺都沒有大虎蝦沙律: 可說是最好吃的。起碼是沙律應該有的温度和味道。原隻波士頓龍蝦漢堡：芝士就這樣放在上面就算，連溶化芝士的步驟也省卻了，的確利害! 龍蝦是凍的，作為薯條的配菜也只是暖的。唯一能稱讚的只有牛油果醬分量十足。英式手工威靈頓牛柳: 上枱温度雖然夠熱，牛柳幾乎全熟。原本對這菜式有很大期望，最終換來的也只有失望。配菜份量還可以。特濃藍莓芝士餅：芝士餅上完全沒有藍莓？待應答覆是沒有藍莓的。最後也想評論一下待應。 跟待應A落的單，十分鐘後待應B再重新落。食物上到主菜的時候飲料才送上。只能說沒有心去做。以後不會再踏足的餐廳。

上周六和媽咪又去了尖沙咀行街, 買完野後經過佐敦, 見肚子有啲餓, 於是就順便在滿佈食店的佐敦揾間食店坐吓食吓野~ 揾到一間食Burger的店子叫"bigger burger cafe" 主打漢堡, 見價錢都幾抵, 店子內都幾舒服, 裝修都好靚, 於是就走入去了~ 店裡的選擇都幾多, 只是漢堡包都有好多款!!! 價錢豐儉由人啦, 由最抵食既安格斯burger到貴價啲既鵝肝burger都有, 另外呢度都有lunch set, 價錢就仲抵食, 加hkd 25 仲可以升級做瘋薯呢~ 媽咪點左貴價少少的炭燒澳洲180日穀飼T 骨牛扒, 而我就點左個特厚鵝肝安格斯漢堡, 加hkd 3 可以upgrade 做涷咖啡~ 涷咖啡口感不會太苦, 咖啡味道濃郁, 不錯~ 先上了我的特厚鵝肝安格斯漢堡 - 賣相好靚呀!!!大大個的漢堡放滿碟,將包放在一旁, 大大塊又厚身的鵝肝和安格斯就可以一目了然!!! 靚既賣相真係會令到人視覺上好開心, 食慾大增呢! 另外都加hkd 25 upgrade左個薯條變做煙肉忌廉瘋薯- 呢個好好味喔!!! 忌廉好惹味又香口, 煙肉粒粒炸到卜卜脆, 再加上瘋薯

呀姐態度奇差，外賣叫我行到最入，埋到去又話無，仲好慳番~~20秒出番黎，麥記買個包無咁嬲。咁既服務竟然仲幾好生意，香港人就系太多乜都慣哂，無要求更加晤會有服務。

上星期先係佐敦食過Burger，又嚟到呢區搵食由於今次草根姐姐係同媽媽一齊嚟，點都要搵間坐得舒服d嘅餐廳經過睇到Bigger Burger Cafe, 上星期係Burger Lab食過個好食Burger留下好印象，見到呢間又有Burger，一於就去呢間比較下😚餐牌都幾多選擇，不過餐廳叫得bigger burger，冇理由唔叫番個漢堡食下。2個人叫一個burger，一個飯。晚餐餐牌上嘅食物都包湯，飲品同蒜蓉包。湯係忌廉菜湯，一般般，蒜蓉包幾香口。飲品我地加$18要左蘋果汁。香脆炸鱈魚扒漢堡（$98）Crispy Cod Fillet Burger(Bigger cod fillet, Cheddar cheese, Lettuce, Onion, Grilled tomato, TartarSauce)🐟鱈魚扒真係炸到外脆內嫩🤤肉質仲好juicy💦魚扒真係比足一大條你，多到要分開2層上。魚肉透白👍非常吸引！味道令草根諗起麥當勞嘅魚柳包😂😂不過呢到塊魚柳一定好食好多🤤😍呢到嘅burger set 包埋薯條 🍟沙律 🥗同飲品。價錢都幾抵龍蝦忌廉汁波士頓龍蝦意大利飯（半隻）（$128）Riso

今晚同男朋友食飯唔知食咩好見呢間餐廳笑笑都多就諗住一試其實都係抱住食hea hea級西餐既心態去試點知都係中晒伏 錯在係bigger burger到唔食burger我地一人一個超值餐* 餐湯：粟米湯淡口無味* 餐包：蒜香法包 正常、微暖小小脆* 主菜：大蝦龍蝦忌廉汁扁意粉 $88意粉份量幾夠 但龍蝦忌廉汁唔夠、唔算太掛到落扁意粉到，變左無味意粉，要加黑椒同辣椒仔先有味道。蝦得一隻，正常。* 主菜：6oz 西冷牛扒配焗薯及沙律 $98西冷約女仔手掌長，普普通通la，鬆肉粉既質地，迷你焗薯三四粒，男仔食一定唔夠飽，我分左半碟意粉比男友食先夠重點在！！我地叫餐以為+$20有小食個店員無指正原來係原價-$20都算一份原價為$78既 芝士蟹肉烤大菇！我地以為$20所以縮水版 個兩個⋯唔係，係兩粒菇！兩粒加埋都唔知有冇一隻手掌咁闊～仲要完全冇蘑菇味，超淡口好似冇落鹽。買單發現呢碟野要$58我真係好後悔冇影低相。最後杯餐飲*凍檸水：無味*熱檸水：係苦嘅我冇嘢要補充啦無下次完

本人未寫過食評，但哩次實在忍唔住！一入店裡哪個肥胖女侍應態度非常惡劣，其實佢出門口拉客話有下午茶，但又比午餐牌我都算，點餐時又冇哩樣，又冇嗰樣，我叫咗個意粉廿五分鐘都未到，見隔離枱遲入好多都食緊所以叫佢check吓會唔會溜單，又答：「係咁耐㗎～」🤬仲要唔好食！另外叫個炸魚薯條，又唔講冇薯條，嚟到比沙律，又唔事先同客講，就咁放低，因為本身好想食薯條所以問侍應，仲講到：「冇薯條呀！不過我已經比多兩條炸魚妳！」嘩！真係多謝哂！哩間野無論食物、招呼都👎🏼👎🏼👎🏼👎🏼👎🏼

今日難得同朋友補祝遲黎既生日飯，由我發板地點，諗完又諗，決定去食一間我曾經食過而且格調唔錯既西餐廳!先來餐湯及包叫左個小食芝士焗蟹肉烤菇喜歡芝士的朋友有福了！芝士同蟹肉味道洽到好處，芝士的香不會蓋過大啡菇的鮮，兩種味道一起另有一番滋味我叫左牛油果炭燒雞扒漢堡，牛油果的油香跟燒雞的香脆二合為一，味道很夾，雞肉也入味香口，薯條亦好香脆，包也鬆脆包熱檸茶同橙汁店內牆上的圖案很可愛，枱係最靚，每張都唔同，好有心思

唔知啲burger點 見到好多人食 不過我地6個人都叫左西餐 龍利柳極品 啲醬極恐怖 牛脷似午餐肉 蘑菇湯稀到似水意大利飯似生粉 服務態度又差 唔會再黎 第一次食到咁難食既野 又要唔平

平時去開牛奶公司食飯，今晚轉下場過左對面間西餐廳門口幾東歐，原來係美式餐廳食burger出名，地方好似幾細仲好多人，環境有d心思，都算特色小店，個人幾鐘意牆上唱片同黑色梳化，美式復古懷舊風，型！好耐冇食burger叫左個#德國紐倫堡烤腸漢堡，望落好豐富，薯條出奇多，粗薯條口感很好，不過燶了點，沙律菜份量也不少，烤腸食落有d似台灣腸不過肉味濃，整體份量十足叫多個香草烤雞翼，個汁偏酸，雞翼本身烤得香脆，啖啖肉

英式手工威靈頓牛柳（$188）Handcraft Beef Wellington一開始草根點咗個5成熟嘅威靈頓牛柳🐂好期待呀😇因爲香港真係好少地方有。點知嚟到一切開就睇到超熟，都有成8成啦😓牛比較一般，酥皮焗得唔夠身，唔酥脆，沾一沾旁邊個醋會開胃d。配菜係薯蓉同蔬菜🌿薯蓉有落忌廉，所以口感好滑👍並帶點忌廉香👏小椰菜有點苦澀同好硬，整體呢個麻麻地，唔推薦！超級啤酒罐煙肉安格斯漢堡（$98）Super Beer Can Bacon Angus Burger(Caramelized onion and minced tomato in a 7oz beef bowl with baked Bacon with Cheddar cheese, lettuce, onion, tomato)廚師用幾塊煙肉🐽包住d牛肉做成捲一個肉卷，上面再放上一塊芝士🧀都幾有睇頭👀大家其實可以將舊肉放番入個包到夾住食嫁🍔牛肉都算有肉汁💧不過質感較散，味道未見好特出。不過呢個價錢包埋薯條同飲品都好抵嫁啦！

今晚同媽媽一齊去左佐敦食burgerBigger Burger位於佐敦C2出口，距離地鐵很近，非常方便。餐廳雖然不大，但環境格局設計風格都別有風味，位置坐得舒適。芝士焗蟹肉烤菇 $58真係估吾到咁正喎！入面係真蟹肉呢，味道鮮甜，撈左啲沙律醬汁令佢食落吾會dry！上面仲有焗芝士，超正！香煎澳洲牧場西冷牛扒(6oz)配香草新薯及田園沙律 $98西冷牛扒點左7成熟，煎到外面微脆，而入面依然肉汁豐富！肉味香醇，雖然無肉眼扒咁多油脂，但口感都keep到嫩滑！調味適中加上黑椒汁超惹味～讚喔薯仔夠新鮮，薯味香濃帶咸香，味道配牛扒好夾呢！牛油果炭燒雞扒漢堡 $88雞扒好大好厚呀！連皮煎到香脆，加上一塊車打芝士。加左少少黑椒調味，味道係正既，但肉質就煎到有啲乾，呢點要改善一下。麵包幾健康，似係田園麵包，無加牛油去焗，好彩有香濃既牛油果醬搭救，加$15要多一個大啡菇，夾住一齊食就正好多！薯條炸到金黃色，好香脆又充滿薯香！牛扒同漢堡餐仲有餐湯、蒜蓉包同飲品配，而且全日免收加一，價錢相當抵食！

星期六12點幾同朋友係佐敦食飯，諗唔到食乜，行過見到有西野又有burger食又唔使等位就入去試下啦！有全日套餐同漢堡套餐，本身唔好牛，所以叫左個標住廚師推介既牛油果醬炭燒雞扒漢堡升級黑松露芝士薯條，另叫又叫左個打粒星既野菌雞肉忌廉汁意大利粉。咁首先就黎左個蕃茄湯啦，樣子就無咩特別，味道都不過不失啦，有蕃茄味咸咸地咁！之後就等左好耐先上主菜，都等接近半個鐘先上碟意粉，我見有啲遲黎都食緊喇....唔知佢係點運作啦....趕時間既朋友真係三思呀，唔知等幾耐架可以，我見隔離果個又係差唔多時間黎佢朋友既餐都到左好耐，但佢又係好耐未食到.......個意粉講真味道唔係咁突出，有咸味既，但白汁既creamy味就唔係好夠，食落硬係差啲野咁，雞肉就普通啦就係咸味囉，麵條軟硬度都ok ge!個黑松露芝士薯條就見到零星既黑色粒粒應該係黑松露既物體？味道就都感覺到啲黑松露同鹹味既，但係芝士就唔多覺喇？同圖片就唔是咁相乎咁囉...除此以外，薯條黎講佢可以話係唔合格，雖然無燶，但好似炸到過左火，入面都唔軟，偏硬，薯味又唔新鮮！個雞肉漢堡味道算ok啦，舊雞扒感覺煮既火喉唔係好平均，得一小部分既肉係令我感覺到燒香既味

一間美式burgers店，門前看過餐牌有各式漢堡套餐，如不想食漢堡亦有其他如沙律、飯或意粉，應有盡有。既然一埸來到，入去試下。話明Burgers店，冇理由唔食burgers囉！黑松露煎疍安格斯漢堡份量頗大，又高又厚的，見到都開心。煎蛋成半吋厚，有少少流心。漢堡扒有牛脂香，內裡少少透粉紅，時間煎得剛好。配料蕃茄和生菜新鮮。整個靈魂在於黑松露醬，味道不太霸道。伴碟炸薯外脆內軟，不油膩，好味。加了五元飲蘋果汁，味道一般不太特別。