Bugis@叻沙・海南雞飯 (已結業)

去 深水埗 V Walk 睇戲 , 睇戲前先食飯 , 見到這間賣星馬食品的餐廳 "Bugis" , 就入去幫襯 , 一嚐究竟 ~Seafood Laksa Tsaam Tsaam 海鮮叻沙摻摻 : 叻沙湯底的味道充滿了椰汁，但就缺乏了鮮味 , 最大問題就是辣油的份量頗多 , 而且欠缺鮮味 , 失去了新加坡叻沙濃郁鮮香的味道；麵就是兩溝的用上了兩種麵 (油麵、米粉) , 食材有蝦、元貝、豆卜、雞蛋、魚蛋 , 食材算是豐富但欠缺鮮味 ~未算中伏 , 但稱不上好吃 ~本篇完 ~

來過呢間餐廳不下十次，佢D海南雞同炒芽菜真係唔錯😊見今日又凍又落雨，來呢度夠晒方便，所以又來了😂去到餐廳七點鐘，慶幸仲有D位，就直接入座了😏今次叫左🐥海南雞飯、🐷秘醬無骨豬踭配白飯、🥬江魚仔炒芽菜，總共三樣野~🐥海南雞配油飯 ($74)海南雞保持一貫高質水準，夠晒滑😚雞皮下有層薄薄嘅啫喱😍海南雞上枱時已經拆晒骨，食落啖啖肉，爽😏鹹酸菜好好食😋油飯都夠晒乾爽，不過略嫌唔夠乾蔥同雞油味……之前食開都係跟碗湯，不過唔知點解今次轉左做糖水😂不過糖水仲o岩我心水😂杏仁桃膠紅棗煲薑，薑味幾重，o岩晒呢D天氣飲😚飲完個人都暖D又潤D😍不過唔知做乜，上枱時得半碗，隻碗仔仲要有裂痕😐🐷秘醬無骨豬踭配白飯 ($62)呢個第一次食~豬踭唔會太淋，豬皮都有好豐富骨膠原😏汁幾濃味，用來撈飯唔錯~但佢同海南雞比，真係差左D🤦‍♀️糖水同上面一樣，就唔再評論了😜🥬江魚仔炒芽菜 ($56)呢個又係每次來呢間餐廳必叫嘅野🤣個石鍋燒到熱一熱，一上枱就勁大煙，所以張相都影濛左😝一上枱就要用匙羹兜一兜D芽菜，避免芽菜受熱不均~芽菜用乾蔥、薑同江魚仔炒到好香，次次都食到唔停口😋最後兩位埋單 $211，不過因為之前食個陣有coup

今次喺南昌站V·Walk搵食減肥期間雞肉係我嘅好朋友海南雞高蛋白質低脂肪又唔油膩😁但係又唔想咁單調所以叫咗個麻辣海南雞原本以為佢係用麻辣醃咗或者有啲麻辣汁浸住之類點知上到嚟原來係一碟正常海南雞再+3碟麻辣辣椒油😅咩料啊😂不過好彩佢嘅海南雞幾好食肉質嫩滑又唔會好多肥膏👍🏻百零蚊半隻雞價錢都唔算好貴嘅如果好鍾意食海南雞可以一試

好耐無寫過嘢，入伙在即，今日出咗去買門鎖返新居打算DlY，拎住老連咁重嘅電子鎖仲有個送嘅夾萬仔加幾把房門鎖，抣地方食啲嘢再上路⋯⋯係起行先啱，响屯馬站求其食上到mall見就腳就入啦，坐低叫咗香茅牛肉湯米同凍桔仔特飲米粉上檯，细細碗，牛龜咁大件嘅我一定食唔飽囉⋯⋯飲啖湯底，味唔係無幾濃添但係唔覺有茅囉⋯⋯得個味字⋯又唔係鹹到要狂隊水嘅⋯一般🙄米粉仲未淋得晒🤦，啲牛一般無乜牛味又唔好奀假若杯桔仔水係要加＄⋯⋯咁我一定唔會叫🙄成碗嘢唔值五草嘢⋯⋯唯一壺茶幾香⋯⋯死未🙄🙄🙄

9月21日又再跟家人隨便逛選晚餐食店，很多時都想來試試，但又會被其他菜式吸引。1. 食物 - 兩客喇沙tump tump海南雞飯套餐，一個巴東牛肉套餐，再叫了炒通菜，肉骨茶等。先說肉骨茶，味道非常輕，入口要過一會才感受到藥材味。巴東牛肉入窩上，保存溫度，牛肉好軟身，吃落很舒服，味道卻似清一點的港式牛腩，我喜歡。海南雞飯很大份，一半是滑雞胸，另一半是雞腿，非常好味。2. 厨房乾淨到不得了，大讚。3. 服務態度 - 認真說算是不錯，反應快，惟獨人手似乎不太足，職員都沒有表情, 亦沒時間傾兩句。

本來想身喇沙，但因為佢係油麵同米粉各半，問侍應可否只要米粉，但要加錢，最終叫左份肉骨茶。由於係下午茶關係，份量預左係細份。但估唔到比想像中還少。而且碗湯係暖…暖嘅湯真係好難飲…已經扣哂份…永冇下次

今日行開 V WALK 試下依間「叻沙·海南雞飯」求其諗住醫吓肚都無乜期望，望望個餐牌都偏貴，午餐set大概落係$70-90依個位置。 睇裝修以為會係$50-70 同一般餐廳無咩分別 都係坐得好窄。咁我同朋友都叫左碗沙嗲海南雞掺掺 跟咗杯黑糖豆漿$90，湯頭香料味都夠 椰奶味重嘅 少少辣 不過應該都有味精 湯底都叫可以 海南雞都嫩口 正常啦 講番杯豆漿先 比起一般嘅豆漿佢係好飲啲 多咗一浸黑糖嘅香味唔會好明顯但係意外地同豆漿好夾整體都不過不失啦 但以咁樣嘅價錢 我寧願比多十幾蚊去食碗靚拉麵喇 🙂

因為趕時間，唸住求其食d嘢墊住肚。本身V WALK都算少人流量，又非飯點，上菜都好慢不但止，跟餐追加嘅雞肉串點知仲未熟，除咗表面係熟嘅 入面全部係是生肉，有冇搞錯啊

今日心思思想食酸辣野 見到我屋企附近呢間新加坡菜好似幾多人食 點知入到去伏到不得了唔好意思食完先想寫食評 所以啲圖都係食到一半影 但因為真係太難食 所以忍唔住首先係呢個海南雞飯 算係不過不失 但係$102我expect佢起碼比啲好少少嘅雞我但係結果佢收咁貴 啲雞又冇雞味 個油飯又鬼死咁乾 如果佢收$70我覺得成件事就合理晒跟住到呢個套餐加$10嘅無骨鳳爪 一食落去全部都係蒜味 完全食唔到無骨鳳爪應該有嘅酸辣同埋惹味嘅感覺 淨係覺得食完個口好臭去到最離譜呢個酸湯魚肉米線 真係過分到呢 首先啲米線完全未煮熟 好似食緊煮左4分鐘嘅意粉咁樣 最過分嘅係我食咗一半佢都仲有咁多油喺度 又唔酸又唔辣剩係得油 想點好啦食到成口油 想拎張紙巾抹下咀 點知呢間野收+1服務費 仲要美其名支持環保冇紙巾俾我真係永遠唔會再幫襯

今日落大雨落到黃雨， 係深水埗食野最怕就係淋住雨排隊啦！好彩呢間黎既時候都冇乜人，直入！爽！冬蔭公海鮮叻沙配米粉$74雖然佢寫係辣既，個湯上到黎少少紅，見到有辣油既，但就真係唔辣， 怕辣既人可以一試。 啲香料味都冇乜， 當係普通湯底咁就會好啲！啲料都算多， 蝦有兩大隻，有豆卜、菜、魚旦等等，蝦都係新鮮既，食落彈口，同肥美，但就冇乜冬陰公味。米線不過不失啦。跟餐有配飲品，我叫左青檸水，唔會太甜，細細杯，好彩有無限既茶水添飲

星期五夜晚八點左右好多食肆都要排隊等位，咁啱bugis又有位喎， 就入去試下啦。見到有一人晚市套餐，好多都係大約$100左右， 我見到有個冬陰功喇沙配海南雞， 都係$100價錢吸引。 賣相同味道都唔差，海南雞有雞髀雞胸部分， 略嫌不足係有點肥。 冬陰功不太辣， 食完怕熱氣。 跟餐加18蚊叫咗一杯好用美祿， 當埋甜品。1人經典套餐-肉骨茶$102家人叫咗肉骨茶餐，我試咗兩啖，味道還不錯。 最好仲可以加多個小食， 總有一款啱心水。

服務態度OK，但嘢食就真係麻麻，撈麵就太多汁，魚餅就煎得未熟，麻辣雞汁無味，雞就皮多過肉，湯麵太少湯又唔夠熱。我食過好多間泥間既味道係最差。荔枝角個間味道好食多了！

搵野食可以話係沒邊界，今次就食到南昌呢邊~今日去咗南昌呢邊做嘢~難得嚟到呢邊放lunch嘅時候梗係同啲同事食啲好嘢啦，好耐都冇食越南嘢，呢間啲越南嘢都幾似樣~正唔正宗我唔敢講但味道都幾啱我哋嘅口味

第一次幫襯，外賣返到屋企都仲熱，原來摻摻係米粉+油麵。喇沙湯味道一般，海南雞就幾滑。排隊外賣無指示俾個PK男打尖，收銀職員見到都唔出聲，PK 男仲大聲夾惡話自己冇打尖，廢事同冇文化嘅大劣人嘈。冇服務幾好食都冇用。

假日去開南昌最近既商場V Walk想快捷地食個快餐lunch好耐都無食過東南亞風既我見到有叻沙拿拿聲坐底點餐試試佢見到餐廳既坐位都幾舒服又有卡位係lunch時間都唔洗點等位。惹味滷水豬頸肉摻摻(HK$72)摻摻原來係米粉及油麵麵底彈牙又唔會太生 生熟剛好 加上喇沙河湯頭好惹味其他配料有豆卜芽菜魚蛋同埋滷水蛋湯味道調好岩香港人口味開頭見到有層辣油以為好辣最後我幾乎將成碗湯飲完先走 因為佢辣味唔重加上濃郁椰奶係好match但又唔會太油不過我中意更加濃味既滷水豬頸肉佢整成串燒咁有兩串total六舊抵讚係佢個豬頸肉真係好入味唔乾又易咬跟餐有野飲 桔仔冰個名幾得意就叫左佢都幾清新 一杯有三個桔仔拮返D桔仔等佢出返味就岩岩好。整體而言佢個湯底岩我胃口雖然價錢唔算係好抵食佢地平均由HK$60-80左右既餐都有外賣有優惠海南雞未有機會試住 下次試完再話你地知係唔係都一樣咁有水準。食物6.5/10價錢:6/10環境:7/10。Bugis@叻沙・海南雞飯深水埗深旺道28號V Walk 2樓50-51號舖