Bugis@叻沙・海南雞飯

营业中

休息中

朋友約食晚飯 但對鑽石山有咩食真係冇概念 係水牌見到呢間野好似好吸引 去到門口見到都幾多人排隊 好在都係等咗10分鐘就入得！朋友同我一齊叫咗個生牛肉叻沙，湯底好多味，牛肉都未到最生！不過有個小插曲：侍應記錯咗我地嘅野食，所以嚟錯咗不過整體嚟講，食物質素中上，值得一試！

認識我久了的人都知我最喜歡食海南雞和小籠包～ 這年生日就有位朋友約我到荷里活食晚餐～ 沒想到她帶我吃這間的海南雞飯竟是如此美味～ 不是雞髀位的海南雞都勁香滑且份量充足、油飯勁香，醬油都是我喜歡的味道，跟餐附上的冬瓜湯也幫助人體每日所需的蔬果份量，餐飲要了最普通且較為健怡解渴的熱檸水～那碟無骨鳳爪更是爽口彈牙並且惹味，我想起都有點想流口水🤤🤤🤤 份量都物有所值～ 但事隔很久，不知現在是否還是這麼美味的水準～

1人套餐幾抵食，$98已包主食，小食同飲品。叫左招牌菜海南雞飯配沙爹串燒。雞肉好滑，份量都唔少，配埋油飯好好味。另外叫左咖哩牛腩椰漿飯配炸蝦薯絲卷，咖哩牛腩不過不失咁啦，椰漿飯就好香。加左2個肉骨茶，每碗都有1條骨，$12好抵飲。

普通食晚飯，眼見附近有喇沙粉便一試。去到要等15分鐘，嘗可接受，不過要撘枱及位置較迫，不過普通晚餐都尚可接受。當晚叫了精選的海鮮喇沙及海南雞喇沙加個石鍋菜。味道都尚可接受。喇沙湯底幾好，有椰香得黎又唔會太油膩，配料都ok，有味道。但海南雞味道一般，非必試產品。菜都可接受，不會太咸。不過食完有點口渴，雖多飲水，但以快餐店水準都可接受。

又一間海南雞飯🍚🍚🍚🍚🐔🐔🐔🐔🐔無記錯係連鎖店黎👍🏽👍🏽👍🏽👍🏽👍🏽叫左辣既海南雞河粉🌶🌶🌶🌶🌶🌶個汁甜甜地，好味👍🏽👍🏽👍🏽👍🏽係荷里活睇完戲 ， 票尾有9折👍🏽👍🏽👍🏽

好耐無黎鑽石山，因為依度有優先場，所以過左黎睇戲，睇完戲行左陣街，已經7點鐘，當然要搵地方醫下個肚啦。成個商場行左個圈，最終揀左間未試過嘅「BUGIS@叻沙·海南雞飯」，門面裝修簡簡單單，但都有啲民族風味。雖然今日係星期日，但佢地都有做個「假日自選一人行」套單。一款小食+一款主菜+飲品，盛惠98蚊（未計加一）呢個價錢都算ok啦！最終我同朋友無叫到套餐，因為我想試佢個「麻辣無骨海南雞喇沙摻摻」除左配足夠份量嘅海南雞，仲有一隻糖心蛋，魚蛋用左陳皮魚蛋！好味！朋友叫左招牌菜「新加坡無骨海南雞飯」海南雞夠曬滑，最有驚喜係個唔起眼嘅湯，落左金華火腿嫁！睇相都知又嫩又滑！🤤🤤馬拉盞炒通菜-估唔到佢會用石碗上，可以保持住個菜嘅溫度之餘，夠曬香口。Yummy😋總括黎講，咁嘅價錢，咁嘅食物質素，緊係要再黎試埋佢個肉骨茶同無骨豬踭啦！👍🏽👍🏽👍🏽

鑽石山其實無乜好野食，黎得呢度行街就預左求其食，我對海南雞飯其實冇乜特別愛，會選擇呢間餐廳完全係因為未食過，加上假日下午茶時間唔使等位幾好。肉骨茶湯麵幾好食，我對馬來文化認識唔多，總之個麵黎到時好香，但係唔係好濃做湯麵啱啱好，入口味道傾向清香多過濃郁，麵方面無乜特別，清清地。沙嗲雞串燒啲沙嗲汁幾惹味香濃唔辣啱我食，食得串燒就唔好對啲肉有咩期望，呢個係合格有多嘅。叻沙就真係不得了，好好食，我唔知係咪因爲之前食過啲劣食叻沙，覺得呢個又香又濃郁，甜口，非常非常輕微辣味，真係湯都想飲哂，雖然好肥........至於麵，呢個麵入味過肉骨茶個麵好多，讚👍🏻整體黎講唔算平但大商場合理價錢，性價比甚高。

呢間嘢喺荷里活廣場入面荷里活廣場嘅好處係泊車三個鐘免費， 地方叫企理。 呢間餐廳記海南雞飯老老實實質素只係一般同坊間大部分海南雞飯冇乜分別， 啲雞唔係話真係咁滑， 甚至有啲老。 個喇沙麵 其實幾肥膩我亦唔覺得有乜嘢特別好食。 基本上只係普普通通。 但係佢嘅開放時間唔係好定同佢寫出嚟嘅時間往往有出入， 好睇佢開門嗰個阿姐嘅心情。 我親眼睇住佢同排隊嘅人有少少嘈交就係因為個開放時間嘅問題。 價錢佢一啲都唔平相比之下我覺得星洲名廚銅泰國人海南雞飯都好過佢。

呢間lunch好抵食, 一個set有埋小食又有飲品送,岩哂我呢D咩都想食下既人. 岩岩我入果個時間好彩地無咩人排隊, 拿拿聲入去,之後都開始見人龍了><我就好鐘意食喇沙既,梗係第一時間簡佢啦..估唔到都幾足料,有蝦, 青口,魷魚, 豆卜, 雞蛋, 湯底一飲就有強烈既蝦味, 唔知係咪真係用蝦煲過既湯底呢?椰味都夠既, 又唔會太搶~ 色水都夠靚仔既~材料方面, 蝦夠爽, 魷魚就一般唔太新鮮, 反而青口都幾好食, 雖然急凍野但都OK至於麵就係跟返正宗既雙拼麵, 有油麵同米粉

未夠12點又要食 lunch，見到呢間開咗，仲有幾個客食緊喇。坐都舒服嘅，裝修好有異國情調~ 熱齋啡好大杯，香濃，不過唔苦嘅。茄汁紅飯配豬扒，仲有隻蛋青瓜可全食，豬扒感覺唔肥膩。蕃茄汁飯好開胃，唔油膩，中間加咗雜菜粒。感覺健康d。蒜片撈d飯都好味。每張枱都有杯，自己可以攞杯同自助飲茶。仲有紅雞。仲唔洗加一！有季節限定，見到都想試下。呢個餐牌都好似幾吸引。呢個商場到食餐正常普通 lunch 都唔平架，如果加一就唔抵食。呢到d午市套餐都多選擇架，而且有平有貴隨你鍾意。最重要唔洗加1呀！食物質素好，環境同服務都唔錯，所以一定會再嚟！

I have never eaten Indonesian food beforeIt was so delicious!Especially that skewer is so deliciousMy girlfriend also said it was so deliciousI want to try something else next time~Service is good 🔵🔵🔵⚪️Price is responsible 🔵🔵🔵🔵There were many people in the restaurant, but there was no inconvenience in eating :-)The cucumber and shrimp were very fresh and the sauce was deliciousThere was also a shrimp flavored snackit was so crisp and perfect for dessertThe fried egg shape was so cute :-)As I writ

今晚係九龍塘喇X小學嘅頒獎禮完畢之後,趕住過鑽石山醫肚。到咗荷里活廣場都已經9:00pm。搵到依間食海南雞嘅,但都要等一陣先有位。一行四大一細叫咗幾個套餐,嗱嗱臨醫肚跟餐送嘅飲品最早上檯,熱薏米水唔錯。但個人口味覺得淡咗少少,同時啲薏米(痴埋一舊)招牌海南雞飯果然了得雞有雞味唔肥膩尤其是雞皮好爽口,唔捨得唔食雞肉熟嘅火候啱啱好,唔會鞋口。飯有雞油香味。送嘅餐湯就未夠味道,好過飲清水喇。還好同時送嘅冷熱餐飲唔錯算係補返數咖喱牛腩飯,同西餐廳完全另一種食法。佢伴有煎蛋,炸花生,炸魚仔乾,鮮青瓜粒。炸物做得好好,非常可口咖喱底質感好厚,唔算太多椰奶香,但略略有少少辛辣;相信一般人都無問題可以食到。牛腩大概有七八舊,當中有三筋腩。做得好腍,易入口。叻沙煱點茶時都(提醒咗要等三十分鐘廚房時間)上檯後就熱住嚟食,相信天口再冷啲就會更合適相對於海南雞,會係辛辣啲同埋油膩啲。幾乎忘記咗套餐包埋嘅小食㖭依個雞腳就比一般食到嘅酸好多炸魚餅入口感覺非常重口味依個南乳雞翼小食就值得加分喇首先一啲都唔覺得佢油膩,但入口仍然感受到熱騰騰嘅。咬開時非常juicy 雞肉好滑,伴隨住南乳獨特嘅香味一定有下次

今日同朋友去荷里活廣場買嘢，買完都十二點多，揾地方食個lunch，但好多餐廳都差不多試過，見到有間餐廳食越南嘢，賣相好似也不錯，就決定試吓啦😄餐廳內的裝潢好特別，你見過放架單車在牆上未？😂燈飾都好靚，都係以木製為主。朋友點了麵，香茅豬頸肉叻沙摻摻，而我就點了飯，因為見到隔離枱個飯好吸引，所以我都點了，原因係聽到隔離枱食蝦片的時候發出那非常脆口的聲音🤣《印尼炒飯》個飯有兩塊蝦片，少量青瓜粒，兩串雞肉串燒，三隻蝦，而炒飯上有隻太陽蛋。蝦片果然好脆好香☺，好鍾意食㗎。青瓜粒好爽脆，好refresh。串燒都好惹味，醬汁好香花生味。但係最鍾意都係蝦上面的辣椒醬，唔會好辣，甜甜哋，好似甜醬的味道😋，至於蝦亦好彈牙。炒飯以雜豆和醬汁炒成，加點辣椒醬一齊吃會更好。飲品方面，我們都點了熱檸茶，但我覺得檸茶有點苦澀味。

中午同同事去食，見到有午餐套餐，都幾多選擇，就試下，地方夠大，多位，唔洗排隊，侍應服務態度好好，唔會黑面，落完單又同我地對單，人手充足，個人非常鍾意佢唔洗加錢飲品都有檸檬薏米水，唔怕太甜又可以養生，不過建議叫凍嘅要少冰，檸檬薏米水入面仲有兩塊冬瓜，味道多左層次，同朋友叫左半隻海南雞同海鮮喇沙湯滲滲（即米粉+油面），海南雞作為招牌菜真係一般般，好彩冇淨係叫海南雞飯，相反海鮮喇沙幾好食，又夠足料，下次會再幫襯喇沙面。

BUGIS去鑽石山行完街食中午飯，本來想直接入去老趙，但睇完openrice話鑽石山哩間吾掂，再查，只有莆田同BUGIS比較好；行到門口，覺得BUGIS 比較多人，決定入去。叫了兩個無骨海南雞飯套餐同埋春捲無骨海南雞飯～雞不算好黃，食落都皮厚而爽，肉不算太滑，中上吧！個湯好甜，希望是浸雞的湯就好，雞油飯不油，沒有味道。整體來說比佐敦的柏檔還要差好多啊！～奶茶茶味是比較濃，但不香不滑。～羅漢果茶應該是沖出來的把。最後春捲沒有到，原來是漏單。