Cafe首爾

营业中

休息中

話說已經好耐冇食過因附近個間冇開心癢癢想食無諗過咁差辣炒年糕變硬都理解 始終外賣但咸到冇味覺都食到囉！但炒飯除左油味 食唔到其他味！個牛肉紫菜包飲一樣難食 啲飯硬硬地似生米 牛肉乾到不行真心唔會再食🤢🤢

泡菜炒飯（$58）泡菜好好食 成個飯有啲啲辣 中意食辣既一定會好中意！好香紫菜味無骨蜜糖醬油炸雞（$78） 佢唔係乾身個隻 但好入味好重蜜糖味 好甜好惹味芝士炒年糕$55 年糕好彈牙 好重芝士味 都幾辣 但好入味 最後叫咗個炸醬麵 好重料 入面有好多薯仔粒 啲醬唔會話好鹹 面既質地唔會好軟 好食！

Lunch 一個雜錦飯 另外加10蚊雞肉 一上枱 我都見唔到有肉 認真睇 原來有 不過 切到雞𢇁咁幼 俾貓食都唔夠....成個飯五十幾 完全唔值 以後唔會光顧..............

首爾係大埔好出名老闆係個韓國人 識講中文 呢到食到正宗韓國菜!!!免費既前菜係泡菜同芽菜黎yummy yummy 茶都幾好飲呀叫了人參雞湯都好大件雞係雞入面有飯湯有濃濃人參味!!只係湯已經可以食到好飽甜辣炸雞有小碟白蘿蔔配菜...都算好食d汁都多呀泡菜豬肉飯有送一小碗紫菜湯勁好食未身我並唔係特別喜歡食泡菜...但覺得呢個泡菜豬肉整得勁好食😍豬肉好入味 啖啖都有泡菜味 少少辣咁 好惹味呢一定會encore的食物

呢間韓國餐廳無做set menu全部都係散叫既純粹同朋友咁岩路經此地又肚餓 想食熱湯飯就入左呢間試下我地叫左兩樣野1）牛肋骨湯（跟一個白飯）2）傳統紫菜卷因為無跟餐飲料關係朋友再叫左一罐可樂我就飲佢地免費提供嘅熱茶個牛肋骨湯賣相真係好麻麻飲落牛骨味唔算好香濃有點失望 因為覺得個湯先係重點但連住牛肋骨既肉食落就都幾香牛味雖然份量唔算好多 得5-6件細細件既食完有啲唔係好夠喉至於個傳統紫菜卷就平平無奇 無咩韓式紫菜卷應有既麻油香但如果純粹想過下紫菜卷癮都可以點既

做完運動跑完步 成個人都好熱 好想食d冰涼的野 但又要飽肚 朋友靈機一觸 就醒起食水冷麵 食過好多尖沙咀韓國人開的水冷麵都不及大埔首爾cafe好食 外間太多的水冷麵都係淡而無味 只是凍冰冰 麵還麵 水還水 清過白開水 但大埔呢間的水冷麵麵汁酸而甜 麵條滑得黎爽 好好味

以前一星期會食一次 但中間再黎食既時候覺得無咁好味 就開始少左黎食但今日忽然又想黎食咁就試下啦點知佢要排隊排左二十分鐘到坐既位都係好逼 不過無所謂啦 佢服務唔錯 特別係舊既短頭髮姐姐不過有一個姐姐應該係新做既 佢比較無咁熟悉個menu依個豬手好食 淋同入味 點既醬好惹味絕對值得試泡菜煎餅 一如既往既水準 脆同惹味海鮮豆腐湯 都係咁好味 每次必叫既芽菜配菜泡菜 覺得泡菜無以前好食 芽菜比以前咸左安東雞 之前無叫過 都唔錯食係唔想食人蔘雞既選擇燉牛肋骨都係每次必點入味同埋佢係好多牛既（比以前多）其實仲有牛肉卷 餃子 同埋香腸泡菜麵（個牛肉卷比較乾 覺得普通個隻最好食）仲叫左枝酒咁樣食6個人都係大約6百蚊到覺得好抵食 抵佢咁多年黎都要排隊！

因為男友ot而冇人陪既我，決定今晚做電燈膽痴住朋友同佢男友一齊搵食，呢間cafe seoul爆滿兼有人等位，即時吸引左我地既目光，揭揭餐牌見到價錢唔貴 (比起其他韓國餐廳)，即管等下位啦!當時係平日既8點半左右，最後只等左10分鐘就入得，因為喺店外已經一早睇好餐牌，所以一坐低就可以即刻落單，而店員亦手腳好快地遞上免費既小菜同茶水，小菜係泡菜同豆芽，隔離枱2個人就一碟，我地3個人就有2碟，幾大方唔孤寒。最先上枱既係泡菜煎餅，三小塊，但佢地加埋係會比其他餐廳既一大塊大，味道唔錯，亦唔油，推薦。已經撈好左先記得影相既石頭鍋飯，上枱時俾埋辣醬同湯，不過我唔係好肯定個湯係跟呢個飯定係其他菜式，冇印象餐牌有寫，個飯表面睇落係全素，但食落會食到少少牛肉碎，我鐘意佢個冬菇唔係切到一絲絲而係一片片，而且飯量都夠多。呢個係蜜糖醬油炸雞，甜度對我黎講甜左少少少少，醬油味唔突出，肉質juicy，食完之後唔會有一種好熱氣既感覺，下次再黎我會試下其他味道。最後既牛肉紫菜卷我地三人一致認為麻麻地，牛肉好un，飯粒乾身偏硬，個卷易散，不過麻油味幾香。呢間餐廳性價比高，大機會encore，多d人一齊食可以嗌多幾款sha

又黎首爾cafe食lunch傳統紫菜包飯 有腸仔，蘿蔔絲、蟹柳係入面，佢仲有好好味既牛肉紫菜包飯嫁～ 不過呢個都好唔錯😊👍🏼泡菜炒飯 飯粒炒得分明，但有少少油係底 哈哈😄，唯有食啲泡菜酸酸地咁減低個罪惡感啦仲有跟湯送添辣炒年糕，個人覺得加上芝士會更好味！不過今次冇加到～ 要趁熱食呀唔係攤凍會硬

大埔cafe首爾性價比真係好高價錢公道啲野又好食，一個足份量甚至飽凸既麵/飯都係$50幾—$70是晚肚餓，去完「街」番黎大埔已好好好累，想吃些又熱又飽肚既飯，最好有埋碗湯個啲一個韓式牛肉飯，連埋湯都係$60幾，一個晚市黎講係超哂值，重點係好食！！！啲牛肉食落甜甜的 應該有調過味。配料如洋蔥、紅蘿蔔絲椰菜絲都甜，整個飯冇好多汁，但就係充滿幸福既感覺 連我呢個醬怪都十分讚賞首爾加埋碗送既熱騰騰海帶湯，好幸福P.s. 首爾既泡菜小碟係做一做二既好味，夠酸有辣！有時係尖沙咀韓國街食到既都冇呢到咁好味！ 仲要可以refill見到上圖兩格都fill哂做泡菜就知咩事P.p.s 首爾其他小食飯麵好好味嫁

呢間韓國料理老板都係韓國人店內位置唔算大 每次去都係會坐滿 所以一般食完就會離開距既泡菜小食 可以任添我最鐘意係泡菜夠爽口 而且唔會切到一條條絲 唔食辣既您 旁邊既芽菜清清地都唔錯既選擇點左泡菜豬肉飯 用鉄板上可以保持溫度 而且豬肉係原身大片 好香口配上清清地既紫菜湯 冇得輸 韓式炒粉絲 味道唔會太鹹 而且唔會太滯海鮮泡菜餅 份量唔算多 3片 但兩個正餐加埋呢個小食已經好飽啦上菜時間唔會好耐 服務員都快手 價錢上都好合理 平均55蚊左右 性價比高

又係星期六晚上，岀街揾野食既時間，今次黎到以前人地話美食沙漠既大埔，不過而家已經唔係啦，係天堂呀！好多餐廳性價比都超強的。泊低車就四圍睇睇有咩抵食啦，間間都因為我地太早，未有好多人，所以好難揀呀，多人就易啦，一定係抵食hahahah 最後揀左食韓國野，唔係燒肉，係普通地道野食。我地叫左一個烤牛肉湯麵同一個牛骨泡菜湯麵。烤牛肉就係普通公仔麵啦，但係另外一個個牛骨湯底就幾好味：） 最重要係好抵食，埋單只係百幾咋，兩碗都好大碗呀。

大埔韓國餐廳我諗呢一間應該算係開得最耐最有歷史既一間，印象中都有十年以上，每次都係為水冷麵而來，佢連舊冰都係用個汁黎雪。唔怕溶左後整淡個味。另外泡菜煎餅都係值得推介，煎得好香脆。另外佢都有做炸雞，份量都好大，cp值都幾高

成日都會周圍去試唔同嘅韓國菜餐廳，呢間係大埔比較多人食，吸引左入去試下！炒粉絲 - 材料同出面食嘅炒粉絲大同小異，都係有洋蔥，菜，紅蘿蔔絲，雲耳，牛肉等等……味道甜甜地幾得意，粉絲軟硬適中韓國豬手 - 呢個有少少失望，味道似周街食到嘅滷水味，點醬會好食啲，不過唔食得辣嘅話個醬會偏辣煎蔬菜餅 - 呢個有驚喜，煎到香脆內軟，味道好香口好好食，唯獨餡料除左蔬菜外仲有少量八爪魚粒，醬汁鹹鹹地，個人認為可點可唔點泡菜麵 - 材料有泡菜同香腸，泡菜有啲辣，麵質唔會太淋，彈牙得嚟又唔會硬，唔似辛辣麵嘅麵質，好食

首爾係大埔都好有名氣～ 假日都座無虛席 我想原因是價錢合理質素又保持到吧～嗌左呢個無骨甜辣炸雞，份量好多～ 兩個人係絕對夠食的炸皮薄 唔似出面咁厚粉，驚喜係入面大肉汁！整體唔錯