Cafe首爾

营业中

休息中

韓國人開嘅首爾Cafe第一次去呢間位於太和嘅Cafe食韓國野鋪頭座位位置唔多但係勝在食物價錢比較大眾化我同朋友點左一份人蔘雞湯(半隻)韓式牛肉拌飯同埋一個韓式豆腐鍋人蔘雞煲味道比較濃郁雞肉都幾入味兩個人食一個都飽飽地呢個雞煲相當足料半隻鮮雞，味道新鮮，雞肉軟熟個鍋個底部有一啲泡飯，連埋湯食一流食落都幾好味另外個韓式牛肉拌飯牛肉味道濃郁入味份量正常不過有d涷，唔夠熱份量ok最後嗰個韓式豆腐鍋豆腐份量比較多，都幾足料大約有兩磚豆腐豆腐鍋底部有一啲蒸蛋，硯肉配合埋個韓式泡菜湯撈飯送飯一流！最後對呢間餐廳嘅食物都幾滿意因為可能本身呢間餐廳係有韓國人開嘅所以喺度食嘅食物嘅味道都同喺韓國食嘅都冇乜大分別不過因為店舖嘅座位比較少可能會坐得比較迫不過整體來講食物質素同價錢都幾好值得再去！

大埔翠怡花園這一帶，食肆愈開愈多而且種類繁多，要找間好吃兼性價比高的餐廳一點也不難，久而久之，這家開得比較耐的「首爾」已經有一段時間沒來了～今天寶寶心血來潮，竟然說想吃韓式紫菜卷，所以我們就來了😆 這家餐廳應是韓國人開的，因為廚師們在廚房聊天的時候說的都是韓語🤣，而且同場也有兩台韓國人正在用餐🤓。我們今天點了：韓式炒年糕加炸餃（$45+$8 ）、傳統紫菜卷（ $42）、韓式炒粉絲（ $45 ）。韓式炒粉絲配料非常豐富，有紅蘿蔔絲、青蔥、洋蔥、黑木耳、芝蔴、牛肉，令賣相相當吸引，當然不只是賣相吸引，味道也很不錯，更值得一讚的是這個炒粉絲一點也不油膩👍🏻。這炒年糕的味道很像我在韓國旅行時吃的地道炒年糕，吃到辣味但不至於辣得要瘋狂喝水。魚片及年糕也很入味，年糕口感煙韌，但炸餃略嫌太細粒。紫菜卷配料也很多，有雞蛋、青瓜、蟹柳、豬肉、紅蘿蔔和黃蘿蔔，口感非常豐富，紫菜卷上面的芝麻令紫菜卷入口時添了幾分芝麻香😋。簡簡單單又享受了一頓既平凡又美味的午餐了！

不知道吃什麼，見餐廳幾乎滿座，好像很好吃的樣子，便進去試一試我們叫了 香脆泡菜煎餅，韓式石頭飯加牛肉，韓式芝士烤雞肉坐下一會兒，侍應先上了些泡菜和芽菜，正正常常冇特別，可以refill的。泡菜煎餅份量多，煎得幾香脆，煎餅厚薄適中，泡菜味重，有一點點辣，點一些醬汁更好吃。不過略嫌油膩，整個碟底都是油這個石頭鍋飯配料豐富，不過加牛肉要另加$8，裡面有香菇，紅蘿蔔絲，菠菜，豆芽，泡菜，和雞蛋～ 石頭飯附帶了碗紫菜湯。紫菜湯味精重，喝完很口乾。石頭鍋飯熱騰騰的，先擠些韓國辣椒醬，再把生蛋黃弄開，蛋液隨之流出，將所有配料攪拌一起，大口地吃一口飯，正裡面有飯焦，不過我不愛吃飯焦哈哈食雞啊超大盤雞啊，滿滿邪惡的芝士蓋滿雞上和椰菜上。不過真的很油啊，吃到三份一已經超飽濟，盤下面超多油呢。芝士雖然多，但芝士味不算很香濃，都有些拉絲效果的，至於雞肉是沒有骨的，應該用了雪藏雞柳，沒有一點雞肉味，肉質一般，不嫩但也不至於乾身。但整盤雞的口感味道單調，都是一般韓國辣醬味啦不過價錢便宜，是做街坊生意的，但不要太高期望是正宗而好吃的韓國餐～

嗰頭附近好似冇乜韓國菜館，只得呢一間，咁入去試吓啦，叫咗個傳統紫菜卷，我覺得一般，因為個紫菜卷嘅飯係暖嘅，感覺好奇怪再叫左個韓式人蔘雞湯，個湯味道幾甜，雞肉都好多，但可惜冇咩人蔘味！

朋友介紹食呢間韓食，由小店經營到開分店，好多大埔人都識呢間餐廳。我同朋友點了兩個主食加一個小食，$147冇加一，又食得飽。一坐落就有兩款泡菜奉上，仲有蘿蔔湯。我想讚下個湯，店家一d都唔孤寒，放好多蘿蔔係湯，仲加咗d蔥碎，清甜美味，正!泡菜豬肉飯 - 是邪惡的豬腩肉啊! 辣度適中，泡菜、辣醬同腩肉炒埋，d醬汁剛好黏住肉，又夠入味，煮得恰到好處。韓式雞肉拌飯 - 足料份量夠，加埋靈魂辣醬，就係我想要的韓國風味啦! 呢個拌飯係好食wor!芝士炒年糕 - 好多芝士，普普通通啦，不過要讚下店家加咗d魚片，唔使淨食年糕咁齋。掂呀! 下次再幫趁!

在香港光顧過不少韓國餐館, Cafe首爾算是其中一家最接近韓國本地味道的餐館。韓國人老闆會一點點廣東話, 落單完全無問題, 食物是韓國阿豬媽準備, 店內也有其他店員, 在狹窄的小店內人多之時實在好不熱鬧。由於店小地方淺窄, 特別是晚飯時間, 吃罷亦不會久坐。是晚二人晚餐點了牛肉紫菜卷, 原味炸雞, 炆牛肋骨 (附白飯一碗)。先來牛肉紫菜卷, 味道不會太濃, 亦不會鬆散, 是新鮮做好的。原味炸雞是無骨的雞肉, 新鮮炸好上菜時有點熱, 但不是炸雞專門店那種類型, 配上酸蘿蔔也是很惹味。這裡的湯絕對是正宗韓國口味, 這道炆牛肋骨雖說是炆, 但也有很好多湯汁 (另有一款是牛肋骨湯, 那是真正的湯) 。牛肋炆得軟而不老, 紅白蘿蔔都非常入味。朋友在推薦下來吃過的都覺得這小店的食物質素比什麼韓國街高出很多, 二人晚餐不到200元, 以這水準絕對是超值。

突然想食韓國野，以前返工有去開韓國餐廳食野，近近地去下這間首爾餐廳食。58元叫左個烤牛肉飯食，質素唔好，牛肉唔系烤的，系滾熟加上飯到，無味，又鞋。大快活的咖啡牛肉飯先42元，好食好多。傍晚6點幾去，照計都晚市，間野氣氛好差，無韓國歌聽，正系有部手機系到播大陸舊歌。完全唔似系到食緊韓國餐，只系食緊比吉野加難食的牛肉飯。58元唔系咩錢，但咁的品質真系唔好。唔會再食。其實自己煮好得多。只要系咁以識煮下飯都好食這8出面。

飯卷用紫菜包內餡有蟹柳，火腿，紅蘿蔔絲，青瓜外灑上炒香的芝麻。很好吃啊、烤牛肋骨，沒肉味，肉質可以，醬汁較甜。芝士炒年糕味道可以夠芝士醬汁軟甜魚蛋，這裡交通方便，價錢優惠

呢排唔知點解好中意食韓國野, 最近同朋友去大埔行街經過呢間餐廳就一於試下.呢個係叫Kimbap🙈 入面既餡料好豐富,如果可以再結實d就好啦!!!!!!!!!        

又係落雨天，今日晏左起身，約埋朋友就急急腳搵地方醫肚，見呢間冇咩人又有位，就入左去試入到去店員安排好我地坐邊，比埋茶我地。甘我地就揀左三樣野一齊share 食。嗌完野食，店員好快手甘比左d 碗同前菜我地d 野食都幾快到，5-10分鐘就到左。呢個係原味炸雞，夠熱，但炸粉多左少少，雞就比較細舊，味道唔咸，點埋個醬食，都幾好食既。呢個蟹子紫菜卷，佢有好多蟹子，賣相不錯，但係d 紫菜太林，咬唔開既。到呢個牛肉湯，夠熱，牛肉唔"鞋"，但係個湯太甜同多油，搞到冇飲到個湯，只係食d 料。仲有個白飯，有好多飯蕉，唔明點解白飯都可以有飯蕉係入面，仲要係啡啡地色，唔係普通平時乾左個種飯蕉。有d 失望店員既服務唔差既，搵佢地落單都即時有反應，係我地食緊個時會幫下我地加下茶呀，幾好，但野食真係改善下會好d.

漢城與沉沒了剩低首爾。 代表了並無什麼至死不渝。這間餐廳又開張至今看着排隊的人龍人山人海，直到現在周末的午飯時間有沒有人。經過的時候我也有一絲想着，會不會中伏？不過最後都有。。。。好可惜食物水準真係一落千丈，而且侍應嘅員工服務態度亦都好差。亦都因為咁樣令到已經唔係好出色嘅食物，更加大打折扣。好簡單一啲韓式嘅炸雞， 完全唔熱。食物冇乜味道，而且炸雞太太太太硬，完全咀嚼不了如果呢一間店舖最終倒閉我認為都係值得嘅因為可以騰空返呢一個店舖開其他食店我覺得而家大埔嘅居民對於韓國嘅食品已經過咗嗰個熱潮倒不如開一啲泰國嘅餐廳？

此店食物不錯，唯獨有一名貌醜的矮少女員工，本人聲稱之貌醜，並非真正與其相貌有關，而是此人態度惡劣，黑口黑面，大聲呼喝顧客, 本人希望此店的老闆想一想，食物多好味也沒有用，因為如果有此等惡劣員工，要一直幫你趕客

呢排愛上左食韓國菜 之前食過附近一間都係食koreanfood嘅charm 今次就想試試呢間compare下***傳統紫菜卷 $42呢個kimbap太過鬆唔結實 基本上一食即爛 不過餡料係足嘅 有青瓜醃蘿蔔火腿雞蛋蟹柳 普普通通咁啦***韓式石頭飯 $57呢個石頭飯一上係熱辣辣唔錯嘅 仲可以加8蚊追加肉(牛豬雞) 但我就冇加到😂 有菠菜蘿蔔芽菜冬菇 仲記得上次食charm係有一隻煎蛋但今次呢間就係俾生蛋 味道一般 不過有碗湯送埋

受身邊朋友影響 迷上了韓國菜，一於去首爾試下。鋪頭唔算太大，大約只能容納30人。價錢都合理，野食好地道，份量算大。我的熱愛韓國的食家朋友都讚好！我點了石鍋飯，牛肉飯卷，炒粉絲同炒年糕～不錯不錯，可以一試～

今日做完嘢同老公去咗太和買些東西見差不多六點行過對面翠怡睇吓有咩食見到這韓國菜就決定在這裡吃完晚餐至揸車返屋企！入到去地方很細剛巧員工正在吃飯聽到他們廣東話夾雜韓話心想食物應該正宗。店員送上兩杯熱茶和泡菜。然後叫了一個雞肉飯（午餐）、芝士炒年糕「走辣」、烤牛肋骨、正宗飯卷和午餐加十元一罐的韓國梨汁。雞肉飯跟湯送上味道頗辣味道不錯。飯卷用紫菜包內饀有蟹柳、火腿、紅蘿蔔絲、青瓜外灑上炒香的芝麻。很好吃！烤牛肋骨無甚肉味，肉質oK醬汁較甜。芝士炒年糕味道可以夠芝士醬汁軟甜魚旦片無咩味道。以這個價錢吃到這水準個人認為值得。